ទ្រី សុភី Try Sophy

ក្រសួងរៀបចំដែនដី នគរូបនីយកម្ម និងសំណង់ បាននិងកំពុងគិតគូរលើការរៀបចំឱ្យមានឧបករណ៍គតិយុត្តិគ្រប់គ្រាន់ដើម្បីធានានូវដំណើរការក្នុងវិស័យរៀបចំដែនដី នគរូបនីយកម្ម និងសំណង់ ផ្អែកលើគោលការណ៍រួមរបស់សង្គមជាតិយើង។ សូមគូសបញ្ជាក់ថា ក្រសួងរៀបចំដែនដី នគរូបនីយកម្ម និងសំណង់ បានរៀបចំលិខិតបទដ្ឋានគតិយុត្តដែលបានអនុម័ត និងអនុញ្ញាតដាក់ឱ្យប្រើប្រាស់រួចពាក់ព័ន្ធនឹងវិស័យសំណង់ សរុបចំនួន ៦៥ រួមមាន៖ - ច្បាប់ស្តីពីសំណង់ - អនុក្រឹត្យ ចំនួន ១០ - ប្រកាសអន្តរក្រសួង ចំនួន ០៥ - ប្រកាស ចំនួន ៣៤ - សារាចរ ចំនួន ០៤ - សេចក្តីសម្រេច ចំនួន ០៧ - សេចក្តីណែនាំ ចំនួន ០១ - គោលការណ៍ណែនាំ ចំនួន ០១ - សៀវភៅណែនាំ ចំនួន ០៦ សម្រាប់គោលនយោបាយ ផែនការយុទ្ធសាស្ត្រ លិខិតបទដ្ឋានគតិយុត្ត គោលការណ៍ណែនាំ បទដ្ឋាន និងបទប្បញ្ញត្តិបច្ចេកទេស ដែលបានព្រាងចប់ កំពុងព្រាង និងគ្រោងរៀបចំ ក្នុងវិស័យសំណង់ សរុបរួមចំនួន ១៦៥ ទៀត។ (ឯកសារពាក់ព័ន្ធទាំងអស់ខាងលើ មាននៅក្នុង QR Code ភ្ជាប់មកជាមួយ) https://tinyurl.com/jytwn82z ជាមួយគ្នានេះ ក្រសួងក៍បានពិនិត្យ និងពិភាក្សាលើផែនការនីតិកម្ម និងការវាយតម្លៃផលប៉ះពាល់នៃលិខិតបទដ្ឋានគតិយុត្តិ ក្នុងវិស័យរៀបចំដែនដី នគរូបនីយ និងសំណង់ផងដែរ។ កិច្ចប្រជុំផ្ទៃក្នុងពិនិត្យលើសេចក្ដីព្រាងលិខិតបទដ្ឋានគតិយុត្តិលើវិស័យរៀបចំដែនដី នគរូបនីយ និងសំណង់។ ១ កញ្ញា ២០២៦ #ក្រសួងរៀបចំដែនដីនគរូបនីយកម្មនិងសំណង់ #MLMUPC Join MLMUPC News 🌐 Website 🌐 Facebook 🌐 Youtube 🌐 Tiktok