Мuborak tumani hokimligi | Rasmiy kanal

Prezident Shavkat Mirziyoyev raisligida yoqilgʻi-energetika tarmogʻidagi kelgusidagi ustuvor vazifalar yuzasidan videoselektor yigʻilishi oʻtkazildi. — Под председательством Президента Шавката Мирзиёева состоялось видеоселекторное совещание, посвященное приоритетным задачам топливно-энергетической отрасли. #Mirziyoyev #videoselektor #energetika #tahlil Prezident.uz|Facebook|Instagram|YouTube|X

Xitoylik investorlar bilan yirik investitsiya loyihasi bo‘yicha kelishuvga erishildi Muborak tumani hokimi o‘rinbosari Azizjon Imomov boshchiligida Xitoy Xalq Respublikasidan tashrif buyurgan investorlar bilan muzokara o‘tkazildi. Uchrashuv yakunida tumanda kaliy sulfat va kaliy xlorid o‘g‘itlari ishlab chiqarish loyihasini amalga oshirish hamda korxonaning energiya ta’minotini mustahkamlash maqsadida 1 megavatt quvvatga ega quyosh fotoelektr stansiyasini barpo etish bo‘yicha o‘zaro kelishuvga erishildi. Mazkur loyiha hududda zamonaviy sanoat quvvatlarini yaratish, yangi ish o‘rinlarini tashkil etish, ekologik toza energiyadan samarali foydalanish hamda tumanning investitsiyaviy jozibadorligini yanada oshirishga xizmat qiladi. Telegram | Facebook | Instagram | Sayt

Davlatimiz rahbari iqtisodiyotni texnologik va innovatsion o‘sish modeliga o‘tkazish uchun barcha sohalarda, xususan, energetikada zamonaviy kadrlar zarurligini ta’kidladi. Hozir 25 ta texnika oliygohida bu yo‘nalishda yiliga 5,5 ming mutaxassis tayyorlanmoqda.

“Ochig‘i, ta’lim amaliyot bilan bog‘lanmagani uchun bitiruvchining ishga kirishib ketishiga 2-3 yil ketyapti”,

– dedi Prezidentimiz. Mas’ullarga bir oyda oliygohlardagi yoqilg‘i-energetika yo‘nalishlari bo‘yicha ta’lim dasturlarini to‘liq yangilash topshirildi. 1-sentabrgacha laboratoriya va poligonlarni yangi talablarga moslashtirish boshlanadi. Yangi o‘quv yilidan 3-kurs talabalarining yarmi, 4-kurs talabalarining barchasi dual ta’limga qamrab olinadi. Chunki kelgusi 2-3 yilda quyosh va shamol generatorlari, elektr zaryadlash uskunalari kabi yo‘nalishlarda minglab mutaxassislarga ehtiyoj paydo bo‘ladi. Saudiya Arabistonining “ACWA” kompaniyasi Shirin energetika texnikumini jihozlab, yiliga 220 nafar yoshni yangi kasblarga tayyorlamoqda. Yangi o‘quv yilidan Qoraqalpog‘iston, Buxoro va Navoiydagi bittadan texnikumda ham ushbu tajriba joriy etiladi. Yig‘ilishda mutasaddilarning hisobotlari tinglandi. Facebook|Instagram|X

Andijon viloyatida olti oyda rejadagi 48 ming tonna o‘rniga 41 ming tonna suyultirilgan gaz yetkazib berilgan. 318 ta mahallada ta’minot grafikdan orqada qolmoqda. Endi tadbirkorlar o‘zi import qilgan yoki birjadan xarid qilgan suyultirilgan gazni aholi va biznes subyektlariga yetkazib berishi mumkin bo‘ladi. Yil boshidan xususiy sektor tomonidan 157 ming tonna suyultirilgan gaz import qilingan. Ijtimoiy reyestrga kirgan oilalarga suyultirilgan gaz uchun subsidiya beriladi. Yil yakunigacha bu borada “Andijon tajribasi” yaratiladi. Suyultirilgan gaz ishlab chiqarishni yil yakunigacha rejadagi 520 ming tonna o‘rniga 606 ming tonnaga yetkazish vazifasi qo‘yildi. Hozir aholiga gaz standart hajmdagi 20 kilogrammli ballonlarda yetkaziladi. Vaholanki, ayrim xonadonlarga oylik iste’mol uchun 5-6 kilogramm yetarli bo‘lsa, boshqa iste’molchilarga 30-40 kilogrammli ballon zarur. Suyultirilgan gazni tashish, saqlash va tarqatish tizimi bir oyda xorijiy tajriba va xalqaro standartlar asosida qayta ko‘rib chiqiladi. Facebook|Instagram|X

