نازدار حەیران

غەرەز بوو عەشق و دڵداری، نەوەک جەور و جەفای عاشق کە نەققاشی ئەزەل بەم جوورە وا تۆی شۆخ و زیبا کرد...

چ خاکێ کەم بە سەر خۆما لە جەوری یار و تاسەی دڵ؟ کە دڵبەر هەر جەفابەخشە و دڵیش هەر یادی داوا کرد

کە دەسبەرداری دینم بووم، بە عەشقت عاشقی دنیا بووم گوڵم بۆچی منت بێ‌بەش لە عززی هەر دوو دنیا کرد؟

چ بوو سووچ و گوناهی من کە وا کەم‌لوتفی دەربارەم؟ بە ناحەق بۆچ منت تووشی مەراق و دەرد و سەودا کرد؟

بە قوربان بۆچی بەم چەشنە منت وا شێت و شەیدا کرد؟ لە ناو زومرەی ڕەفیقانا، منت بەم چەشنە ڕسوا کرد

بەقوربان بۆچی بەم چەشنە منت وا شێت و شەیدا کرد؟ لە ناو زومرەی ڕەفیقان منت بەم چەشنە ڕسوا کرد...

ڕۆح و تەن تەسلیمی شمشێرت دەکەم گەر بزانم تۆی بە قەتڵم مشتەری •کوردی•

تۆ تێناگەیت لە مندا ڕۆژێ چەند شار خاپوور دەبێت چەند باغ پاییز دەیبات و چەند کانی وشک دەبێت. تۆ تێناگەیت لە مندا ڕۆژێ چەند خونچە بەر چەپۆکی ژیان دەکەوێت چەند پێکەنین لە نیوەی ڕێدا دەمرێت. بە ڕێدا دەڕۆم و لە دوامەوە وردە خەونی بە دی نەهاتوو وەک پووش و پەڵاش با دەیبات. بە ڕێدا دەڕۆم و لە دوامەوە وردە گەڵای زەرد جێ پێکانم ون دەکەن. بە ڕێدا دەڕۆم و بە دوامەوە وردە بولبولی کوژراو جێ دەمێنن. •هێمن قەرەداغی•

بێزارە لە تۆ ئێستە، ھەماغۆشی عەدووتە دونیا، کە دوێنێ حەرەمی موحتەرەمت بوو! •نالی•

بێ تۆیی لە نێوان هەموو بەوبەختییەکانی ژیاندا پلەی یەکەمی هەیە و دواتر فەقیریمان و دواتریش دایکم وەک هەموو خەسووەکانی دونیا خۆشی لەم شێعرانە نایێ کە هەموویان باس لە خۆشەویسیی تۆن و فەلسەفە نین، بێتاقەتین.

ژیان کراسِ تەسکێگ بۊ وە دنیا پازڵێگ ناجوور ئاوات یانێ زامِ سەر واز ئاێەم یانێ زامِ ناسوور... •سەعید عبادەتیان•

لە ڕاستییا ئەو شتەی کە جوان بوو هۆنراوەکە نەبوو، تۆ بووی #دیوارنووس

خەمیری خاکی من ئەووەڵ بە بارانی فەرەح نەکرا جەوانی و تیفلی و پیریم سەراسەر جوملەگی غەم بوو •سالم•

ت بەو تا ژانِ ئێ گیانە کەمەو بوو هەناێ ت تیەید وەهارِ دڵم گوڵ وە دەمەو بوو ت دارە بەرزەگەێ پاێ ئەڵوەنیدن خوداوەن هەر بکەێ لاد وە چەمەو بوو •سەعید عبادەتیان•

شوکر یار ئیزنی دام هەم گریە کەم هەم قوڕ بە سەردا بە جارێ شاهی من بەحر و بەڕی بەخشی بە دەروێش! •مەحوی•