សាកលវិទ្យាល័យវេស្ទើន - WESTERN UNIVERSITY

ថ្នាក់ដឹកនាំនៃសាកលវិទ្យាល័យវេស្ទើន ចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពី “ការកែលម្អស្តង់ដាជាតិសម្រាប់ការទទួលស្គាល់គុណភាពអប់រំ កម្រិតគ្រឹះស្ថានឧត្តមសិក្សា និងកម្រិតកម្មវិធី ដោយផ្អែកលើស្តង់ដា AUN-QA ជាគោល” សិក្ខាសាលាថ្ងៃនេះ គឺជាវេទិកាជួបជុំរវាងគណៈកម្មាធិការទទួលស្គាល់គុណភាពអប់រំនៃកម្ពុជា (ACC) ក្រសួងអប់រំ យុវជន និងកីឡា ថ្នាក់ដឹកនាំគ្រឹះស្ថានឧត្តមសិក្សា (ទាំងរដ្ឋនិងឯកជន) និងអ្នកជំនាញការ ដើម្បីពិនិត្យ កែសម្រួល និងធ្វើបច្ចុប្បន្នភាពស្តង់ដាគុណភាពអប់រំកម្រិតឧត្តមសិក្សារបស់កម្ពុជា (ទាំងកម្រិតគ្រឹះស្ថាន និងកម្រិតកម្មវិធីសិក្សា) ឱ្យមានភាពស៊ីសង្វាក់គ្នាជាមួយនឹងស្តង់ដាធានាគុណភាពអប់រំរបស់បណ្តាញសាកលវិទ្យាល័យអាស៊ាន (AUN-QA - ASEAN University Network-Quality Assurance), ជំរុញការទទួលស្គាល់គ្នាទៅវិញទៅមក ដើម្បីជួយសម្រួលដល់ការទទួលស្គាល់តម្លៃសញ្ញាបត្រ ការផ្ទេរក្រេឌីត និងការចល័តរបស់និស្សិត និងសាស្ត្រាចារ្យ នៅក្នុងរង្វង់ប្រទេសជាសមាជិកអាស៊ាន និងអន្តរជាតិ។ ០៩ កក្កដា ២០២៦