23.5° бурчак остида

UEFA FIFA'нинг Жаҳон чемпионати улушини хусусий инвесторларга сотиш режасини кескин танқид қилди ​Европа футбол ассоциациялари иттифоқи (UEFA) Халқаро футбол федерацияси (FIFA) президенти Жанни Инфантинонинг Жаҳон чемпионатидаги улушларни хусусий инвесторларга сотиш режаларини танқид қилди, деб хабар бермоқда ESPN. ​The Telegraph ва The Financial Times 28 июл куни FIFA Жаҳон чемпионатини назорат қилувчи янги компаниядаги тахминан 20–30 фоизлик улушни сотишни режалаштираётгани ҳақида хабар берди. Эҳтимолий битим суммаси 20 миллиард долларга баҳоланмоқда. ​ "Бу футболни бошқарувчи институтлар ҳеч қачон босиб ўтмаслиги керак бўлган чизиқдан ўтишдир. UEFA бунга жуда жиддий муносабатда. Бу барча миллий футбол ассоциацияларига ҳам тегишли. Шунингдек, барча манфаатдор томонларга, лигалар, клублар, ўйинчилар, мухлислар, ҳукуматлар ва ўйин келажагига бефарқ бўлмаганларнинг барчасига тегишли. Футболнинг руҳи ва бошқаруви савдо қилинадиган актив эмас, айниқса молиявий манфаатни ким олаётгани бўйича шаффофлик нолга тенг бўлган бир вазиятда", — дейилади UEFA баёнотида. ​UEFA шунингдек, "Ҳеч биримиз футболнинг эгаси эмасмиз ва FIFA уни сотиш ҳуқуқига эга эмас", — дея таъкидлаган. 🔥 @burchakostida

🇮🇷🇺🇸 ОАВ АҚШ учун Эрондаги урушнинг ҳақиқий қийматини ҳисоблаб чиқди ​24 июл ҳолатига кўра, Эрондаги ҳарбий ҳаракатлар Қўшма Штатларга камида 151,3 миллиард долларга тушди. Агар минтақада уруш шу суръатда давом этса, йил охиригача харажатлар миқдори 311 миллиард доллардан ошади. Бундай баҳолашни мавжуд маълумотларни таҳлил қилган ва экспертлар билан суҳбатлашган Буюк Британиянинг The Daily Telegraph нашри келтирмоқда. 🔥 @burchakostida

🇮🇷🇺🇦 Киев Каспий денгизида Эрон кемасига берилган зарбадан етказилган зарарни қоплаши керак — Эрон ТИВ ​Бу ҳақда Эрон Ташқи ишлар вазири Аббос Ароқчи Украина ТИВ раҳбари Андрей Сибигага маълум қилди. ​Унинг таъкидлашича, Эрон вазиятнинг кескинлашувига интилмайди, бироқ ўз фуқароларига нисбатан ҳар қандай ҳужумни қабул қилмаслигини аниқ билдиради. 🔥 @burchakostida

Илон Маскнинг X компанияси август ойида Grok нейротармоғининг иккита янги моделини чиқаради ​7 август куни фойдаланувчиларга Grok 4.6 модели тақдим этилади. У 1,5 триллион параметрни ўз ичига олади (тил моделининг унумдорлиги), унинг SFT ва RL ўқитиш моделлари такомиллаштирилган. Бу нейротармоққа фойдаланувчи сўровларига тезроқ мослашиш имконини беради. ​Grok 4.7 чиқиш санаси ҳозирча маълум эмас. Илон Маскнинг сўзларига кўра, компания уни бир неча ҳафтадан сўнг чиқаради. ​"У бироз секинроқ ишлашини ҳисобга олмаганда, барча жиҳатдан 4.6 дан яхшироқ бўлади, аммо токенлар самарадорлиги янада юқори бўлади", — деб ёзди у X’да. 🔥 @burchakostida

🇺🇬 Угандада Эбола билан касалланиш ҳолатлари якунлангани эълон қилинди — Reuters ​Уганда Соғлиқни сақлаш вазирлиги янги касалланиш ҳолатларисиз ўтган 42 кундан кейин эпидемия тугаганини маълум қилди. Мамлакатда касаллик тарқалган даврда жами 20 та ҳолат қайд этилган, икки киши вафот этган. 🔥 @burchakostida

