ETHIO-MEREJA®

የአዲስ አበባ ገቢዎች ቢሮ በግብር ከፋዮች እስከ ህዳር 2 ቀን 2019 ዓ.ም ድረስ ብቻ በኦንላይን የሚቀርብ የሂሳብ መዘገብ በመቀበል በቅጣት እንደሚያስተናግድ አስታወቀ። ከህዳር 3 ቀን ጀምሮ ግን የሂሳብ መዝገብ እንደማይቀበልና ባለው መረጃ ውሳኔ በመወሰን ሂሳብ መዝገብ ባለማቅረብ ከጠንካራ ቅጣት ጋር ግብሩን እንደሚሰበስብ አስታውቋል። ቢሮው ግብር ከፋዮች የሂሳብ መዝገባቸውን በኦንላይን እስከ ህዳር 2 ቀን 2019 ዓ.ም እንዲያቀርቡ ተጨማሪ ዕድል ከቅጣት ጋር መስጠቱን አስታውቋል። በገቢ ግብር አዋጅ ቁጥር 987/2008 መሠረት፣ ደረጃ ሀ ግብር ከፋዮች ዓመታዊ ግብራቸውን ከሐምሌ 1 እስከ ጥቅምት 30 ቀን ድረስ አሳውቀው የመክፈል ግዴታ እንዳለባቸው ይታወቃል፡ ቢሮው የአገልግሎት አሰጣጡን በማዘመን የግብር ከፋዮችን እንግልት ለመቅረፍ ከ2019 ዓ.ም ጀምሮ ዓመታዊ ግብርን በኦንላይን የማሳወቅና የመክፈል ሥርዓት ዘርግቷል። በዚህም በርካታ ግብር ከፋዮች የግብር ግዴታቸውን በአካል መምጣት ሳይጠበቅባቸው ባሉበት ሆነው መወጣት መቻላቸውን ቢሮው አሳውቋል። ይሁንና ቢሮው ግዴታቸውን ላልተወጡ ግብር ከፋዮች እስከ ህዳር 2 ቀን 2019 ዓ.ም ድረስ የሂሳብ መዝገባቸውን በኦንላይን እንዲያቀርቡ በድጋሚ አሳስቧል። በዚህ ጊዜ የሚቀርቡ የሂሳብ መዝገቦችም በሕጉ መሠረት ቅጣት ተጥሎባቸው እንደሚስተናገዱም ተጠቁሟል። ይሁንና ከህዳር 3 ቀን 2019 ዓ.ም ጀምሮ ሂሳብ መዝገባቸውን ባላቀረቡ ግብር ከፋዮች ላይ ቢሮው ባለው መረጃ መሠረት ውሳኔ በማውጣት ዓመታዊ ግብሩን ከነቅጣቱ የሚያስከፍል መሆኑን ገልጿል።

በ 1% ቴምር ሪልስቴት የሱቅ ባለቤት መሆን እንዴት እንደምትችሉ ? 👉ሳይቶቹ የሚገኙት     በሳር ቤት አደባባይ የንግድ ሱቅ በ ቡልጋርያ(አፍሪካ ህብረት ፊት ለፊት) የንግድ ሱቅ እና ቢሮ እና በገላን(ኮንደሚኒየም ፊት ለፊት) የንግድ ሱቅ እንደየ ካሬቸው እንደሚገኙበት floor እና እንደሚገኙበት ሳይት ዋጋቸው ይለያያል 👉25% ቅድመ ክፍያ አሁን ይከፈል እና 👉24% በወር 1%  በ 2 አመት ይከፈላል እና 👉ቀሪውን 51% 10% Structure ሰራ ሲጠናቀቅ 10% Ceramic    ስራ ሲጠናቀቅ 10% Aluminium ስራ ሲጠናቀቅ ቀሪውን 21% የንግድ ሱቁን ሲረከቡ የሚከፈል ነው የሚሆነው 📞 +251939770177 📞 +251996856273 WhatsApp: https://wa.me/251939770177 Telegram :@KalTemerRealEstate https://t.me/TemerRealEstateSalesConsultant

ከጥር 1 ቀን ጀምሮ የጫት ንግድ ላኪነት የቅድመ ፈቃድ ብቃት ማረጋገጫ ሰርተፊኬት መስጠት እንደሚቆም ተገለጸ የንግድ እና ቀጠናዊ ትስስር ሚንስቴር ባወጣው ማስታወቂያ ከህዳር 1 ቀን 2019 ጀምሮ የጫት ንግድ ፈቃድ እና የብቃት ማረጋገጫ እንደሚያድስ እና እንደሚሰጥ አስታውቋል። ሚንስቴሩ እንዳለው ከሆነ "የጫት ንግድ ሥራ ፈቃድና የብቃት ማረጋገጫ ሰርተፊኬት አዲስ ለማውጣት፣ ለማደስና ለማሻሻል ለምትፈልጉ ላኪዎች በሙሉ፤ አገልግሎቱ ከሕዳር 1 ቀን 2019 ዓ.ም ጀምሮ ይሰጣል" ብሏል። የጫት ወጪ ንግድ ፈቃድ ደግሞ እስከ ታህሳስ 30 ቀን 2019 ዓ.ም ይሰጣል ያለው ሚንስቴሩ ከጥር 1 ቀን 2019 ዓ.ም ጀምሮ አዲስ እና ነባር የጫት ላኪነት ንግድ ስራ ፈቃድ ጠያቂዎች የቅድመ ፈቃድ ብቃት ማረጋገጫ ሰርተፊኬት መስጠት እንደሚቆም አስታውቋል። በተጨማሪም የብቃት ማረጋገጫ የወሰዱ ላኪዎች በ30 ቀናት ውስጥ ብቻ የንግድ ሥራ ፈቃዳቸውን ማውጣት እንደሚኖርባቸውም ሚኒስቴሩ አሳስቧል።

