1001 Tech

🔻رابط المشاركة في المسابقة على الفيسبوك https://www.facebook.com/share/v/1CX1f6o6SR/?mibextid=wwXIfr 🔻ادخل شارك ايضا فالإنستقرام من هنا 👈 لزيادة فرص الربح تاعك 🔥 https://www.instagram.com/reel/Dcg6jl-ONBx/?igsi=NHlkbG9ka3VzbXB0

بعد قليل كاين مسابقة في الفيسبوك و الإنستغرام لربح خمس أجهزة إلكترونية كهرومنزلية وجد روحك تشارك وتستفاد ايضا ممكن تربح هنا ولهيك اذا عندك زهر 🙄تسمى شارك فالمنصتين ✅

وزارة العمل أطلقت اليوم منصة رقمية جديدة باسم «تبليغ»، مخصصة لاستقبال التبليغات حول حالات الفساد المحتملة. المنصة تسمح للمواطنين بالتبليغ عن ممارسات الفساد اللي يواجهوها أثناء تعاملاتهم مع الإدارة المركزية، المصالح غير الممركزة والمؤسسات التابعة للقطاع. والفكرة هنا هي أن التبليغ يكون رقمياً، سريعاً ومؤمّناً، مع آلية لحماية المعلومات الشخصية للمبلّغين. 🌐 المنصة: tabligh.mtess.gov.dz⁠ برأيكم، هل المنصات الرقمية تقدر فعلاً تسهّل التبليغ عن الفساد؟ ولا لا ؟

راكو تسمعوني؟ تشوفوني مليح؟راهي تبان الشاشة ؟ لا لا ما بان والو إذا درت اجتماع اونلاين من قبل فأكيد هاذ الجمل جازو عليك أكثر من مرة المشكل أن الاجتماع لي كان مفروض يديلك 20 دقيقة، يقدر يروح منو ربع او نصف ساعة غير باش نسڤمو الصوت، الكاميرا ولا مشاركة الشاشة اليوم الـvisioconférence ولات جزء عادي من الخدمة، سواء كنت تخدم مع فريق في نفس المدينة ولا حتى مع ناس في ولايات وبلدان مختلفة بمنصات مختلفة Google Meet، Zoom، Microsoft Teams وغيرها ولات أدوات نستعملوها بشكل يومي ومع الوقت حتى الحلول المحلية بدات تدخل لهذا المجال كيما V-ROOM من Icosnet، لي توفر الاجتماعات بالصوت والصورة مع مشاركة الشاشة والدردشة وتسجيل الاجتماعات. والحاجة لي تبدلت فعلا هي أن الاجتماع Online ما ولاش مجرد مكالمة فيديو بل اصبح Workspace كامل للخدمة وين تعرض Projet تاعك وتشرح الفكرة،تدير Formation، تناقش مع Client،او دير استشارة ولا حتى تسير اجتماع كامل بلا ما يكون الفريق كامل في نفس المكان بصح في الأخير كل واحد عندو المنصة لي يرتاحلها أكثر. واش تستعملو أكثر هل Google Meet، Zoom، Teams، ولا جربتو حل محلي كيما V-ROOM؟ وهل سمعتو بيه من قبل ؟

🔴🚫⚠️ حـــــــذاري ‼️ المختصر المفيد لا تقم بتحميل أي تطبيق من خارج المتجر الرسمي على هاتفك ولا تضغط على اي رابط يوصلك. ❌هذه الأيام كاين طريقة جديدة راه يتم بها اخــ-تـ-ـراق هواتف بعض الجزائريين والوصول لتطبيق بريدي موب وسرقة اموالك، اولا الطريقة اولا تستهدف هواتف اندرويد. ❌ تبدا من تثبيت تطبيقات APK من خارج المتجر بطبيعة الحال اشهرها حاليا ولي راني نشوف راهي دور NexoTV APK (نسخة معدلة من التطبيق لانو حتى الموقع ماشي هو الرسمي للأداة) ❌ ببحث بسيط لاحظنا انو كاين اكثر من 620 اعلان مدفوع -ADS- على منصة فايسبوك فيها رابط مباشر لتثبيت نسخة معدلة من NexoTV وعند تحميلها يكون الملف فيه تقريبا 11.8MO ❌ التطبيق بطريقة او بأخرى يطلب صلاحية Accessibility Service هدي بدون الصلاحيات الاخرى التي يتحصل عليها التطبيق. ✅ المهم هدا ليس شرح تقني وراح نولو للتفاصيل في الامسية ان شاء الله، هذا تحذير برك وروح راقب هاتفك او هاتف تع باباك ولا يماك ولا ناس كبار لي تشوفها بلاك ماتعرفش وشوف ادا راهم محملين هدا التطبيق وزيد حذرهم انو مايحملوا حتى حاجة من مصدر مجهول حتى ولوكان يوصلهم خاصة ادا كان APK.