🇮🇷🇨🇳 Эрон Хитойдан катта миқдорда ҳаво мудофаа мажмуаларини сотиб олади — Reuters Агентликнинг хабар беришича, Теҳрон АҚШ билан урушдан кейин ҳаво мудофаа тизимини қайта тиклаш мақсадида яқин ҳафталар ичида Хитойда ишлаб чиқарилган елкада олиб юриладиган ҳаво ҳужумидан мудофаа мажмуаларининг илк партиясини қабул қилиши кутилмоқда. Манбаларга кўра, қиймати 60–70 миллион долларга баҳоланаётган шартнома 300–400 дона MANPADS туридаги ҳаво мудофаа мажмуаларини харид қилишни назарда тутади. Бу Теҳроннинг АҚШ ва Исроил билан уруш бошланганидан бери қисқа масофали ҳаво мудофаасини кучайтириш бўйича амалга оширган энг йирик ташаббусларидан бири ҳисобланади. Агентлик суҳбатлашган манбаларнинг айтишича, АҚШ ва Исроилнинг ракета, дрон ва ҳаво мудофааси дастурлари билан боғлиқ объектларга берган зарбалари Эроннинг ҳарбий инфратузилмани ҳимоя қилишдаги камчиликларини очиб берган. Шу боис мамлакат қуролланишни қайта тиклашга ҳаракат қилмоқда. Ҳарбий таҳлилчиларнинг фикрича, MANPADS туридаги тизимлар кичик гуруҳлар томонидан тез жойлаштирилиши ва осон кўчирилиши мумкинлиги сабабли стационар ҳаво мудофаа батареяларига нисбатан аниқ нишонли ҳужумларга камроқ учрайди. 🔥 @burchakostida

🇯🇵 Япониянинг жанубида содир бўлган 7,1 магнитудали зилзила оқибатида ҳалок бўлганлар сони 13 нафарга етди — Reuters Қутқарувчилар вайроналар остида қолганларни қутқариш ишларини давом эттирмоқда. Япония бош вазири Санаэ Такаичининг айтишича, қутқарув ишларида ҳар бир дақиқа муҳим аҳамиятга эга. "Ҳозир ҳам қутқарилишини кутаётган одамлар бор ва бу вақт билан пойга ҳисобланади. Имкон қадар кўпроқ инсоннинг ҳаётини сақлаб қолиш учун мавжуд барча куч ва воситалар сафарбар қилинади", — деди Такаичи. 29 июл куни эрталаб қутқарувчилар қисман қулаб тушган савдо маркази вайроналари орасидан саккиз нафар инсонни тирик олиб чиққан. Зилзиладан тахминан бир соат ўтиб содир бўлган, сабаби ҳозирча номаълум портлаш оқибатида 20 ёшлардаги икки аёл ҳалок бўлган. Маҳаллий ОАВга кўра, ҳодиса газ портлаши билан боғлиқ бўлиши мумкинлиги текширилмоқда. Қутқарувчилар, полиция ва ҳарбийлар ёрдам чақирувлари келиб тушган ҳудудларда қидирув ишларини олиб бормоқда. NHK телеканали маълумотига кўра, савдо марказининг 20–30 нафар ходими бедарак йўқолган. Шунингдек, Nippon Paper Industries компанияси заводида мўри қулаши оқибатида 7 киши бедарак йўқолган, тўрт нафар инсон оғир жароҳат олган. Шифохоналарда ўнлаб жабрланганларга тиббий ёрдам кўрсатилмоқда. Ҳокимият Кумамото префектураси бўйлаб тахминан 260 минг кишига эвакуация марказларига кўчиш бўйича кўрсатма берган. 7,1 магнитудали зилзила эпицентри аҳолиси 700 минг нафарга яқин бўлган Кюсю оролининг энг йирик шаҳри Кумамотодан жанубга томон тахминан 20 километр узоқликда жойлашган. Мутахассислар аҳолини камида бир ҳафта давомида такрорий кучли зилзилалар ва кўчкилар хавфидан огоҳ бўлишга чақирган. 🔥 @burchakostida

🇺🇸🇺🇦🇮🇱 Володимир Зеленский, Доналд Трамп ва Бинямин Нетаняҳу америкалик сенатор Линдси Грэмнинг хотира маросимига борди — ОАВ. 🔥 @burchakostida

