Ümumi Tarix

BİLİRDİNİZMİ ...ki, Rusiya imperatoru I Nikolay 1827-ci ilin noyabrında İrəvanın baş məscidinin kilsəyə çevrilməsi haqqında fərman imzalayıb? Rus hərb tarixçisi Vasili Potto yazır: ...İrəvanda cəmi bri xristian məbədi var idi, o da taxtadan tikilmiş miskin bir kilsə idi. Paskeviç istiyirdi ki, burada yeni məbəd qurmaqla İrəvan qalasının fəth edilməsi tarixini əbədiləşdirsin. Türklər tərəfindən 1582-ci ildə tikilmiş və qızıl ayla bəzədilmiş İrəvanın baş məscidi onun təqdimatı əsasında provaslav kilsəsinə çevrildi. Vasili Potto haqlıdır. Paskeviç İrəvan qalasının tutulmasından sonra bu barədə imperatora təqdimat yazır, I Nikolay isə təxminən bir ay sonra ali fərman verir: "Ötən oktyabrın 1-də məşhur İrəvan qalası Uca Tanrının köməyi və bizim silahımızın gücü ilə fəth edildikdən sonra cəsur hərbçilərimizin belə mühüm qələbəsinə görə Biz əmr edirik ki, İrəvanın baş məscidi Müqəddəs Məryəmin örpəyi yunan-rus kilsəsinə çevrilsin. İmza: Nikolay, 4 noyabr 1827-ci il”. Məscidin kilsəyə çevrilməsi ilə bağlı rəsmi bayram tədbirləri dekabrın 6-da təşkil olunur.