1001 Tech

فرصة لربح حسابات iBox للتخزين السحابي؟ المشاركة سهلة! رابط المشاركة من هنا 👈

البارح أطلقت وزارة التجارة الداخلية وضبط السوق الوطنية منصة (تواصل – صوت المستهلك)، وين تقدر تبلّغ عبر الإنترنت على التجاوزات التجارية وتطلب المعلومات. تقدر تبلّغ على الأسعار اللي ماهمش معلّقين، عدم احترام الأسعار المحدّدة أو المسقّفة، ومشاكل النظافة. وتقدر ثاني تبلّغ على نقص وتذبذب توفّر المواد واسعة الاستهلاك في منطقتك. وفيها خدمة طلب المعلومات للمواطنين والمتعاملين الاقتصاديين، مع فضاء فيه نصائح وتوجيهات تخص حقوق المستهلك. رابط المنصة: https://tawassol.commerce.gov.dz/ واش رأيكم؟ إذا المواطن يبلّغ والمصالح المعنية تتابع التبليغات، تقدر هاذ الخطوة تعاون في ضبط السوق والتقليل من التجاوزات؟

مع نهاية الكلاسيكو ارواح نحكيوا شويا على الكرة لي سجل بيها ابن فايزة ثنائية اليوم ⚽🔋وقولي اذا كنت تعرف بلي لازم تتشارجا كيما الهاتف؟ 😂 الدوري الإسباني بدا هذا الموسم يستعمل كرات ذكية طورتها PUMA بالتعاون مع KINEXON، فيها مستشعر إلكتروني يبعث 560 إشارة في الثانية! والأغرب أن الكرة تحتاج حوالي ساعة ونص باش تتشارجا، والبطارية تاعها تقدر تخدم قرابة 5 ساعات. 😳 التقنية تسمح بتحديد اللحظة الدقيقة لي يلمس فيها اللاعب الكرة، وتعاون حكام الـVAR في مراجعة التسلل، لمسات اليد واللقطات الحساسة، يعني مثلا نقدروا نحسبو بيها شحال قاس البالون من مرة يمال ليوم .. وحتى الملعب فيه حوالي 12 هوائي يستقبلو المعلومات مباشرة من الكرة! وفي كل مباراة، يحضرو 14 كرة ذكية، ويتأكدو بلي كامل مشحونين قبل ضربة البداية. واش رأيكم في دخول هذي التكنولوجيا لكرة القدم؟ وهل راح تنقص الجدل التحكيمي؟ 👀

الذكاء الاصطناعي كشف ثغرة مخبّية لسنوات في PHP 😳 وفي نفس الأسبوع: Getty Images تحت حماية الإفلاس، Anthropic تطلق Claude Duet، ومشروع جزائري «مراقب» يحمي الغابات من الحرائق 🇩🇿 وواش حكاية الـ 🐐 مع ChatGPT هذي أهم أخبار التقنية لهذا الأسبوع في الحلقة 54 من Tech Feed على 1001 TECH. الحلقة كاملة من هنا https://www.youtube.com/watch?v=WvI-NbHHBEw

لايف السحب على التابلت مرحبا بكم ادخل ممكن تربح https://www.instagram.com/1001tech24/live/17885139984691138?xtok=d3loOGZvcDZ5OXRy

عندك مشروع مفتوح المصدر على GitHub؟ تقدر تتحصل على ChatGPT Pro مجانًا لمدة 6 أشهر، بقيمة تصل إلى 1200 دولار! 😍💻 شركة OpenAI عندها برنامج رسمي اسمه Codex for Open Source، مخصص لدعم المطورين لي يساهمو في تطوير وصيانة المشاريع مفتوحة المصدر. إذا كنت المسؤول على مشروع برمجي أو من المطورين الأساسيين فيه، تقدر تقدم طلبك للاستفادة من: ✅ اشتراك ChatGPT Pro لمدة 6 أشهر، مع إمكانية استعمال Codex للبرمجة ومراجعة الكود. ✅ إمكانية الحصول على أرصدة API لمساعدة مشاريع البرمجيات المفتوحة. ✅ إمكانية الوصول لأدوات Codex Security حسب شروط البرنامج. والأجمل، ما كاينش عدد محدد من نجوم GitHub لازم توصله، وحتى المشاريع الصغيرة المهمة تقدر تقدم! لكن لازم المشروع يكون مفتوح المصدر ونشط، وOpenAI هي لي تراجع الطلبات وتقرر القبول، يعني الاستفادة ماشي مضمونة للجميع. إذا عندك مشروع أو تعرف مطور جزائري يخدم على مشاريع مفتوحة المصدر، منشنيلو المنشور! 🇩🇿