በአርሲ ሮቤ ወረዳ በታጣቂዎች በተፈፀመ ጥቃት 38 ሰዎች መገደላቸውን የተጎጂ ቤተሰቦች እና ነዋሪዎች ለቢቢሲ አማርኛ አረጋገጡ!!! በኦሮሚያ ክልል ሮቤ ወረዳ ውስጥ በምትገኝ እንደቶ የተባለች መለስተኛ ከተማ ውስጥ ታጣቂዎች በፈፀሙት ጥቃት የ38 ሰዎች ሕይወት ማለፉን የአካባቢው ነዋሪዎች ለቢቢሲ ገለፁ። በጥቃቱ ከተገደሉት መካከል 10 ሰዎች ሲቪሎች ሲሆኑ የተቀሩት የእንደቶ ከተማ ሚሊሻዎች እና የፖሊስ አባላት መሆናቸውን ለደኅንነታቸው በመስጋት ስማቸው እንዲጠቀስ ያልፈለጉ እማኞች ተናግረዋል። ከጥቃቱ ሰለባዎች መካከል 37 ያህሉ ትናንት ሐሙስ ጥቅምት 26/2019 ዓ.ም. ከንጋት 11 ሰዓት አካባቢ ጀምሮ እስከ ረፋድ 5፡30 ድረስ በቀጠለው ጥቃት የተገደሉ ሲሆኑ የተቀረው አንድ ግለሰብ ትናንት ጉዳት ደርሶበት ዛሬ ወደ ሕክምና ማዕከል እየተወሰደ ሳለ ሕይወቱ ያለፈ ነው። ቢቢሲ ከኦሮሚያ ክልል መንግሥት ኮሙኒኬሽን መረጃ ለማግኘት ያደረገው ተደጋጋሚ ጥረት አልተሳካም። መስከረም 26/2019 ዓ.ም. ሐሙስ ዕለት ስለተፈጸመው ጥቃት ዛሬ ዓርብ ረፋድ 5፡30 አካባቢ ቢቢሲ ያነጋገራቸው አንድ የዓይን እማኝ፣ ትናንት ከተገደሉት ውስጥ 34ቱን ሰዎች በጅምላ ለመቅበር ከሌሎች የአካባቢው ነዋሪዎች ጋር ቤተክርስቲያን በዝግጅት ላይ እንደሆኑ ተናግረዋል ። "ቀብር ልንፈፅም የጉድጓድ ቁፋሮ እየተጠናቀቀ ነው። አሁን የፍትሓት ፀሎት እየተደረገ ነው ያለው" ብለዋል። በቤተክርስቲያን ለቀብር የተዘጋጁትን 34 ሰዎች አስክሬን በአካል ተገኝተው ቆጥረው ማረጋገጣቸውን የተናገሩት እማኙ፣ የተገደሉት ሰዎች ዕድሜያቸው ከ17 ዓመት እስከ 80 ባለው ውስጥ እንደሆነ አክለዋል። ከሟቾቹ መካከል አንዷ የ70 ዓመት አዛውንት ሴት ሲሆኑ፣ የተቀሩት ሁሉም ወንዶች መሆናቸውን ጨምረው አስረድተዋል። ጥቃቱን የፈፀሙት ታጣቂዎች ከሌሎች አጎራባች ወረዳዎች የመጡ መሆናቸውን የተናገሩት እኚህ ግለሰብ፣ በርካታ ሰዎች የተገደሉት በእንደቶ 01 ቀበሌ ከሚገኙ 3 የፀጥታ አካላት ካምፖች ውስጥ በሁለቱ ላይ በተፈፀመ ጥቃት እንደሆነ ተናግረዋል። ስለታጣቂዎቹ ማንነት በግልፅ ባያውቁም "ከመንግሥት ታጣቂዎች ያልተናነሰ ወይም የሚበልጥ ትላልቅ መሳሪያ ያላቸው" እንደሆኑ ገልፀዋል። ከሟቾቹ መካከል 10 ሰዎች "ምንም ዓይነት የሕግ ማስከበር ሥራ ውስጥ የሌሉ ንፁኃን ናቸው" ያሉት እኚህ የቢቢሲ ምንጭ፣ ሌሎቹ ግን ሁሉም የፀጥታ አስከባሪ ሚሊሻዎች ናቸው፤ ፖሊሶችም አሉ" ሲሉ ስለተገደሉት ሰዎች አስረድተዋል። ንፁኃኖች ናቸው ያሏቸው አስሩ ሰዎች፣ ታጣቂዎቹ በየመንደሩ "ውስጥ ለውስጥ እየሔዱ የገደሏቸው" እንዲሁም ከጥቃቱ "ለማምለጥ ሲሯሯጡ ተተኩሶባቸው" የተገደሉ እንደሆኑም ገልፀዋል። ሌላ ምንጭም ዛሬ የሞተውን ግለሰብ ጨምሮ በጥቃቱ የ38 ሰዎች ሕይወት ማለፉን ተናግረዋል። ወንድማቸውን ጨምሮ ሌሎችም ዘመዶቻቸው በጥቃቱ እንደተገደሉባቸው የተናገሩ ሌላ እማኝ ደግሞ፣ ትናንት ከጥቃቱ በኋላ ስለተፈጠረው ለቢቢሲ ሲያስረዱ ወንድማቸው ከመገደሉ በፊት በስልክ ስለሁኔታው እያወሩ እንደነበረ ተናግረዋል። "ወንድሜ ገበሬ ነው። ወጣት ነው። ገና 27 ዓመት ሊሆነው ነው። ሌላ ምንም በደል የለበትም። ከእሱ ጋር ራሱ እየተደዋወልን ነበረ፤ ከፍተኛ ተኩስ ነበረ። በመሀል ስልኩ ተዘጋ" ብለዋል። ስልኩ ከተቋረጠ በኋላ ግን ወንድማቸው ስለመገደሉ መርዶ የደረሳቸው እኚህ ተጎጂ፣ የአጎታቸውን ልጅ ጨምሮ ሌሎች ዘመዶቻቸውም የጥቃቱ ሰለባ መሆናቸውን ጠቅሰዋል። "ሰው አለቀ እንግዲህ። . . . ሰሚ የለም፤ ለእውነት የቆመ የለ። አይናችን እያየ አለቁ። . . . የሽርካውንም ሰምታችኋል። በተለይ አርሲ ክርስቲያኑ ምን እንደሚያደረግ አላውቅም" ሲሉ በተስፋ መቁረጥ ስሜታቸውን አጋርተዋል። በትናንትናው ዕለት ቢቢሲ ያነጋገራቸው ሌላ የአካባቢው ነዋሪ፣ ከሮቤ ከተማ 60 ኪሎ ሜትር ገደማ እንደምትርቅ በገለጿት እንደቶ አነስተኛ ከተማ ላይ ላይ ንጋት 11፡00 ላይ ከተጀመረው ጥቃት በፊት ሌሊት ከ10፡00 ጀምሮ በዙሪያው ተኩስ ይሰማ እንደነበር ተናግረዋል። እንደቶ ላይ ጥቃቱ ሲጀመር ቤተክርስቲያን እየሔዱ እያለ ቀሲስ መላኩ የተባሉ ካህን የመጀመሪያው የጥቃቱ ዒላማ እንደነበሩ እና ከፍተኛ ጉዳት ደርሶባቸው በሕይወት መትረፋቸውን ገልፀዋል። ከዚያ በኋላ እስከ ረፋድ 5፡30 በቀጠለው ጥቃት "ብዙ ምዕመናን ተገድለዋል" ሲሉ ሁኔታውን አስረድተዋል። በጥቃቱ "ከፍተኛ ጉዳት የደረሰባቸው 6 ሰዎች" ትናንት በነበረው ሁኔታ ሕክምና ሳያገኙ ቆይተው ዛሬ ረፋድ ወደ ሕክምና ማዕከል እንደተወሰዱ ያነጋገርናቸው የአካባቢው ነዋሪዎች ተናግረዋል። ሆኖም ከመካከላቸው አንዱ ሀኪም ቤት ሳይደርሱ ሕይወታቸው ማለፉን ሁለት ምንጮች አስረድተዋል። ቢቢሲ ካነጋገራቸው የአካባቢው ነዋሪዎች አንዱ 4 ሰዎች መጥፋታቸውን ሲገልፁ ሌላ እማኝ ደግሞ የጠፉ ሰዎች ቁጥር 6 እንደሆነ ጠቅሰዋል። በመሆኑም የተገደሉ ሰዎች ቁጥር ሊጨምር እንደሚችል እማኞቹ ተናግረዋል። በሥፍራው በምትገኘው እንደቶ ደብረ ምጥማቅ ቅድስት ማርያም ቤተክርስቲያን ሁለት የግቢ በሮች ላይም ተኩስ መፈፀሙን የአካባቢው ነዋሪዎች ለቢቢሲ ገልፀዋል። በአሁኑ ወቅት የኦሮሚያ ክልል ፖሊስ አባላት ወደ አካባቢው ገብተው ጥበቃ እያደረጉ እንደሚገኙ የገለፁት እማኞቹ፣ ሆኖም ማኅበረሰቡ በከፍተኛ የደኅንነት ስጋት ውስጥ እንደሚገኝ አስረድተዋል።እስካሁን ድረስ ለጥቃቱ ኃላፊነቱን የወሰደ አካል የለም። ይህ ዘገባ እስከተጠናቀረበት ጊዜ ድረስ የክልሉም ሆነ የፌዴራሉ መንግሥት የሰጡት መግለጫ የለም። ዘገባው የቢቢሲ አማርኛ ነው

በመቐለ ከተማ ማንኛውም ተሽከርካሪ ከዛሬ ጀምሮ ከምሽቱ 2 ሰዓት እስከ ንጋት 12 ሰዓት ባለው ጊዜ ውስጥ እንዳይንቀሳቀስ የሰዓት እላፊ ገደብ ተጣለ። “ህጋዊ ፍቃድ የሌለው” የጦር መሳሪያ የያዙ አሊያም በቤታቸው የደበቁ የከተማይቱ ነዋሪዎች፤ ለትግራይ ክልል ፖሊስ ኮሚሽን እንዲያስረክቡም ከዛሬ ጀምሮ የሶስት ቀናት ቀነ ገደብ ተሰጥቷቸዋል። የሰዓት እላፊውን እና የጦር መሳሪያ የማስረከቡን ቀነ ገደብ በከተማይቱ መጣሉን ያስታወቀው የመከላከያ ሰራዊት ነው። በትግራይ ክልል መገናኛ ብዙሃን ምሽቱን በትግርኛ ቋንቋ የተሰራጨው የሰራዊቱ መግለጫ፤ እነዚህ እርምጃዎችን መተግበር ያስፈለገው የመቐለ ከተማን “ሰላም እና ደህንነት ለማስጠበቅ” እንደሆነ አመልክቷል። የመቐለ የጸጥታ ሁኔታ “በሂደት መሻሻሎች እያሳየ” መሆኑን የጠቆመው መግለጫው፤ ሆኖም የከተማይቱ ነዋሪዎች “አልፎ አልፎ” ለተለያዩ “የደህንነት ስጋቶች እየተጋለጡ” መሆኑን አስታውቋል። እነዚህ ስጋቶች የመነጩት ከዚህ በፊት በተለያዩ መንገዶች “ከእስር የተፈቱ ግለሰቦች” እና “የተደራጁ የዝርፍያ ቡድኖች” በሚፈጽሟቸው ወንጀሎች ምክንያት እንደሆነም መግለጫው ጠቁሟል። ከጥቅምት 27 ቀን ጀምሮ ከምሽቱ 2:00 ሰዓት እስከ ጧቱ 12:00 ሰዓት ድረስ ማንኛውም ተሽከርካሪ ፣ ነሞተር ሳይክል እንዲሁም ከባድ ተሽከርካሪዎች በከተማዋ ውስጥ መንቀሳቀስ በጥብቅ የተከለከለ ነው። ሆኖም በልዩ ምክንያት በምሽት ወደ ከተማዋ የሚገቡ ሀገር አቋራጭ ከበደ ተሽከርካሪዎች በልዩ ሁኔታ ይታያሉ ተብሏል።

