𝑵𝑶𝑽𝑴𝑩𝑬𝑹 •

علي قد مكنت مسحول في الشغل الفترة اللي فاتت وكنت مضغوط علي قد م انا دلوقتي بقول ياريتني م أخد أجازة، ضغط الشغل ارحم مية مره من قعدتي في وقت فراغ انا ودماغي.

شيئ سيئ فشخ انك تكون سريع التنبؤ، بكل حرف هتسمع و بكل كلمة بتتقال و بتتكرر بس الاختلاف في الأشخاص، وكل فعل هيحصل وكل موضوع هيتفتح وكل فكرة في عقول اللي حواليك و تكون علي دراية تامة بكل المعاني، الي في نظرتهم ليك اوحتي نظرتهم لبعض، كل ده بيخليك غير قابل للانبهار.

ساعات بقول إن الحياة بسيطة وإني أنا بس اللي بعقدها وببص من زوايا ضيقة في حين إن الصورة الكبيرة بتكون أريح وبتقلل القلق، لكن ده مش صح او على الأقل أنا حاسس إنه مش صح دلوقتي، دلوقتي بفكر إن القلق شيء لا يمكن التعافي منه، والتأقلم مع وجوده حل صعب برضو، كل البدايل خسرانة.

متقعش ضحية المثالية المُفرطة وتفتكر ان لما تقول الحقيقة هيقربك من الناس، الناس بتحب وتكافئ اللي بيقدر يخدرها بالاوهام، من زمان فشخ والبشر مش بتعاقب غير اللي بيقول الحقيقه ولو عوزت انك تغوي الناس شاركها أوهامها.

التفكير الزمني اللي هو الماضي والمستقبل هو العائق الوحيد قدام السعادة، لأن الماضي والمستقبل مش موجودين في الحقيقه لأنه لما بييجي المستقبل المزعوم بيكون وقتها حاضراً مش مستقبل، والماضي برضو كان حين وجوده حاضرًا بعد كده انعدم ومبقاش موجود، لذلك حيث يوجد التفكير الزمني الغير منطقي بالماضي والمستقبل بتختفي اللحظة الحاضرة الل هي كل ما نملك، وبتختفي السعادة، لأنك مش هتحس بالسعادة في زمن غير موجود

الجريمة والعقاب جورج اوريل ١٩٨٤ الليالي البيضاء يوتوبيا علاقات خطرة

الأنانية المفرطة اللي بيكتسبها أي شخص عنده ظرف ما نتيجة المبالغة في تدليله، بتخلي عنده طول الوقت شعور بالاستحقاق حتى للحاجات اللي ميستحقهاش.

‏في مكاسب بتتحسب عليك مش ليك ممكن نكون نجحت تتخطى او تنسى بس انت مش مبسوط ان انت وصلت لمرحلة زي دي اصلا.

بص حواليك هتلاقي المتجوز بيتكلم عن عمره اللي بيضيع في الجواز والروتين، والأعزب بيتكلم عن عمره اللي بيضيع من غير جواز في الولا حاجة، هتلاقي اللي عنده 20 سنة مكتئب من قرب عيد ميلاده ال 21 واللي وصل 30 و 40 نفسه يرجع 21، واللي سافر عمال يشتم الغربة ويغني لبلده واللي مش عارف يسافر عمال يتمنى السفر ويسب بلده و يلعنها، اللي بيمتحن بيحسد اللي اتخرج على الأنتخة ونفسه يخلص واللي اتخرج بيحسد اللي لسه بيدرس على نفس السبب الانتخة ونفسه يرجع لأيام الدراسة طول عمره، بعيد عن التنمية البشرية السعادة أو على الأقل الرضا والراحة النفسية قرار غير مرتبط بحالة اجتماعية أو سن أو مكان، أياً كانت ظروفك لو عايز تطلع منها مأساويات و دراما تكبت نفسك بيها بقيت عمرك صدقني هتقدر، وبرضو لو عايز وقررت تطلع من نفس الظروف حاجات تبسطك و تخليك راضي أو على الأقل مش ساخط و زهقان ومش عاجبك حالك صدقني بردو هتقدر.

بعد ما تحط مقاييس الإنسان المثالي بناءًا على تعريفك للغلط والصح، وتكون قطعت شوط طويل في سبيل تغيير نفسك للإنسان المثالي، هتتفاجئ إن مقاييسك وتعريفك غلط، وتبدأ تحط مقاييس وتعريفات جديدة وبعد كده تتفاجئ تاني وهكذا، وبين تغيير المقياس والتعريف والمجاهدة لتحقيقهم، تنسى حاجة كدا مش مهمه وهي إنك نسيت تعيش.

اللي مروق علينا في المصيف يعم 😂❤️ @IILB_7