أبجديّة

‏تعوشب كل دربٍ تسلكه وترد روحه لين ‏تشوف دروبها خضرا على جرّة خطاويها

واحدٍ لرضاك ما خلا على الهامش طريقة ‏لو تبين يعلقّ بعنقك كواكب ، قال طيّب

‏لا تترك هقاويك اتّمادى بدون ادراك ‏و كل احتمال من المقادير له نسبه ‏يجوز يتردّى من تحسْبه على يمناك ‏ويفزع لك اللي كان طالع من الحسبه

‏أجيه ضامي وضحكاته ترويني مثل غيثٍ ‏يصب للناس من خيره ومن طهره

‏"الهلا لآخر هلا"و"الرحب لآخر رِحب" ‏تنثنا لك — يا"المقام الموقر و النزيه" ‏جابك الله "عيضةٍ" عن"لياليّ الشحب" ‏وجيت لك صلصال طينٍ و سو اللي تبيه ‏أنت تدري/ما على الأرض منك أغلى و أحب ‏وأنا داري/ما على الأرض غيري تهتويه ‏من يحبك يقعد العمر كله ما يحب ‏لو تجيه حمول الأيام فاللي يشتهيه

‏مرّي عسى الله لا يعدم الأرض من لِينك ‏ما قبلك اللي تتوق الأرض لـ خْطاها

‏حلوة نبأ ، طيّبة مبدأ ، وريثة شداد ‏اليا مشت فوق الأرض تطيّر طيورها ‏نشميّةٍ دونها اللي يحتمون البلاد ‏اللي على سرجها و اللي على كورها

ربا الحسن فيه وعاش باللي عليه يلوق ‏مثل ما ربّت بلسانه الكلمه الذربه!

سبحانه اللي يزرع بذور المحبّة فـ القلوب ‏وإليّا عطى عبده قبول النّاس جاته مقبلة

‏وأعرف إنّي بحر واللي نجا من غبَّتي مولود ‏من يخاف البحر ما يستحق يفوز بـ الدّانة

‏كم قلب في دربٍ مشت فيه انغرس ‏ يحلم تمرَّه لو بظل ظلالها ‏ ما تلتفت حتى لطويلين المَرَس ‏ مترفّعه ما كل من جا طالها

‏عسى ربي يتـمم فرحتـي ويزيدني بجـود ‏ ويـمـلا حـيــاتـي إنـجــاز وأحـلام ورديّة ‏وعسى كل طموح سكنني يصبح له وجود ‏وعسى دربي دوم مـزروع بخطـوة قـويـة

‏خذ ضلوعيّ وأبن فيها يسار الصدر بيت وسور ‏ترا ما فيه قبلك من سكن صدري .. و خفّاقي

‏أسرفت في التفكير والتفكير محتاج لْحلول ‏ولكن أكثر ما كرهت من الحلول أنصَافها ‏تعبت أشوف الناس مثل الناس والأربع فصول ‏متشابهة في الفكرة، ومُستنسخة لأسلافها ‏وأنا بسيطٍ في فمي كلمة، وفي وجهي قبول ‏أسكن قلوب الناس، وأراعي شعور إنظافها ‏- صالح بن حمد

‏زود طيبك مذهلٍ كل الوجيه ‏ماتعذرب طيبك ألسِنة العدى ‏ أنت لو بالكون منك كمٍ شبيه ‏مابقى شيٍ . . يسمونه ردى

يا لقاي بذاتي المتغرّبه ، عن ذاتي ‏يارضا نفسي على خير الزمان وشره ‏أنت جيت وجابك الله عقب طول شتاتي ‏وعودت فيك السنين الذابله مخضرّه

‏رقيق الحديث اللي على الكبد كنّه ماء ‏تباشر به نفوس ٍ، من الوقت منلاعه

‏يا إلهي جعل حلمي ما يفوته فوته ‏ودي إن عمري يقل ولا تقل أحلامي ‏السنين تمر وحبال الرجاء مفلوته ‏لاتخليني على قاع الزمان الحامي ‏الحياة اللي مراحلها ماهي مبخوته ‏ياعساها ما تجي خلفي ولا قدامي

‏يا أطهر من لمح في طارفي / بسمه ‏وأصدق من ظنون الهاقي و الخايف ‏تجي لي مثل صبحٍ يجلي … العتمه ‏وعمرٍ قبل اعرفك كان لي "مؤسف " ‏عوض صبري على أيّامي .. الظلمه ‏و عطى ربي عطاني ، قلبك المرهف ‏معك عشت العمر في رأفه و رحمه ‏ولقيت بـ شمس عمري ‏ ظلك مْوارف /

لك الله مال غيرك فالحَنايا والضمير ظلال ‏أقرب من قريب الخلق وأقرب لي من ظلالي