1001 Tech

المباراة الاخيرة من دوري المجموعات اذا تأهلنا كاين هدايا اخرى 😍جماعة لي عندهم جازي، تقدر تستافد من إنترنت باااطل باستعمال QR Code الموجود فالصورة. العرض صالح لمدة 5 ساعات، ويقدر يفيدك بزاف إذا حبيت تشوف الماتش ولا كاش ما تيليشارجي ولادبر راسك العملية بسيطة:اسكاني المود يدخلك لتطبيق جازي واكتيفيها وبصحتك فقط واش راك خاسر اسكاني واربح 🔥😍⁩

من بين التقنيات الجديدة اللي شفناها مؤخراً في عالم التلفزيونات، كاين توجه واضح نحو جيل جديد من الشاشات، واللافت أن هاذا الأسبوع علامة ايريس دخلت هي كذلك على هاذ الخط بتقنيات متطورة كيما QD-MiniLED، RGB MiniLED، SQD-MiniLED وحتى Micro LED ارواح نشرحلك كل تقنية: أول تقنية هي QD-MiniLED، واللي تعتمد على دمج Quantum Dots مع MiniLED. هنا الفائدة التقنية هي رفع دقة الألوان مع سطوع عالي يقدر يفوت 2000 nits، إضافة إلى أكثر من 1000 Local Dimming Zones للتحكم في الإضاءة الخلفية. هذا يعني blacks أعمق، contrast أعلى، وتفاصيل أوضح حتى في المشاهد المعقدة بزاف. بعدها كاين RGB MiniLED، وهنا الفرق كبير تقنياً: بدل MiniLED التقليدي اللي يخدم بإضاءة بيضاء ويمر عبر فلاتر لونية، هنا كل MiniLED يقدر يخرج الاحمر, الاخضر & الازرق مباشرة. النتيجة هي تقليل ضياع الضوء، تحسين دقة الألوان، وتقليل مشاكل كيما الـ halo والـ color shifting. المستوى الأعلى اللي قدمته IRIS هو SQD-MiniLED (Super Quantum Dots + MiniLED)، وين زادت تحسينات في الفلترة البصرية، دقة أكبر في التحكم بالألوان، وLocal Dimming يوصل حتى 7680 zones، مع سطوع قوي يفوق 7000 nits ومعدل تحديث 288Hz… أرقام راهي تدخل مباشرة في فئة الشاشات Premium وحتى Gaming high-end. أما التقنية الأكثر تقدماً فهي Micro LED، واللي عرضتها بحجم ضخم 162 بوصة. هنا ماكاش backlight أصلاً، لأن كل pixel يضيء وحده، وهذا يعطي contraste شبه مثالي، blacks حقيقيين، عمر أطول، واستهلاك أكثر ذكاء للطاقة. باختصار، واضح بلي المنافسة في التلفزيونات ما بقاتش على الحجم ولا الـ 4K فقط… اليوم المعركة الحقيقية راهي في هندسة الضوء نفسه داخل الشاشة وبرأيكم… هل MiniLED فعلاً راح يكون مستقبل الشاشات قبل ما Micro LED يولي accessible أكثر؟

بزاف ناس عمبالهم بلي التخزين السحابي مجرد بلاصة تحط فيها ملفاتك وخلاص بصح في الواقع، الفرق الحقيقي يبدا كي تحتاج تخدم ضمن فريق، تشارك ملفات حساسة، تراقب شكون دخل، شكون بدّل، وشكون حمّل هاذاك الملف. هنا تدخل مفاهيم كيما Versioning، Access Control، Link Permissions، Synchronisation و Backup Automation. مثلا إذا فريق كامل يخدم على نفس projet، عوض ما كل واحد يبعث Version جديدة بالإيميل ولا Telegram، تقدر تخدم على نفس الملفات، تتابع التعديلات، وترجع لأي Version قديمة إذا صار خطأ، وحتى تعرف شكون لي زاد ولا نحى حاجة، يعني كاينة traçabilité كاملة لكل تغيير. هاذ النوع من الـ workflow راهو ولى standard اليوم في خدمات عالمية كيما Google Drive، Dropbox و OneDrive، لأن الشركات وفرق العمل ولات تحتاج أكثر من مجرد stockage.وفي نفس الوقت، شفنا بلي كاين حلول محلية بنفس الفكرة كيما iBox من Icosnet، واللي راهي تقدم نفس منطق الـ cloud collaboration والتخزين المنظم هنا في الجزائر. رانا حاليا قيد التجريب، وإذا لقيناه يقدم تجربة تستاهل فعلا، أكيد راح نشاركوها معاكم في فيديو مفصل. السؤال للمطورين وأصحاب الشركات: واش أكثر مشكل يصرالكم في إدارة الملفات؟ ضياع الملفات، chaos تاع versions، ولا مشكل مشاركة وصلاحيات؟