🔴 وزير السكن #طارق_بلعريبي: الشروع في توزيع أولى سكنات برنامج "عدل 3" بعدد من الولايات في الفاتح نوفمبر المقبل بمناسبة الذكرى الـ 72 لاندلاع ثورة التحرير. 🔴 وزير السكن #طارق_بلعريبي: الوزارة شرعت في توطين برنامج "عدل 3" عبر مختلف الولايات وفق رؤية عمرانية جديدة، تقوم على إنشاء أقطاب حضرية كخيار "استراتيجي" لإرساء نموذج عمراني حديث.

إذا عندك مشروع يستحق الدعم أو انت تقدم خدمة ما وراك حاب تعرض خدماتك هذا المنشور لك، بالمختصر المفيد شاركنا وش راك تقدم وفيها خير ان شاء الله. يقدر يكون هذا المنشور باب رزق ليك وبالتوفيق 👌

لسنوات ونحن نكتب عن التقنية، وأن تبنيها حتى في أبسط الأمور سيجنبنا الكثير من الكوارث. قطاع واحد تكلمنا عليه مئات المرات، النقل، قطاع حيوي في كل بلد تجتمع فيه الكثير من المدخلات: البنى التحتية، العامل البشري، والعامل المادي من وسائل النقل. هنا ما تقدرش تخلي الأمور للصدفة، ما تقدرش تخليها لـ«فيها خير إن شاء الله»، ولا لضمائر الناس، لأنه في الأخير أنت مسؤول. والمسؤول عنده مهمة واحدة، تنظيم القطاع وتسييره بأفضل الطرق لحفظ الأرواح أولا، ولتقديم خدمة نقل تساهم بشكل مباشر في اقتصاد البلاد. وهنا التقنية ماشي حاجة فرعية ولا مجرد أحلام، لازم تكون داخلة في كلش: في رقابة الطرق، في رقابة المركبات، وفي رقابة السائقين. دورك تقدر بنظام موحد في كل الحافلات، ومن خلال الكاميرات، تعرف العدد الفعلي للركاب في كل حافلة، تعرف سرعة السائق، وتتعرف حتى على حالته العقلية والجسدية. هدو كامل كي رانا نحكو عليهم، مراناش نتخيلوا ولا عايشين في المستقبل، لأنه منذ سنوات أصبحوا من أبسط الأشياء في الكثير من البلدان. نعم، ما نقدرش نمدلك هنا حلولا عملية تروح تطبقها مباشرة، لكن نقدر نمدلك راس الخيط: لازم عمل بضمير، واستثمار في التقنية والتطور الرهيب لي راه صاري في العالم. وماشي عيب أنك تبدأ من وين راهم لاحقين الأمم. شوف الأنظمة ديالهم، اخدم عليها، واستثمر في البيئة ديالك، وبالعقل تبدأ تطور أنظمة داخلية خاصة بيك، وبعدها تستغني تدريجيا على هذيك الأنظمة. المهم، الكثير من الكلام يقال، لكن ربي يرحم خاوتنا، وإن شاء الله تكون هذه الحادثة عبرة تخلينا نغيروا كلش...

