Rahimboy Jumaniyozov - Notiqlik san'ati akademiyasi

"Chumolini ham ranjitmayman" dema! "Ham" degan ifodangni o'ziyoq chumolini xafa qiladi. So‘z so‘zlamoq uchun irfon kerak. So‘zni anglamoq uchun inson kerak. ✍️Fuzuliy

Бошига иш тушганни шилиш — ўликнинг кафанини ечиб олишдай гап...

Абдулла Қаҳҳор ўз даврини яхши тушунган ва келажакни олдиндан кўра билган адиб эканлигига шубха йўқ наздимда... Ўтмишга саёҳат!

Ўрмонда байрам уюштирилди. Жирафа базмгоҳ эшиги олдида ҳайвонларнинг аввал паспортига, кейин юз-кўзига синчков қараб ичкарига киритяпти. Чувалчангдан тортиб қурт-қумурсқагача таклиф этилган тантанага ногоҳ бир ҳайвон кириб келди. Узоқдан қарашса, қўйга ўхшайди, яхшилаб қаралса, нигоҳлари бўрига тортади. Янаям диққат ила қарашса, қўй терисини ёпинган бўри экан. Лекин жирафа барибир ҳушёр экан. У бўрига ўхшаш қўйнинг ҳужжатини тити питисини чиқариб ташлабди, ва оқибатда қўй терисини ёпиниб келган бўри бўри эмас, тулки бўлиб чиқибди. Бундан асл қўчқору тулкилар ва бўрилар жуда хижолат бўлишипти. Ўзини ҳар қиёфага солаётган ҳайвонни тилка-пора қилишибди. ЎРМОНДА АДОЛАТ БОРДА БАРИБИР. Ҳаётда ҳам шундай бўлганда эди, вазиятга қараб ўзгараётган тулкисифатларни, аслан қуён юрагу лекин издиҳомда биз шермиз, бўримиз, деб кўкрагига урувчиларни, ҳар қандай соҳага адашиб кириб қолган қуртларни шунақа жазолардик. Афсус, бу нусхалар ҳар даврада турфа қиёфага киришади. Жирафалар эса олдингидек ҳушёр эмас...

Қария ва ўлим Бир куни Сулаймон ибн Абдулмалик Дамашқ масжидига кирди. Унда қария бир мўйсафид ўтирганини кўрди. Унинг олдига бориб: - “Эй қария! Ўлишни хоҳлайсизми?” - деди. У: - “Асло, йўқ. Эй Амирул мўминийн” - деди. Сулаймон: - “Нега. Ёшингиз бир жойга бориб қолибдику?” - деб сўради. У: - “Ёшлик ва унинг ёмонликлари кетди. Қарилик ва унинг яхшиликлари келди. Турсам ҳам Аллоҳга ҳамд айтяпман, ўтирсам ҳам Аллоҳга ҳамд айтяпман. Шу икки ҳолат давом этишини истайман” - деди. Халифа: - “Умрингизнинг узун бўлишига қайси амалингиз сабаб бўляпти, айта оласизми?” - деди. У: - “Эй Амирул мўминийн! Таҳоратни мукаммал қиламан. Намозни чиройли адо қиламан. Силаи раҳм одатим. Кўзим ва маълум аъзоларимни иффатда сақлайман. Аллоҳ берган ризқлардан ўзгаларга мурувват қиламан” - деб жавоб берди. Шунда Сулаймон ибн Абдулмалик: - “Бежизга ўлим сизни четлаб ўтмаяпти экан” - деди.

