1001 Tech

جماعة المقاول الذاتي و التجار لي مزال مافراوهاش مع التصريحات G12

تذكير لمستخدمي سنابشات بقاولكم شهرين فقط على حذف صوركم داخل التطبيق دير حسابك

الان وقت تحديد تخصصكم ومستقبلكم روح بلعقل وماتتحمسش لانو هاذي المرحلة الاولى فقط مزال كاين وقت

هذه كل التفاصيل الخاصة بحق الصرف للسفر التي اصدرها بنك الجزائر: ✅ كما تكلمنا البارحة الجديد ان الحق الصرف سيصرف حصرا في البطاقة البنكية الدولية التي يمنحها لك البنك الذي تتعامل معه. ✅ 19 جويلية 2026، راح تدخل حيز التنفيذ. ✅ إضافة إلى شرط فتح حساب بالدينار الجزائري وآخر بالعملة الصعبة يجب ان تتحصل على بطاقة دفع دولية Visa أو Mastercard من بنك جزائري. ✅ مدة السفر يجب أن تكون 7 أيام على الأقل. ✅ الاستفادة تكون مرة واحدة فقط خلال السنة المدنية. ✅ تقديم ملف كامل يتضمن جواز السفر، تذكرة السفر، التأشيرة عند الاقتضاء، ووثيقة تثبت المداخيل. ✅ الدفع لازم يكون قبل 7 أيام من موعد سفرك. الشروط الأخرى بقت نفسها.

إذا كنت تستعمل خدمات التخزين السحابي، هاذ الاسبوع نحاولو نجيبو اكواد مجانية لتجربة تطبيق ibox لي هو واحد من التطبيقات الجزائرية الموجهة لتخزين الملفات سحابيًا، مع إمكانية رفع الصور، الفيديوهات، الوثائق والملفات المهمة والوصول إليها من أي جهاز وفي أي وقت، دون الحاجة للاعتماد على وسائط تخزين تقليدية. الفكرة الأساسية هي أن تكون ملفاتك متوفرة دائمًا، مع واجهة بسيطة وسهلة الاستعمال، سواء كنت طالبًا، صانع محتوى أو حتى تستعمله لحفظ ملفات العمل والنسخ الاحتياطية. من الجيد أيضًا رؤية حلول جزائرية تدخل مجال الخدمات السحابية، وهو قطاع يشهد نموًا كبيرًا مع تزايد الاعتماد على التخزين الرقمي. هل سبق لكم تجربة ibox؟ وإذا كنتم تستعملون التخزين السحابي، أي خدمة تعتمدون عليها أكثر؟

وزارة التربية والتعليم: رسميا نتائج البكالوريا يوم 12 جويلية على الساعة العاشرة صباحا إن شاء الله 👌 بالتوفيق للجميع وان شاء الله راكم ناجحين.

المباراة الاخيرة من دوري المجموعات اذا تأهلنا كاين هدايا اخرى 😍جماعة لي عندهم جازي، تقدر تستافد من إنترنت باااطل باستعمال QR Code الموجود فالصورة. العرض صالح لمدة 5 ساعات، ويقدر يفيدك بزاف إذا حبيت تشوف الماتش ولا كاش ما تيليشارجي ولادبر راسك العملية بسيطة:اسكاني المود يدخلك لتطبيق جازي واكتيفيها وبصحتك فقط واش راك خاسر اسكاني واربح 🔥😍⁩

