Operativ Məlumat Mərkəzi

🇦🇲“Yanında odlu silah olan azərbaycanlı hərbçi saxlanılarkən ümumiyyətlə müqavimət göstərməyib. Mənim başa düşdüyümə görə, onun müəyyən xəsarətləri də olub”, - Nikol Paşinyan

🇦🇿🇩🇪 Keçmiş Almaniya kəşfiyyat rəhbəri ilə bağlı istintaq Azərbaycanla əlaqəli deyil 🔎 Məlumatlı mənbələr AnewZ-ə bildiriblər ki, Almaniyanın keçmiş kəşfiyyat rəhbəri Avqust Hanninqlə bağlı istintaqın Azərbaycanla heç bir əlaqəsi yoxdur. 📌 Mənbələrin sözlərinə görə, Almaniya kəşfiyyat orqanları Azərbaycan tərəfinə işin digər ölkələrlə bağlı olduğunu bildiriblər. 📄 Bildirilir ki, Hanninqin əldə etdiyi iddia olunan məxfi materiallardan əsas materialları üçüncü tərəflərə ötürmədən analitik hesabatlar hazırlamaq üçün özü istifadə edib. ⚠️ Almaniya prokurorları xarici kəşfiyyat xidmətlərinin və ya əlaqəli ölkələrin adlarını açıqlamayıb. 🇦🇿 Azərbaycan Media və Yayım Şurası isə ölkəni bu işlə əlaqələndirən məlumatları dezinformasiya adlandırıb.

🚨 Bakıda 24 yaşlı qadının qətli ilə bağlı şok detal 💔 Xəzər rayonunda 24 yaşlı Fatimə Rəhmanzadənin sevgilisi tərəfindən qətlə yetirilməsi ilə bağlı yeni təfərrüatlar ortaya çıxıb. 📱 Məlumata görə, şübhəli Müseyib Əhmədov hadisədən əvvəl sosial şəbəkə hesabında təhdid və intiqam xarakterli paylaşımlar edib. 🔪 Bildirilir ki, Binə qəsəbəsində qadının işlədiyi kafenin yaxınlığında onunla qarşılaşan şübhəli, barışmaq istəməməsinə görə Fatiməyə bıçaqla xəsarətlər yetirib. Qadın xəstəxanada dünyasını dəyişib. ⚖️ Faktla bağlı Xəzər Rayon Prokurorluğunda cinayət işi başlanılıb, istintaq davam edir.

🇦🇿🇷🇺 İlham Əliyev Vladimir Putinə zəng edib 📞 Prezident İlham Əliyev oktyabrın 7-də Rusiya Prezidenti Vladimir Putinə zəng edərək onu ad günü münasibətilə təbrik edib. 🎉 Dövlət başçısı Putinə möhkəm cansağlığı, uzun ömür və dövlətçilik fəaliyyətində uğurlar arzulayıb. 🤝 Telefon danışığı zamanı Azərbaycan-Rusiya münasibətlərinin inkişafından məmnunluq ifadə olunub, əməkdaşlığın müxtəlif sahələr üzrə inkişaf perspektivləri müzakirə edilib.

🚨 Bakı–Qazax yolunda ağır qəza: 3 nəfər öldü 🚛 Bu gün saat 14:20 radələrində Bakı–Qazax avtomobil yolunun 21-ci kilometrliyində “Mercedes Atego” markalı yük avtomobili qəza törədərək aşıb. ⚠️ İlkin məlumata görə, sürücü idarəetməni itirib və avtomobil dəmir maneəyə çırpılıb. 💔 Hadisə nəticəsində 3 nəfər ölüb, 2 nəfər xəsarət alıb.

🚠 Bakıda kanat yolu olacaq? – AÇIQLAMA 🇦🇿 Hazırda Bakı şəhərində sərnişin kanat yolu layihəsi ilkin araşdırma və qiymətləndirmə mərhələsindədir. 📌 “Bakı Metropoliteni”nin məlumatına görə, layihənin marşrutu, texniki parametrləri, icra müddəti və maliyyələşməsi ilə bağlı yekun qərar hələ verilməyib.

