Baz باز

🔴 دەستپێکردنی قۆناغی دووەمی پڕۆژەی گەشانەوە؛ قەرزی تا 150 ملیۆن دینار بۆ 100 پڕۆژە فەرمانگەی میدیا و زانیاریی حکوومەتی هەرێمی کوردستان و وەزارەتی کار و کاروباری کۆمەڵایەتی، دەستپێکردنی قۆناخی دووەمی پڕۆژەی «گەشانەوە»یان ڕاگەیاند. کوێستان محەمەد، وەزیری کار و کاروباری کۆمەڵایەتی، ڕایگەیاند لەم قۆناخەدا قەرزی ئاسان بە بڕی 1 ملیۆن تا 150 ملیۆن دینار بۆ 100 پڕۆژەی بچووک و مامناوەند لە کەرتی کشتوکاڵ و پیشەسازی دابین دەکرێت. بەپێی ڕاگەیاندنەکە، ئامانجی پڕۆژەکە بووژانەوەی ئابووری، زیادکردنی بەرهەمی ناوخۆیی و ڕەخساندنی هەلی کار بۆ گەنجانە، بە مەرجی ئەوەی خاوەن پڕۆژەکان ژمارەی کرێکار و فەرمانبەرەکانیان زیاد بکەن. وەزیری کار هەروەها ئاماژەی بە سەرکەوتنی قۆناخی یەکەم کرد و وتی لە 25 پڕۆژەی پاڵپشتیکراو، 24 پڕۆژە بە سەرکەوتوویی تەواو کراون، بۆیە قۆناخی دووەم بە مەبەستی فراوانکردنی پاڵپشتیی کەرتی تایبەت دەستپێکردووە.

پڕۆژەی "هەژماری من" ڕایگەیاند: بەپێی بڕیارێکی حکوومەتی عێراق، هەر فەرمانبەرێکی هەرێمی کوردستان کە تا 31ی ئاب 2026 لە پڕۆژەی هەژماری من خۆی تۆمار نەکات و کارتە بانکییەکەی لە ڕێگەی ئەم پڕۆژەیەوە وەرنەگرێتەوە، مووچە و مافە دارایییەکانی لەلایەن حکوومەتی عێراقەوە ڕادەگیرێن و پارەکەی بۆ نانێردرێت. پڕۆژەی هەژماری من داوای لە هەموو فەرمانبەران کردووە پێش کۆتایی ماوەی دیاریکراو خۆیان تۆمار بکەن و کارتە بانکییەکانیان وەربگرن، بۆ ئەوەی لە هەر جۆرە دواکەوتن یان ڕاگرتنی مووچەیان دووربکەونەوە.

🚨 ئاگرێکی گەورە لە دهۆک کەوتووەتەوە کەمێک پێش ئێستا، ئاگرێکی گەورە لە کۆگایەکی کەلوپەلی پاککردنەوە لە پشت پێشانگای ئۆتۆمبێلەکانی دهۆک کەوتووەتەوە. تیمەکانی بەرگری شارستانی لە شوێنی رووداوەکەن و خەریکی کۆنترۆڵکردن و کوژاندنەوەی ئاگرەکەن، هێشتا هۆکاری رووداوەکە و ئاستی زیانەکان ئاشکرا نەکراون.

پەیاما سەرۆکێ حکومەتا هەرێما کوردستانێ ب ھەلکەفتا جەژنا چلێ ھاڤینێ ب هەلکەفتا هاتنا جەژنا چلێ هاڤینێ، پیرۆزباهیەکا گەرم ل تەڤایا خوشك و برایێن ئێزیدی یێن كوردستانێ و جیهانێ دکەم.ھیڤیدارم ب خێر و خۆشی و تەناهیێ ڕۆژێن جەژنێ ببورینن. هیڤیا پاشەڕۆژەکا باشتر بۆ خوشک و برایێن ئێزدی دخوازم و وەک هەر گاڤ پشتەڤانێ ماف و داخوازییێن وانم . جەژنا چلێ ھاڤینێ پیرۆز بیت و هەر دخۆشیێدا بن . مەسرور بارزانی سەرۆکێ حکومەتا ھەرێما کوردستانێ

ئاگرێک لە شارباژێڕ نزیکەی 500 دۆنم دارستان و پاوانی سووتاند بەڕێوەبەرایەتی پۆلیسی دارستان و ژینگەی سلێمانی ڕایگەیاند، ئاگرێک لە سنووری شارباژێڕ کەوتەوە و بەهۆیەوە نزیکەی 500 دۆنم پوش، پاوان و دارستان سووتاوە. بەپێی ڕاگەیاندنەکە، تیمەکانی ئاگرکوژێنەوە و پۆلیسی دارستان دوای هەوڵێکی بەردەوام توانییان ئاگرەکە کۆنتڕۆڵ بکەن و ڕێگری لە بڵاوبوونەوەی زیاتری ئاگرەکە بکەن. بەڕێوەبەرایەتی پۆلیسی دارستان و ژینگە هەروەها ئاماژەی کردووە هۆکاری سەرەتایی ڕوودانی ئاگرەکە هێشتا نەزانراوە و لێکۆڵینەوە لەبارەیەوە بەردەوامە.

