Gurage Zone Government Communication Affairs

ትምህርት የወደፊት ህይወት ማስተካከያ መሳሪያ ነው ሲሉ አምባሳደር ምስጋኑ አርጋ ገለፁ። መስከረም 26/2019 ዓ.ም(ወልቂጤ) ምስጋናው በጎ አድራጎት ድርጅት በእኖር ወረዳ ድጋፍ ለሚሹ ለሸብራበር 1ኛ እና 2ኛ ደረጃ ትምህርት ቤቶች ተማሪዎች የሶላርና የመማሪያ ቁሳቁስ ድጋፍ አደረገ። የምስግጋናው በጎ አድራጎት ድርጅት መስራችና የበላይ ጠባቂ አምባሳደር ምስጋኑ አርጋ እንደተናገሩት ትምህርት የወደፊት የተሻለ ህይወት ማስተካከያ መሳሪያ ነው። በመሆኑም ተማሪዎች ውድ ጊዜያቸውን በዕቅድ በመምራት ትምህርታቸውን በአግባቡ እንዲከታተሉ እና በትምህርት ቤቱ ውስጥ የቀረቡ ወሳኝ የትምህርት ግብአቶች በተለይም ቤተ መጽሀፍትንና ቤተ ሙከራን በተገቢው ተጠቅመው ውጤት እንዲያስመዘግቡ ክቡር አምባሳደሩ አደራ ብለዋል። ትምህርት የእድገት መሰረት በመሆኑ ተከታታይነት ያለው ድጋፍና ክትትል ማድረግ እንደሚገባም አመላክተዋል። በዕለቱም ድጋፍ ለሚሹ ከ2 መቶ በላይ የሚሆኑ የት/ቤቱ ተማሪዎች የመማሪያ ቁሳቁስና የሶላር ድጋፍ ተደርጎላቸዋል። ተማሪዎች "በምስጋናው በጎ አድራጎት ድርጅት"እየተደረገላቸው ባለው ድጋፍ መደሰታቸውን ጠቁመው የተሻለ ውጤት ለማስመዝገብ በርትተው እንደሚማሩ ገልጸዋል ሲል የወረዳው መ/ኮ ዘግቧል።

የጉራጌ ክትፎና የየም ብሔረሰብ ባህላዊ የመድሀኒት ለቀማን ጨምሮ 11 ቅርሶችን በዩኒስኮ ለማስመዝገብ እየተሰራ መሆኑ ተገለጸ የጉራጌ ክትፎ እና የየም ብሔረሰብ ባህላዊ የመድሀኒት ለቀማን እንዲሁም ያሆዴ፣ መሳላ፣ ሄቦ እና ሴራ የተሰኙትን የተለያዩ ብሔረሰቦች ዘመን መለወጫ በዓል ጨምሮ 11 ቅርሶች በተባበሩት መንግስታት ድርጅት የትምህርት፣ የሳይንስና የባህል ድርጅት (ዩኒስኮ) እንዲመዘገቡ እየተሰራ መሆኑን የማዕከላዊ ኢትዮጵያ ክልል ባህልና ቱሪዝም ቢሮ ለአሐዱ አስታውቋል። በክልሉ በዩኔስኮ የተመዘገበው የጢያ መካነ ቅርስ በርካታ ጥቅሞችን እያስገኘ እንደሚገኝ የጠቆሙት የቢሮው ምክትል ሀላፊ አቶ ደግነህ ቦጋለ አንድ ቅርስ ዓለም አቀፍ ቅርስ ሆኖ ሲመዘገብ በርካታ ጎብኚዎችን እንደሚስብ አንስተዋል። በክልሉ ቋሚ፣ ተንቀሳቃሽና የማይዳሰሱ ቅርሶችን ያጠቃለለ በአጠቃላይ 11 ቅርሶች በዩኒስኮ እንዲመዘገቡ ጥረት እየተደረገ ይገኛል ብለዋል። ከእነዚህ መካከል የሀድያ ዘመን መለወጫ ያሆዴ፣ የከምባታና ጠንባሮ ዘመን መለወጫ መሳላ፣ የየም