አሳዛኝ ዜና😭 አርሲ‼️ በምሥራቅ አርሲ ዞን ሮቤ ወረዳ እንዳቶ ቀበሌ ከተገደሉት መካከል እስካሁን የ34 ኦርቶዶክሳውያን አስክሬን መገኘቱን ማኅበረ ቅዱሳን ቴሌቪዥን ዘግቧል። ከምእመናን በተጨማሪ ዛሬ ጥቅምት 26 ቀን 2019 ዓ.ም የሚፈጸመውን ጥቃት ለማስቆም ወደ አካባቢው እየሄዱ የነበሩ የመንግሥት የጸጥታ አካላት የጥቃት ሰለባ መሆናቸው ታውቋል። በኦሮሚያ ክልል ምሥራቅ አርሲ ዞን ሮቤ ወረዳ እንዳቶ ቀበሌ የምእመናን ግድያ የጀመረው ከጥር 21ቀን 2016 ዓ.ም ጀምሮ መሆኑን ዛሬም በከፍተኛ ስጋት ውስጥ ያሉ ምእመናን የዛሬውን ግድያ ከቀድሞው ጋር ወደ ኋላ መለስ ብለው ያስታውሳሉ። ሮቤ ወረዳ እንደቶ ቀበሌ ከሸርካ ወረዳ ጋር አዋሳኝ ስሆን ጥቅምት 14 ቀን 2019 ዓ.ም በሸርካ ወረዳ እንደተፈጸመው አሰቃቂ ጥቃት ሁሉ ዛሬ ጥቅምት 26 ቀን 2019 ዓ.ም በእንዳቶ ቀበሌ ከማለዳው 11 ሰዓት ጀምሮ ጥቃት መፈጸሙን ምእመናን መረጃ አድርሰዋል። ታጣቂዎች በፈጸሙት በዚህ ድንገተኛ ጥቃት ይህንን ዜና እስከተጠናቀረበት ጊዜ ድረስ ከሟቾች መካከል የ34 ኦርቶዶክሳውያን አስክሬን በእንደቶ ደብረ ምጥማቅ ቅድስት ማርያም ቤተ ክርስቲያን መሰብሰቡን የአከባቢው ነዋሪዎች አሳውቀዋል። የሟቾች ቆጥርም እንደሚያሻቅብ ተጠቁሟል። ዛሬ ጥቅምት 26ቀን 2019 ዓ.ም የሚፈጸመውን ጥቃት ለማስቆም ወደ አካባቢው እየሄዱ የነበሩ የመንግሥት የጸጥታ አካላት የጥቃቱ ሰለባ መሆናቸውን ምእመናን ገልጸዋል። ጥቃቱን ተከትሎም በርካቶች ጉዳት ደርሶባቸው በመንገድ መዘጋት ምክንያት እስካሁን በቂ የሕክምና እርዳታ እንዳላገኙ የገለጹት የአይን እማኞች የገለፁ ሲሆን በአካባቢው ነዋሪዎች ላይ ከፍተኛ ስጋት መፈጠሩን ለማወቅ ተችሏል። ምንጭ ፣ የማኅበረ ቅዱሳን ቴሌቮዥን

ሱዳን በአሶሳ የሚገኘው ቆንስላዋ መዘጋቱን ተከትሎ በገዳሪፍ የኢትዮጵያን ቆንስላ በመዝጋት ዲፕሎማቶችን አስወጣች የሱዳን መንግሥት በምሥራቃዊቷ ገዳሪፍ ከተማ የሚገኘውን የኢትዮጵያ ቆንስላ በመዝጋት በዚያ የሚሠሩ ዲፕሎማቶች ከሀገሪቱ እንዲወጡ አዘዘ። ይህ እርምጃ ኢትዮጵያ በአሶሳ የሚገኘውን የሱዳን ቆንስላ ከዘጋችና ስድስት የሱዳን ዲፕሎማቶችን ከሀገሪቱ እንዲወጡ ካዘዘች በኋላ ነው። ሁለቱ ጎረቤት ሀገራት በግዛታቸው ውስጥ የሚንቀሳቀሱ ታጣቂ ቡድኖችን በመደገፍ በእርስ በርሳቸው መካሰሳቸው የዲፕሎማሲ ውጥረቱን ይበልጥ አባብሶታል። ስማቸው እንዳይጠቀስ በመጠየቅ ከሮይተርስ ጋር ቆይታ ያደረጉ ሁለት የሱዳን ባለሥልጣናት፣ ካርቱም የኢትዮጵያን ቆንስላ እንዲዘጋና የዲፕሎማሲ ሠራተኞቹ ከሀገሪቱ እንዲወጡ ማዘዟን አረጋግጠዋል።       -ETHIO-MEREJA-      T.me/ethio_mereja

"ፓርቲያቸውን ሙሉ በሙሉ ያፈርሰዋል!" — ዶናልድ ትራምፕ በዲሞክራቶች ሊመሰረትባቸው ስለታሰበው ክስ ጠንካራ ማስጠንቀቂያ ሰጡ ጥቅምት 26 ቀን 2019(መናኸሪያ ሬዲዮ) የ2026 የአሜሪካ የአጋማሽ ዘመን ምርጫ (Midterm Election) ውጤት ይፋ መሆንን ተክትሎ፣ የነጩ ቤተ መንግሥት ባለቤት ዶናልድ ትራምፕ ለተቃዋሚዎቻቸው ጠንካራ የፖለቲካ ማስጠንቀቂያ አስተላልፈዋል። ተቃዋሚው የዲሞክራቲክ ፓርቲ በኮንግረስ የክስ ማውረድ (Impeachment) ሂደት ሊጀምር ይችላል በሚል ለቀረበላቸው ጥያቄ ሲመልሱ ትራምፕ፣ ድርጊቱ ይበልጥ የሚጎዳው ክሱን የሚያቀርቡትን አካላት እንደሆነ ገልጸዋል። ትራምፕ ሲናገሩ፦ "ዲሞክራቶች ይህንን ለማድረግ ቢሞክሩ የራሳቸውን ፓርቲ ሙሉ በሙሉ ያፈርሰዋል። ምክንያቱም ያለ ምንም በቂ ምክንያት የሚደረግ ክስ ነው፤ አገርን ስኬታማ በማድረግ ወንጀል ሊከሰስ አይችልም" ብለዋል። ይህ በእንዲህ እንዳለ፣ የዲሞክራቲክ ፓርቲ አባላት በትራምፕ ላይ የተለያዩ የህግና የፖለቲካ ጫናዎችን ለመፍጠር ጥረት እያደረጉ ቢሆንም፣ በምክር ቤቱ ያለው አጠቃላይ የኃይል ሚዛን ክሱን ወደ ተግባር ለመቀየር ትልቅ ፈተና እንደሚሆንባቸው የፖለቲካ ተንታኞች ይናገራሉ።

