اکنون در دسترس! پژوهش تلگرام ۲۰۲۵ — مهمترین بینشهای سال 
꧁O͜͡N͜͡A͜͡M͜͡G͜͡A꧂
رفتن به کانال در Telegram
✍️Ota-Onalar va Muhabbat haqidagi she'rlar, audio ijrolar muallifi Zohid Ziyoning rasmiy kanali... 📝She'rlarimizning mualliflik huquqi himoyalangan ruxsatsiz foydalanmang !!! Murojaat : @ZohidZiyo_bot @ONAMGAA
نمایش بیشتر5 785
مشترکین
-424 ساعت
-587 روز
-9930 روز
آرشیو پست ها
5 784
🔥Ёлғончингман Она...
Ҳолимни сўрадинг ўздан ортиниб,
Яхшиман дедиму, жилмайдим яна...
Дардларим айтмоққа бироз тортиниб,
Мен сени жуда кўп алдадим Она...
Ёмонлар дастидан оғийверди жон,
Базан ситамлардан бўлдим паришон,
Дардларим беркитиб, кўриниб шодон,
Мен сени жуда кўп алдадим Она...
Айтсам озорларинг ортмасин дея,
Қўлингдан аламлар тортмасин дея,
Кўнглинга ташвишим ботмасин дея,
Мен сени жуда кўп алдадим Она...
Ҳар куни меҳмонман ғамлар юртига,
Жимгина кўникдим ҳаёт шартига,
Жоламни яшириб киприк ортига,
Мен сени жуда кўп алдадим Она...
Ёнингда тинмайин кулдим шарақлаб,
Чорласанг нурсизмас бордим чарақлаб,
Ичимда зулмату сиртдан ярақлаб,
Мен сени жуда кўп алдадим Она...
Ёлғонлар бобида устозим ўзинг,
Яхшиман дейишдан ортмаган сўзинг,
Дилингда изтироб, кулганди кўзинг,
Мен сени жуда кўп алдадим Она...
Оҳ менинг тинчимни кўзлаганингдек
Кечалар билдирмай бўзлаганингдек,
Ҳаммаси яхши деб сўзлаганингдек,
Мен сени жуда кўп алдадим Она...
Ҳаммаси яхши деб сўзлаганингдек,
Мен сени жуда кўп алдадим Она...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
Дуо...🤲🏻
Иймонимиз йўлга солсин нафсимизни,
Кўзларимиз кўр қилмасин олтин-зарлар...
Қиёмат кун ёруғ қилиб юзимизни,
Аллоҳ биздан рози бўлсин биродарлар...
Боқиймасмиз барчамизни кутар ўлим,
Биз мағлубмиз бунда доим ютар ўлим,
Бир кун албат қўлимиздан тутар ўлим,
Аллоҳ биздан рози бўлсин биродарлар...
Гуноҳимиз бошимиздан ошгани рост,
Баҳонамиз талай тўлиб-тошгани рост,
Маҳшар бизни кутмоқликка шошгани рост,
Аллоҳ биздан рози бўлсин биродарлар...
Қани айтинг гуноҳ кўпми савобимиз,
Тилимизга чиқмай қолар жавобимиз,
Ўша кунда бўлиб бизнинг паноҳимиз,
Аллоҳ биздан рози бўлсин биродарлар...
Амалимиз жаннат томон тортармикан,
Савобимиз ўзимиздан ортармикан,
Расулимиз кўз ёшимиз артармикан,
Аллоҳ биздан рози бўлсин биродарлар...
Бир кун келиб ана жаннат киргин дейди,
Марҳаматим қандайлигин билгин дейди,
Энди ғам йўқ доим қувон кулгин дейди,
Аллоҳ биздан рози бўлсин биродарлар...
Ҳар юракка эзгуликнинг қасрин қуринг,
Нафсдан қочиб иймон томон юзни буринг,
Қайга бормай яхшилардан бўлиб юринг,
Аллоҳ биздан рози бўлсин биродарлар...
Аллоҳ биздан рози бўлсин биродарлар...🤲🏻
📝 Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Ким ўзи у Она ?
Ким ўзи у Она, сиз биласизми,
Бунчалар сабрни қаердан олган...
Бошида минг ташвиш чарх уратуриб,
Фарзандин кўнглига қувончлар солган...
Ким ўзи у Она, сиз биласизми,
Ким қўйган аёлга Она деган ном...