ብሔረሰብ ዘመን መለወጫ ሄቦ፣ እና የሀላባ ዘመን መለወጫ ሴራ እንደሚገኙበት ተናግረዋል። ከእነዚህ በተጨማሪም የጉራጌ ክትፎ አዘጋጃጀትና ጥበብ ሥርዓት እንዲሁም የጆካ ጊጫ የሚሰኘው የጉራጌ ባህላዊ የዳኝነት ስርዓት እና የየም ብሔረሰብ ባህላዊ የመድሀኒት ለቀማ በዩኔስኮ እንዲመዘገቡ ክልሉ በክልልነት ከተደራጀ በኋላ ባለፉት 3 ዓመታት ከሚመለከታቸው ባለድርሻ አካላት ጋር በቅንጅት ሲሰራበት መቆየቱን አስገንዝበዋል። ምክትል ሀላፊው አክለውም እነዚህ ቅርሶች አሁን አሁን ያሉበትን ነባራዊ ሁኔታና የሚዳስሱ መረጃዎች ተሰብስበው በፋይል መልክ እየተቀመጡ እንደሚገኝም አስታውቀዋል። ቅርሶች እንክብካቤ እና ጥበቃ እንዲደረግላቸው በዩኔስኮ ቢመዘገቡ የተሻለ ነው ተብሎ እንደሚወሰድ አንስተዋል። ይህንን ተከትሎም ከታችኛው መዋቅር የሚቀርቡ በርካታ ጥያቄዎች መኖራቸውን ገልፀው ቢሮው ለፌደራል እና ተጠሪ ለሆኑ ተቋማት ጥያቄዎችን በማቅረብ እንደሚሰራ አስታውቀዋል። #አሐዱ_ሬዲዮ_94.3

በአየር ንብረት ለውጥ ምክንያት የሚደርሰውን የአፈር ለምነት መቀነስ ለመከላከል የተቀናጀ ስራ መስራት ያስፈልጋል፦ አቶ አበራ ወንድሙ መስከረም 26/2019 ዓ.ም (ወልቂጤ) የጉራጌ ዞን ደንና አካባቢ ጥበቃ ልማት መምሪያ የ2018 በጀት አመት እቅድ አፈጻጸምና የ2019 በጀት ዓመት እቅድ እንደዚሁም የ1ኛ ሩብ ዓመት እቅድ አፈጻጸም መድረክ ባለ ድርሻ አካላት በተገኙበት በወልቂጤ ከተማ አካሂዷል። በአየር ንብረት ለውጥና በደን ሽፋን መሳሳት ምክንያት የሚደርሰውን የአፈር ለምነት መቀነስን መከላከል እንደሚገባም ተመላክቷል። በመድረኩ የተገኙት የጉራጌ ዞን ምክትል አስተዳዳሪና የግብርና መምሪያ ሀላፊ አቶ አበራ ወንድሙ እንዳሉት የአየር ንብረት ለውጥ በመከላከል ረገድ የደንና አካባቢ ጥበቃ ተቋም ትልቅ ድርሻ ወስዶ እየሰራ ይገኛል ብለዋል። መንግስትን የአየር ንብረት ለውጥ ለመከላከል ከ2011 ዓመተ ምህረት ጀምሮ እንደ ሀገር እስከ 56 ቢሊየን ችግኞች እንዲሁም በዞኑ ከ500 ሚሊየን በላይ የሚጠጋ ዘርፈ ብዙ ጠቀሜታ ያላቸው የቡና ፣የፍራፍሬ ፣የደንና የውበት ችግኞች ተተክለዋል ብለዋል። ነባር ደኖችን በአግባቡ በመጠበቅና በመንከባከብ ለቀጣይ ትውልድ ማስተላለፍ ይገባል ያሉት አቶ አበራ አሁን ላይ ያለው ትውል አዳዲስ ችግኞች በመትከልና በመንከባከብ የበኩሉን ድርሻ መወጣት እንዳለበትም አመላክተዋል። የግብርና ተቋም ከደንና አካባቢ ጥበቃ ተቋም ጋር በመቀናጀት በደን ልማቱ ላይ በርካታ ስራዎች እየሰሩ እንደሆነም አመላክተው የተተከሉ ችግኞች በተገቢው የመንከባከብና የመጠበቅ እሴት አጠናክሮ መቀጠል እንደሚገባም አስረድተዋል። የከርሰ ምድርና የገጸ ምድር ውሃ አቅም እንዲጨምር ፣ የግብርና ምርትና ምርታማነት እንዲያድግ ፣ የአፈር ለምነት እንዲጨምርና የመሬት መሸርሸር እንዲቀንስ በማድረግ ረገድ በትኩረት መሰራት እንደሚገባ አመላክተዋል። የጉራጌ ዞን ደንና አካባቢ ጥበቃ ልማት መምሪያ ኃላፊ አቶ እንዳለ ስጦታው እንዳሉት የዞኑ የደን ሽፋን ለማሳደግ በርካታ ስራዎች እየተሰሩ እንደሆነና በዞኑ የደን ሽፋን በየዓመቱ በአማካይ 0.7 በመቶ ለማሳደግ በተደረገው ያላሰለሰ ጥረት፣ ለክልላዊና ሀገራዊው ስኬት የጎላ ድርሻ ማበርከት ችለናል ብለዋል። ሀገራችን ኢትዮጵያ ለጎረቤት ሀገራት ችግኞችን በማበርከት፣ የድንበር ተሻጋሪ የወንዝ ተፋሰሶችን በመንከባከብ፣ የታዳሽ ኃይል አቅርቦትን ለጎረቤቶች በማዳረስ እና በጋራ ድንበሮች አካባቢ የደን ሽፋንን በማሳደግ ረገድ እያከናወነችው ያለው ሥራ ሰላምን፣ ወንድማማችነትንና አዎንታዊ የቀጣናዊ ትስስር ድልድይን እየገነባ ይገኛል ብለዋል ለደን ዘርፉ የተለየ ትኩረት በመስጠት እየተሰራ እንደሆነ የተናገሩት አቶ እንዳለ የሰው ሰራሽና የተፈጥሮ ደኖች የመጠበቅና የመንከባከብ ሁኔታ ከጊዜ ወደ ጊዜ መሻሻሎች አሳይቷል ብለው ይህንንም አጠናክሮ ማስቀጠል እንደሚገባም አሳስበዋል። በአየር ንብረት ለውጥና በደን ሽፋን መሳሳት ምክንያት የሚደርሰውን የአፈር ምርታማነት መቀነስና መከላከል እንደማገባም አመላክተዋል። በመድረኩ የተገኙ አንዳንድ ባለድርሻ አካላት በሰጡት አስተያየት በ2018 በጀት አመት የተሰሩ ጠንካራ ስራዎች በማስቀጠልና ጉለቶችን በማረም በበጀት አመቱ በዘርፍ የተሻለ ስራ መስራት እንደሚገባም አመላክተዋል። ጥብቅ ደኖችን በመጠበቅና የበለጠ በመንከባከብ ለቱሪስቶች ምቹ ማድረግ እንደሚገባም አመላክተዋል። በመጨረሻም በ2018 በጀት አመት ከተቋሙ ጋር በአብሮነት ለሰሩ ተቋማት ፣በተቋሙ በጡረታ ለተሸኙ አካላትና በመምሪያው በበጀት አመቱ የተሻለ አፈጻጸም ላመጡ ባለሙያተኞች እንዲሁም በ2018 በጀት አመት የተሻለ አፈጻጸም ላመጡ የእኖር ፣የጉመርና የቸሃ ወረዳዎች እውቅና በመስጠት ተጠናቋል ሲል የዘገበው የጉራጌ ዞን የመንግስት ኮሚኒኬሽን መምሪያ ነው።