بعد المنشور لي فات، بزاف ناس قالولنا بلي مازالو يخزنو ملفاتهم المهمة في PC أو Disque dur أو حتى USB. هنا المشكل ماشي في التخزين، المشكل في نقطة وحدة: Single Point of Failure.يعني إذا الجهاز يخسر، يتسرق، يتفرمت ولا حتى يتعطب disque dur… كامل الملفات يقدرو يروحو في ثانية. لهذا اليوم أغلب الشركات وحتى المطورين ماعادوش يخدمو بمنطق “نخزن ونخلي”، ولات كاينة ثقافة كاملة اسمها Cloud Storage وين الملفات تكون متزامنة، محفوظة، وقابلة للوصول من أي جهاز وفي أي وقت. شفنا مؤخرا حتى حلول محلية كيما iBox من Icosnet داخلة لهذا المجال، بفكرة بسيطة: ملفاتك تكون محفوظة في فضاء سحابي منظم، تقدر تشاركها، ترتبها، وتخدم عليها من عدة أجهزة بلا تعقيد. السؤال المهم من كل هذا: لوكان يتخسرك PC اليوم، هل عندك نسخة احتياطية حقيقية ولا مازال تعتمد على الحظ؟😅

في 2026 ماعندكش الحق انك ماتعرفش او تتعلم الذكاء الاصطناعي، جماعة تيليغرام التحت تلقاو الرابط 🤝. لا سوشيال ميديا للمراهقين تحت 16 سنة وشبيبة باعت مشروع ديالها بـ 60 مليار، مرحبا بيكم في Tech Feed لهذا الأسبوع.

نكلملوا مع الحصريات والإنفراد لي خرجنا بيه اليوم 🔥 🔥 هذه هي الأسعار الخاصة بـ TOD من المتعامل جازي ومن المتوقع ان يعلن عنها رسميا في الساعات القادمة ان شاء الله 🫡 والخاصة بالمشاهدة على الهاتف. ✅ اشتراك على الهاتف لمشاهدة مبارة واحدة للمنتخب الجزائري 500 دج مع 48 ساعة في الباقة الترفيهية لـ TOD مع جيغا. ✅ اشتراك على الهاتف لكل مباريات المنتخب الجزائري مهما كان عدد المباريات حتى ولو وصلنا للنهائي 1200 دج مع 3 أشهر في الباقة الترفيهية لـ TOD مع جيغات. ✅ اشتراك على الهاتف لكل مباريات المونديال من دوري 32 الى النهائي 4200 دج مع 6 أشهر في الباقة الترفيهية لـ TOD مع جيغات. ✅ اشتراك على الهاتف لكل المونديال لـ 104 مبارة كاملة السعر 6,900 دج مع 6 أشهر في الباقة الترفيهية لـ TOD مع جيغات.

خبر حصري …. حصريا لمتابعينا الكرام 🔥 🔥 هذه هي الأسعار الخاصة بـ TOD من المتعامل جازي ومن المتوقع ان يعلن عنها رسميا في الساعات القادمة ان شاء الله 🫡 - الإشتراك خاصة بمختلف الأجهزة. - كل حساب يمكن له العمل في شاشتين في نفس الوقت. ✅ اشتراك على كل الأجهزة لكل مباريات المنتخب الجزائري مهما كان عدد المباريات حتى ولو وصلنا للنهائي 2500 دج مع 3 أشهر في الباقة الترفيهية لـ TOD مع جيغات. ✅ اشتراك على كل الأجهزة لكل مباريات المونديال من دوري 32 الى النهائي 10,000 دج مع 6 أشهر في الباقة الترفيهية لـ TOD مع جيغات. ✅ اشتراك على كل الأجهزة لكل المونديال لـ 104 مبارة كاملة السعر 15,000 دج مع 6 أشهر في الباقة الترفيهية لـ TOD مع جيغات. وكل هده بطبيعة الحال فيها عرض على شاشتين، المنشور القادم راح يكون ايضا على اسعار الاشتراك الخاصة بالمشاهدة على الهاتف.👏

إيلون ماسك اول تيليونير في التاريخ! ترامب راه حالف في المؤثرين في المونديال وعام كامل و نحن نقدم لك Tech Feed ماهو تقيمك لنا وكيف ترى إمكانية تطويرها !