ទ្រី សុភី Try Sophy

ក្នុងនាមគណៈកម្មាការរៀបចំដែនដី នគរូបនីយកម្ម និងសុរិយោដីថ្នាក់ជាតិ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវគោលការណ៍ចុះបញ្ជីដីរដ្ឋដែលនៅសេសសល់ជាចាំបាច់ ដើម្បីឈានទៅគ្រប់គ្រងដីរដ្ឋឱ្យបានពេញលេញ ។ ជាមួយគ្នានេះ លើការងាររៀបចំដែនដី យើងត្រូវមើលទីក្រុងជារួម ដោយមិនត្រូវមើលតែបំណែកណាមួយរបស់ក្រុងដើម្បីរៀបចំក្រុងនោះទេ ដោយប្រែក្លាយទីតាំងសក្តានុពលនៅតាមក្រុងនីមួយៗទៅជាសូននិងលំហសាធារណៈ ដែលសម្រេចបានទាំងការអភិរក្ស និងការប្រើប្រាស់ ក្នុងនោះ ការគិតគូររៀបចំទីក្រុង ៤ នៃខេត្តទាំង៤ របស់កម្ពុជា ដែលអាចយកមកគិតគូរ រួមមាន៖ ១. ក្រុងដូនកែវ ខេត្តតាកែវ៖ ជាទីក្រុងទឹកជាប្រភពទឹកដ៍សំខាន់ ដូចជាបឹងតាកែវ និងព្រៃលិចទឹក ដែលនោះជាលំហសាធារណៈ និងជាមរតកពីធម្មជាតិ ២. ក្រុងសិរីសោភ័ណ ខេត្តបន្ទាយមានជ័យ៖ មានស្ទឹងសេរីសោភ័ណ ភ្មំជញ្ជាំង ភ្នំបាក់ ភ្នំខ្លាកូន ភ្នំកងវ៉ា ភ្នំស្វាយ ជាលំហសាធារណៈធម្មជាតិដ៍ស្រស់បំព្រង ៣. ក្រុងព្រះវិហារ ខេត្តព្រះវិហារ៖ មានភ្នំត្បែង ទំនប់៩៥ ស្រះឈូក និងស្រះសង់ដាកើយ ដែលជាលំហធម្មជាតិ ជាឧទ្យាន និងជាតំបន់អភិរក្ស ៤. ក្រុងកំពង់ឆ្នាំង ខេត្តកំពង់ឆ្នាំង ៖ មានភ្នំនាងកង្រីជាសម្បត្តិបេតិកភណ្ឌដ៍មានតម្លៃ បឹងធំ ប្រព័ន្ធអាងទឹកខ្សាមដែលជាតំបន់អាងស្តុកទឹកធម្មជាតិ និងតំបន់ពាណិជ្ជកម្មទេសចរសួនសម្តេចចៅហ្វាវាំង គង់ សំអុល ជាលំហសាធារណៈដ៍សំខាន់ កិច្ចប្រជុំផ្ទៃក្នុង ណែនាំការងារចុះបញ្ជីដីរដ្ឋ និងការងារផែនការរៀបចំក្រុង ទូទាំងប្រទេស ២៧ កក្កដា ២០២៦ #ការបង្កើតនូវបរិយាកាសគ្មានវិវាទ #ចុះបញ្ជីដីបង្ហើយ #បញ្ចប់វិវាទដីធ្លី #សេវាគាប់ចិត្ត #រមណីយដ្ឋានបេតិកភណ្ឌពិភពលោកអង្គរ #បឹងទន្លេសាប #ដោះស្រាយវិវាទបុរី #ក្រសួងរៀបចំដែនដីនគរូបនីយកម្មនិងសំណង់ #MLMUPC Join MLMUPC News 🌐 Website 🌐 Facebook 🌐 Youtube 🌐 Tiktok