በዞኑ ዘላቂና አስተማማኝ ሰላምና ደህንነት በማስፈን የተጀመሩ የልማት ስራዎችን አጠናክሮ ለማስቀጠል የሚሊሻ አባላትን አቅም ማጎልበት አስፈላጊ መሆኑን የጉራጌ ዞን አስተዳደር አስታወቀ። የጉራጌ ዞን ሚሊሻ ጽህፈት ቤት የ2018 በጀት ዓመት አፈፃፀምና የ2019 በጀት ዓመት እቅድ የትውውቅ መድረክ በወልቂጤ ከተማ አካሂዷል። የጉራጌ ዞን ረዳት የመንግስት ተጠሪ አቶ ደሳለኝ ፈቀደ እንደገለጹት የህብረተሰቡን ሰላምና ደህንነት በአስተማማኝ ሁኔታ ለማስጠበቅ የሚሊሻ መዋቅር አቅምን ይበልጥ ማጠናከር ይገባል። የሚሊሻ አባላቱ ከአካባቢ ሰላም ጥበቃ ባሻገር የማህበረሰቡ አጠቃላይ እንቅስቃሴ ፍፁም ሰላማዊ እና ደህንነቱ የተጠበቀ እንዲሆን የማድረግ ትልቅ ሀላፊነት እንዳለባቸው ገልጸዋል። ለዚህም አባላቱ የሚኖሩበትን ማህበረሰብ በጥልቀት ማወቅና የተለየ ወይም አጠራጣሪ እንቅስቃሴ የሚያደርጉ አካላትን ለይቶ ማወቅ እንደሚጠበቅባቸው አሳስበዋል። አቶ ደሳለኝ አክለውም በዞኑ በርካታ የፀጥታ ስጋት የሚፈጥሩ ተግባራት እየተከናወኑ መሆናቸውን ጠቁመው እነዚህን ስጋቶች በዘላቂነት ለመከላከል የተጠናከረ ስራ መስራት እንደሚገባ አስገንዝበዋል። በዞኑ ዘላቂ ሰላምና የህብረተሰቡ ደህንነት በአስተማማኝ ሁኔታ ለማስጠበቅ የፀጥታ አካላት፣ ፖሊስና ሚሊሻ በቅንጅት መስራት እንዳለባቸውና ለአባላቱ አስፈላጊው ሎጀስቲክ መሟላት እንዳለበት አሳስበዋል። አክለውም አቶ ደሳለኝ አባላቱ መልካም ስነምግባር ተላብሰው ህዝብን በቅንነት፣ በታማኝነትና በትጋት ማገልገል እንዳለባቸውና ለሌሎች ዜጎች አርአያ መሆን እንደሚገባቸው አስገንዝበዋል። የጉራጌ ዞን ሰላምና ፀጥታ መምሪያ ኃላፊ አቶ ነጋ አስፋው በበኩላቸው የፀጥታ ጉዳይ ጊዜ የማይሰጠው አንገብጋቢ ጉዳይ መሆኑን ገልጸዋል። የሚሊሻ አባላት ንቁና ታታሪ በመሆን የአካባቢያቸውን ሰላም ለማስጠበቅ በቁርጠኝነት መስራት እንዳለባቸው የተናገሩት አቶ ነጋ፣ አባላቱ የፖሊስን ተግባር የሚያፋጥኑና የፖሊስን ጫና የሚቀንሱ በመሆናቸው የተቀናጀ አሰራርን ማጠናከር እንደሚገባ ጠቁመዋል። አባላቱ በተጠናቀቀው በጀት ዓመት ከፖሊስ ጋር በመቀናጀት በዞኑ አንፃራዊ ሰላም እንዲሰፍን ከፍተኛ አስተዋፅኦ ማበርከታቸውንም አክለው ገልጸዋል። አቶ ነጋ አያይዘውም የጉራጌ ማህበረሰብ በጸጥታና ደህንነት ተቋማት ያለውን ተሳትፎ ለማሳደግ አበረታች ተግባራት እየተከናወኑ እንደሚገኝና በአሁኑ ወቅት በሀገር መከላከያ ሰራዊትና በፖሊስ መዋቅር በርካታ ወጣቶች እየተሳተፉ መሆናቸውን አስረድተዋል። የጉራጌ ዞን