និយ័តករមូលបត្រកម្ពុជា (ន.ម.ក.)

ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (ន.ម.ក) បានដឹកនាំសហការី ជួបប្រជុំពិភាក្សាជាមួយលោកស្រី Kelly Hattel អ្នកជំនាញជាន់ខ្ពស់ផ្នែកហិរញ្ញវត្ថុ និងអ្នកជំនាញការនៃធនាគារអភិវឌ្ឍន៍អាស៊ី (ADB) លើការវាយតម្លៃភាពចាស់ទុំសន្តិសុខសាយប័រក្នុងវិស័យហិរញ្ញវត្ថុមិនមែនធនាគារ ក្រោមគម្រោងជំនួយបច្ចេកទេសរបស់ ADB។ ============= នារសៀលថ្ងៃពុធ ៤រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែកញ្ញា គ.ស.២០២៦ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ ន.ម.ក. អមដោយ ឯកឧត្តមបណ្ឌិត វិន ភក្តី អគ្គនាយករង និងជាប្រធានក្រុមការងារបច្ចេកវិទ្យាហិរញ្ញវត្ថុនៃ ន.ម.ក. បានដឹកនាំសហការីជួបប្រជុំជាមួយលោកស្រី Kelly Hattel អ្នកជំនាញជាន់ខ្ពស់ផ្នែកហិរញ្ញវត្ថុ និង អ្នកជំនាញការនៃ ADB មកពីក្រុមហ៊ុន Grant Thornton ដើម្បីពិភាក្សាការងារលើការវាយតម្លៃភាពចាស់ទុំសន្តិសុខសាយប័រក្នុងវិស័យហិរញ្ញវត្ថុមិនមែនធនាគារ ក្រោមគម្រោងជំនួយបច្ចេកទេសរបស់ ADB ។ នៅក្នុងកិច្ចប្រជុំនេះ ឯកឧត្តមប្រតិភូ បានពន្យល់អំពីយន្តការអនុវត្តរបស់ ន.ម.ក. ព្រមទាំងបានបញ្ជាក់ជូនអ្នកជំនាញការ ADB អំពីការរៀបចំរួចរាល់នូវសេចក្តីព្រាងគោលការណ៍ណែនាំស្តីពី ការគ្រប់គ្រងហានិភ័យបច្ចេកវិទ្យា និងសន្តិសុខសាយប័រក្នុងវិស័យមូលបត្រ របស់ ន.ម.ក. និងបានផ្តល់អនុសាសន៍មួយចំនួនដល់អ្នកជំនាញការ ADB ពាក់ព័ន្ធនឹងការវាយតម្លៃភាពចាស់ទុំសន្តិសុខសាយប័រក្នុងវិស័យហិរញ្ញវត្ថុមិនមែនធនាគារ។ ជាលទ្ធផល អ្នកជំនាញការ ADB បានទទួលយកនូវអនុសាសន៍របស់ ឯកឧត្តមប្រតិភូ ព្រមទាំងបានឯកភាពលើការជួយពិនិត្យទៅលើសេចក្តីព្រាងគោលការណ៍ណែនាំស្តីពី ការគ្រប់គ្រងហានិភ័យបច្ចេកវិទ្យា និងសន្តិសុខសាយប័រក្នុងវិស័យមូលបត្រ របស់ ន.ម.ក.។ កិច្ចប្រជុំបានប្រព្រឹត្តទៅដោយរលូន និងប្រកបដោយផ្លែផ្កាខ្ពស់។ ***** ☑️ដើម្បីទទួលបាននូវព័ត៌មានថ្មីៗ និងចំណេះដឹងពាក់ព័ន្ធនឹងវិស័យមូលបត្រ សូមចូលតាមតំណភ្ជាប់ដូចខាងក្រោម៖ បណ្តាញសង្គមរបស់ ន.ម.ក. 🌐 | Website 🌐 | Telegram (SERC Alert ⚠️) 🌐 | Facebook (ន.ម.ក.) 🌐 | Facebook (ព្រឹត្តិការណ៍នានា) 🌐 | LinkedIn 🌐 | YouTube 🌐 | X(Twitter)