Bugungi kunda “Hududiy elektr tarmoqlari”da 25 ming, “Hududgaz”da 16 ming xodim ishlaydi. Lekin xodimlar ishini boshqarish raqamlashmagani sababli kun davomida kim nima bilan bandligini na elektr tarmog‘i, na gaz ta’minoti rahbari biladi. Shu bois, mehnat unumdorligi boshqa davlatlardan 1,5-2 barobar past, avariyalarni bartaraf etish muddati esa 3-4 barobar ko‘p. Energetika vazirligi tarkibida Yoqilg‘i-energetika tarmog‘ini raqamlashtirish va sun’iy intellektni joriy etish markazi tashkil etiladi. Markaz “ishlab chiqarish – uzatish – taqsimlash – yetkazish” zanjiri, ko‘mir, suyultirilgan gaz va mazut ta’minotini “stress-audit”dan o‘tkazadi. Shu asosda sohani rivojlantirishning bir nechta ssenariysi ishlab chiqiladi. Har bir xodimning kunlik ishini raqamli algoritm orqali boshqaradigan tizim yaratiladi. ASKUE va ASKUG ma’lumotlari sun’iy intellekt orqali tahlil qilinib, shubhali o‘zgarishlarni aniqlaydigan platforma ishga tushiriladi. Tizimdagi 106 ming xodim uchun 10 ta asosiy KPI belgilanadi. Unda avariyaviy va rejali o‘chishlar, yo‘qotishlar, debitor qarzdorlik, quvvatlar rezervi va ta’mirlash dasturlarining bajarilishi asosiy mezon bo‘ladi. Facebook|Instagram|X

Yangiyo‘l misolidagi tizim respublikadagi barcha tuman va shaharlarga tatbiq etiladi. Energetika tizimi rahbarlari har bir viloyatdagi eng og‘ir bittadan tumanga biriktiriladi. Ular hokimlar bilan birgalikda yil yakunigacha o‘ziga biriktirilgan hududda yangi ish tizimini yo‘lga qo‘yadi. Islohotlar shtabi, Bosh vazir o‘rinbosarlari, vazirlar, tarmoq va bank rahbarlari ham hududlarga chiqadi. Aholi va tadbirkorlarning elektr va gaz bilan bog‘liq masalalari o‘rganilib, mas’ullarga yil yakunigacha va kelasi yilda amalga oshiradigan ishlari aniq ko‘rsatiladi. Mazkur ishlar uchun mablag‘ manbalari ham belgilab beriladi. Elektr va gaz hisobini yuritish, tarmoqdagi yo‘qotishlar va debitor qarzdorlikni keskin kamaytirish imkoniyatlari joyida ko‘rsatib beriladi. Davlatimiz rahbari viloyat va tumanlardagi elektr hamda gaz ta’minoti rahbarlarining “ko‘zini ochish”, ularni natija uchun ishlash uchun mas’uliyatini oshirish zarurligini ta’kidladi. Facebook|Instagram|X