Раҳбар билан мулоқот қилиш бўйича баъзи маслаҳатларни тақдим этамиз: 1. Одоб қоидаларига риоя қилинг. Раҳбарингизга исми-шарифи билан мурожаат қилинг. Агар у мурожаат қилишнинг бошқа усулини таклиф қилмаган бўлса. 2. Пунктуал бўлинг. Учрашувлар учун белгиланган вақтга риоя қилинг ва учрашувларга кечикманг. 3. Аниқ ва равон гапиринг. Раҳбарингиз билан мулоқотда бўлганингизда, баёнотингиз аниқ ва тушунарли бўлишига ишонч ҳосил қилинг. 4. Диққат билан тингланг. Раҳбарнинг фикрига ҳурмат кўрсатиш ва унинг нуқтаи назарини тинглаш муҳимдир. 5. Ечимларни ишлаб чиқиш. Муаммоларга муқобил ечимларни таклиф қилинг ва фаол бўлинг. 6. Унинг вақтини ҳурмат қилинг. Раҳбарни бирон бир савол билан тўхтатишдан олдин, суҳбатни давом эттириш унга қулай ёки йўқлигини аниқланг. 7. Махфийликни сақлаш. Агар раҳбарингиз сиздан маълумотни сир сақлашингизни сўраса, унинг розилигисиз маълумотни ошкор қилманг. 8. Электрон ёзишмаларда одоб-ахлоқ қоидаларига эътибор беринг. Раҳбарга расмий ва равшанлик билан электрон хабарларини юборинг. 9. Профессионал бўлинг. Раҳбарингиз билан мулоқотда шахсий ва иш масалаларини аралаштириб юборманг. 10. Самимий бўлинг. Мулоқотда ҳалол ва очиқ бўлиш муҳим, шу билан бирга раҳбарингизни ҳурмат қилинг. Ёдда тутингки, раҳбарингиз билан самарали мулоқот сизнинг профессионал муносабатларингизни мустаҳкамлашга ва самарадорликни оширишга ёрдам беради.

Ҳар бир лаҳзамиз ғанимат Бир донишманд бутун умри давомида доим бахтли яшаган экан. У доим ҳурсанд, кайфияти аъло даражада юрар, ҳеч ким уни тушкун кайфиятда юрганини кўрмаган экан. Вақти соати яқинлашиб ўлим тўшагида ётганида шогирдларидан бири ундан сўрабди: — Устоз мана ҳозир ҳам сизга қийин бўлаётганини билиб турибмиз, шундай бўлса ҳам юзингизда табассум билан ётибсиз, нега ҳар доим ҳурсанд бўлиб юргансиз? Сизни ҳеч тушкун кайфиятда кўрмаганмиз. Бунинг бирор сабаби борми айтинг? — дебди. — Мен йигит давримда ўзимнинг устозимдан бу ҳақида сўраган эдим. Устозим етмиш ёшни қоралаган ва анчайин қариб қолган эди. Уни дарахт соясида ўтириб ҳеч қандай бир сабабсиз кулаётганини кўриб қолдим ва ҳайрон бўлиб бу ҳақида сўрадим. "Мен доим сен каби ҳамма нарсадан ҳафа бўлиб юрар эдим. Доим ҳаётда омадим келмасди, менга ҳеч ким эътибор бермайди деб ҳафа бўлардим. Бир кун тонгда ўзимга савол бердим “бу ҳаёт сеникими ёки бошқаникими, нега уни ҳафа ҳолда ўтказишинг керак, ахир атрофингда бирдан омади келган инсонлар талайгина. Шулардан бири бўлиш қўлингдан келмайдими“ дедимда ҳаётимни ва тонгни табассум ила бошладим. Шу кундан бошлаб мен доим табассум қилиб юраман. Бу менинг танловим" деган. Донишманд шогирдига: Ҳар тонг уйғониб бугунги танлов қандай бахтиёрлик ёки аксинча бахтсизлик танлаш имкони ўзингда. Менинг танловим эса ҳар бир ҳолатимда шукр дея табассум қилиш! Сен ҳам танла дебди.

Филология фанлари номзоди, таниқли воиз - сўз устаси Раҳимбой Жуманиёзов замон билан ҳамнафас зиёлиларимиздан. Каминанинг журналист ҳамкасбларимизга бағишланган шеърини байрам муносабати билан чиройли, ширали овозда ўқибди. @abdusaidkuchimov