የኢትዮጵያ ታላቁ የዓድዋ ድል በቡርኪናፋሶ የታሪክ ትምህርት ውስጥ እንዲካተት መደረጉ ተዘገበ! በካፕቴን ኢብራሂም ትራዎሬ የምትመራው ቡርኪናፋሶ፣ የትምህርት ሥርዓቷን በማሻሻል የአፍሪካውያንን ታሪክና የፀረ-ቅኝ ግዛት ተጋድሎ የበለጠ ለማስተማር እየሠራች መሆኑ ተገልጿል። በዚህም መሠረት ኢትዮጵያ በ1896 በዓድዋ በጣሊያን ወራሪ ጦር ላይ የተቀዳጀችው ታሪካዊ ድል በተማሪዎች መማሪያ መጻሕፍት ውስጥ እንዲካተት መወሰኑን መናኸሪያ ሬዲዮ ዘግቧል። በተጨማሪም በታሪክ ትምህርት ውስጥ የአውሮፓ ቅኝ ገዥዎችን «አሳሾች» በማለት የሚገልጹ ቃላት በ«ወራሪዎች» እንዲተኩ መደረጉ ተጠቅሷል። የዓድዋ ድል የኢትዮጵያውያን ብቻ ሳይሆን የአፍሪካውያን የነፃነትና የአንድነት ምልክት ሆኖ ለትውልዶች የሚተላለፍ ታሪክ ነው። ምንጭ፦ መናኸሪያ ሬዲዮ

ኢትዮጵያ ስድስት የሱዳን ዲፕሎማቶች በ48 ሰዓት ውስጥ ሀገሪቱን ለቀው እንዲወጡ አዘዘች ስድስት የሱዳን ዲፕሎማቶች በ48 ሰዓት ውስጥ ኢትዮጵያን ለቀው እንዲወጡ ማዘዟን ሮይተርስ ዘግቧል። እንደዘገባው ከሆነ ዲፕሎማቶቹ ሁለቱ ሀገራት በሚዋሰኑበት ቤኒሻንጉል ጉሙዝ ክልል መዲና አሶሳ በሚገኘው የሱዳን ቆንስላ ጽህፈት ቤት ይሰሩ የነበሩ ናቸው። ከሰሜን ኢትዮጵያ ጦርነት በኋላ አዲስ አበባ ከአስመራ እና ካርቱም ጋር ያላት ግንኙነት እየሻከረ መጥቷል። ከአንድ ወር በፊት በተመሳሳይ ኢትዮጵያ በአዲስ አበባ ይገኙ የነበሩ 10 የኤርትራ እና አንድ የግብጽ ዲፕሎማቶች መባረራቸው ይታወሳል። ይህን ውሳኔ ተከትሎ ኤርትራ ከኢትዮጵያ ጋር የነበራትን ዲፕሎማሲያዊ ግንኙነት ሙሉ ለሙሉ ስታቋርጥ ግብጽ በበኩሏ በኢትዮጵያ ላይ ተመሳሳይ የአጸፋ እርምጃ መውሰዷን አስታውቃ ነበር። ኢትዮጵያ እና ሱዳን አንዳቸው በአንዳቸው የውስጥ ጉዳዮች ላይ ጣልቃ መግባታቸውን በተደጋጋሚ መግለጻቸው ይታወሳል።

በ 1% ቴምር ሪልስቴት የሱቅ ባለቤት መሆን እንዴት እንደምትችሉ ? 👉ሳይቶቹ የሚገኙት     በሳር ቤት አደባባይ የንግድ ሱቅ በ ቡልጋርያ(አፍሪካ ህብረት ፊት ለፊት) የንግድ ሱቅ እና ቢሮ እና በገላን(ኮንደሚኒየም ፊት ለፊት) የንግድ ሱቅ እንደየ ካሬቸው እንደሚገኙበት floor እና እንደሚገኙበት ሳይት ዋጋቸው ይለያያል 👉25% ቅድመ ክፍያ አሁን ይከፈል እና 👉24% በወር 1%  በ 2 አመት ይከፈላል እና 👉ቀሪውን 51% 10% Structure ሰራ ሲጠናቀቅ 10% Ceramic    ስራ ሲጠናቀቅ 10% Aluminium ስራ ሲጠናቀቅ ቀሪውን 21% የንግድ ሱቁን ሲረከቡ የሚከፈል ነው የሚሆነው 📞 +251939770177 📞 +251996856273 WhatsApp: https://wa.me/251939770177 Telegram :@KalTemerRealEstate https://t.me/TemerRealEstateSalesConsultant

በአሜሪካ የአጋማሽ ዘመን ምርጫ ዴሞክራቶች ማሸነፋቸው ተገለጸ በአሜሪካ አጋማሽ ዘመን (midterm) ምርጫ ዲሞክራቶች የሴኔቱን እና የተወካዮች ምክር ቤቱን በበላይነት በማሸነፍ በቀሪው የዶናልድ ትራምፕ የፕሬዝዳንትነት ዘመን የኮንግረሱን ቁጥጥር ተቆጣጥረዋል። ፕሬዝዳንት ትራምፕ በበኩላቸው ዲሞክራቶች "ጥሩ ስራ ሰርተዋል" ብለዋል፤ እንዲሁም የኢራን ጦርነት እና ከፍተኛ የነዳጅ ዋጋ መጨመር ለፓርቲያቸው ሽንፈት የራሳቸውን አስተዋጽኦ አድርገዋል ሲሉ አምነዋል። በሴኔት ውድድር ዲሞክራቶች የሪፐብሊካን ጠንካራ ምሽቶች በሆኑት እንደ ቴክሳስ፣ ኦሃዮ እና ካንሳስ ባሉ ግዛቶች ድሎችን አስመዝግበዋል፤ ከእነዚህም መካከል ካንሳስ ዲሞክራት የመረጠችው ከ100 ዓመታት በፊት ገደማ ነበር። በኮንግረሱ ላይ ባገኙት በዚህ ቁጥጥር አማካኝነት ዲሞክራቶች በሚቀጥሉት ሁለት ዓመታት የፕሬዝዳንት ትራምፕን ዕቅዶች ማደናቀፍ የሚችሉ ሲሆን፣ አልፎ ተርፎም ለሦስተኛ ጊዜ በክስ ለማስወገድ ሙከራ ሊያደርጉ ይችላሉ።