من بين التقنيات الجديدة اللي شفناها مؤخراً في عالم التلفزيونات، كاين توجه واضح نحو جيل جديد من الشاشات، واللافت أن هاذا الأسبوع علامة ايريس دخلت هي كذلك على هاذ الخط بتقنيات متطورة كيما QD-MiniLED، RGB MiniLED، SQD-MiniLED وحتى Micro LED ارواح نشرحلك كل تقنية: أول تقنية هي QD-MiniLED، واللي تعتمد على دمج Quantum Dots مع MiniLED. هنا الفائدة التقنية هي رفع دقة الألوان مع سطوع عالي يقدر يفوت 2000 nits، إضافة إلى أكثر من 1000 Local Dimming Zones للتحكم في الإضاءة الخلفية. هذا يعني blacks أعمق، contrast أعلى، وتفاصيل أوضح حتى في المشاهد المعقدة بزاف. بعدها كاين RGB MiniLED، وهنا الفرق كبير تقنياً: بدل MiniLED التقليدي اللي يخدم بإضاءة بيضاء ويمر عبر فلاتر لونية، هنا كل MiniLED يقدر يخرج الاحمر, الاخضر & الازرق مباشرة. النتيجة هي تقليل ضياع الضوء، تحسين دقة الألوان، وتقليل مشاكل كيما الـ halo والـ color shifting. المستوى الأعلى اللي قدمته IRIS هو SQD-MiniLED (Super Quantum Dots + MiniLED)، وين زادت تحسينات في الفلترة البصرية، دقة أكبر في التحكم بالألوان، وLocal Dimming يوصل حتى 7680 zones، مع سطوع قوي يفوق 7000 nits ومعدل تحديث 288Hz… أرقام راهي تدخل مباشرة في فئة الشاشات Premium وحتى Gaming high-end. أما التقنية الأكثر تقدماً فهي Micro LED، واللي عرضتها بحجم ضخم 162 بوصة. هنا ماكاش backlight أصلاً، لأن كل pixel يضيء وحده، وهذا يعطي contraste شبه مثالي، blacks حقيقيين، عمر أطول، واستهلاك أكثر ذكاء للطاقة. باختصار، واضح بلي المنافسة في التلفزيونات ما بقاتش على الحجم ولا الـ 4K فقط… اليوم المعركة الحقيقية راهي في هندسة الضوء نفسه داخل الشاشة وبرأيكم… هل MiniLED فعلاً راح يكون مستقبل الشاشات قبل ما Micro LED يولي accessible أكثر؟

بزاف ناس عمبالهم بلي التخزين السحابي مجرد بلاصة تحط فيها ملفاتك وخلاص بصح في الواقع، الفرق الحقيقي يبدا كي تحتاج تخدم ضمن فريق، تشارك ملفات حساسة، تراقب شكون دخل، شكون بدّل، وشكون حمّل هاذاك الملف. هنا تدخل مفاهيم كيما Versioning، Access Control، Link Permissions، Synchronisation و Backup Automation. مثلا إذا فريق كامل يخدم على نفس projet، عوض ما كل واحد يبعث Version جديدة بالإيميل ولا Telegram، تقدر تخدم على نفس الملفات، تتابع التعديلات، وترجع لأي Version قديمة إذا صار خطأ، وحتى تعرف شكون لي زاد ولا نحى حاجة، يعني كاينة traçabilité كاملة لكل تغيير. هاذ النوع من الـ workflow راهو ولى standard اليوم في خدمات عالمية كيما Google Drive، Dropbox و OneDrive، لأن الشركات وفرق العمل ولات تحتاج أكثر من مجرد stockage.وفي نفس الوقت، شفنا بلي كاين حلول محلية بنفس الفكرة كيما iBox من Icosnet، واللي راهي تقدم نفس منطق الـ cloud collaboration والتخزين المنظم هنا في الجزائر. رانا حاليا قيد التجريب، وإذا لقيناه يقدم تجربة تستاهل فعلا، أكيد راح نشاركوها معاكم في فيديو مفصل. السؤال للمطورين وأصحاب الشركات: واش أكثر مشكل يصرالكم في إدارة الملفات؟ ضياع الملفات، chaos تاع versions، ولا مشكل مشاركة وصلاحيات؟

بعد المنشور لي فات، بزاف ناس قالولنا بلي مازالو يخزنو ملفاتهم المهمة في PC أو Disque dur أو حتى USB. هنا المشكل ماشي في التخزين، المشكل في نقطة وحدة: Single Point of Failure.يعني إذا الجهاز يخسر، يتسرق، يتفرمت ولا حتى يتعطب disque dur… كامل الملفات يقدرو يروحو في ثانية. لهذا اليوم أغلب الشركات وحتى المطورين ماعادوش يخدمو بمنطق “نخزن ونخلي”، ولات كاينة ثقافة كاملة اسمها Cloud Storage وين الملفات تكون متزامنة، محفوظة، وقابلة للوصول من أي جهاز وفي أي وقت. شفنا مؤخرا حتى حلول محلية كيما iBox من Icosnet داخلة لهذا المجال، بفكرة بسيطة: ملفاتك تكون محفوظة في فضاء سحابي منظم، تقدر تشاركها، ترتبها، وتخدم عليها من عدة أجهزة بلا تعقيد. السؤال المهم من كل هذا: لوكان يتخسرك PC اليوم، هل عندك نسخة احتياطية حقيقية ولا مازال تعتمد على الحظ؟😅

في 2026 ماعندكش الحق انك ماتعرفش او تتعلم الذكاء الاصطناعي، جماعة تيليغرام التحت تلقاو الرابط 🤝. لا سوشيال ميديا للمراهقين تحت 16 سنة وشبيبة باعت مشروع ديالها بـ 60 مليار، مرحبا بيكم في Tech Feed لهذا الأسبوع.