ሚሊሻ ጽህፈት ቤት ኃላፊ አቶ ክፍሌ ኧትሟሪ በበኩላቸው፤ በየመዋቅሩ አዲስ የቀበሌ ሚሊሻ አባላትን ለመመልመል በተሰራው የግንዛቤ ፈጠራ ስራ ህብረተሰቡ በንቃት እየተሳተፈ ይገኛል ብለዋል። በዚህም በበጀት ዓመቱ 687 አዲስ የቀበሌ ሚሊሻ አባላትን መመልመል ተችሏል። በተጨማሪም አባላቱ በዞኑ በሁሉም መዋቅሮች ህገ-ወጥ ንግድን በመቆጣጠር ረገድ ከፍተኛ ሚና እየተጫወቱ እንደሚገኙ አስገንዝበዋል። በቀጣይም የሚሊሻና ከመከላከያ ተመላሽ አባላትን ቁጥር የማጥራት ስራ እንደሚሰራ ተናግረዋል። በመድረኩ ማጠቃለያ በ2018 በጀት ዓመት በስራቸው የላቀ አፈፃፀም ላስመዘገቡ ወረዳዎች እውቅና ተሰጥቷል። በዚህም መሰረት 1ኛ እኖር፣ 2ኛ ምሁር አክሊል፣ 3ኛ ቸሀ፣ 4ኛ እዣ፣ እና 5ኛ ጉመር ወረዳዎች ደረጃ በመያዝ የሰርተፊኬትና የዋንጫ ሽልማት ተበርክቶላቸዋል።

በዞኑ የወርልድ ቴኳንዶ ስፖርት ይበልጥ ለማነቃቃት እየሰራ መሆኑ የጉራጌ ዞን ወጣቶችና ስፖርት መምሪያ አስታወቀ። መስከረም 25/2019(ወልቂጤ) በመመሪያው አዘጋጅነት የ3ኛ ደረጃ የወርልድ ቴኳንዶ የዳኝነት ሥልጠና በወልቂጤ ከተማ መስጠት ተጀመረ። የጉራጌ ዞን ወጣቶችና ስፖርት መምሪያ ምክትልና የስፓርት ዘርፍ ኃላፊ አቶ አደም ሽኩር ስልጠናውን ባስጀመሩበት ወቅት እንደገለፁት በዞኑ ከሚከናወኑ ስፖርታዊ ጨዋታዎች አንዱ የወርልድ ቴኳንዶ ስፖርት ተጠቃሽ ሲሆን በዘርፉ የሚሰማሩ በርካታ ስፖርተኞች ይገኛሉ። በዞኑ ያለውን እምቅ አቅም አውጥቶ ለመጠቀምና ከፍተኛ ውጤት ለማስመዝገብ ብቃት ያላቸው ዳኞችን ማፍራት አስፈላጊ መሆኑን ተናግረዋል። ለዚህም የዞኑ ወጣቶችና ስፖርት መምሪያ ብቁና ተተኪ የወርልድ ቴኳንዶ ዳኞችና አሰልጣኞች ለማፍራት ትኩረት ሰጥቶ እየሰራ እንደሚገኝ አቶ አደም ገልፀዋል። በዘርፉ የሚጠበቀውን ውጤት ለማምጣት እውቀት አስፈላጊ መሆኑን በመረዳት በዞኑ ከሚገኙ መዋቅሮች ለተውጣጡ ለወርልድ ቴኳንዶ አሰልጣኞች የዳኝነት ስልጠና ማመቻቸት እንደተቻለ አስረድተዋል። ይህ ደግሞ በዞን በክልልና ሀገር አቀፍ የወርልድ ቴኳንዶ ውድድር ከፍተኛ ውጤት ለማስመዝገብ ያግዛል ብለዋል። የጉራጌ ዞን ወርልድ ቴኳንዶ ፕሬዝዳንትና የ የክልሉ ወርልድ ቴኳንዶ ዋና ኮሚሽነር፣ ኢንተርናሽናል ዳኛ አቶ አብዱልወገን መሀመድ በበኩላቸው መምሪያው በቴኳንዶ ስፖርት ብቁ፣ ተወዳዳሪና ጠንካራ ስፖርተኞች ለማፍራት ወቅቱን የጠበቀ ስልጠና እየሰጠ እንደሚገኝ ገልፀዋል። በ2019 ዓ.