🇺🇸🇦🇪 АҚШ ва БАА биргаликда сунъий интеллект бўйича ҳарбий ишчи гуруҳ тузмоқда Қўшма Штатлар Марказий қўмондонлиги (CENTCOM) ва БАА ҳарбий разведка, инфратузилмани ҳимоя қилиш ҳамда минтақавий хавфсизлик учун сунъий интеллектни ривожлантириш мақсадида илк икки томонлама ҳарбий СИ ишчи гуруҳи – Task Force Talon Synapse'ни ташкил этмоқда. Қароргоҳи Абу-Дабида жойлашадиган ушбу гуруҳ 20 кишилик жамоадан иборат бўлиши режалаштирмоқда. 🔥 @burchakostida

Инфантино Жаҳон чемпионатини бошқарувчи янги компания улушини сотишни кўриб чиқмоқда FIFA президенти Жанни Инфантино Жаҳон чемпионатига эгалик қилувчи ва уни бошқарадиган янги компаниянинг 20-30 фоизлик улушини сотиш имкониятларини ўрганмоқда. Ушбу битимда бизнеснинг умумий қиймати тахминан 15 млрд фунт стерлингга баҳоланмоқда. FIFA асосий назорат улушини ўзида сақлаб қолади, аъзо ассоциациялар ва хусусий инвесторлар эса камчилик улушига эга бўлади. Хабар берилишича, JP Morgan томонидан илгару сурилаётган ушбу таклиф футбол жамоатчилигида турнир иштирокчилари сонининг янада ортиши ёки Жаҳон чемпионатларининг тез-тез ўтказилиши эҳтимоли бўйича хавотирларни келтириб чиқарди. Маълумотларга кўра, Инфантино 2031 йилда FIFA президентлиги муддати тугагач, ушбу янги компаниянинг комиссари бўлиши ва бу лавозимда миллионлаб даромад олиши мумкин. 🔥 @burchakostida

🇺🇸🇮🇱 Исроил бош вазири Бинямин Нетаняҳу Оқ уйда АҚШ президенти Доналд Трамп ва вице-президенти Жей Ди Вэнс билан учрашди. 🔥 @burchakostida

🇯🇵 Япониядаги зилзиладан сўнг савдо марказида портлаш содир бўлди — NHK Эълон қилинган кадрларда бинонинг девори қисман қулагани ва томига зарар етганини кўриш мумкин. Савдо марказига ташриф буюрганлар эвакуация қилинган. Дастлабки маълумотларга кўра, портлашга газ сизиб чиқиши сабаб бўлган. Ҳодиса оқибатида ҳалок бўлган ва жароҳатланганлар бор. 🔥 @burchakostida

🇺🇦🇺🇸 Зеленский Трамп билан учрашувига муносабат билдирди "АҚШ президенти билан Patriot тизимлари учун тутиб қолувчи ракеталар ишлаб чиқаришни лицензиялашни, шунингдек, фойдали бўлиши мумкин бўлган бошқа бир қанча ғояларни муҳокама қилдик. Шунингдек, дипломатия ҳақида ҳам гаплашдик. Тинчликка эришишда дипломатик жараёнга янги суръат бағишлаш жуда муҳим. Жамоаларимиз кейинги мулоқот тафсилотларини ўзаро мувофиқлаштиради. Доимий қўллаб-қувватлови учун Қўшма Штатлардан миннатдорман", — деди Украина президенти. 🔥 @burchakostida

🇺🇸🇺🇦 Трамп ва Зеленскийнинг Оқ уйдаги учрашуви якунланди АҚШ ҳамда Украина президентларининг учрашуви ёпиқ форматда ўтди ва тахминан бир соат давом этди. Учрашув якунлари бўйича ҳеч қандай баёнот берилмади. Украина президенти Оқ уйни тарк этганидан бир неча дақиқа ўтгач, Исроил бош вазири Бинямин Нетаняҳу Доналд Трамп билан учрашувга келди. 🔥 @burchakostida