Узоқ ўйламоқдан бирор фойда йўқ,
Бу ном илоҳийдир, илоҳий тамом...
Ким ўзи у Она, сиз биласизми,
Бардошин сонидан тоғлар яралди...
Онанинг биргина «Болам» сўзидан,
Дунёга мехрдан нурлар таралди...
Ким ўзи у Она, сиз биласизми,
Пойи жаннатларнинг остонисида...
Кимки онасининг ризосин олса,
Яшайди бахтларнинг кошонасида...
Ким ўзи у Она, сиз биласизми,
Топганин фарзандин билан бўлишган...
Кечалар дуодан тинмасдан қўли,
Тунлари уйқулар билан олишган...
Ким ўзи у Она, сиз биласизми,
Қадри кимларгадир жуда билинар...
Дўстларим Онамиз қариб боряпти,
Ўйласам кўзимга ёшлар илинар...
Ким ўзи у Она, сиз биласизми,
У зот устунидир икки дунёнинг...
Оламда Оналар яшар эканлар,
Илҳоми сўнмайди Зоҳид Зиёнинг...
📝 Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Қизи бўлса қайси Отанинг...
Меҳр кутар остонасида,
Ҳаловат бор кошонасида,
Бахт ярқирар пешонасида,
Қизи бўлса қайси Отанинг...
Ҳар кўрганда қувнайди кўзи,
Шукурларга тўладир сўзи,
Ҳавас қилар ўзига ўзи,
Қизи бўлса қайси Отанинг...
Уйи томон қадами шошар,
Меҳри ошар шодлиги ошар,
Юрагидан қувончи тошар,
Қизи бўлса қайси Отанинг...
Ҳузур топар кўнгли-ю жисми,
Дуолардан тушмайди исми,
Яшнаб турар дил деган қисми,
Қизи бўлса қайси Отанинг...
Эътиборга ҳеч бўлмайди зор,
Сочларига бевақт тушмас қор,
Бахтлар билан ошнолиги бор,
Қизи бўлса қайси Отанинг...
Файзларга тўла чорбоғи,
Кўнглида йўқ андуҳлар доғи,
Қуламайди садоқат тоғи,
Қизи бўлса қайси Отанинг...
Меҳр кутар остонасида,
Ҳаловат бор кошонасида,
Бахт ярқирар пешонасида,
Қизи бўлса қайси Отанинг...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
#ПРЕМЬЕРА
🔥Жоним Онам пулим бор...
Жоним Онам пулим бор,
Олинг дунё молини...
Етар энди ўйламанг,
Чўнтагимнинг ҳолини...
Жоним Онам пулим бор,
Шойилар олиб берай...
Ерга эмас жойингиз,
Бошимга солиб берай...
Жоним Онам пулим бор,
Ўзинга ишлат деманг...
Менда бари етарли,
Куюнманг, ғамим еманг...
Жоним Онам пулим бор,
Денгизни кўрсатайми...
Бирор гулнинг номига,
Исмингизни атайми...
Жоним Онам пулим бор,
Сизники топганларим...
Шу кунга орзу эди,
Югуриб чопганларим...
Жоним Онам пулим бор,
Сочайми пойингизга...
Алишаман бор-будим,
Сиз турган жойингизга...
Жоним Онам пулим бор,
Ёшланмасин кўзингиз...
Шу кунларни Аллоҳдан,
Сўрагансиз ўзингиз...
Жоним Онам пулим бор,
Олинг дунё молини...
Етар энди ўйламанг,
Чўнтагимнинг ҳолини...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Мени қандай дуо қилдингиз Она...
Мени қандай дуо қилдингиз Она,
Омад остонамни ўйиб юборди...
Мени қандай дуо қилдингиз Она,
Аламлар қўлимдан қўйиб юборди...
Мени қандай дуо қилдингиз Она,
Тупроқни ушласам ўзгарар зарга...
Гаънимлар бошимга отган тошлари,
Етиб келгунича айланар парга...
Мени қандай дуо қилдингиз Она,
Яхшилар ўради тўртта томоним...
Аввалари бироз ҳудбинроқ эдим,
Энди сезилмайди зарра ёмоним...
Мени қандай дуо қилдингиз Она,
Ёниб-куймасам ҳам ишим юришар...
Ҳар куни кўнглимга кирмоқ исташиб,
Бахтлар эшигимда кутиб туришар...
Мени қандай дуо қилдингиз Она,
Гуллар очилади қадамим сари...
