សាកលវិទ្យាល័យវេស្ទើន - WESTERN UNIVERSITY

កម្មវិធី​ Exclusive Pre-Screening ភាពយន្តរឿង​ “បងអាឆ្កួត - Me & My brother” ជាខ្សែភាពយន្តខ្នាតធំរបស់ សាស្ត្រា ហ្វៀម ដែលជាផ្ទាំងទស្សនីយភាពថ្មីប្លែកដែលរួមបញ្ចូលនូវភាពកំសត់មនោសញ្ចេតនា ក្តីស្រឡាញ់​នៃដំណេីរជីវិតក្មេងកំសត់ទាំងពីរនាក់ នេះគឺជាការចាក់បញ្ចាំង និងទស្សនាមុនដំ​បូងគេសម្រាប់និស្សិត និងសាស្ត្រាចារ្យនៃសាកលវិទ្យាល័យវេស្ទេីន (First & Exclusive) នេះគឺជាការចូលរួមគាំទ្រខ្សែភាពយន្ត និងផលិតកររបស់ខ្មែរ។ សូមអរគុណក្រុមហ៊ុនសាស្ត្រា ឯ.ក និងលោកស្រី ប៊ុន ចាន់និមល នាយិកាគ្រប់គ្រងការផលិត នៃក្រុមហ៊ុនសាស្ត្រា ឯ.ក ដែលបានផ្តល់កិត្តិយសសម្រាប់ការសហការរវាងសាកលវិទ្យាល័យវេស្ទើន និងក្រុមហ៊ុនសាស្ត្រា ឯ.ក និងចូលរួមជួបសំណេះសំណាលជាមួយនៅថ្ងៃនេះផងដែរ។ ជាមួយគ្នានេះ សាកលវិទ្យាល័យមានមោទកភាពយ៉ាងក្រៃលែង ដោយបានជ្រាបថា អ្នកនិពន្ធរឿងដ៏ឆ្នើមគឺ លោក សួង ប្រុសប្រាថ្នា គឺជាអតីតនិស្សិតដែលបានបញ្ចប់ការសិក្សានៅសាកលវិទ្យាល័យវេស្ទើន ជំនាន់ទី១៣។