🔎 Qeyd edək ki, Prezident İlham Əliyevin oktyabrın 2-də imzaladığı fərmanla “Bakı Metropoliteni”nə sərnişin kanat yollarının layihələndirilməsi və tikintisi, idarə olunması və gediş haqqı sisteminin təşkili ilə bağlı yeni səlahiyyətlər verilib. (Trend)

🇦🇲🇷🇺Ermənistan Baş naziri Nikol Paşinyan və Rusiya Prezidenti Vladimir Putin arasında telefon danışığı olub.

Ermənistanın Baş naziri Rusiya Prezidentini ad günü münasibətilə təbrik edib, ona ən xoş arzularını çatdırıb. Tərəflər Ermənistan-Rusiya münasibətlərinin aktual məsələləri barədə fikir mübadiləsi aparıblar.

🇹🇷⚡️ İzmirdə tarixi siyasi dəyişiklik! İzmir Böyükşəhər Bələdiyyəsinin sədri Cemil Tugay AK Partiyə qoşulub. Beləliklə, Türkiyənin CHP-nin əsas siyasi dayaqlarından sayılan İzmirdə bələdiyyənin siyasi rəhbərliyi ilk dəfə AK Partiyə keçib. 📌 Bəs İzmir niyə AK Parti üçün bu qədər önəmlidir? CHP bu şəhərdə niyə güclüdür? Tugayın keçidi Türkiyə siyasətində nəyi dəyişə bilər? 🔎 Bütün detallar və geniş təhlil "Operativ Məlumat Mərkəzi - OMM"-də

⚡️⚡️⚡️Daha bir qida məhsulunun qiyməti KƏSKİN ARTDI Ətraflı şərhdə 👉 operativmm.az

🦆🏹 Azərbaycanda oktyabrın 10-dan etibarən ov mövsümü açıq elan ediləcək.

🇦🇿🇺🇦 Azərbaycandan Ukraynaya 2,5 milyon manatlıq humanitar yardım ⚡️ Azərbaycandan Ukraynaya elektrik avadanlıqlarından ibarət növbəti humanitar yardım yola salınıb. 📦 Sumqayıt Texnologiyalar Parkından göndərilən yükün tərkibində kabel, naqil, transformator və digər elektrik avadanlıqları yer alıb. 💰 Yardımın ümumi dəyəri 2,5 milyon manatdır.

🇦🇿🕯"Nənələr" folklor klubunun üzvünün oğlu Rusiya-Ukrayna müharibəsində öldürülüb 🚨 Lənkəranın Separadi kəndindən olan 1968-ci il təvəllüdlü Vahab Quliyev Ukraynadakı müharibə zamanı dron hücumu nəticəsində həyatını itirib. 🩺 Həkim kimi Ukrayna tərəfindən hərbi xidmətə çağırılan Vahab Quliyev xidmət müddətində iki dəfə yaralanıb, müalicə olunduqdan sonra yenidən döyüşlərə qayıdıb. 💥 O, bir neçə gün əvvəl Kupyansk istiqamətində xidməti vəzifəsini yerinə yetirərkən Rusiya PUA-sının zərbəsi nəticəsində həlak olub.

🎓 Vahab Quliyev 1986-cı ildə Ukraynada Tibb İnstitutuna daxil olub, Moskvada namizədlik dissertasiyası müdafiə edib. O, 30 ildən çox Ukraynada yaşayıb. 🕊 Nəşinin Azərbaycana gətirilməsi üçün tədbirlər görülür.

🤖🕌 Paşazadə: Süni intellekt insanı ibadətdə əvəz edə bilməz

Qafqaz Müsəlmanları İdarəsinin sədri, Şeyxülislam Allahşükür Paşazadə bildirib ki, süni intellektin insan həyatına geniş şəkildə daxil olması yeni imkanlarla yanaşı, problemlər də yaradır.