Болам деб бир кулиб қўйсангиз яна,
Ёришиб кетади юрагим қари...
Мени қандай дуо қилдингиз Она,
Андуҳдан тўкилган томчи ёшим йўқ...
Фақат шодликлардан кўзларимда нам,
Борсизки бировга эгар бошим йўқ...
Мени қандай дуо қилдингиз Она,
Омад остонамни ўйиб юборди...
Мени қандай дуо қилдингиз Она,
Аламлар қўлимдан қўйиб юборди...
📝Муаллиф: Зоҳид Зиё...
➪ @ONAMGAA
🍂Ота онасига мехрибонлар канали
Яқинларингизга улашинг, обуна бўлишни унутманг!!!
5 784
#ПРЕМЬЕРА
🔥Мен Онамдан бошқа севган
ҳар нарсамда адашдим...
Бевафога кўнгил бериб,
ҳажрида жон талашдим,
Дўстларимга бағрим очиб,
афсусларга қалашдим,
Кимни суйсам нени суйсам,
пушмон едим сўнгида,
Мен Онамдан бошқа севган
ҳар нарсамда адашдим...
Дунёга дил боғлаганим,
кулдирмади дилимни,
Бойлик дея учиб қўниб,
ўтказдим кўп йилимни,
Мана бугун надоматдан,
тишлаяпман тилимни,
Мен Онамдан бошқа севган
ҳар нарсамда адашдим...
Меҳр нима уни ҳамма,
берса керак дебманда,
Меҳр арзон ҳар юракда,
бўлса керак дебманда,
Соддалигим қуриб кетсин,
эс-хушимни ебманда,
Мен Онамдан бошқа севган
ҳар нарсамда адашдим...
Бу оламда содиқ ким бор,
у ҳам бўлса Онадир,
Она бўлса ҳаёт ёруғ,
нурли кўнгил хонадир,
Бугун ўзга севгилардан,
юраккинам тонадир,
Мен Онамдан бошқа севган
ҳар нарсамда адашдим...
Англаганим билганим шу,
Онанинг йўқ қиёси,
Қалбимизни нурга ўрар,
қалбидаги зиёси,
Энди мени жилва билан,
чалғитолмас дунёси,
Мен Онамдан бошқа севган
ҳар нарсамда адашдим...
Кимни суйсам нени суйсам,
пушмон едим сўнгида,
Мен Онамдан бошқа севган
ҳар нарсамда адашдим...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Бизда ҳам аламлар, дардлар бор эди...
Фақат сиздамиди битмаган камлар,
Юракда оғриқлар, кўзларда намлар,
Эҳ биздан эътибор кутган одамлар,
Бизда ҳам аламлар, дардлар бор эди...
Кечиринг ўрибмиз арпангизни хом,
Биз сабаб тўлибди сабр деган жом,
Фалончи ёмон деб берибсизлар ном,
Бизда ҳам аламлар, дардлар бор эди...
Бироз ўзимизга қарай дегандик,
Кўнглимиз корига ярай дегандик,
Юракнинг ҳолини сўрай дегандик,
Бизда ҳам аламлар, дардлар бор эди...
Илк бор қалбимизла бўлиб оввора,
Эътибор бермабмиз биринчи бора,
Мехрсиз дебсизлар, юраги қора,
Бизда ҳам аламлар, дардлар бор эди...
Беркитиб айтолмай юрганлар бизмиз,
Бир четда мунғайиб турганлар бизмиз,
Армондан кўксига урганлар бизмиз,
Бизда ҳам аламлар, дардлар бор эди...
Ҳеч ким сўрамади, ҳолинг нима деб,
Биз ўзга кўнгилга беравердик зеб,
Ёмонга чиқибмиз ўз ғамимиз еб,
Бизда ҳам аламлар, дардлар бор эди...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Тоғлар матонатни, Отамдан олган...
Осмонни ўпади қорли чўққилар,
Чўққилар бағрига бургут, ин солган...
Тан олсин самога интилган тоғлар,
Улар, матонатни Отамдан олган...
Мағрур қадамлари манзил танламас,
Оталар олтиндир, олтин зангламас,
Ким билар, кимлардир буни англамас,
Чинорлар, савлатни Отамдан олган...
Баъзан сўз демасдан, жим қолган тили,
Бизларга сарфлаб ўтди қирқ йили,
Йўқ деса ишонманг, менман кафили,
Сабрлар, тоқатни Отамдан олган...
