Ethio-Italy Polytechnic College (Dire Dawa)

የጅጅጋ ፖሊቴክኒክ ኮሌጅ አመራሮችን ያቀፈ ልዑካን ቡድን በኢትዮ-ጣሊያን ፖሊቴክኒክ ኮሌጅ የስራ ልምድ ልውውጥ ጉብኝት አካሄደ፡፡ #EIPC ጳጉሜ 4.2018 ዓ.ም ድሬዳዋ የጅጅጋ ፖሊቴክኒክ ኮሌጅ አመራሮችን ጨምሮ በአካባቢው የሚገኙ ኢንዱስትሪዎችን ያካተተ የልዑካን ቡድን በኮሌጃችን ያለውን የስራ እንቅስቃሴ ለመመልከት እንዲሁም በEASE ፕሮጀክት ትግበራ ያለውን ተሞክሮ ለመውሰድ የሚያስችላቸውን የስራ ልምድ ልውውጥ በኮልጁ ማካሄድ ችለዋል:: ልዑካን ቡድኑ በኮሌጃችን በነበረው የልምድ ልውውጥ መርሃ-ግብር ወቅትም የኢትዮ-ጣሊያን ፖሊቴክኒክ የEASE ፕሮጀክት ትግበራን ጨምሮ ጠቅላላ በተቋም የተመዘገቡ የአፈፃፀም ውጤቶችን በዝርዝር የተመለከቱ ሲሆን በተጨማሪም ኮሌጁ ከምስረታው አንስቶ አሁን እስከደረሰበት ደረጃ የነበረውን ሂደት እና ያከናወናቸውን ዘርፈ ብዙ የለውጥ እንቅስቃሴዎችን በኮሌጁ ዲን አቶ ታደለ አሰፋ እንዲሁ በEASE ፕሮጀክት አስተባባሪ ኢንጂነር ፋሲል ማዘንጊያ አማካኝነት ሰፋ ያለ ገለፃና ማብራሪያም ተደርጎላቸዋል:: ልኡካን ቡድኑ በኮሌጁ በተደረገላቸው አቀባበልና በተመለከቱት የኮሌጁ እንቅስቃሴ መነሻ በማድረግ የኢትዮ-ጣሊያን ፖሊቴክኒክ ኮሌጁ እያከናወናቸው የሚገኙ ዘርፈ ብዙ የስራ እንቅስቃሴዎች አስደናቂ መሆናቸውን ጠቅሰው በዚህም በቀጣይ በተለያዩ ጉዳዮች ላይ ከኮሌጁ ጋር አብሮ የመስራት ፍላጎት እንዳላቸው ገልፀዋል:: በተጨማሪም ልኡካን ቡድኑ በኮሌጁ የሚገኙ የተለያዩ የስልጠና ዎርክ ሾፖችን ጨምሮ ከኮሌጁ ጋር በቅንጅት የሚሰሩ ኢንዱስትሪዎችን ተዘዋውረው የተመለከቱ ሲሆን በነበራቸው የልምምድ ልውውጥ መርሃ-ግብርም የተሳካ ቆይታን በኮሌጃችን ማድረግ ችለዋል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

"በክህሎት የዳበረ ዜጋ ለሀገር እድገትና ኢኮኖሚያዊ ለውጥ" በኮሌጁ ላለፉት ወራት ሲሰጥ የቆየው የክረምት የክህሎት ስልጠና ተጠናቀቀ:: #EIPC ነሃሴ 28.2018 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ በክረምቱ "አንድ ሙያ ለአንድ ዜጋ" በሚል መሪ ቃል ለአስተድደሩ ወጣቶች ሲሰጥ የቆየውን የክህሎት ስልጠና በማጠናቀቅ የማጠቃለያና መርሃ-ግብር አካሂዷል:: በመድረኩ የክረምት የሙያ ስልጠናቸውን ተከታትለው ላጠናቀቁ ወጣቶች የእንኳን ደስ አላችሁ መልዕክት ያስተላለፉት የኮሌጁ የውጤት ተኮር ትምህርትና ስልጠና ሀላፊና ም/ል ዲን የሆኑት አቶ ኤሊያስ አህመድ ሲሆኑ ወጣቶች በክረምት የክህሎት ስልጠና ሂደት ውስጥ ስለ ቴክኒክና ሙያ ዘርፍ ያለውን ነባራዊ ሁኔታ የተረዱና በቂ ግንዛቤ ያገኙ በመሆኑ በቀጣይ ዘርፉን ምርጫቸው እንዲያደርጉ መደላድል የፈጠረ ስልጠና እንደነበርም ገልፀዋል:: የክረምት "የአንድ ሙያ ለአንድ ዜጋ" ስልጠና ወጣቶች ባላቸው ዝንባሌና በመረጡት ሙያ ዘርፍ ሰልጥነው የሙያ ባለቤት ከመሆን በተጨማሪ ለቀጣይ መንገዳቸው መሰረት የጣሉበት ውጤታማ ስልጠና እንደነበር የገለፁት ደግሞ በኮሌጁ የቴክኖሎጂ ሽግግርና ኢንዱስትሪ ኤክስቴሽን አገልግሎት ሀላፊና ም/ል ዲን የሆኑት አቶ ተሾመ ሸዋዬ ሲሆኑ ለዚህ ስልጠና መሳካት የዲፓርትመንት ተጠሪዎች፣ አሰልጣኝ መምህራና አስተባባሪዎች ያለባቸውን ጫና ተቋቁመው የክረምት ስልጠናው በተሳካ ሁኔታ እንዲጠናቀቅ ያስቻሉ በመሆኑ ምስጋናም አቅረበዋል:: በእለቱ በተካሄደው ማጠቃለያ መድረክ በኮሌጁ ሲሰጥ የቆየውን የክረምት ክህሎት ስልጠና ተከታትለው በብቃት ላጠናቀቁ ወጣቶች በኮሌጁ ሀላፊዎች የእውቅና ሰርተፊኬት ተበርክቶላቸዋል:: በ2018ዓ.ም የክረምት ሙያ ስልጠና መርሃ ግብር በ7 ዲፓርትመንቶችና 9 የሙያ አይነቶች.... 1, በኤሌትሪክ መስመር ዝርጋታ 2, በኤሌክትሪካል/ኤሌክትሮኒክስ 3, በምግብ ዝግጅት 4, በመሰረታዊ ኮምፕዩተር 5, በአውቶ ኤሌክትሪክ 6, በአውቶ መካኒክ 7, በጂፕሰም 8, በውድዎርክ 9, በኢንተርፕሩነርሺፕ...... ለ129 ወንድ እና ለ114 ሴት በድምሩ ለ243 ሰልጣኝ ወጣቶችን በኮሌጁ በማሰልጠን የክህሎት ባለቤት ማድረግም ተችሏል::

የደብረ ታቦር ፖሊቴክኒክ ኮሌጅ አመራሮችን ያቀፈ ልዑካን ቡድን በኢትዮ-ጣሊያን ፖሊቴክኒክ ኮሌጅ የስራ ልምድ ልውውጥ ጉብኝት አካሄደ፡፡ #EIPC ነሃሴ 20 .2018 ዓ.ም ድሬዳዋ የኢትዮ-ጣሊያን ፖሊቴክኒክ ኮሌጅ በዘርፉ ባሳየው ከፍተኛ የስራ አፈፃፀምና መነቃቃትን ጨምሮ አጠቃላይ በኮሌጁ ባስመዘገባቸው ተጨባጭ ውጤቶች ጋር ተያይዞ በርካታ ኮሌጆች ተቋማችንን መዳረሻቸው እያደረጉ የሚገኙ ሲሆን በዚህም የደብረ ታቦር ፖሊቴክኒክ ኮሌጅ ዲኖች ጭምሮ የተለያዩ የስራ ሀላፊዎችን ያካተተ የልዑካን ቡድን በኮሌጃችን ተገኝተው የስራ ልምድ ልውውጥ ማካሄድ ችለዋል:: ልዑካን ቡድኑ በኮሌጃችን በነበረው የልምድ ልውውጥ መርሃ-ግብር ወቅት የኢትዮ-ጣሊያን ፖሊቴክኒክ በEASE