أبجديّة

‏موطني بين التميز .. والتفرّد والتألق ‏والفريد من التسامي والعديم من التشابه

اللهم ارحم حبيبي عبدالرحمن عدد ماسألك السائلون وذكرك الذاكرون

مشيت وكلمتي كلمة ، بلا تبرير واستعطاف ‏يكفّيني أكون أكبر من اللي هم يظنونه ‏أجي مثل السحاب ولون قلبي أبيض وشفّاف ‏وأكون أكرم من حضوره وأروح أعذب من مزونه ‏عيوني للحسن قبلة ، وجفني للحبيب لحاف ‏وروحي لأجل من يستاهل الأشواق مرهونه ‏وقلبي مستحيل إنّه يرد يحب ! لامن عاف ‏ووجهي مستحيل اللي لقاه يعيش من دونه

‏الأوّل ، اللي أول النّاس تاليه ‏تشبهوا به ، ما قووا يشبهونه ‏وجهه ضحوك ، وكن حظه ملبّيه ‏وقلبه عطوف ولمسة إيده حنونه ‏دامه مع الله ، يدري الله بيعطيه ‏و ييسّر أمره بين كافه ونونه

‏ماعشقت الاّ المحبّه والتّسامح والمروّه ‏ولا كرهت الاّ التّحاسد والتّباغض والتّجافي ‏الزمن جرحه يخلّي واعي الفكر يْتأوّه ‏لو معاليقه نظاف وقلبه مْع الوقت صافي

عسى دربي اللي فيه راجي من الله خير ‏بعد درب من يرجي من الناس ويحابي

‏اسعى ورا حلمك التايه وخلك جزوم ‏لا تحسب حساب من ساعد ولا من جحد ‏مسافة السعي خلف الحلم ماهي بيوم ‏مسافة العمر ما بين المهد واللحد ‏وان وقّفوا ضدك اللي يحبطون العزوم ‏وقّف لهم وقفة اللي ما عليه مْن أحد

‏« لا تجلاّ نور وجهك النيّر بعرض النهار ‏كن شروق الشمس ينعاد مره ثانيه »

‏يدور الشك بين الناس والاعمال بالنيات ‏ويمر الواثق بـ نفسه عليهم و يتعداهم

‏تنبت على كفوف الأصيل الكريم السنابل ‏وتموت في كف الردي مدّة الخير والطيب

هبّ لي من الافراح واجعلني شديد الباس لين ‏أضحك على كل الجروح الصلف منها والندي"

‏مصير البنادم لو يّعمر مابين وبين ‏لحود القبر مهما المقادير تمهله ‏تجاهل زمانك لو مصيره ماتدري وين ‏لاتحسب حساب لـ دقه ومعضلة جله ‏رهين الظنون وحيرة الشك والتخمين ‏تمر السنين وخطوته مافهقت ظله

‏يالله يا حامل مفاتيح الارزاق ‏المعتني في رزق نفسٍ خلقها ‏عن الخفايا ما على عينك رواق ‏واذنك عن الاسرار ماهي بصقها ‏اجعل لنفسي من غضب وجهك اعتاق ‏وبيديك معلاق الامور ووفقها ‏واغسل قلوب اهل التباغض والاشقاق ‏وهون مسالبها وريح شفقها

يارب عطني أكثر من اللي رجيت ‏وأنت الكريم اللي عطاءه سرمدي ‏أنا أمنياتي أكبر من اللي سعيت ‏ياربّ تشرق لي مثل صبحٍ ندي ‏دخيلك من الدرب لا مال وبكيت ‏وأعوذ بك يارب من حظٍ ردي ‏طلبتك تحقِّق دعاي اللي دعيت ‏تعبت أشيل أحلامي براحة يدي"

‏يا رب أنا مهما ألتهي و أذنب و أهيم ‏من خشيتك ، ما زال صدري ممتلي ‏جيتك بـ عينٍ تدمع ، و قلبٍ سليم ‏أبثّ لك خوفي ، و حزني ، و زعلي ‏أكرمني بـ عفوك و لطفك .. يا كريم ‏و لا تحاسبني ، بـ جهدي و عملي

‏«حاول انك بالحياة تصير واضح و انتقائي ‏بالكلام وبالقصيد وبالدروب .. وبالرفاقه» ‏— متعب بن مرزوق

‏كنّك العذب المصفى ماخلق من هو يعافه ‏ تجلي عماس النفوس، و تنقلب عقبك نديّه

‏يارب وجهني طريق الصالحين ‏بدايته ونهايته ، سترة نجاه ‏رفعت نفسي عن دروب التافهين ‏اللي ولا دربٍ يشد الانتباه ‏اما حياة الطيبين الغانمين ‏ولا حياةٍ ماوراها من غناه ‏اللي حسبته من قروم الطيبين ‏الوقت ماقصر وبين لي خفاه ‏يزين طبع الناس ، ولا مايزين ‏كلٍ على حسب العمل يلقى جزاه ‏أسعد فرص ليا خسرت الخايبين ‏وراس العوض القاه في روس الدهاه

‏أسخى العطايا النيّرة والمضيئة ‏نور النفوس ، الزاهدة بالعطايا ‏واثمن هدايا الكون دعوه بريئة ‏تاثيرها أقوى من جميع الهدايا ‏رجاي بـ اللي في يديه المشيئة ‏يسخّر أبيض وجه وابيض نوايا ‏ماهوب بس مسويٍ له خبيئة ‏بينه و بين الله تعالى " خبايا "