تفرح تشوف هذا المحتوى في بلادنا، ومشروع رقمي يستاهل التشجيع. إلياس دراجي، المعروف بمحتواه في التجارة الإلكترونية، اطلق موقع يجمع فيه تقريبًا كل واش يحتاج الشخص لي حاب يدخل لهذا المجال، من الصفر حتى تطوير مشروعه. الموقع فيه أكثر من 230 فيديو، 8 دورات، قرابة 100 موضوع مكتوب، و65 أداة وخدمة، بالإضافة إلى شروحات الإعلانات، اختيار المنتجات، التوصيل، الاستيراد وحتى استعمال الذكاء الاصطناعي في التجارة. والأرقام لي يعرضها الموقع مثيرة للاهتمام: قرابة نصف مليون زيارة وأكثر من 4.5 ملايين مشاهدة للمحتوى! بعيدًا عن الأرقام، الحاجة لي عجبتنا هي محاولة تحويل المحتوى من فيديوهات متفرقة في مواقع التواصل إلى منصة منظمة يقدر أي جزائري يرجعلها ويتعلم منها ويطبق واش تعلم. في 1001Tech نفرحو كي نشوفو صناع محتوى جزائريين ينتقلو من تقديم المعلومات إلى بناء مشاريع رقمية تخدم الناس فعلًا. 👏🇩🇿 ربي يوفق إلياس، وإن شاء الله نشوفو المزيد من المشاريع الجزائرية كيما هذي. https://the1001tech.com/ilyesderradji

الناس لي عندها LinkedIn شاركونا رأيكم بهذا الأمر 👌 https://lnkd.in/p/ddAhizjW

بعد شهور من التأخير، القضاء الأمريكي يأمر الحكومة بإطلاق قرعة الغرين كارد 2027! والنتائج ممكن تكون في ديسمبر! 😮 نهار 14 أكتوبر، محكمة في كاليفورنيا أصدرت حكم قضائي مؤقت يلزم وزارة الخارجية الأمريكية بتنظيم قرعة الهجرة DV-2027، بعدما تأخرت في فتح التسجيل. الحكم حدد 3 مواعيد مهمة: 📅 29 أكتوبر: آخر أجل للحكومة باش تعلن رسمياً تفاصيل التسجيل. 📅 1 نوفمبر: آخر أجل لفتح باب التسجيل، لمدة 30 يوم. 📅 3 ديسمبر: آخر أجل لإبلاغ الأشخاص اللي يتم اختيارهم في القرعة. بصح انتبهوا لحاجة مهمة: التسجيل مازال ما تفتحش رسمياً، والحكم رغم أنه ملزم حالياً، تقدر الحكومة تطعن فيه وتطلب تعليق تنفيذه. وزيد، حتى لو يتم اختيارك في القرعة، هذا ما يعنيش بلي ضمنت الفيزا الأمريكية، لأن إصدار تأشيرات القرعة راه حالياً معلّق بقرار منفصل من وزارة الخارجية. يعني كاين تطور قضائي حقيقي، بصح مازال نستناو الإعلان الرسمي باش تتأكد مواعيد التسجيل. وشنو وجد أمورك راك تعرف للناس لي حابة تسجل، باسبورك، الصورة...

هذا ماشي AI، تسلا عرضت سيارة جديدة، والمشهد حرفيًا كيما أفلام الخيال العلمي! 😳🚀 🤯 هنا Tesla Roadster، صدقني راح تشوف وتعاود وتبقى مذهول .... التوفر الرسمي 2028 💳🫡

في الجزائر تعوّدنا على الإشهارات لي تجيك مباشرة، وعلاش لازم تشري. بصح قليل وين نشوفوا حملات تخليك تحبس، تتساءل وتحاول تفهم واشنو راهي الفكرة لي فيها. هادو الأيام، إذا كنت في العاصمة، سواء في الطرقات أو حتى في المترو، ممكن تكون شفت سلسلة من اللوحات الإعلانية بفكرة بسيطة: كل واحد عندو الـN°1 تاعو. الفكرة ما تكشفلكش كلش من أول نظرة، وتخليك تتساءل شكون راه وراء هذي الحملة وواش حاب يوصل. وراء هذي الفكرة كاينة Volz، واحدة من الشركات الناشئة الجزائرية لي قدرت تفرض حضورها في مجال تطبيقات السفر. واش عجبني في الحملة هو أنها استعملت وسيلة إشهارية تقليدية، وهي اللوحات في الطرقات والمترو، لكن بطريقة مختلفة عن الإعلانات المباشرة لي تعوّدنا نشوفوها. وهذا بالضبط واش نتمنى نشوف أكثر في الجزائر، خاصة من الشركات الناشئة لي يقودها شباب. الابتكار ما لازمش يكون غير في التطبيق أو الخدمة لي تقدمها، بل حتى في طريقة التسويق والتواصل مع الجمهور. عندنا شباب مبدعين، وعندنا شركات قاعدة تكبر، ونتمنى نشوفوا معاهم حملات تسويقية تخرج من المعتاد، وتخلينا نفتكروا الفكرة حتى بعدما يفوت الإشهار. ونتوما، واش رايكم في هاذ النوع من الحملات؟ الإشهار لي يخليك تخمم وتبحث عليه يقدر ينجح عندنا، ولا تفضّلوا الرسالة تكون واضحة من البداية؟

كاين طلبة يعرفو Student CamPUCE لي دارتها جيزي، بصح ماشي كامل يعرفو المزايا اللي فيه. وين تقدر تستفاد من تخفيضات عند أكثر من 30 شريك في النقل، السفر، التسوق والتكوينات، وزيد دخول مجاني لبعض المواقع والمنصات، وCashback يرجعلك جزء من قيمة مشترياتك حسب الشريك. 🔻رابط المنصة باش ماتراطيش وتستفاد👇 https://student-campuce.dz

التسجيلات بداو لبارح ومستمرين ليوم الخميس القادم بالتوفيق للجميع 🔻التسجيل مستمر حتى الخميس القادم 15 أكتوبر من هنا👈 : takwin.dz/san3a