كل مرة نهدرو على Cloud نلقاو ناس يقولولك علاش نستعمل حل محلي وكاين AWS و Azure و Google Cloud !والحقيقة انو السؤال ماشي شكون خير، بل شكون مناسب أكثر لاحتياجك؟ فإذا راك Startup جزائرية، مؤسسة، جامعة، ولا حتى مطور يخدم على مشروع محلي، كاين عدة عوامل تقنية لازم تشوفها قبل ما تختار وين تستضيف البنية التحتية تاعك. أول نقطة هي الـ Latency أو زمن الاستجابة. كي تكون الخوادم مستضافة في أوروبا ولا أمريكا، كل طلب يبعثه المستخدم لازم يقطع آلاف الكيلومترات قبل ما يرجع الرد. بالنسبة لبعض التطبيقات البسيطة الفرق مايبانش، بصح في خدمات أخرى كيما الأنظمة الداخلية للشركات، تطبيقات المؤسسات، المنصات التعليمية، أو خدمات معالجة البيانات، كل millisecond تحسب. ثاني نقطة هي Data Sovereignty أو سيادة البيانات. اليوم بزاف مؤسسات وشركات ولات تسقسي وين راهي البيانات تاعي مخزنة بالضبط؟ وتحت أي قوانين راهي خاضعة؟ لهذا شفنا في السنوات الأخيرة توجّه عالمي نحو استضافة البيانات داخل البلد كلما كان ذلك ممكنا، خاصة بالنسبة للبيانات الحساسة. النقطة الثالثة هي الدفع. أغلب الخدمات العالمية تعتمد على بطاقات دولية واشتراكات بالدولار أو اليورو. بالنسبة لكثير من الشركات الناشئة أو المطورين في الجزائر، هاذ النقطة وحدها تقدر تكون عائق أكبر من الجانب التقني نفسه. لهذا شفنا مؤخرا ظهور حلول محلية تسمح بالدفع بالدينار مع نماذج مرنة مثل Pay As You Go، وين تخلص فقط الموارد لي استهلكتها فعلا. من الجانب التقني أيضا، الناس عادة تتصور بلي Cloud يعني فقط VPS. في الواقع، المنصات الحديثة توفر منظومة كاملة تشمل Compute Instances، Block Storage، Snapshots، Backup Automation، Virtual Networks، Security Groups، Load Balancers وحتى GPU Resources للذكاء الاصطناعي والحوسبة المكثفة. ولهذا شفنا مؤخرا شركات جزائرية بدأت توفر Cloud Platforms محلية مبنية على نفس المفاهيم المستعملة عالميا، مع Data Centers داخل الجزائر وإمكانية إنشاء وإدارة الموارد عبر Portal Self-Service، سواء بخطة شهرية أو بالدفع حسب الاستهلاك. ومن اللافت أيضا أن Icosnet كانت من أوائل الشركات في الجزائر التي وفرت منصة Cloud Public بهذا المستوى من الخدمات، وهو ما يعكس تطور البنية التحتية السحابية المحلية خلال السنوات الأخيرة. في النهاية، AWS و Azure و Google Cloud مازالو مرجع عالمي بدون نقاش، لكن السؤال الحقيقي اليوم هو هل كل مشروع يحتاج بالضرورة بنية تحتية موجودة خارج الجزائر؟ أم أن بعض المشاريع المحلية تقدر تستفيد أكثر من Cloud محلي يوفر استجابة أسرع، دفع أسهل، وتحكم أكبر في مكان البيانات؟ وبالنسبة لكم، لو كان عندكم Startup أو SaaS جزائري يخدم أساسا داخل الجزائر… واش تختارو؟ Cloud عالمي أم Cloud محلي؟ وعلاش؟

الخميس القادم ستصبح استاذ ؟ 👨‍🏫

كل مرة يطيح موقع ولا Service، الناس تقول (السيرفر طاح) بصح في الواقع، أكبر الشركات ما تخافش من تعطل سيرفر واحد، لأنها تخدم بخطط كاملة اسمها Backup & Disaster Recovery. الفكرة بسيطة إذا وقع عطل في الخادم، هجوم إلكتروني، حذف ملف بالغلط، ولا حتى كارثة على مستوى مركز البيانات، الخدمة لازم ترجع تخدم في أقل وقت ممكن وبأقل خسائر…لهذا المؤسسات ماعادهاش تعتمد على Backup فقط، بل تبني استراتيجية كاملة تشمل نسخ احتياطية دورية، استرجاع سريع للبيانات، وتوزيع الخدمات على أكثر من مركز بيانات باش تضمن استمرارية النشاط. شفنا مؤخرا بلي Icosnet تعتمد على Double Data Center في الجزائر (الجزائر العاصمة ووهران)، مع حلول Backup وDisaster Recovery موجهة للمؤسسات لي ما تقدرش توقف خدماتها أو تخسر بياناتها. بالنسبة لينا هاذ النوع من البنية التحتية هو لي يبين نضج أي مزود Cloud أكثر من مجرد مساحة تخزين ولا VPS. السؤال اليوم لوكان شركة تخسر قاعدة بيانات الزبائن تاعها الآن… هل تعتقد انو عندها خطة استرجاع حقيقية؟ ولا أول رد فعل يكون (إن شاء الله نلقاو Backup)