ፕሮጀክት ጨምሮ ጠቅላላ የተቋም አፈፃፀም በዝርዝር የተመለከቱ ሲሆን በተጨማሪም ኮሌጁ ከተመሰረተበት ጊዜ አንስቶ አሁን እስከደረሰበት ደረጃ የነበረውን ሂደት እና ያከናወናቸውን ዘርፈ ብዙ የለውጥ እንቅስቃሴዎችን በኮሌጁ ዲንኖች እና EASE ፕሮጀክት አስተባባሪ አማካኝነት ሰፋ ያለ ገለፃና ማብራሪያም ተደርጎላቸዋል:: ልኡካን ቡድኑ በኮሌጁ በተደረገላቸው ገለፃና በተመለከቱት የኮሌጁ እንቅስቃሴ መነሻነት በነበረው ማጠቃለያ ውይይትም የኢትዮ-ጣሊያን ፖሊቴክኒክ ኮሌጁ እያከናወናቸው በሚገኘው ዘርፈ ብዙ የስራ እንቅስቃሴዎች አስደናቂ መሆናቸውን ገልፀው በተለይም ኮሌጁ በEASE ፕሮጀክት አተገባበር ላይ ያሳየው የላቀ አፈፃፀም በሌሎች አቻ ኮሌጆችም ጭምር ሞዴል ተደርጎ እንዲታይ ያስቻለው መሆኑንም ገልፀዋል:: በተጨማሪም ልኡካን ቡድኑ በኮሌጁ የሚገኙ የተለያዩ የስልጠና ዎርክ ሾፖችን ተዘዋውረው የተመለከቱ ሲሆን በነበራቸው የልምምድ ልውውጥ መርሃ-ግብርም የተሳካ ቆይታን ማድረግ ችለዋል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

#ዜና| አድራ ኢትዮጵያ ለ250 የድሬዳዋ ወጣቶች የሥራ ዕድልና የክህሎት ሥልጠና የሚያመቻች አዲስ ፕሮጀክት ይፋ አደረገ የአድራ ኢትዮጵያ ፕሮጀክት ከወንጌላዊት ቤተክርስቲያን መካነ ኢየሱስ የልማትና ማኅበራዊ አገልግሎት ኮሚሽን እና ከኢትዮ-ጣልያን ፖሊቴክኒክ ኮሌጅ ጋር በመሆን ከባለድርሻ አካላት ጋር የሥራ ማስጀመሪያ ውይይት አካሂዷል። አድራ ኢትዮጵያ እና አድራ ጀርመን ከድሬዳዋ አስተዳደር ሥራና ክህሎት ቢሮ ጋር በመተባበር የቀረጹት ይህ ፕሮጀክት፤ በከተማዋ ለሚገኙ ሥራ አጥ ወጣቶች የሥራ ዕድል ፈጠራንና ራሳቸውን እንዲችሉ የሚያስችሉ ተግባራትን ለማከናወን ያለመ ነው። ከአድራ ኢትዮጵያ ጋር የተጀመረው አጋርነት ባለፉት ዓመታት ላቅ ያለ ውጤት ማስመዝገቡን ያስታወሱት የድሬዳዋ አስተዳደር ሥራና ክህሎት ቢሮ ዋና ኃላፊ አቶ ሮቤል ጌታቸው፤ ለአሁኑ ወጣቶች የተሻለ ዕድል ለመፍጠር ፕሮጀክቱ ለሦስት ዓመት ተኩል ቆይታ እንደሚያደርግ ገልጸዋል። ይህ ፕሮጀክት በቆይታው ወጣቶችን በቀጥታ ተጠቃሚ የሚያደርግና ተጨባጭ ውጤት የሚመዘገብበት እንደሚሆንም ኃላፊው እምነታቸውን ገልጸዋል። አቶ ሮቤል አክለውም አድራ ፕሮጀክት በተለይም የወጣቶችን አቅምና ችሎታ በማሳደግ፣ በሥራና ማኅበራዊ ልማት እንዲሁም በአረንጓዴ ክህሎት ልማት ላይ ትኩረት አድርጎ የሚሠራ ተቋም መሆኑን