🇺🇸🇺🇦🇷🇺🇮🇷 АҚШ сенаторлари Россия ва Эронга қарши “жаҳаннам санкциялари” тўғрисидаги қонун лойиҳасини келишиб олди — Bloomberg Агентлик манбаларига кўра, ҳар икки партияга (Республикачилар ва Демократлар) мансуб сенаторлар гуруҳи АҚШ президентига Россия энергия ресурсларининг энг йирик харидорларига, шунингдек, Эронга қарши қўшимча санкциялар киритиш имконини берувчи қонун лойиҳаси бўйича келишувга эришди. Ҳужжат Трампга рус маҳсулотларига 500 фоизгача, шунингдек, Россия энергия ресурсларини харид қилувчи давлатларга нисбатан қўшимча 100 фоиз бож жорий этиш имконини беради. Bloomberg'нинг маълум қилишича, Сенат қонун лойиҳасини шу ҳафтадаёқ қабул қилиши мумкин, бироқ Вакиллар палатасининг таътили туфайли у сентябрдан олдин кучга кирмайди. Аввалроқ президент Доналд Трамп вафот этган сенатор Линдси Грэмнинг Москвага қарши санкциялар тўғрисидаги қонун лойиҳасини фақат чекловлар остига Россиядан ташқари Эрон ҳам тушгандагина қўллаб-қувватлашини маълум қилган эди. 🔥 @burchakostida

🇺🇸🇺🇦 Оқ уйда Трамп ва Зеленский ўртасида учрашув бошланди Қайд этилишича, АҚШ ва Украина етакчиларининг музокалари ёпиқ форматда ўтмоқда, журналистлар Овал кабинетга киритилмаган. CNN манбасига кўра, учрашув давомида Трамп Зеленский билан Россия-Украина можаросини тинч йўл билан ҳал қилиш масаласини муҳокама қилади. 🔥 @burchakostida

🇯🇵 Японияда кетма-кет юз берган 7,1 ва 6,1 магнитудали зилзилаларнинг оқибатлари акс этган видеолар эълон қилинди. 🔥 @burchakostida

🇺🇸🇮🇱 Агар мен АҚШ президенти бўлмаганимда, бугун Исроил давлати мавжуд бўлмас эди – Доналд Трамп. 🔥 @burchakostida

🇺🇦🇮🇶 Ироқ мамлакат ҳудудида Украина учун ишлагани айтилаётган гуруҳлар қўлга олинганини маълум қилди. Украина ТИВ буни рад этди Ироқ Миллий хавфсизлик бўйича маслаҳатчиси Қосим ал-Абудийнинг иддао қилишича, ушбу шахслар сўроқ вақтида Украина фойдасига ишлаганини тан олган. Бироқ у бу баёнотларни тасдиқловчи далилларни тақдим этмаган. "Бундай айбловларни тасдиқловчи ҳеч қандай факт ёки далил йўқ. Агар улар учун асос бўлганида, Ироқ томони бу ҳақда аввал дипломатик каналлар орқали Украинага маълум қилган бўларди. Биз эса айбловлар ҳақида жонли эфир орқали хабар топдик", дейилади Украина Ташқи ишлар вазирлиги баёнотида. Киев бундай баёнотларни далилларсиз оммага эълон қилишни масъулиятсизлик деб баҳолаб, бу икки давлат ўртасидаги муносабатларга путур етказишини таъкидлаган. Шунингдек, Украина ТИВ мазкур айбловлар Россия тарғиботи илгари сураётган баёнотларга мос келишини қайд этган. Унга кўра, бу Украина ва Яқин Шарқ давлатлари ўртасидаги ҳамкорликни издан чиқаришга қаратилган ахборот кампаниясининг бир қисми бўлиши мумкин. 🔥 @burchakostida

🇵🇸🇱🇧🇮🇱 Исроил мудофаа вазири Ливандаги 24 та қишлоқ ва Ғазо секторининг 70 фоизи вайрон қилинганини маълум қилди "Ғазода биз нафақат ер остида жойлашган объектларни, балки барча уйларни ҳам йўқ қилмоқдамиз. Ҳозирги кунгача Ғазонинг деярли 70 фоизи йўқ қилинди. Бугун Шужаия йўқ, Жабалия йўқ. Сиз биладиган барча ўша даҳшатли жойлар энди мавжуд эмас. Бундан ташқари, Исроил ҳарбийлари Ливандаги кўп асрлик тарихга эга йигирма тўртта Ливан қишлоқни вайрон қилди. Биз уйма-уй эмас, балки бутун бошли қишлоқларни, улардаги барча биноларни йўқ қилдик. Уларнинг йўқ қилиниши якунланди. Барча 24 та қишлоқда 15 000 дан 20 000 гача уй вайрон қилинди", — деди Исраэл Кац. 🔥 @burchakostida