𝑵𝑶𝑽𝑴𝑩𝑬𝑹 •

مش عايز ادخل في معادلات ليها إجابتين، مش عايز افكر مرتين.

كنت حاسبها غلط، كنت بصحح لنفسي الغلط، وبغلط الصح علشان اللي بعمله يعجبني كنت غبي ومش مقدر حجم اللي تحت ايدي واللي اقدر اعمله لو كنت استبعدت حاجات كتير ملهاش لازمه وتفكير ب طرق ولا هتودي ولا هتجيب بجنيه.

هتفضل العلاقة بين الوقت والإنسان من أكثر العلاقات شاعرية، تعقيد وقسوة اعتقد الإنسان عمره ما هيفهم الوقت ولا الوقت هيعرف يصاحب الإنسان هل ممكن الإنسان يعتبر الوقت عدو ؟ ممكن بس غباء إنك تدخل صراع مجنون زی دا، وفي النهاية صينية مسقعة على الغدا قادرة تنهي الحوارات دي كلها.

الكلام مابيغيرش حاجه مهما كانت بساطه الحاجه دي، احنا بنصبر نفسنا بالكلام ونقتنع بيه ونقع ف دوامه، ونتوهم ب ان الوضع كويس و إن كُل حاجه هتتصلح والواقع غير كدا، الواقع اوسخ بكتير من كدا.

مبقيتش عارف الايام ماشيه ازاي بس اتمنى تمشي بسرعه.

‏يا حبيبي الموضوع مش بالسطحية دي انت بتاكل بعقلك حلاوة كل يوم، بتحلم تكون حاجة معينه وانت مش قادر تصدق صوتك الداخلي وتعرف إنك شخص مهمش، رمادي وانك مش بطل قصتك، ومش نجم مش لاقي سما، لأن مفيش نجم بطل قصة متستاهلش تتحكي.

ليتني.)"

نختم اليوم ونقول ان لو ليك نصيب في حاجه حتي لو كل الطرق ليها مقفوله، ربنا هيرتبلك كل الأسباب الممكنه لحد ما تبقي في إيدك، ولو ملكش نصيب فيها، ربنا هيراضيك بحاجات افضل منها بكتير، ربنا قال" لكيلا تأسوا على ما فاتكم ولا تفرحوا بما آتاكم " انا مش بقول متزعلش وغلط انك تزعل لا ازعل واتعب بس قبل ما تخلي الزعل والتعب ده يتمكن منك، افتكر كويس ان كل دا مكتوب وردة فعلك عليه مرصوده، المنع والعطاء عباره عن محض إبتلاء ورصد أفعال، للصابر والشاكر، لو انت في مشكله اعرف كويس ان ده ابتلاء من ربنا ليك و انها هتفرج حتي لو طالت، ولو انت في نعمه وفضل فـ بلاش تنسب الفضل لنفسك، فما أصابك لن يكن ليخطئك، وما أخطأك لم يكن ليصيبك.

كل حاجه هتتعاد تاني بنفس السذاجه والغباء، وحقيقي نفسي اتعلم بس كابس عليا سذاجه مش طبيعيه.

القرارات اللي عكس رغبتك صعبه بس هتريحك نفسيا وهتشيل من عليك عِبء كبير.