በወንጀል ድርጊቱ ተሳታፊ የሆኑ አራት ግለሰቦች ምርመራ እየተጣራባቸው ይገኛል፤ ድርጊቱ የተፈፀመው ነሐሴ 15 ቀን 2018 ዓ.ም በቂርቆስ ክ/ከተማ ወረዳ 8 ልዩ ቦታው ካዛንቺስ አካባቢ ከጠዋቱ 2:30 አካባቢ ነው፤ የግል ተበዳይ ከሳሮማሪያ ሆቴል ወደ ኢሊሊ ሆቴል ለመጓዝ ለአንድ የሜትር ታክሲ አገልግሎት ሰጪ ድርጅት ይደውላሉ፡፡ ድርጅቱ ያሠማራውን ተሽከርካሪ ሠሌዳ በመጥቀስ መልዕክት ቢልክም ከቆይታ በኋላ የመጣው ተሽከርካሪና ከድርጅቱ የተላከው የተለያየባቸው ግለሰቧ ጥያቄ ያነሳሉ፤ ሄኖክ ሙሉጌታ የተባለው ተጠርጣሪም አሽከርካሪዎቻችን ሁሉም ስራ ላይ ስለሆኑ ነው እኔ የመጣሁት የሚል ምላሽ ይሰጣቸውና ወደ የተጠቀሰው አካባቢ ጉዞ ይጀምራሉ፡፡ ግለሰቧ የፈለጉበት ቦታ ሲደርሱም ሂሳብ ከፍለው ይወርዳሉ፤ ነገር ግን በሚወርዱበት አጋጣሚ የዋጋ ግምቱ 190ሺህ ብር የሚያወጣ ሳምሰንግ ULTRA, A 26 ስልክ ተሽከርካሪው ውስጥ ረስተው መውረዳቸውን ስለተረዱት የትራንስፖርት አገልግሎት ለሰጣቸው ሄኖክ ሙሉጌታ ደውለው ስልካቸውን ረስተው ስለ ወረዱ እንዲመልስላቸው ቢጠይቁትም ግለሰቡ በእምቢታው መጽናቱን በቂርቆስ ክ/ከተማ ፖሊስ ዋና መምሪያ የካዛንቺስ አካባቢ ፖሊስ መምሪያ የወንጀል መርማሪ የሆኑት ሳጅን ሞገስ ምህረቱ አስታውቀዋል፡፡ ግለሰቧም የተፈፀመባቸውን ድርጊት ለፖሊስ ጥቆማ በማድረጋቸው ተጠርጣሪው ላይ ተገቢው ክትትል ሲደረግ ቆይቷል፡፡ ፖሊስ እንደገለፀውም በተደረገው የክትትል ስራ ጥቅምት 17 ቀን 2019 ዓ.ም ከወንጀል ድርጊቱ ጋር በተያያዘ በመግዛትና በመሸጥ ጭምር ተሳታፊ የሆኑትን አራት ተጠርጣሪዎች በቁጥጥር ስር ሊያውልም ችሏል፡፡

ሰበር ዜና! በሆርሙዝ ሰርጥ አቅራቢያ የሚገኙ የአይኤስ ሚሳይል ስጋቶችን ለማክሸፍ አሜሪካ በኢራን ቀሽም ደሴት ላይ ወታደራዊ ጥቃት ፈጸመች! ጥቅምት 24 ቀን 2019(መናኸሪያ ሬዲዮ) በሆርሙዝ ሰርጥ አቅራቢያ በሚገኘው የኢራኗ ቀሽም ደሴት (Qeshm Island) ላይ በርካታ የቦምብ ፍንዳታዎች መሰማታቸውን ተከተሎ፣ አሜሪካ በደሴቱ በሚገኙ የኢራን ወታደራዊ ኢላማዎች ላይ የተወሰነ ወታደራዊ ጥቃት መፈጸሟን አረጋግጣለች። የአሜሪካ ባለስልጣናት እንደገለጹት፤ እርምጃው የተወሰደው በአካባቢው በሚንቀሳቀሱ የአሜሪካ ወታደራዊ ሃይሎች ላይ የአየር ተቃዋሚ ሚሳይሎችን (surface-to-air missiles) በመጠቀም ስጋት በደቀኑ የኢራን ሃይሎች ላይ ነው። ዋሽንግተን ጥቃቱ በስትራቴጂካዊ የውሃ መስመሩ ላይ የሚገኙ የአሜሪካ ኃይሎችን ለመጠበቅ የተደረገ "የራስን የመከላከል እርምጃ" ነው ስትል ገልጻዋለች። የኢራን መንግስት መገናኛ ብዙሃን ጥቅምት 23 (November 2) በደሴቱ ላይ በርካታ ፍንዳታዎች መሰማታቸውን የዘገቡ ሲሆን፣ የአካባቢው ነዋሪዎችም ሁለት የጦር አውሮፕላኖች በአካባቢው ሲበሩ ማየታቸውን ተናግረዋል። እንደ አሜሪካ ባለስልጣናት ገለጻ፤ ጥቃቱ የተወሰነ ወሰን ያለው እና ወደ ሰፊ ወታደራዊ ግጭት የሚያመራ አይደለም። ስለደረሰው የጉዳት መጠን እና ሰብአዊ ጉዳት እስካሁን በይፋ የተረጋገጠ መረጃ የለም። ይህ አጋጣሚ የተከሰተው የአለም አቀፍ የነዳጅ እና የኢነርጂ አቅርቦት ቁልፍ በሆነው የሆርሙዝ ሰርጥ አካባቢ በዋሽንግተን እና በቴህራን መካከል ያለው ውጥረት በበረታበት ወቅት ነው። አሜሪካ ይህንን ወታደራዊ እርምጃ ብትወስድም፣ አሁንም ቢሆን ከኢራን ጋር በድርድር ስምምነት ላይ ለመድረስ ተስፋ እንዳላት የአሜሪካ ባለስልጣናት ገልጸዋል።