پەیاما سەرۆک بارزانی بۆ جه‌ژنا چله‌یێ هاڤینێ یا كوردێن ئێزیدی ب ناڤێ خودایێ مەزن و دلۆڤان ب هەلكەفتا جەژنا چلێ هاڤینێ یا خوشك و برایێن ئێزیدی پیرۆزباهییەكا گەرم ل جڤاتا رۆحانی و ئۆلدار و هەمی ئێزیدیێت كوردستانێ و جیهانێ دكەم. هیڤیدارم خوشک و برایێت ئێزیدی هەمی جەژن و هەلكەفتێت خۆ د ئارامی و تەناهیێ دا ببەنە سەر. جەژنا هەوە پیرۆز بیت و بمینن ب خێر و خۆشی. مسعود بارزانی 2ـی ئاب 2026

ترەمپ: فەرمانی هێرشی سەر ئێرانم ڕاگرتووە بۆ دەرفەتدانی ڕێککەوتن دۆناڵد ترەمپ، سەرۆکی ئەمریکا، ڕایگەیاند فەرمانی هێرشێکی سەربازی بۆ سەر ئێرانی بە کاتی ڕاگرتووە، دوای ئەوەی ئێران و چەند وڵاتێکی ڕۆژهەڵاتی ناوەڕاست داوای مۆڵەتیان کرد بۆ گەیشتن بە ڕێککەوتن. ترەمپ گوتی هێزەکانی ئەمریکا لە ئامادەباشی تەواودان، بەڵام بڕیاری ڕاگرتنی هێرشەکە بۆ دەرفەتدانی گفتوگۆکان دراوە. بەگوتەی ئەو، ڕێککەوتنەکە لەسەر کردنەوەی هەمیشەیی گەرووی هورمز و کۆتاییهێنان بە هەڕەشە ئەتۆمییەکانی ئێران دەبێت، هەروەها ئاماژەی کرد ئیسرائیل پاڵپشتی ئەم هەنگاوە دەکات.

🚨 میدیای ئێران: هێرشی موشەکی کرایە سەر کرماشان

🚨 بەپەلە

🚨 پەیامنێری بازمیدیا لە زاری سەرچاوەیەکی فەرمی:ئەو دەنگەی لە ئاسمانی هەولێر دەبیسترێت فڕۆکەی هاوپەیمانانە بۆ پاراستنی شاری هەولێر لە هێرشی درۆنی

🚨 میدیای ئێرانی ئەم ڤیدیۆیەی بڵاوکردووتەوەو دەڵێت، دۆخی ئێستای بەنزینخانەکانی تاران

🚨 بەپەلە، میدیای ئێرانی: ئاسمانی کوێت داخرا

🚨 ئێستا بە درۆن هێرشکرایە سەر سلێمانی و لە ناو فەرماندەی سلێمانی ئاگر کەوتووەتەوە

لە کوێ هەستت بە بوومەلەرزە کرد؟ بوومەلەرزەیەک سنووری کەرکووک و سلێمانی هەژاند و بەشێک لە هاوڵاتیان هەستیان پێکردووە

لە دهۆک شەڕی خوشک و برایەک کۆتایی بە ژیانی باوکییان هێنا پەیامنێری بازمیدیا لە دهۆک ڕایگەیاند: کەمێک پێش ئێستا بەهۆی دەمەقاڵێی نێوان خوشک و برایەک لە دهۆک باوکیان جەڵتەی دڵ لێدا و گیانی لەدەستدا. لەم بارەیەوە بەڕێوەبەری فریاکەوتنی دهۆک بە بازمیدیای ڕاگەیاند کە ئەو کەسەی کە گیانی لەدەستداوە بەهۆی خەفەت و کێشەی ناو خانەوادەکەیانەوە جەڵتە لێیداوە لە ئێستادا تەرمەکەی ڕەوانەی پزیشکی داد کراوە.

