1001 Tech

مطور نشر مشروع اسمه ArtCraft فيه سبعة تطبيقات مبنية من الصفر بلغة Rust، تحاول تكون بدائل لـPhotoshop وIllustrator وPremiere Pro وLightroom وAfter Effects وInDesign وAcrobat Pro. والكود كامل مفتوح للجميع. والقصة اللي خلات المشروع يدور بقوة هي أن المطور يقول إنه استعان بـClaude Opus 5.5 لتسريع عملية التطوير. أبرز تطبيق حالياً هو PhotoCraft، يفتح ويعدل ملفات PSD وعنده Layers وMasks وBrushes وعدد كبير من الأدوات اللي نعرفوها من Photoshop. حاليا PhotoCraft مازال Early Alpha، والفريق نفسه يقول إنه مازال ما يقدرش يعوض Photoshop في الخدمة الاحترافية اليومية، وباقي التطبيقات أغلبها مازال قيد التطوير. رابط التجريب 👈 http://getartcraft.com/apps

شكون قال بلي العاب تلبيس البنات تولي واقع اليوم ! تحديث جديد يصل لChatGPT

بزاف ناس عندها فكرة موقع، بصح كي توصل باش تطلعو للإنترنت تبدأ: Domain؟ Hosting؟ SSL؟ واش نشري بالضبط؟ اليوم نبسطوها: الـNom de domaine هو العنوان لي الناس راح تكتبوه باش توصل لموقعك، كيما 1001tech.dz. أما الـHébergement Web فهو البلاصة لي راح تكون فيها ملفات الموقع وقاعدة البيانات باش يبقى متوفر للناس على الإنترنت. والـSSL هو لي يأمّن الاتصال بين الزائر والموقع ويخليه يستعمل HTTPS بدل اتصال غير مشفر. يعني باش تطلق Site ما يكفيش تصممو وتقول خلاص. تحتاج عنوان يوصلولو بيه الناس، Hébergement يخليه Online، وSSL باش الاتصال يكون مؤمّن. وهاذ الثلاثة تلقاهم اليوم عند مزودين عالميين وحتى محلياً، ومن بين الحلول لي شفناها عند Icosnet كاين Hébergement Web مع Nom de domaine وإمكانية استعمال Certificat SSL. وبالنسبة لينا، الأهم ماشي غير الموقع يطلع Online، بل يبقى سريع، متوفر ومؤمّن كي يبدأ يدخلوه الناس. والآن سؤال للي عندهم Site أو سبق لهم دارو واحد: واش كانت أكثر حاجة عذبتكم في البداية؟😅 اختيار الـDomain، الـHosting، إعداد الـSSL، ولا حاجة أخرى ما حسبتولهاش حساب؟

العاصمة تتصدر إفريقيا في الـFiber وغوغل رجعت بقوة لسباق الذكاء الاصطناعي… هذي أهم الأخبار التقنية لي صرات هاذ السمانة #techfeed

اليونسكو أطلقت دورة عالمية مجانية على Coursera حول أخلاقيات الذكاء الاصطناعي، بالتعاون مع LG AI Research. الدورة فيها 10 وحدات، وتهدر على مواضيع مهمة كيما السلامة والأمن، الخصوصية وحماية البيانات، الإنصاف، الشفافية والمساءلة، وحتى الحوكمة العالمية للذكاء الاصطناعي. الدورة مناسبة حتى للمبتدئين، وتقدر تقراها بالوتيرة اللي تناسبك. رابط الدورة مباشرة: https://www.coursera.org/learn/global-mooc-on-the-ethics-of-ai

خبر مليح للجزائريين لي عايشين في الخارج.. BaridiMob يبدو أنه أخيراً بدا يخدم بدون VPN! تطبيق BaridiMob تلقى تحديث جديد بتاريخ 1 أكتوبر، وبعد التحديث ظهرت تجارب لمستخدمين خارج الجزائر يقولوا باللي قدروا يدخلوا للتطبيق ويستعملوه مباشرة بالإنترنت العادي، بدون الحاجة لتشغيل VPN كيما كان يصرا من قبل. ملاحظة مهمة: بريد الجزائر ما أعلنتش رسمياً لحد الآن أن التحديث رفع القيود على الاستعمال من الخارج، وحتى وصف التحديث في المتجر يذكر فقط إصلاح الأخطاء وتحسين الأداء، لهذا ما نقدروش نأكدوا باللي الخدمة ولات متاحة في جميع الدول. إذا راك عايش خارج الجزائر وعندك آخر نسخة من BaridiMob، جرّب تدخل بدون VPN وقلنا في التعليقات: في أي دولة راك؟ وهل خدم عندك عادي؟