Yangiyo‘l tumani aholisi va tadbirkorlarini elektr hamda gaz bilan barqaror ta’minlash bo‘yicha maxsus shtab tashkil etiladi. Unga energetika vaziri Sherzod Xodjayev boshchilik qiladi, tuman hokimi San’at Jumaniyozov esa uning o‘rinbosari bo‘ladi. Mas’ullar ikki haftada tumanning 51 ta mahallasida aholi va tadbirkorlarning oylik, choraklik va yillik talabini o‘rganadi. Shu asosda “energiya iste’moli balansi” shakllantiriladi. Qaysi mahallada transformator yoki gaz taqsimlash qurilmasini yangilash, qayerda tarmoq tortish zarurligi aniq belgilanadi. ASKUE va ASKUG tizimiga mos kelmaydigan hisoblagichlar almashtirilib, ma’lumot uzatmayotgan qurilmalarning uzluksiz aloqasi ta’minlanadi. Elektr va gaz yo‘qotishlarini 2 karra kamaytirish bo‘yicha alohida dastur ishlab chiqiladi. Bunda zarur mablag‘ning qanchasi tizim korxonalari, qanchasi mahalliy qo‘shimcha daromad hisobidan ajratilishi aniq ko‘rsatiladi. Yirik iste’molchi bo‘lgan korxonalar energiya auditidan o‘tkazilib, ularni tejamkor texnologiyalarga o‘tkazish uchun banklar tomonidan resurs ajratiladi. Barcha bog‘cha, maktab, texnikum, shifoxona va poliklinikalarning energiya sarfi tahlil qilinib, toifalarga ajratiladi. Ko‘p qavatli uylarning isitish tizimi diagnostika qilinadi, qarzdorlikni bartaraf etish bo‘yicha ko‘chama-ko‘cha ish olib boriladi. Barcha ishlar 1-oktabrgacha yakunlanib, Yangiyo‘l elektr va gaz ta’minoti bo‘yicha namunaviy tumanga aylantiriladi. Facebook|Instagram|X

Joylarda ishni qanday tashkil etish Yangiyo‘l tumani misolida ko‘rsatib berildi. Tumanda 1 ming 400 kilometr elektr tarmog‘i va 422 ta transformator mavjud. So‘nggi besh yilda aholining elektr iste’moli 68 milliondan 102 million kilovatt-soatga, ya’ni 1,5 karra oshgan. Lekin bu davrda bor-yo‘g‘i 60 ta transformator va 240 kilometr tarmoq yangilangan. Yil boshidan elektr yo‘qotishlari 30 million kilovatt-soatga yetgan, tarmoqlarda 37 ta avariya sodir bo‘lgan. To‘lov intizomi yaxshi yo‘lga qo‘yilmagani sababli debitor qarzdorlik 43 milliard so‘mga chiqib ketgan. Shuning 9,4 milliard so‘mi noreal qarzdorlik hisoblanadi. Tumanda 829 ta iste’molchining hisoblagichi ASKUE tizimiga mos kelmaydi, yana 2 mingta hisoblagich ma’lumot yubormaydi. Soliqqa “nol” hisobot topshirgan 48 ta korxona esa olti oyda 871 ming kilovatt-soat elektr ishlatgan. Gaz ta’minotida ham xuddi shunday ahvol kuzatilmoqda. 5 mingdan ortiq gaz hisoblagich ma’lumot uzatmayotgani oqibatida qarzdorlik 188 milliard so‘mga yetgan. Facebook|Instagram|X

Yig‘ilishda Surxondaryodagi bug‘-gaz elektr stansiyasi qurilishi uchun joy noto‘g‘ri tanlangani tanqid qilindi. Gazni stansiyaga yetkazish uchun 300 million dollar sarflashga to‘g‘ri kelmoqda. Tashabbuskor bilan tuzilgan shartnoma shartlari puxta o‘rganilmagani qo‘shimcha xarajat yuzaga kelish ehtimolini paydo qilgan. Mas’ullarga shartnoma shartlarini qayta ko‘rib chiqish topshirildi. Tizimdagi jiddiy kamchiliklar uchun energetika vaziri va “Hududiy elektr tarmoqlari” rahbari lavozimidan ozod etildi. “Milliy elektr tarmoqlari”, “Issiqlik elektr stansiyalari”, “Transgaz” va “Hududgaz” rahbarlariga yil yakunigacha sinov muddati belgilandi. Natija bo‘lmasa, ular ham ishdan ketishi ogohlantirildi. Yangi energetika vaziri Sherzod Xodjayev, “Hududiy elektr tarmoqlari”ning yangi rahbari Sardor Isaqulov va Energiya inspeksiyasining yangi boshlig‘i Axad Isoqjonov bugundan yangicha ish uslubini joriy qilishi shartligi ta’kidlandi.

