Tamshym🌊

жапон жазушысы Ямамото Цунэтомо “самурайға жеткен шыңы емес, жүретін жолы ғана маңызды” деген жақсы сөзі бар. кейде сенің барар барар шың я қолың жеткен мақсаттан көрі соған апарар жолдың маңызы жоғары. «Үш ағайынды» шыңына жетер жол да жанымды, тәнімді, рухымды шыңдады. осыған дейін ізім қалған тау-тастың ең қиыны, ең ғажабы да осы шың болды. мүмкін, біреуге әзір-ақ жетіп алатын оп-оңай шың болар, бірақ, мен үшін әжептәуір жетістік бұл. алдымен, Көк-Жайлауға жетіп, аз ғана аялдадық та, ары қарай тағы көтерілдік. ішімде осынша күш жатқанын бұрын білмеппін, өзім ойлағаннан да әлдеқайда мықты қыз екенмін💪🏻 таудың құдіреті – осы, барар жолдағы қиындық пен меһнат қандай болмасын, шың басындағы сұлулық бәрін ұмыттырып жібереді. енді келместей боп кеткеніңмен, ертесіне барлығын ұмытып, қайта аңсап, сағынып отырасың.

ғасыр өтті… үзілердей жұлыным – жолығармыз қай кезде?

көңілің мен көйлегің тар болса, басқаның кең болғанынан пайда жоқ.

жүрегіңді сақта🤎

Кафканың әңгімелер жинағын бастадым(аяқтауға шақ қалдым). ендігі мен де тарақан-адаммын…

өмірде жақсы адамдар жетеді, достар, сеніңдерші

Егер өміріңде қиындық туындаса, Құдайға бас ұрып: – менің өмірімде үлкен қиындық туындап тұр, - деме. Қайта қиындыққа бет бұрып; – менің ұлы Құдайым бар, - дегенің дұрыс болады. Мәуләна

…таппаған құстай шарлап көп әлі сыңарын, көбігін шашқан жағаға әкеп жыр ағын. өкініп аққан өзендей шерлі өмірге, кей кезде менің келеді өксіп жылағым. жүрген көп жандар шыға алмай желдің өтінен, жұтылған жасы аспанның айна бетінен. күнәсін жуған ғаламның аппақ жауындай, жылап алайын...жұбатпаңдаршы, өтінем! қай бір жылы жазған өлең болса да, әлі күнге өзекті. әлі күнге ағыл-тегіл боп жылап алғым келетін сәттер жиі болады. тек бұрынғыдай емес, қазір жылап алғым келсе де, тас боп қатып отыра беретін болыппын.

ештеңе сезбеймін. көкірегімде қордаланып қалған сағыныштың барын ғана білемін, басқаның бәрі өтірік сияқты.

сенің кінәң – махаббатқа сенгенің…