አስታውቀዋል። በዚህ የዲጂታል ቴክኖሎጂ ዘመን ወጣቶችን በማሰልጠን በአገር አቀፍ ደረጃ አንድ ሺህ፣ በድሬዳዋ ደግሞ 250 ወጣቶችን ወደ ሥራ ዓለም ለማስገባት መታቀዱን የአድራ ኢትዮጵያ ፕሮግራም ዳይሬክተር ዶክተር ዘሪሁን አዋኖ ገልጸዋል። ፕሮጀክቱ ወጣቶች ራሳቸውን እንዲችሉና ማኅበረሰባቸውን እንዲጠቅሙ የሚያስችል የክህሎት በረከት የሚያስገኝ መሆኑንም አመላክተዋል። የኢትዮጵያ ወንጌላዊት ቤተክርስቲያን መካነ ኢየሱስ የልማትና ማኅበራዊ አገልግሎት ኮሚሽን ፕሮግራም ዳይሬክተር አቶ ቢቂላ አባያ በበኩላቸው፤ ሥልጠናው ወጣቶችን በአረንጓዴና ዲጂታል ክህሎት በማቅናት ከሥራ ፈላጊነት ወደ ሥራ ፈጣሪነት እንዲሸጋገሩና ራሳቸውን እንዲደግፉ ትልቅ እገዛ የሚያደርግ መሆኑን አስገንዝበዋል። #DireTvአማርኛ | ነሐሴ 20 ፥ 2018 ዓ.ም | ድሬዳዋ ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/

ለአስተዳደሩ ስራ አጥ ወጣቶች የህይወት ክህሎት ስልጠና ተሰጠ:: #EIPC ነሃሴ 12.2018 ዓ.ም ድሬዳዋ ኤስ.ኦ.ኤስ(SOS) አፍሪካን ቪሌጅ ድሬዳዋ ቅርንጫፍ ከኢትዮ-ጣሊያን ፖሊቴክኒክ ኮሌጅ ጋር በመተባበር ከአስተዳደሩ ወረዳዎች ለተወጣጡ ስራ አጥ ወጣቶች የህይወት ክህሎት ስልጠና ተሰጥቷል:: ኤስ.ኦ.ኤስ(SOS) አፍሪካን ቪሌጅ ከአስተዳደሩ ወረዳዎች ለተወጣጡ ስራ አጥ ወጣቶች የተለያዩ የሙያ ስልጠዎችን በማሰልጠን ከስራ ጋር ለማስተሳሰር ያለመ ፕሮግራም በመንደፍ በኮሌጁ ስልጠና እየሰጠ የሚገኝ ሲሆን የህይወት ክህሎት ስልጠናውም የዚሁ መርሃ-ግብር አካል መሆኑም ተገልፇል:: ለተከታታይ ሶስት ቀናት በኢትዮ-ጣሊያን ፖሊቴክኒክ ኮሌጅ ለስራ አጥ ወጣቶች የተሰጠው የህይወት ክህሎት ስልጠና በኮሌጁ አሰልጣኝ መምህራን አማካኝነት የተሰጠ ሲሆን በስልጠናውም ወጣቶች የቀጣይ ህይወታቸውን የመምራት ክህሎት፣ችግሮችን የመፍታት ክህሎት እንዲሁም የውሳኔ አሰጣጥ ክህሎቶችን የሚያዳብሩበት ስልጠና ያገኙበት እንደነበርም ተገልፇል:: ተጨማሪ መረጃዎችን በሚከተሉት አማራጮች ያግኙ፡- በፌስቡክ -https://www.facebook.com/share/19wDiZAD7x/?mibextid=wwXIfr በቴሌግራም -https://t.me/EIPC2001 በቲክቶክ -https://www.tiktok.com/@ethioitaly2001?_t=ZM-90MxIrBN8qe&_r=1 በዌብሳይት - https://ethioitalypolytechniccollege.com/