🔴حەج و عومرەی هەرێم: تەنها 4 ڕۆژ بۆ ناونووسینی پڕۆسەی حەج ماوە زیاتر لە ٤٥ هەزار کەس بۆ حەجی ٢٠٢٧ ناونووسییان کردووە؛ کۆتایی مۆڵەت ڕۆژی ٥ی ئابە بەڕێوەبەرایەتیی گشتیی حەج و عومرەی هەرێمی کوردستان، نوێترین ئاماری ناونووسینی هاووڵاتییان بۆ بەجێهێنانی فەریزەی حەجی ساڵی ٢٠٢٧ ڕاگەیاند و ئاگاداریی لە کۆتاییهاتنی ماوەی ناونووسین کردەوە. کاروان ستونی، گوتەبێژی فەرمیی حەج و عومرەی کوردستان، ڕایگەیاندووە تاوەکو ئەمڕۆ شەممە، زیاتر لە ٤٥ هەزار داواکاری بە شێوەی ئەلیکترۆنی تۆمار کراون. ئەو ئاماژەی بەوە کردووە کە پرۆسەی ناونووسین لە سەرجەم شار و ئیدارە سەربەخۆکانی هەرێمی کوردستان بە شێوەیەکی ئاسایی بەردەوامە. گوتەبێژی حەج و عومرە داوای لەو هاووڵاتییانە کردووە کە هێشتا ناویان تۆمار نەکردووە، پەلە بکەن و پێش کۆتاییهاتنی ماوەکە کارەکانیان تەواو بکەن. بەپێی ڕاگەیاندنەکە، چوارشەممە ٥ی ئابی ٢٠٢٦، کاتژمێر ١٢ی شەو کۆتایی مۆڵەتی ناونووسین دەبێت و ئەم وادەیە بە هیچ شێوەیەک درێژ ناکرێتەوە.

🔴 وێنەی سەڵاح محەممەد، کە لە نێو بازاڕی کەلار تەقەی لێکرا و کـ.ـوژرا

🚨ئێران دەستی بە جوڵەی سەربازی کرد بەپێی زانیاری و وێنە مییدیاییەکان، هێزە چەکدارەکانی ئێران دەستیان بە جووڵەپێکردن و گواستنەوەی پۆلێک تانکی قورس لە جۆری (T-72M/M1) کردووە. تانکەکان لە ڕێگەی کاروانی بارهەڵگری تایبەتییەوە لەسەر ڕێگای 39ی سەرەکیی (ئەهواز - ئابادان) بەرەو ناوچەکانی باشووری وڵاتەکە و شاری ئابادان لە جووڵەدان، کە ناوچەیەکی ستراتیژیی نزیک لە سنوورەکانی باشووری عێراق (پارێزگای بەسرە) و وڵاتی کوێتـە. تاکو ئێستا بە فەرمی هۆکاری ئەم جووڵە سەربازییە و جێگیرکردنی ئامێرە قورسەکان لە لایەن وەزارەتی بەرگری یان سوپای پاسدارانی ئێرانەوە ڕانەگەیەندراوە، بەڵام ئەم ناوچەیە لە ڕووی سەربازییەوە گرنگییەکی جیوستراتیژی لە کەنداو و سنوورەکانی دراوسێیدا هەیە.

🚨لە کەلار هاووڵاتییەک بە دەستڕێژی گولـلە کـ.ـوژرا پاشنیوەڕۆی ئەمڕۆ، لە ناو بازاڕی قەزای کەلار، بە دەستڕێژی گولـلە کەسێک کـ.ـوژرا و کەسێکی دیکەش بریندار بوو. قوربانییەکە تەمەنی 49 ساڵ بووە و پیشەی وەستای گەچکار بووە.

🔴ئیرەم نیوز: بەرپرسێکی حـ.ـوسییەکان لە هێرشێکی ئاسمانیدا لە عێراق کـ.ـوژرا ماڵپەڕی ئیرەم نیوزی ئیماراتی بڵاویکردەوە: کـ.ـوژرانی سەرکردەیەکی بزووتنەوەی حـ.ـوسییەکانی یەمەن لە هێرشێکی ئاسمانیدا لە ناوخۆی عێراق، ئاستی بەرز و پێشکەوتووی هاوکاریی سەربازی و ئاڵوگۆڕی شارەزایی لە نێوان گرووپە چەکدارەکانی یەمەن و عێراق دەردەخات. بەپێی زانیارییەکانی ماڵپەڕەکە، ئەم ڕووداوە ئاماژەیەکی ڕوونە بۆ فراوانبوونی هەماهەنگیی ئۆپەراسیۆنی و پەیوەندییە سەربازییەکانی نێوان هەردوولا لە ناوچەکەدا،جێی باسە سەرکردەکە پسپۆرێکی پێشەنگی ئەندازیاری و دروستکردنی فڕۆکەی بێ فڕۆکەوانی خۆکـ.ـوژی بوو و ساڵانێک بوو ڕاهێنانی چڕ و پڕی لە ئێران کردبوو.