Ethiopian SDA Songs

ቁጥሮች ቢናገሩ ኖሮ… በሂሳብ ውስጥ ያሉ ቁጥሮች መናገር ቢችሉ ኖሮ፣ አንዳንዶቹ ዜሮ (0) እና አንድ (1)ን ይከሱ ነበር። “ለምን ዜሮንና አንድን እንከሳለን?” ብለው ሊጠይቁ ይችላሉ። ማንኛውም ቁጥር በዜሮ ሲባዛ ውጤቱ ያው ዜሮ ይሆናል። ለምሳሌ፦ 20,000,000 × 0 = 0 ዜሮ ትልቅ ቁጥሮችን እንኳን ወደ ምንም ነገር ሊቀይር ይችላል። አንዳንድ ሰዎችም እንደ ዜሮ ናቸው። ከእነሱ ጋር ከተቀራረብክ፣ የአንተ ዋጋ ምንም ያህል ታላቅ ቢሆንም፣ ወደ ዜሮ ሊያወርዱህ ይችላሉ። አንድ (1)ስ? ማንኛውም ቁጥር በአንድ ሲባዛ ምንም ለውጥ አያመጣም፤ ቁጥሩ እንዳለ አንድ ሆኖ ይቀራል። ቁጥሩ ምንም ያህል ትልቅ ቢሆንም አይለወጥም። ለምሳሌ፦ 20,000,000 × 1 = 20,000,000 አንዳንድ ሰዎችም እንደ አንድ ናቸው። በሕይወትህ ላይ ምንም ያህል ቢነኩህ አንተ በነበርክበት ትቀራለህ። አታድግም፣ አትሻሻልም፤ ባለህበት ቆመህ ትቀራለህ። ስለዚህ አንተ ምን ዓይነት ሰው ነህ? እና የምትቀርባቸው ሰዎችስ ምን ዓይነት ናቸው? እግዚአብሔር የአንድ (1) እና የዜሮ (0) መንፈስ ካላቸው ሰዎች እንዲንለይ ይርዳን። እንዲሁም እግዚአብሔር እንድናድግና ከአንድ በላይ እንድንሆን ይርዳን። ስለዚህ በሌሎች ሕይወት ላይ በጎ ተጽዕኖ ስናሳርፍ፣ ዋጋን እንድንጨምርላቸው ጌታ ይርዳን። ተባረኩ፤ ለሌሎችም በረከት ሁኑ። እንዲሁም የምትገኙበትን ድርጅት እና ተቋም በመልካም ተጽዕኖአችሁ የበለጠ ዋጋ ያለው አድርጉት። ተባረኩ!! @pastor NEGASH PETROS