مافهمتش علاه عند البعض كلش يحبوا يرجعوه مشكل شخصي؟ انا نشوفها شيء ايجابي انو المجتمع التقني تكلم ليوم في موضوع البن دلاج، وبالمنطق ونظن العكس الكثير لازم يزيد يخرج يحكي خاصة الناس لي راهي في المجال مباشرة. اليوم تفرح تلقى صفحات ومجموعات تقنية خرجت وحكات في الموضوع وكل واحد بأسلوبه وطريقته ونشوفها امر عادي، لانو العرض كان في قناة تلفزيونية وامام الجميع يعني من حق اي شخص انو يتكمل ويبدي رايو وهذا امر عادي جدا وماترجعوهاش حدث كبير. وزيد مليح كشاب كبرت في عصر الانترنت وليوم راك عايش في عصر AI مليح يكون عندك التفكير النقدي وماشي لي تسمعها ولا تلقاها مخلطة بالوطنية تشعل 𖣘𖣘 ديالك وتغرقنا في متاهات ماعندها حتى معنى. المهم لمستقبل تقني أفضل من فضلك طفي فرفارتك عند الكلام في التقنية.

​سنعود للكلام بالتفصيل عن الحلقة التي تثير الكثير من الجدل وسنحاول الكلام من جانب علمي بالرغم من انو الحلقة بالنسبة لي ماكان فيها حتى حاجة تستحق النقاش لا من ناحية تقنية ولا من ناحية شركات ناشئة واستثمارات. المهم قصة بن دلاج ربما الناس لي شويا مطلعة على المجال التقني تعرف انو في الجزائر تعتبر واحد من اكثر القصص لي فيها اضافة عليها ولي تضرب فيها كل المنطق التقني وتعرفوا قصة الضحكة الاسطورية والموسيقى الاسطورية لي كانت تتماشى دايما معاها. المهم انا شفت الحلقة تقريبا 2 مرات وخرجت بأمور خلاتني نبقى حاير .... - على حساب وش فهمت هو عندو فكرة فقط في راسو وهنا جا لبناء فريق وشراء معدات. - لازم يستثمروا معاه باش يطور AI ؟ وهنا نظن كان يقصد تدريب انظمة مفتوحة المصدر. - ويبحث عن 15 مليار؟ هدي وشنوا باش تبني الشركة ولا تقييم ولا وشنو مافهمتش؟ وحاجة لي بقيت منها مذهول كيفاه ولا واحد في الحصة سقساه سؤال من هدا النوع ؟؟؟؟ - عندوا ناس هاربين حاب يجيبهم يخدموا معاه وكاين واحد قالك من الاحسن في العالم في المجال. - يعني كيفاه تقول 90 بالمية جاهزة وتقول بلي هدرنا مع شركات كبرى تابعة للدولة؟ والعكس تقول انو 100 بالمية النظام جاهز وai شغال وكلش؟؟؟ وفي نفس الوقت قاللهم مزالنا في مرحلة التطوير؟ وهو اصلا MVP ماشفناهاش؟ - لما حكى معاه مطمور قالوا حنا نبنيولك السارفور نتاعك؟ هنا كشغل بقيت مخلوع واش راه يحكي 🧐 وزيد مافهمتش وش علاقة كي قالوا شفت شركة ديالك ومامدلوا حتى معلومة تتماشى مع الضحكة هديك؟ - كبرى الشركات والحكومة على حسابوا جاو ليه وطلبوا مساعدة منه - 100 مليار ارباح ولا مداخيل ولا مافهمتش وكيفاه تجيبها ومنين؟ والامورات الاخرى واضحة تع في الجزائر للاسف ولينا اي حاجة نكبروها ونطبلولها حتى تولي تحشم تحكي عليها، وهنا اللوم ماشي على اصحابها بزاف لكن على ناس ي تشوف مشروع تع تخرج وترجعوا اختراع وشيء ثوري ومشروع ومنعرف وشنو.