ም በዞኑ የሚካሄዱ የቴኳንዶ ስፖርት ውድድሮች በአካባቢው ዳኞች እንዲዳኙ የሚሰራ ሲሆን ሰልጣኞች ጊዜያቸው በአግባቡ በመጠቀም ንቁ ተሳትፎ ማድረግ ይጠበቅባቸዋል ብለዋል። የዞኑ ወጣቶች በአካልና በስነምግባር በመጎ በቴኳንዶ ስፖርት የላቀ ውጤት ለማስመዝገብ መምሪያው እየሰራ ነው። ሥልጠናው ከመስከረም 25 እስከ ጥቅምት 4 ቀን 2019 ዓ.ም ድረስ ለተከታታይ ቀናት የሚሰጥ ሲሆን፤ በስፖርቱሴክተር ያለውን የዳኝነት አቅም ለማሳደግና ጥራት ያለው ውድድር ለማካሄድ ያለመ ነው።

የአፍሪካ ኅብረት ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎ መልዕክት አስተላለፈ ****************** የአፍሪካ ኅብረት ኮሚሽን ሊቀመንበር ማሕሙድ አሊ የሱፍ፣ ዐቢይ አሕመድ (ዶ/ር) ለተጨማሪ አምስት ዓመታት የኢትዮጵያ ፌዴራላዊ ዴሞክራሲያዊ ሪፐብሊክ ጠቅላይ ሚኒስትር ሆነው በመመረጣቸው የተሰማቸውን ላቅ ያለ ደስታ ገልጸው፣ የእንኳን ደስ አለዎት መልዕክት አስተልፈዋል። ሊቀመንበሩ በመልዕክታቸው፣ ኢትዮጵያ የአፍሪካ ኅብረት ዋና መሥሪያ ቤት መቀመጫ እና የአህጉሪቱ ዲፕሎማሲያዊ መዲና እንደመሆኗ መጠን፣ በአህጉራዊው ቤተሰብ ውስጥ ልዩ ስፍራ እንዳላት ገልጸዋል። አክለውም የአፍሪካን ውህደት፣ ሰላም፣ ደኅንነት እና የልማት አጀንዳዎችን ለማስፋፋት ከጠቅላይ ሚኒስትር ዐቢይ አሕመድ እና ከካቢኔያቸው ጋር በቅርበት የመሥራት ፍላጎት እንዳላቸው አረጋግጠዋል። #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer

የቡሩንዲ ፕሬዚዳንት እና የወቅቱ የአፍሪካ ኅብረት ሊቀመንበር ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎት መልዕክት አስተላለፉ ************************ የቡሩንዲ ሪፐብሊክ ፕሬዚዳንት እና የወቅቱ የአፍሪካ ኅብረት ሊቀመንበር፣ በቡሩንዲ ሕዝብ እና በአፍሪካ ኅብረት ስም ለጠቅላይ ሚኒስትር ዐቢይ አሕመድ(ዶ/ር) ዳግም በጠቅላይ ሚኒስትርነት በመመረጣቸው የተሰማቸውን የላቀ ደስታ ገልጸው የእንኳን ደስ አለዎት መልዕክት አስተላልፈዋል። ሊቀመንበሩ በመልዕክታቸው ጠቅላይ ሚኒስትር ዐቢይ አሕመድ(ዶ/ር) በአዲሱ የሥራ ዘመናቸው ሙሉ ስኬት እንዲገጥማቸው ተመኝተዋል። ኢትዮጵያ የያዘቻቸውን ስትራቴጂያዊ ግቦች ለማሳካት በሚደረገው ጥረት የኢትዮጵያ ሕዝብ ዘላቂ ዕድገት፣ አንድነት እና ብልጽግናን