“Hokimlar ham “Bu energetiklarning ishi” deb xotirjam o‘tirishga haqqi yo‘q. So‘rov qattiq bo‘ladi”,

– dedi Prezidentimiz. Facebook|Instagram|X

Bugungi kunda ayrim hokimlarda infratuzilmani yaxshilash bo‘yicha aniq hisob-kitob mavjud emas. Tarmoqdagi yo‘qotishlar 17,2 foizni tashkil etmoqda. O‘tgan olti oyda 4,8 milliard kilovatt-soat elektr energiyasi yo‘qotilgan. Andijon shahri, Asaka, Yangiobod, Koson, Ko‘kdala, Boysun, Oltinsoy, Qo‘shtepa, Toshloq, Qo‘shrabot va Samarqand tumanida yo‘qotishlar 25 foizdan yuqori. ASKUE va ASKUG tizimi joriy qilinganiga to‘rt yildan oshgan bo‘lsa-da, aholi xonadonlariga o‘rnatilgan 300 mingta gaz va 234 mingta elektr hisoblagich tarmoqqa ma’lumot uzatmayapti. Oqibatda ayrim hududlarda debitor qarzdorlik kamayish o‘rniga ko‘paymoqda. Lekin ko‘p rahbarlar samaradorlik deganda faqat quyosh paneli o‘rnatishni tushunib yurgani, uy energiya samarador bo‘lmasa, sarflangan mablag‘ behuda ketaverishi qayd etildi. Facebook|Instagram|X

Barcha hududlarda deyarli bir xil tarmoq bo‘lgani bilan ayrim tumanlar yaxshi ishlayotgani, boshqalarida esa doim avariya sodir bo‘layotgani ko‘rsatib o‘tildi. Bu talab nazorat va intizomning har xilligi bilan bog‘liq. Energetika vazirligi va uning quyi bo‘g‘inlaridagi rahbarlarda ijro va mas’uliyat yetishmayotgani tanqid qilindi. Shu bois, odamlar ham, tadbirkorlar ham tizimga mas’ul rahbarlarning hozirgi ishidan mutlaqo norozi.

“Takror aytaman: tizimdagi har bir rahbarning qilayotgan ishi, eng avvalo, odamlarning hayotida, turmush tarzida sezilishi, tadbirkorlarning mushkulini oson qilishi kerak”,

– dedi davlatimiz rahbari. Har yili yoz va qishda o‘nlab podstansiyalarda avariya bo‘lib, yuzlab transformatorlar yonib ketmoqda. Iyun-iyul oylarining o‘zida 4 mingga yaqin avariya sodir bo‘lib, aholi va tadbirkorlar 8-10 soatgacha elektrsiz qolgan. So‘nggi besh yilda Shirin shahri, Yangihayot, Yakkasaroy va Ohangaron tumanida elektr iste’moli 2 karradan ziyod oshgan. Biroq mas’ullar va hokimlar tarmoqlarning bunday yuklamani ko‘tara olmasligini oldindan hisobga olmagan. Prezidentimiz har bir uzilish tadbirkorlar va iqtisodiyotga qancha zarar keltirgani hisoblab chiqilmaganini tanqid qildi. Hokimlar energiya iste’moli balansini aniq bilmagani uchun milliardlab mablag‘ havoga ketayotganini ko‘rsatib o‘tdi. Facebook|Instagram|X

Prezident Shavkat Mirziyoyev raisligida yoqilg‘i-energetika tarmog‘ida kelgusidagi ustuvor vazifalar yuzasidan videoselektor yig‘ilishi boshlandi. Davlatimiz rahbari so‘nggi o‘n yilda energetika sohasida juda katta islohotlar amalga oshirilganini ta’kidladi. Qonun va qarorlar qabul qilinib, sohada xususiy sektor va xorijiy investorlar uchun yo‘l ochildi. Prezidentimiz investorlar bilan bir necha bor shaxsan uchrashib, ularning takliflarini eshitganini qayd etdi. Har bir yirik loyihani amalga oshirish uchun sharoit yaratilib, zarur kafolatlar berildi. Natijada energetika sohasiga 23 milliard dollar xorijiy investitsiya kiritildi, joylarda 9,5 gigavattli elektr stansiyalari ishga tushirildi. Shu tariqa generatsiya bo‘yicha ichki ehtiyojni to‘liq qoplaydigan quvvatlar yaratildi. So‘nggi yillarda elektr va gaz tarmoqlari, podstansiyalar, transformatorlar va gaz taqsimlash qurilmalarini yangilash uchun 30 trillion so‘m ajratildi. Bu oldingi 25 yilda yo‘naltirilgan mablag‘dan 6 karra ko‘p.