በ 1% ቴምር ሪልስቴት የሱቅ ባለቤት መሆን እንዴት እንደምትችሉ ? 👉ሳይቶቹ የሚገኙት     በሳር ቤት አደባባይ የንግድ ሱቅ በ ቡልጋርያ(አፍሪካ ህብረት ፊት ለፊት) የንግድ ሱቅ እና ቢሮ እና በገላን(ኮንደሚኒየም ፊት ለፊት) የንግድ ሱቅ እንደየ ካሬቸው እንደሚገኙበት floor እና እንደሚገኙበት ሳይት ዋጋቸው ይለያያል 👉25% ቅድመ ክፍያ አሁን ይከፈል እና 👉24% በወር 1%  በ 2 አመት ይከፈላል እና 👉ቀሪውን 51% 10% Structure ሰራ ሲጠናቀቅ 10% Ceramic    ስራ ሲጠናቀቅ 10% Aluminium ስራ ሲጠናቀቅ ቀሪውን 21% የንግድ ሱቁን ሲረከቡ የሚከፈል ነው የሚሆነው 📞 +251939770177 📞 +251996856273 WhatsApp: https://wa.me/251939770177 Telegram :@KalTemerRealEstate https://t.me/TemerRealEstateSalesConsultant

በወልቂጤ በተከሰተው የንጹሃን ግድያ ጋረ በተያያዘ ኃላፊነታቸውን ባልተወጡ አካላት ላይ ማጣራት ተደርጎ ጥብቅ እርምጃ ይወሰዳል ተባለ የክልሉ ሠላምና ፅጥታ ቢሮ የክልሉን ወቅታዊ የሰላም ሁኔታ አስመልክቶ መግለጫ ሰጥቷል። የየቢሮው ኃላፊ አቶ ተመስገን ካሳ እንደገለጹት፣ የመደመር መንግሥት ምስረታን ተከትሎ የክልሉን ሰላም ዘላቂና አስተማማኝ ለማድረግ በልዩ ትኩረት እየተሠራ ይገኛል።ለዚህም በተቋም ግንባታ ማዕቀፍ የፀጥታ ተቋማት ሪፎርምና የፀጥታ ኃይሉን አቅም ለመገንባት የተለያዩ ተግባራት እየተከናወኑ መሆኑን አቶ ተመስገን ጠቁመዋል። በክልሉ አንዳንድ ኪስ ቦታዎች አልፎ አልፎ ሲከሰቱ የቆዩ የፀጥታ ችግሮችን በዘላቂነት ለመፍታት በቅንጅት እየተሠራ ነው ብለዋል።የሚከሰቱ ግጭቶችን ህዝባዊ መሠረት ያላቸው ለማስመሰል የሚሞክሩ ኃይሎች የሚያሰራጩትን ሀሰተኛ መረጃ ህዝቡ ባለመቀበል አንድነቱንና አብሮነቱን በተግባር እያረጋገጠ መሆኑን አቶ ተመስገን አስገንዝበዋል። የወልቂጤ ከተማ ነዋሪዎች ከመንግሥት ጋር ተቀናጅተው በመሥራታቸው አንፃራዊ ሰላም ሰፍኖ ሁሉም መደበኛ ተግባራት በተረጋጋ ሁኔታ እየተከናወኑ ነው ብለዋል።ይህ ያልተዋጠላቸው ከግጭት አትራፊ አካላት ጥቅምት 19/2019 ዓ/ም ከምሽቱ 4፡30 ሰዓት በከተማው ጄ.ኤን.ፒ ተብሎ በሚጠራ አካባቢ በንጹሃን ዜጎች ላይ ጥቃት በመክፈት ጉዳት ማድረሳቸውን የቢሮ ኃላፊው ገልጸዋል። በጥቃቱ የ3 ሰው ሕይወት ማለፉን የጠቆሙት አቶ ተመስገን በዚህም የክልሉ አቢይ ኮማንድ ፖስት ጥልቅ ሀዘን እንደተሰማው ገልጸው ለሟች ቤተሰቦችና ዘመድ አዝማድ መጽናናትን ተመኝተዋል። በጉዳዩ የሚጠረጠሩ እንዲሁም ኃላፊነታቸውን ባልተወጡ አካላት ላይ ማጣራት ተደርጎ ጥብቅ እርምጃ ይወሰዳል ያሉት አቶ ተመስገን ለዚህም ህዝቡ ለፀጥታ አካላት የተለመደ ትብብሩን እንዲያደርግ ጠይቀዋል።

በአዲስ አበባ በደረሰ አሰቃቂ የትራፊክ አደጋ የስምንት ሰዎች ሕይወት አለፈ በአዲስ አበባ ጉለሌ ክፍለ ከተማ፣ ቀጨኔ መቀጠያ አካባቢ በደረሰ አሰቃቂ የመንገድ ትራፊክ አደጋ የስምንት ሰዎች ሕይወት ሲያልፍ፣ በርካታ ሰዎችም መጎዳታቸው ተገለጸ። አደጋው ጥቅምት 21 ቀን 2019 ዓ.ም. ከቀኑ 7፡00 ሰዓት አካባቢ በጉለሌ ክፍለ ከተማ ወረዳ 06፣ ቀጨኔ መቀጠያ በተባለው ሥፍራ መከሰቱን የአዲስ አበባ ፖሊስ ዋና ጠቅላይ መምሪያ የትራፊክ አደጋ ምርመራ መምሪያ ኃላፊ ዋና ኢንስፔክተር መንግስቱ ታደሰ ገልጸዋል። ከኩዩ ወደ አዲስ አበባ ቀጨኔ አቅጣጫ ተሳፋሪዎችን ጭኖ ይጓዝ የነበረው የሰሌዳ ቁጥር ኮድ 3-62732 የሆነ የኦሮሚያ ክልል ሚኒባስ ተሽከርካሪ፣ ቀጨኔ መቀጠያ ሲደርስ ወደ ግራ በመዞር በተቃራኒ የመንገድ አቅጣጫ መግባቱን የፖሊስ መረጃ ያመለክታል። በዚህም ምክንያት በጫማ ማስዋብ ሥራ የሚተዳደሩ ሁለት ወጣቶችንና አንድ እግረኛን ከገጨ በኋላ፣ በመንገዱ ላይ ወደ ፊት በመጓዝ ከቀጨኔ ወደ እንጦጦ በትክክለኛው አቅጣጫ ይጓዝ ከነበረ የሰሌዳ ቁጥር ኮድ 4-03305 የሆነ የውኃ ቦቴ ተሽከርካሪ ጋር ተጋጭቷል። በግጭቱም በሚኒባሱ ውስጥ የነበሩ ሰባት ሰዎች ሕይወት ሲያልፍ፣ ከዚያ በፊት በሚኒባሱ ተገጭቶ የነበረው አንድ እግረኛም ሕይወቱ ማለፉ ተገልጿል። በድምሩ በአደጋው ስምንት ሰዎች ሕይወታቸውን አጥተዋል። በአደጋው የሚኒባሱ አሽከርካሪም ጉዳት ደርሶበት ሕክምና እየተደረገለት ሲሆን፣ በአጠቃላይ በ11 ሰዎች ላይ ከባድና ቀላል ጉዳት መድረሱን የፖሊስ ኃላፊው አስታውቀዋል። የአደጋው መንስኤም በተመለከተ ምርመራ እየተካሄደ መሆኑን ፖሊስ ገልጿል። የአዲስ አበባ ፖሊስ ዋና ጠቅላይ መምሪያ