Мен учун дунёда энг зўри бўлди,
Талпинган жойларим қалб қўри бўлди,
Авф этсин ўхшатай, чин «Бўри» бўлди,
Бўри, жасоратни Отамдан олган...
Қай ишга қўл урса, келди ўнгидан,
Нелар ўтказади билмам кўнглидан,
Ҳеч мағлуб бўлмади, ҳаёт ўйнидан,
Омадлар, омадни Отамдан олган...
Минг-минг ҳижолатда, тебратдим қалам,
Таърифлай олмадим, қилди кўп алам,
Пойига гиламлар бўлсин-эй танам,
Шонлар ҳам, шавкатни Отамдан олган...
📝Муаллиф: Зоҳид Зиё.
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Мен сени эҳтиёт қиламан энди...
Омонат турибди ишқлар дунёда,
Чин қадр нелигин биламан энди...
Армонлардан асраб, жондан зиёда,
Мен сени эҳтиёт қиламан энди...
Сезаман ҳолимга куймайди ўзга,
Сенингдек мени ҳеч суймайди ўзга,
Дард чексам озорлар туймайди ўзга,
Мен сени эҳтиёт қиламан энди...
Покиза дилингга ғамлар жойладим,
Қуёшни киритмай шамлар жойладим,
Гоҳо кўзларинга намлар жойладим,
Мен сени эҳтиёт қиламан энди...
Бирор сўз демайсан боримга кўниб,
Сенга мен не тутдим ўзимдан йўниб,
Қалбингда муҳаббат кетмасдан сўниб,
Мен сени эҳтиёт қиламан энди...
Мехримни дунёга сочибман кечир,
Чорласанг бормасдан қочибман кечир,
Ҳаммага кўнглимни очибман кечир,
Мен сени эҳтиёт қиламан энди...
Яшадинг шунча пайт эътибор кутиб,
Андуҳимни сизлаб озорим ютиб,
Сабринга мукофот боримни тутиб,
Мен сени эҳтиёт қиламан энди...
Омонат турибди ишқлар дунёда...
Мен сени эҳтиёт қиламан энди...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Сенга ишонаман деб қўйинг Дада...
Мендан ҳаловатлар юз бурган маҳал,
Аламлар кўксимга ин қурган маҳал,
Ҳаёт тасодифан мушт урган маҳал,
Сенга ишонаман деб қўйинг Дада...
Гоҳида бир ишга бормаса қўлим,
Ҳавотир чулғаса ўнгиму сўлим,
Қўрқувлар тўпланиб тўсганда йўлим,
Сенга ишонаман деб қўйинг Дада...
Бир гиёҳ унмаса кўнгил боғимда,
Ўзимни қовурсам ўкинч ёғимда,
Омадни тополмай сарсон чоғимда,
Сенга ишонаман деб қўйинг Дада...
Қўлимдан келади осмонни қучиш,
Қушлардан тепароқ баландроқ учиш,
Фақат юрагимда бор бироз чўчиш,
Сенга ишонаман деб қўйинг Дада...
Айтган ҳар сўзингиз ҳикмат мен учун,
Ҳар ҳарфи дунёдан қиммат мен учун,
Ҳам шараф ҳам шону ҳиммат мен учун,
Сенга ишонаман деб қўйинг Дада...
Мендан ҳаловатлар юз бурган маҳал,
Аламлар кўксимга ин қурган маҳал,
Ҳаёт тасодифан мушт урган маҳал,
Сенга ишонаман деб қўйинг Дада...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Мен сизга шундайин ошиқман Она...
Ойлар порламаса тунлар қародир,
Ҳаттоки юлдузлар мотамсародир,
Бир сизнинг номингиз қалбим ародир,
Мен сизга шундайин ошиқман Она...
Сизсиз абгор бўлар болангиз ҳоли,
Сузмай тўхтаб қолар умрининг соли,
Сувсиз яшолмаган балиқ мисоли,
Мен сизга шундайин ошиқман Она...
Дунёнинг севгиси йиғилганда ҳам,
Дилдаги ишқимнинг заррасидан кам,
Озорлар бермасдан чектирмасдан ғам,
Мен сизга шундайин ошиқман Она...
Маккора гўзаллар ишқидан тониб,
Илиқ мехрингизнинг тафтига қониб,
Бир онга кўрмасам соғинчдан ёниб,
Мен сизга шундайин ошиқман Она...
