Tamshym🌊

күнде түрмеден фотоотчет жіберсін, әйтпесе, сенбейміз хаха

*** Қашайықшы барлық қиын сұрақтан, қишы маған ұйқыңды. Қарашы, анау балағынан кірі аққан қала қандай сүйкімді! Қашайықшы, айдалаға, адасып, Ашайықшы басқа әлемнің есігін. Ешкім бізді іздемесін жаны ашып, Ешкім бізден сұрамасын кешірім... Өтіп жатқан күніміздің көбі өлең - Жылыстайық ақырын. Ешкім бізге қарап тұрып төбеден, Лақтырмасын ақылын. Ешбір адам аямасын біздерді - Сенгендері сатты деп. Өшірейік бар азапты іздерді, Басқаларға бақ тілеп. Қашайықшы, құдай үшін, ерінбе. Жүріп тұр ма көлігің? Әлде мені құтқаруға сенің де Шаппай тұр ма көңілің?! ©️Гүлнәр Салықбай

Ремарк бір жазбасында кофенің иісін сезіп, масқара бақытты бола салатынын айтады. Бұл соғыстың әсері шығар дейді, бәлкім. Менің ойымша, соғыстың әсері емес. Адамды жұбататын, бақытты қыла салатын құбылыстар ешқашан үлкен болмаған сияқты. Елеусіз сәттер мен мезеттерге, қарапайым, болмашы заттарға адамның ең аяулы бақытын жасырып қойған Құдайдың да өз есебі бар шығар. Қарапайым, бірақ, ең құнды. Болмашы, бірақ, баға жетпес.

байқайсыңдар ма? қоғам ылғи мықты, бірінші, жеңімпаз болуды дәріптейді. сәйкесінше, басты назарды нәтижеге аударады. мәреге кімнің қалай жеткені емес, нешінші жеткені маңыздырақ. жеңісті үлкен үй, қымбат көлік, жұмсақ кресломен есептейтін қоғамға сәл мейірімді, қарапайым, керек кезінде әлсіз бола алуды да үйретсек. жеңісті күндерді ғана өмірдің өзі деп қабылдайтын әлемге сәтсіздіктер де адам болмысының ажырамас бөлшегі екенін жиі айтсақ. нәтижеден көрі процесске басты назар аударсақ. бәлкім..,

біз өзгенің бойынан өз бойымызда бар, бірақ түпсананың қалтарыс-бұлтарысына тығып тасталған, ешқашан мойындалмайтын, тіпті бар деп саналмайтын кемшіліктерді ғана көреді екенбіз.

кеше “Жапон жолымен” тауға көтерілдік. осы ғажап ғаламның кішкентай әрі елеусіз бөлшегі болғаным үшін бақыттан басым айналып тұрған сәт. аннооу төбел шыңдар мен алып аспанды жаратқан Құдай мені де жасап шыққанын ойласам, бақытым еселене түседі. мінсіз сұлу🏔️🌱

біраз адамды каналдан шығарып жібердім, сосын шыққан адам қайта қосыла алмайтындай етіп қойдым👵 енді өзіміз отырып шай ішейік^^

Бозторғай да атыңды айта берді, Періштең не, кеудемде сайтан өлді. Мәңгі аңсайтын бір арман керек шығар, Сағым болсаң сағым бол, Қайтем енді… Бауыржан Үсенов

мен ҰЛЫ Отанда емес, қалыпты, есі дұрыс Отанда өмір сүргім келеді.