🗣 Onun sözlərinə görə, “süni intellektin ruhu olmadığı üçün insanı ibadət prosesində əvəz etməməlidir”. 📌 Paşazadə dini sahədə süni intellektdən istifadənin etik kodeksinin hazırlanmasını da yüksək qiymətləndirib.

🇦🇿📢 Media və Yayım Şurası: Azərbaycanın adı ilə bağlı yayılan məlumatlar dezinformasiyadır

Media və Yayım Şurası Almaniyanın Federal Kəşfiyyat Xidmətinin keçmiş rəhbəri August Hanninglə bağlı istintaq çərçivəsində Azərbaycanın adının hallandırılması ilə bağlı yayılan məlumatlara münasibət bildirib. ⚠️ Şura iddiaları dezinformasiya kimi qiymətləndirərək bunun Azərbaycana qarşı aparılan qarayaxma kampaniyasının tərkib hissəsi olduğunu bildirib. 📰 Qeyd olunub ki, “Der Spiegel”in yaydığı, daha sonra “Reuters”, “AFP”, “France 24”, “The Times”, “The Telegraph” və digər media resurslarında yayılan məlumatlarda Azərbaycanın istintaq işi ilə əlaqələndirilməsi ilə bağlı əsassız iddialar yer alıb. 📌 Şura beynəlxalq media qurumlarını dəqiqlik, obyektivlik, etibarlı mənbələrə istinad və məlumatların yoxlanılması prinsiplərinə riayət etməyə çağırıb.

💊🚨 Gömrükdə 507 min manatlıq dərman aşkarlanıb 💰 Dərmanların ümumi dəyərinin 507 min manat olduğu müəyyənləşdirilib.

🇦🇷⚽️ Messi Argentina millisində son oyununu keçirdi 💔 Lionel Messi Argentina millisinin formasında son matçına çıxıb. 6 oktyabrda Buenos-Ayresdə keçirilən yoldaşlıq görüşündə Argentina Benini 3:0 hesabı ilə məğlub edib. 🎯 39 yaşlı Messi matçda penaltidən qol vurub və 2 məhsuldar ötürmə edib. 👏 Görüşün 10-cu dəqiqəsində Messi üçün oyun dayandırılıb. Stadiondakı azarkeşlər kapitanı alqışlayıb, Benin futbolçuları isə ona yaxınlaşaraq əl sıxıblar. 📊 Messi Argentina millisində 208 oyun keçirib, 126 qol vurub və 67 assist edib. 🏆 O, Argentina ilə dünya çempionu, 2 dəfə Amerika Kubokunun qalibi və Olimpiya çempionudur. Messi həmçinin 8 dəfə “Qızıl top” mükafatına layiq görülüb.

🌧🌡 Bu gün Azərbaycanda intensiv yağış yağacaq Bakıda və Abşeron yarımadasında oktyabrın 6-dan 7-nə keçən gecə və səhər saatlarında yağışın intensivləşəcəyi gözlənilir.Bəzi yerlərdə qısa müddətə güclü olacağı ehtimalı var. Havanın temperaturu gecə 15-17°, gündüz 18-22° isti olacaq. Azərbaycanın rayonlarında bəzi yerlərdə arabir yağış yağacağı gözlənilir. Havanın temperaturu gecə 11-16°, gündüz 20-25°, dağlarda gecə 2-7°, gündüz 13-18° isti olacaq. Yaşadığınız yerin havasını öyrənmək üçün daxil ola bilərsiniz 👉 https://operativmm.az/az/hava

XİN: Suriyadan 13 nəfər Azərbaycan vətəndaşının (6 nəfər qadın, 7 nəfər uşaq olmaqla) ölkəmizə repatriasiyası həyata keçirilib.