Тафтингиз чорлайди кетолмам йироқ,
Озроқ олисласам қийнайди фироқ,
Сизга хар онимда айтолмам бироқ,
Мен сизга шундайин ошиқман Она...
Дард чексам қошимда елганингиздай,
Дармонлар бўлай деб келганингиздай,
Мени ҳаммадан кўп севганингиздай,
Мен сизга шундайин ошиқман Она...
Ойлар порламаса тунлар қародир,
Ҳаттоки юлдузлар мотамсародир,
Бир сизнинг номингиз қалбим ародир,
Мен сизга шундайин ошиқман Она...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
#ПРЕМЬЕРА
🔥Сирли дафтар топилди...
Бир ҳикоя айтиб бераман,
Бир Она ва бола ҳақида...
Буни сизга айтмасам бўлмас,
Сақлолмайман кўнглим тоқида...
Йигит яшар эди шахарда,
Олис қишлоқ бағрида Она...
Йигит жуда банд эди доим,
Онасига вақти йўқ яна...
Бу омадли дер эди кўрган,
Ҳаммасига эришган ўзи...
Катта шахар унга хуш ёқиб,
Фақат пулни кўрарди кўзи...
Тўғри у ҳам ёмон эмасди,
Ҳар ой уйга юборарди пул...
Она сизга пул юбордим деб,
Қайтарарди шу гапни нуқул...
Гоҳо ойлаб уйга келмасди,
Кутар эди Она бечора...
Ўғлига кўп симлар қоқарди,
Келасанми дея бир бора...
Шундай ўтиб кетди кўп йиллар,
Ҳар келишнинг бир кетиши бор...
Омонатин топширди Она,
Шу ўғлини кутиб интизор...
Йигит борди қишлоқ қўйнига,
Онасини кузатди ўзи...
Одамлар гап қилмасин дея,
Мажбурликдан ёшланди кўзи...
Сонг борди у Она уйига,
Кезиб чиқди хар бир хонани...
Бир хонада бироз эскирган,
Дафтари бор эди Онани...
Йигит уни ўқий бошлади,
Дуоларга ўхшаш жумлалар...
Ҳар жумланинг бошида эса,
Кимларнидир исми жамланар...
Хотираси бироз панд берган,
Кексаликда шундай бўлганда...
Ҳеч унутиб қўймаслик учун,
Шу дафтарга ёзиб қўйганда...
Ҳосиятнинг ўғли сал бетоб,
Шифо бергин ўзинг эй Роббим...
Жамиланинг бўйи етибди,
Яхши жойдан ато қил Тангрим...
Расулбойни уйи ёнганмиш,
Ғойибидан ўзинг етказгин...
Салимахон қизимга эса,
Саодату бахтни тутқазгин...
Тажжубланди дафтар ичида,
Жуда ҳам кўп исмлар ёзиқ...
Шу исмлар орасида лек,
Тополмади ўзини қизиқ...
Яна қайта ўқиб чиқди ва,
Топиб олди исмини охир...
Ҳар вароқнинг энг сўнгисида,
Турар эди ёзилиб Тоҳир...
Тоҳиржоним иши кўп болам,
Тушунаман йўқлолмаяпти...
Мен Онамни кўриб келай деб,
Бошлиғидан сўролмаяпти...
Ибодатни тарк қилган эмиш,
Қизим айтди буни бир куни,
Ўзинг йўлга бошлаб Аллоҳим,
Тоатинга қайтаргин шуни...
Мен яқинда сенга қайтаман,
Мендан сўнг ҳам уни асрагин...
Омадини бергин доимо,
Ўзинг тўғри йўлга бошлагин...
Тугаб битди дафтар вароғи,
Ҳар дуода исми янграган...
Тизлар чўкиб додлар солди у,
Хатосини кечроқ англаган...
Йўқлолмади бир ойда бир бор,
Лекин кутган Она бечора...
Сўғинса ҳам, малол бўлмай деб,
Айтолмабди буни ошкора...
Сўнги пушмон ўзинга душман,
Қўйинг дунё ишини бир ён...
Волидангиз томон шошилинг,
Пушаймоннинг сўнгиси ёмон...
Она буюк Она муқаддас,
Унга тенгмас дунёю дуни...
Ўз вақтида қадрланг дўстим,
Яна бир бор эстадим буни...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Қизим...
Эркатой ҳоним қизим,
Гўзалим шоним қизим,
Жаннатга йўлим ўзинг,
Жон қизим, жоним қизим...
