MaHer-مـاهـر

ته د شپې تهجد لمونځ پريږدې، بیا د سهار لمونځ ځنډوې، له خوبه راپاڅيږې خو د څاښت لمونځ هم نه کوې. قرآن کریم پريږدې او هره ورځ ترې خپل ټاکلی ورد نه لولې، له کوره د وتلو پر مهال د کور څخه د وتلو دعا نه وایې، شپه او ورځ پر تا تېریږي خو د سهار او ماښام اذکار نه کوې. له استغفار، تسبیح او پر رسول الله ﷺ له درود ویلو غافل یې، د دعا د قبليدو فرصتونه درنه تېریږي... بیا راځې او شکایت کوې چې زړه مې تنګ دی، چارې مې له ستونزو سره مخ دي، په کارونو کې مې توفیق کم دی او دعا مې نه قبليږي؟ له ځانه وپوښته: ایا د الله تعالی د رحمت او توفیق دروازې دې په خپلو غفلتونو نه دي تړلې؟ نو بیرته الله تعالی ته ور وګرځه؛ لمونځونه وساته، قرآن خپل ملګری وګرځوه، اذکار او استغفار ډير کړه، پر رسول الله ﷺ درود وایه او د دعا فرصتونه مه ضایع کوه..! #ژ