kehulum lehulum bufe ከሁሉም ለሁሉም ቡፌ

​ከዘፈኑ ጀርባ ያለው እውነተኛ ታሪክ (መነሻ ሐሳብ) ወይ ዘንድሮ ኤፍሬም ታምሩ!​ ​አንድ ቀን አበበ ብርሃኔ የጨጓራ ሕመም አሞት ሕክምና ለማግኘት ወደ የካቲት 12 ሆስፒታል ያመራል። ነገር ግን ሕክምናውን በማግኘት ላይ ሳለ፣ ከዶክተሩ ያልጠበቀውን ያልተገባ ንግግር አስተናገደ። ​"እንዴት አሞኝ መጥቼ እንዲህ ይናገረኛል? ለመሆኑ ምን አስቦ ነው? እንኳን እሱ ዶክተር ሆኖ ቀርቶ፣ እኔ በሙያዬ የምሰራው ሙዚቃ ሰውን ከድካም፣ ከሐዘን፣ ከጭንቀትና ከድብርት እንዲያላቅቅ ነው የምጥረው። ለሕዝቡ በጥሩ ሁኔታ ተሰርቶ እንዲቀርብና እንዲደሰትበት ስለምፈልግ የምሰራውን ነገር ሁሉ ተጠንቅቄ ነው የምከውነው። ዶክተር ደግሞ ሙያው ከእኔ ከሙዚቀኛው ይበልጥ ከፍተኛ ኃላፊነት የሚጠይቅ ነው። ምክንያቱም እግዚአብሔር በአምሳሉ የፈጠረውን የሰው ልጅ አካል የሚያክሙት፣ ቀዶ ጥገና የሚያደርጉለት እና የሚገባውን መድኃኒት ሰጥተው ከእግዚአብሔር በታች የሚያድኑት እነሱ ናቸውና!" ​እያለ በዶክተሩ ሥነ-ምግባር እየተብሰከሰከ ከዶክተሩ ክፍል ወጥቶ ወደ ውጭ መጓዝ ጀመረ። ​ልክ በመውጣት ላይ ሳለ፣ ፊት ለፊቱ አንዲት የባህል ሽብሽቦ ቀሚስ የለበሰች ሴት አየ። ነጠላ እንኳ ሳታደርግ ሽብሽቦውን ብቻ እንደለበሰች እጆቿን ወደ ላይ ዘርግታ "የዘንድሮን ነገር! የዘንድሮን ነገር!" እያለች ስታለቅስ እና ስትወጣ ተመለከታት። ​አበበም "በእሷ ላይ የደረሰው ይበልጥ ምን ይሆን?" ብሎ ነገሩን ለማጣራት ሲመለከት፣ አንድ ያረፈ (የሞተ) ሕፃን ልጅ በነጠላ ጠቅልለው ሁለት ሰዎች ከኋላዋ ሲከተሏት አየ። ​በዚህ ጊዜ አበበ በሐሳብ ተመሰጠ፡- "አይ! ልጇ ሞቶባት ነው... ለነገሩ ባሏስ የለም? 'የዘንድሮ ነገር' እያለች የምታማርረው ይሄ ብቻ ደርሶባት አይሆንም። ወይ ቀደም ብሎ ባሏ አርፎባት (ሞቶባት) ተደራራቢ ሐዘን ላይ ሆና ይሆናል" እያለ በውስጡ ብቻውን እየተናገረ፣ የሴትዮዋ ሁኔታ በሕሊናው እየመጣበት ወደ ቤቱ ተመለሰ። ​ቤት እንደደረሰም ወዲያውኑ ወደ ሙዚቃ መሣሪያው በመሄድ፣ በሴትዮዋ ንግግር ተነሥቶ እንዲህ ሲል ዜማውን ሠራ፡- ​"አልናገር ችዬም አልናገር የዘመኑን የዘንድሮን ነገር ከመጨነቅ ከመጠበብ በቀር ያገኘሁት የለም ሌላ ነገር..." ​በመቀጠል አበበ ብርሃኔ በሴትዮዋ ንግግርና በእነዚህ ስንኞች መነሻነት የሠራውን ሙሉ ዜማ ወደ ደራሲ ይልማ ገብረአብ ወሰደው። ይልማም የዘፈኑን መነሻ ሐሳብና ዜማ ተከትሎ፣ ካዘጋጃቸው ማያልቁ ስንኞች መካከል መርጦ በመግጠም ዘፈኑን ሙሉ አደረገው። ​ኤፍሬም ታምሩ ~ "ወይ ዘንድሮ" ❤ ​አልናገር ችዬም አልናገር የዘመኑን የዘንድሮን ነገር ከመጨነቅ ከመጠበብ በቀር ያገኘሁት የለም ሌላ ነገር ​ወይ ዘንድሮ... ወይ ዘንድሮ ወይ ዘንድሮ... ወይ ዘንድሮ ወይ ዘንድሮ አያልቅም ተነግሮ! ​ጥንት ይወሳል (ይጎርሳል) እንጂ የዘንድሮ እየተሰለፈ የዘንድሮ ማን ይበላ ነበር የዘንድሮ ደጅ እየቆለፈ የዘንድሮ ማን ይበላ ነበር የዘንድሮ በር እየቆለፈ የዘንድሮ ​ንብረት ወዳጅ ሆነ የዘንድሮ ገንዘብ ዘመድ ተካ የዘንድሮ አልተመቸም ፍፁም የዘንድሮ በሰው ለሚመካ የዘንድሮ ​ከውኃው ብጠጣ ባሕሩ ነጠፈ ከዛፉ ብጠጋ ቅጠሉ ረገፈ እንደምን ብሎ ይሄስ ቀን ባለፈ? ይሄስ ቀን ባለፈ? ​ማኅተብ ያሥር ነበር የዘንድሮ ያ የጥንቱ ሰው የዘንድሮ የዛሬው ሊጥለው የዘንድሮ ሊበጣጥሰው የዘንድሮ ያሁኑ ሊጥለው የዘንድሮ ሊበጣጥሰው የዘንድሮ ​ሆድም ተራራቀ የዘንድሮ እንዳንነጋገር የዘንድሮ አንተ ላንተ ኑር ነው የዘንድሮ የዘንድሮ ነገር የዘንድሮ ​ግጥም፡ ይልማ ገብረአብ ​ዜማ፡ አበበ ብርሃኔ ​ቅንብር፡ አበጋዝ ክብረወርቅ ሺዎታ ቻናላችንን ለመቀላቀል https://t.me/lehulumbufe በሚለው ሊንክ በኩል ገብተው ጆይን ይበሉ! ለሀሳብ አስተያየት ደግሞ @lehulum_1bot የሚለውን ይጠቀሙ! ሼር ማድረጉም እንዳይረሳ!