“Ochiq aytish kerak. Energetikada muammo mablag‘da emas, chunki qancha kerak bo‘lsa, topib beryapmiz. Muammo tizimning boshqaruvida!”

– dedi Prezidentimiz. Facebook|Instagram|X

SAYYOR QABUL O‘TKAZILADI Aholining kadastr sohasiga oid murojaatlarini o‘rganish va mavjud muammolarni joyida ijobiy hal etish maqsadida 2026-yil 28-iyul kuni soat 11:00 da sayyor qabul tashkil etiladi. Sayyor qabul davomida quyidagi masalalar yuzasidan murojaat qilishingiz mumkin: ✅ Kadastr hujjatlarini rasmiylashtirish; ✅ Ko‘chmas mulkka bo‘lgan huquqlarni davlat ro‘yxatidan o‘tkazish; ✅ Yer va ko‘chmas mulk bilan bog‘liq kadastr masalalari; ✅ Sohaga oid boshqa murojaat va takliflar. Sayyor qabul Davlat kadastrlari palatasi Qashqadaryo viloyati boshqarmasi Muborak tuman filiali bosh muhandisi D. Nurpulatov boshchiligida o‘tkaziladi. 📍 Manzil: Muborak tumani, “Bo‘ston” MFY, “Ma’muriy” binosi. 📞 Murojaat uchun telefon: (75) 672-16-66 Kadastr sohasiga oid muammolaringiz bo‘lsa, sayyor qabulda ishtirok eting. Har bir murojaat e’tibor bilan ko‘rib chiqiladi.

O‘zbekiston Respublikasi Prezidentining tegishli qarorlari bilan: Axadxon Ikromjonovich Isoqjonov O‘zbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshlig‘i lavozimiga tayinlandi; Dadajon Aynaqulovich Isaqulov boshqa ishga o‘tishi munosabati bilan O‘zbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshlig‘i lavozimidan ozod etildi. — Исокжонов Ахадхон Икромжонович назначен на должность начальника Инспекции по контролю за использованием электрической энергии, нефтепродуктов и газа при Кабинете Министров Республики Узбекистан; Исакулов Дадажон Айнакулович в связи с переходом на другую работу освобожден от должности начальника Инспекции по контролю за использованием электрической энергии, нефтепродуктов и газа при Кабинете Министров Республики Узбекистан. Facebook|Instagram|X

O‘zbekiston Respublikasi Prezidentining tegishli farmonlari bilan: Sherzod Xikmatullayevich Xodjayev O‘zbekiston Respublikasi energetika vaziri lavozimiga tayinlandi va shu munosabat bilan O‘zbekiston Respublikasi Energetika bozorini rivojlantirish va tartibga solish agentligi direktori lavozimidan ozod etildi. Bundan ilgariroq Sh.Xodjaev nomzodi Oliy Majlis Qonunchilik palatasi deputatlari tomonidan ma’qullangan edi; Jo‘rabek Tursunpulatovich Mirzamahmudov O‘zbekiston Respublikasi energetika vaziri lavozimidan ozod etildi. — Соответствующими указами Президента Республики Узбекистан: Ходжаев Шерзод Хикматуллаевич назначен на должность министра энергетики Республики Узбекистан и в связи с этим освобожден от должности директора Агентства по развитию и регулированию рынка энергетики Республики Узбекистан. Ранее кандидатура Ш.Ходжаева была одобрена депутатами Законодательной палаты Олий Мажлиса; Мирзамахмудов Журабек Турсунпулатович освобожден от должности министра энергетики Республики Узбекистан. Facebook|Instagram|X

#Kun_fotosi Muborak tumani Sariq mahallasi. “Yashil energiya”dan samarali foydalanilmoqda. Xonadonlarga quyosh panellari o’rnatib, iste’moldan ortiqch ishlab chiqarilayotgan elektr energiyasi sotishmoqda. Tomorqasiga ham alohida e’tibor qaratilgan. Toza-ozoda qilib qo’yilgan. Mevali va manzarali daraxt ko’chatlari ekilgan.