እንደሚጎናጸፍ ያላቸውን የጸና ተስፋ ገልጸዋል። አክለውም የአፍሪካ ኅብረት በኢትዮጵያ እና በአፍሪካ አሕጉር ዘላቂ ሰላም፣ ቀጣናዊ መስተጋብር፣ የጠበቀ ትብብር እና የጋራ ኢኮኖሚያዊ ዕድገት እንዲሰፍን ከኢትዮጵያ መንግሥት እና ሕዝብ ጋር በትብብር ለመሥራት ያለው ቁርጠኝነት የጸና መሆኑን ገልጸዋል። #EBC #Ethiopia #Burundi #AfricanUnion #PMAbiyAhmed

"ኢትዮጵያን አልቻሏትም፣ አይችሏትም፤ ውድቀቷን ሲያስቡ ትነሣለች፤ ድክመቷን ሲናፍቁ ጠንክራ ትወጣለች፤ ተበተነች፣ አለቀላት ብለው ሳይጨርሱ ተሰብስባ ትገኛለች፤ የኢትዮጵያ ነገር ትንግርት ነው" ጠቅላይ ሚኒስትር ዐቢይ አሕመድ (ዶ/ር) #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer

ጠቅላይ ሚኒስትር ዐቢይ አሕመድ (ዶ/ር) በአዲሱ የመደመር መንግሥት ምስረታ ላይ ከተናገሩት፦ ************************* አዲሱ የመደመር መንግሥት ዛሬ መስከረም 25 ቀን 2019 ዓ.ም በይፋ ሲመሰረት፤ ጠቅላይ ሚኒስትር ዐቢይ አሕመድ የመክፈቻ ንግግር አድርገዋል። በንግግራቸውም በሀገሪቱ የተካሄደው ምርጫ እንደ ወርቅ በእሳት ተፈትኖ ያለፈ እና በብዙ ተግዳሮቶች ውስጥ የኢትዮጵያን የዲሞክራሲ ባህል ያጠናከረ መሆኑን ገልጸዋል። በዲሞክራሲያዊ ውድድር ውስጥ የፓርቲዎች ማሸነፍና መሸነፍ ቢኖርም ኢትዮጵያ ግን አሸናፊ እንጂ ተሸናፊ ልጆች የሌሏት ሀገር መሆኗን አፅንኦት ሰጥተዋል። እንደ ሀገር የገጠሙንን ፈተናዎች ማሸነፍ የምንችለው እጅ ለእጅ ተያይዘን እንደ ወንድማማች ስንጓዝ እንደሆነ የጠቆሙት ጠቅላይ ሚኒስትሩ፤ ዓለማችን በፍጥነትና በማይገመት ሁኔታ ውስጥ በምትገኝበት በዚህ ወቅት መጪውን ዘመን በተጠንቀቅ መጠበቅ ትልቅ ምንዳ እንዳለው አስገንዝበዋል። ስለዚህም ለሀገር የሚበጀውን በጥበብ መርጦ መከተል የዚህ ትውልድ ታላቅ አደራ መሆኑን በንግግራቸው አስተላልፈዋል።

ጠቅላይ ሚኒስትር ዐቢይ አሕመድ (ዶ/ር) ለሁለተኛ ጊዜ ጠቅላይ ሚኒስትር ሆነው ቃለ መሃላ ፈጸሙ ****************** በ7ኛው የሕዝብ ተወካዮች ም/ቤት 1ኛ ዓመት የሥራ ዘመን የምክር ቤቱ መመስረቻ 1ኛ መደበኛ ስብሰባ ላይ ጠቅላይ ሚኒስትር ዐቢይ አሕመድ (ዶ/ር) ለሁለተኛ ጊዜ የኢፌዴሪ ጠቅላይ ሚኒስትር ሆነው በመሰየም ቃለ መሃላ ፈጽመዋል። #ትልቅ_ሀገር! #ትልቅ_ሕዝብ! #ታላቅ_ርዕይ! #Ethiopia #EBC #Medemer