አሜሪካ በአርሲ ዞን የተካሄደውን ግድያ ላይ የኢትዮጵያ መንግስት ምርመራ እንዲያካሂድ እና ገዳዮች ለፍርድ እንዲያቀርብ ጠየቀች። የአሜሪካ አፍሪካ ጉዳዮች ቢሮ በኤክስ ገጹ ባወጣው ጽሑፍ “አሜሪካ በኢትዮጵያ፣ ኦሮሚያ ክልል አርሲ ዞን በንጹሐን ዜጎች ላይ የተፈጸሙትን የታለሙ የግድያ ሪፖርቶች ስሰማ ከፍተኛ ስጋት ተሰምቷታል።” ብሏል። አክሎም አሜሪካ በሃይማኖት ፣ በብሔር ወይም በፖለቲካ ምክንያት የሚፈጸሙ ጥቃቶችን አጥብቃ እንደምትቃወም በመግለጽ በማንኛውም ቡድን ላይ የሚፈጸሙ አሰቃቂ ጥቃቶች ሊቆሙ እንደሚገባ አሳስቧል። አሜሪካ የኢትዮጵያ መንግሥት ምርመራ እንዲያካሂድ እና አጥፊዎችን ለፍርድ እንዲያቀርብ ትጠይቃለች ሲልም ጥሪ አቅርቧል።

በ 1% ቴምር ሪልስቴት የሱቅ ባለቤት መሆን እንዴት እንደምትችሉ ? 👉ሳይቶቹ የሚገኙት     በሳር ቤት አደባባይ የንግድ ሱቅ በ ቡልጋርያ(አፍሪካ ህብረት ፊት ለፊት) የንግድ ሱቅ እና ቢሮ እና በገላን(ኮንደሚኒየም ፊት ለፊት) የንግድ ሱቅ እንደየ ካሬቸው እንደሚገኙበት floor እና እንደሚገኙበት ሳይት ዋጋቸው ይለያያል 👉25% ቅድመ ክፍያ አሁን ይከፈል እና 👉24% በወር 1%  በ 2 አመት ይከፈላል እና 👉ቀሪውን 51% 10% Structure ሰራ ሲጠናቀቅ 10% Ceramic    ስራ ሲጠናቀቅ 10% Aluminium ስራ ሲጠናቀቅ ቀሪውን 21% የንግድ ሱቁን ሲረከቡ የሚከፈል ነው የሚሆነው 📞 +251939770177 📞 +251996856273 WhatsApp: https://wa.me/251939770177 Telegram :@KalTemerRealEstate https://t.me/TemerRealEstateSalesConsultant

በአማራ ክልል ደቡብ ወሎ ዞን በተፈናቃዮች መጠለያ ጣቢያ ላይ በተፈፀመ የድሮን ጥቃት 18 ሰዎች ሲገደሉ ከ30 በላይ ሰዎች መቁሰላቸው ተነገረ!! የአማራ ክልል፣ ደቡብ ወሎ ዞን፣ ተወለደሬ ወረዳ በሚገኘው እና በተለምዶ የቱርክ ካምፕ እየተባለ በሚጠራው መጠለያ ጣቢያ ላይ በደረሰ የድሮን እና የመድፍ ጥቃት የሞቱ ሰዎች ቁጥር እየጨመረ መሆኑን በመጠለያ ጣቢያው የሚገኙ የሀገር ውስጥ ተፈናቃዮች ለዶቼ ቬለ ገልፀዋል። ትናንት ጥቅምት 19 ቀን 2019 ዓ.ም. ከቀኑ 5:30 ጀምሮ በተፈፀመው በዚህ ጥቃት 18 ሰዎች ሲገደሉ 30 መቁሰላቸውን በመጠለያ ጣቢያው የሚገኙ የሀገር ውስጥ ተፈናቃዮች ገልፀዋል። ጥቃቱ የተፈጸመው በስፍራው የፋኖ ኃይሎች ይንቀሳቀሳሉ በሚል ምክንያት እንደሆነ ተገልጿል። በመጠለያ ጣቢያው ላይ በደረሰው በዚህ ጥቃት ዙሪያ እስካሁን ከየትኛውም አካል የተሰጠ ይፋዊ መግለጫም ሆነ ማብራሪያ የለም። በሌላ በኩል አልፎ አልፎ ከሚሰሙ የተኩስ ድምፆች በስተቀር፣ በቅርቡ በሰሜን እና ደቡብ ወሎ፣ በሰሜን ሸዋ እንዲሁም በደቡብ ጎንደር በመንግስት ሀይሎች እና በፋኖ ታጣቂዎች መካከል ሲካሄድ የነበረው ግጭት ጋብ ማለቱን ዶቼ ቬለ እና ቢቢሲ አማርኛ ዘግበዋል። ምንጭ ፣ ዶቼ ቬለ ፣ ቢቢሲ አማርኛ