Bugun “Mash’al”ni muhim bahs kutmoqda! O‘zbekiston Superligasining 14-turida Muborakning “Mash’al” jamoasi Toshkent shahrida OKMK bilan kuch sinashadi. Muxlislar qiziqish bilan kutayotgan ushbu bahs har ikki jamoa uchun muhim ahamiyatga ega. Ishonamizki, “Mash’al” futbolchilari maydonda jonkuyarlik, matonat va g‘alabaga bo‘lgan intilishni namoyon etib, muxlislar ishonchini oqlaydi. 📅 27-iyul 🕗 20:00 🏟 OKMK stadioni 📍 Toshkent shahri 🔥 Jamoamizga omad, “Mash’al”! G‘alaba sari olg‘a!

Ipoteka kreditlari boʻyicha subsidiyalar toʻlashning maqsadli koʻrsatkichlari doirasida taqdim etilgan xabarnomalarning amal qilish muddati doirasida foydalanilmagan qismi hisobidan arizalar qabul qilish joriy yilning 27-iyul kuni soat 15:00 da boshlanishini maʻlum qilamiz. Ipoteka kreditlari bo‘yicha subsidiya olishda ariza beruvchi ijtimoiy mezonlar asosida baholash natijasiga ko‘ra 30 va undan yuqori ball to‘plashi hamda kredit tarixi dasturda ishtirok etuvchi kamida bitta tijorat bankining ichki talablariga mos bo‘lishi talab etiladi. Bunda ariza beruvchida, shu jumladan, uning turmush o‘rtog‘ining nomida respublikaning barcha hududlari miqyosida mulk huquqi bilan turar joy mavjud bo‘lmasligi, shuningdek, oʻrtacha oylik daromadi miqdori belgilangan ijtimoiy mezonlar doirasida bo‘lishi lozim. Subsidiya olish uchun quyidagi usullar: ☑️ Davlat xizmatlari markazlariga bevosita murojaat qilish; ☑️ myGov mobil ilovasi; ☑️ my.gov.uz portalida, mazkur havola orqali ariza topshirishingiz mumkin. 🇺🇿 Batafsil

✨ 📢 YANGI IMKONIYAT 🚀 Osonish.uz mobil ilovasi ishga tushdi! Endi ish topish yanada qulay! 📲 Bir necha daqiqada: ✅ Ro‘yxatdan o‘ting ✅ Rezyume yarating ✅ Doimiy, vaqtinchalik yoki masofaviy ishlarni tanlang. ⬇️ Vakant o‘rinlardan o‘zingizga mos ishni tezroq topish uchun ilovani yuklab oling: 🛒 Play market /🍏App Store Ushbu foydali maʼlumotni ish izlayotgan yaqinlaringizga ham ulashing. 👉 Kanalga obuna bo‘ling va yangi ishlardan birinchilardan bo‘lib xabar toping! Boshqarmaning rasmiy sahifalari⬇️ Sayt | Telegram | Instagram

Tuman hokimi va tuman prokurori qurilish obyektlarida o’rganishlar olib bordi Muborak tumanida O‘zbekiston Respublikasi davlat mustaqilligining 35 yilligi munosabati bilan amalga oshirilayotgan yirik bunyodkorlik loyihalarining borishi tuman hokimi G’olib Murodov, tuman prokurori Dilshod Shermatov tomonidan o‘rganildi. Mas’ullar Bo‘ston mahallasining Said qishlog‘ida bunyod etilayotgan 330 o‘rinli zamonaviy umumta’lim maktabi hamda 12×24 metr o‘lchamdagi sport zali qurilishi bilan tanishdi. Shuningdek, “Tong” mahallasidagi 5-sonli davlat maktabgacha ta’lim tashkilotida olib borilayotgan kapital ta’mirlash ishlari va tumandagi 21-son umumta’lim maktabining rekonstruksiya jarayoni ko‘zdan kechirildi. O‘rganish davomida qurilish ishlarining sifati, belgilangan muddatlarda yakunlanishi hamda obyektlarni zamonaviy talablar asosida foydalanishga topshirish yuzasidan mas’ullarga tegishli topshiriq va tavsiyalar berildi.