Rahimboy Jumaniyozov - Notiqlik san'ati akademiyasi

#ибрат Бир донишманддан "заҳар нима?" деб сўрашибди. Донишманд шунақа жавоб берибди: "Эҳтиёжимиздан ортиқча бўлган ҳамма нарса заҳардир. Ортиқча меҳнат, ортиқча ҳордиқ, ортиқча қўрқув, ортиқча сокинлик, ғазаб, ортиқча қувонч, нафрат ва ҳатто яхши гумон" Ҳаётнинг моҳияти ва шифоси мувозанатни, хотиржамликни сақлай олишдир.

Устоз ўз ўқувчисини камондан ўқ узишга ўргатаётган эди. Ўқувчи камонни ва иккита ўқни олиб, машқ бажаришга шайланди. Бироқ, Устоз унинг олдига бориб, ундан ўқнинг бирини олиб қўйди. — Нима учун иккинчи ўқимни олиб қўйдингиз? — сўради ўқувчи. — Мен сендан иккинчи ўқингни эмас, биринчи ўқингни олиб қўйдим, чунки биринчи ўқинг барибир нишонга тегмас эди. — Аммо нима учун? — ҳайрат билан сўради ўқувчи. — Чунки ўқ узаётиб, сен захирада яна битта уриниш борлигини англаб турган бўлар эдинг, мана шу хотиржамлик, инсоннинг энг катта душманидир, — деди Устоз. P.S.: "Ҳали вақт бор" ёки "Кейинроқ имкон бўлади" деб умрингизни беҳуда ўтказиб юборманг! Ҳар бир имкондан охиргиси каби фойдаланинг. Шундагина муваффақиятга эришасиз!

#ибрат ​​​​ҲЕЧ ҚАЧОН НОЛИМАНГ! Одамлар сизни кучли, ижобий фикрловчи ва энергияга бой шахс деб билишсин. Доим нолийдиган, ҳар нарсада майдалашиб ёмонлик қидирадиган инсонлар ўзидан бошқаларни нари кетишига сабаб бўлади ва камдан кам ҳолда ютуққа эришадилар. Психологик нуқтаи назарда ҳамма нарса аввал ўй-хаёлда, кейин реал ҳаётда содир бўлади.   Шунинг учун доим ижобий фикрланг. Руҳан кучли бўлсангиз, йўлингизда учраган ҳеч бир қийинчилик сизни орқага қайтара олмайди. Нима хоҳлашингизни тасаввур қилинг, буни рўёбга ошишига қаттиқ ишонинг, ҳаракатни бошланг ва у албатта амалга ошади.

Ёз мавсумларининг бирида кучли қурғоқчилик авж олиб кичкинагина қишлоқдаги экин-текинларга таҳдид сола бошлайди. Жазирамали бозор кунларининг бирида қишлоқ имоми жамоат аҳлига қарата шундай дейди: — Бизни ёмғир дуосидан бошқа ҳеч нарса қутқара олмайди. Уйга боринг, дуо қилинг, ишонинг ва эртага Тангри ёмғир юборгани боис раҳмат айтишга тайёр бўлиб келинг. Одамлар ўзларига тайинланган вазифаларни адо этиб, эртасига айтилган жойга тўпландилар. Аммо имом уларни кўриши билан жаҳл отига миниб: — Дуо қилмабсиз. Демак, хали ҳам етарлича ишонмаяпсиз, — дейди. — Ия, деб эътироз қилади одамлар, дуо қилдик ва чиндан ҳам ишоняпмиз. — Ишоняпсизми? — деб сўрайди имом. — Унда соябонларингиз қани?! P.S.: Аслида кўпчилигимиз шунақамиз, Аллоҳдан бирор мушкулага ечим сўраймиз, бироқ уни ҳал қилиб беришига кўзимиз етмайди. Натижада, дуоларимиз ижобат бўлмайди!

ТАРБИЯ • Оилавий тарбия ота-оналар учун, аввало, ўзини-ўзи тарбиялаш демакдир. Агар одамлар болаларингиз ҳақида ёмон гапиришса, бу уларнинг сизни ёмонлашаётганидир. • Таълим-тарбия сўзи ёнма-ён ёзилса-да, ҳар иккаласининг алоҳида-алоҳида маъноси бор. • Болалари бўлатуриб зериккан аёл нафратга лойиқдир. • Мактаблар кўп, бироқ яхши отасиз яхши тарбия бўлмайди. • Фарзандингиз нима деса, ҳаммасига хўп деяверсангиз, уни бахтсиз қилиб қўясиз. • Ўрнак кўрсатиш дўқ-пўписадан кучлироқ таъсир этади. • Болангизни у билан гаплашаётган, бирор нарса ўрганаётган ёки унга бирор иш буюраётганингиздагина тарбиялаяпман деб ўйламанг. Сиз уни ҳаётингизнинг ҳар бир сониясида тарбиялаб борасиз. Сўзингиз оҳангидаги зиғирдек ўзгаришни ҳам, фикрингиздаги озгина бурилишни ҳам кўринмас йўллар билан бола сезиб туради, буни ўзингиз пайқамай қоласиз.

#Nodir_ovozlar “Nodir ovozlar” loyihasining 163-sonini e’tiboringizga havola etamiz 1. Mavlono LUTFIY "Bu ko'nglidir, bu ko'ngil" g'azali 2. Tavakkal Qodirov "Yana” qo'shig'i 3. Tog’ay Murod “Oydinda yurgan odamlar” qissasi Kanalga ulanish 👉 https://t.me/dtrdep Bizning manzil: Veb-sahifa | Telegram | Facebook

Ҳеч нарса тиришқоқликни ўрнини боса олмайди. Талант ҳам уни ўрнини боса олмайди — дунёда талантли муваффақиясиз инсонлар ҳам кам эмас. Даҳолик ҳам ўрнини боса олмайди - дунёда муваффақиятга эриша олмаган даҳолар қанча. Таълим ҳам ўрнини боса олмайди — олий маълумотли қашшоқлар жуда кўп. Тиришқоқлик ва кучли ирода муваффақиятнинг асосий омилидир.