خطوة جديدة نحو الدفع الرقمي في الجزائر. 🇩🇿💳 بنك الجزائر منح Djezzy Payment Services الترخيص باش تتأسس كمزوّد خدمات دفع PSP. بالمعنى البسيط، جازي راهي تحضر تدخل لمجال الدفع الإلكتروني، وين مستقبلاً تقدر تقدم خدمات مرتبطة بحسابات الدفع والتحويلات ووسائل دفع رقمية بدون ما تكون بنك تقليدي. يعني ممكن نشوف خدمات مالية رقمية مرتبطة بالهاتف بطريقة أسهل من التعاملات البنكية الكلاسيكية. خطوة مهمة بزاف باش نشوفو منافسة أكبر في الدفع الرقمي ونقصو شوية من الاعتماد على الكاش في 🇩🇿

لي عندوا شويا رانا لايف في تيك توك مرحبا بيكم لي يحب يجي نحكيوا شويا على AI https://www.tiktok.com/@1001tech/live?_r=1&enter_from_merge=pc_share&enter_method=pc_share&is_from_webapp=1&sender_device=pc

🔻شروط المشاركة فالمسابقة سهلة فقط : ✅جاوب على السؤال فالتعليقات هنا في الإنستغرام 👇👇👇👇 https://www.instagram.com/reel/DdmCt-xuDix/?stkn=MzNqNTJyYmhxczlt

هكذا تكون دخلت السحب وبالتوفيق للجميع

بمناسبة الدخول المدرسي قررنا نهديولكم هاذا الجهاز اللوحي من كوندور باش يكون لواحد من ولادك ولا لخاوتك باش يقرا بيه 🔻رابط المشاركة في المسابقة من هنا 👈 https://www.instagram.com/reel/Ddj8hdKuZic/?stkn=MXNtbzFkOHdvM3V6ZA==

لي يعجبني في عالم الانترنت انو عالم مفتوح واي مبرمج تكون عندوا فكرة في راسوا يطبقها، الاسم مايخدعكش لانو يقدر يكون حل لأغلب مشاكلك 😁

إذا راك تتعذب كل مرة مع ملفات PDF، هذا الموقع تخبيه عندك 😅 موقع ihatepdf.cv يعطيك أكثر من 60 أداة للـPDF: ✅ دمج، تقسيم، ضغط، تحويل، OCR، توقيع وحوايج أخرى بزاف. ✅ الأجمل فيه أنه مجاني 100%، بدون حساب، وبدون Watermark. ✅ المميز أكثر أن الخدمة تخدم محليًا داخل المتصفح، يعني حسب الموقع الملفات ما تخرجش من جهازك أصلًا. بديل عملي جدًا إذا حبيت تخدم على PDF بسرعة وبخصوصية أكثر.

بعد حرائق الصيف… الجزائر راهي تحضر لتحديث تكنولوجيا الحماية المدنية. 🇩🇿🔥 مجلس الوزراء أمر بمراجعة تقنية كاملة لمعدات التدخل الميداني، واقتناء أجهزة أكثر تطورًا مع وضع مخطط لتجديدها باستمرار. وزيد راح يتم إنشاء نقاط وشبه مراكز مراقبة في المناطق ذات الكثافة الغابية، بالتعاون مع قطاع الفلاحة، مع تعزيز أسطول طائرات الإطفاء تدريجيًا حسب توفرها في السوق الدولية. المهم هنا أن مكافحة الحرائق ما بقاتش غير شاحنات وماء. اليوم السرعة في اكتشاف الحريق، تحديد موقعه، نقل المعلومة وتنسيق الطائرات والفرق في الميدان تقدر تصنع فرق كبير قبل ما يخرج الوضع عن السيطرة.

قبل، كي واحد يصورك في الشارع، غالبًا تشوف الهاتف قدامك. درك مع النظارات الذكية… ممكن تكون الكاميرا قدامك وانت أصلًا ما تعرفش. 👓 في فرنسا، نيابة باريس فتحت تحقيق بعد شكاوى عن تصوير نساء بدون موافقتهن ونشر الفيديوهات. المشكل أن بعض النظارات تبان عادية جدًا، وضوء التسجيل الصغير ممكن الناس ما ينتبهوش له أصلًا.

وهنا يطرح السؤال الحقيقي: كيفاش نحافظو على الخصوصية كي تولي الكاميرا جزء من حاجة نلبسوها طول النهار؟