Кулсанг дардим арийди,
Армонларим қарийди,
Андуҳларим хорийди,
Жон қизим, жоним қизим...
Умримга кўрк борлигинг,
Бўлмасин ҳеч ҳорлигинг,
Кўрай бахтга ёрлигинг,
Жон қизим, жоним қизим...
Дада десанг кўкда бош,
Шодлигимдан кўзда ёш,
Чиройлигим қаламқош,
Жон қизим, жоним қизим...
Булоқ сувдек зилол бўл,
Энг покиза ҳаёл бўл,
Онангдайин аёл бўл,
Жон қизим, жоним қизим...
Тингла айтар сўзим бор,
Ҳар сўзимда ўзим бор,
Шукур сендай қизим бор,
Жон қизим, жоним қизим...
Отанг кўксини керсин,
Кўнглидан ғамни терсин,
Аллоҳ бахтингни берсин,
Жон қизим, жоним қизим...
Эркатой ҳоним қизим,
Гўзалим шоним қизим,
Жаннатга йўлим ўзинг,
Жон қизим, жоним қизим...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
#ПРЕМЬЕРА
🔥Чарчамадим...
Озоринг ошиб кетган
дамлардан чарчамадим,
Аламлардан кўздаги
намлардан чарчамадим,
Чарчадим дунё иши
мадоримни қуритса,
Лек шунда ҳам сен берган
ғамлардан чарчамадим...
Ошиғингга бахт эмас
дард беришни танладинг,
Юрагига армондан
гард беришни танладинг,
Сени дея жонимни
гаровларга қўйсам мен,
Шунда ҳам имкон эмас
шарт беришни танладинг...
Ситамларингга хўп хўп
дейишдан чарчамадим,
Минг ҳайдадинг минг мартта,
келишдан чарчамадим,
Бўлди мени тинч қўйинг
сиздан чарчадим дейсан,
Лек шунда ҳам мен сени
севишдан чарчамадим...
Ғуруримни кўзимдан
узоқларга отган мен,
Андуҳлардан кўксимни
заҳга бериб ётган мен,
Бу ишқнинг бозорида
олганим дард изтироб,
Лекин сенга меҳримни
энг арзонга сотган мен...
Йилларки соғинчингни
ютишдан чарчамадим,
Шамоллардан ифоринг
тутишдан чарчамадим,
Сенку менсиз бахтлардан
чарчаб кетгандирсан лек,
Мен келар деб йўлингни
кутишдан чарчамадим...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
#ПРЕМЬЕРА
🔥Ҳеч ким куюнмади Онамдан бўлак...
Шоирни ким севар қаламдан бўлак,
Шоирда нима бор аламдан бўлак,
Шундай деб дардимни достонлар қилсам,
Ҳеч ким куюнмади Онамдан бўлак...
Баъзан синовларга беролмасам дош,
Баъзан кўзларимдан тошганида ёш,
Баъзан тақдиримга эгганимда бош,
Ҳеч ким куюнмади Онамдан бўлак...
Суйдим деганларим юзин бурганда,
Йўлимни андуҳлар кутиб турганда,
Кўнглимга армонлар нишин урганда,
Ҳеч ким куюнмади Онамдан бўлак...
Пардек қўли билан бошимни силаб,
Яратган эгамдан омадим тилаб,
Болам деб тунларни кунларга улаб,
Ҳеч ким куюнмади Онамдан бўлак...
Мен яна ишондим дунё бевафо,
Ҳатто яхшиларга қилмайди вафо,
Муштдек юраккинам чекканда жафо,
Ҳеч ким куюнмади Онамдан бўлак...
Ўткинчи ҳасратлар ўткинчи дардлар,
Бир куни кўнгилдан ювилар гардлар,
Ҳолимга кулганда паст-у номардлар,
Ҳеч ким куюнмади Онамдан бўлак...
Дардимни тушунмас қаламдан бўлак...
Ҳеч ким куюнмади Онамдан бўлак...
📝Муаллиф: Зоҳид Зиё...
➪ @ONAMGAA
🍃Ота онасига мехрибонлар канали
Яқинларингизга улашинг, обуна бўлишни унутманг!!!
5 784
🔥Xudo xohlasa bugun 👇🏻
https://t.me/+Gl_4WWfDMZwxNjJi
shu kanalga mehmonga boramiz ancha bo'lgandi mehmondorchilik bo'lmaganiga bir mazza qilib kelamiz nima dedila😁
