व्हाईट गोल्ड ट्रस्ट, छत्रपती संभाजीनगर (White Gold Trust, Chatrapati Sambhajinagar)

🟢महत्वाचा कृषी सल्ला🟢 🌱सोयाबीनबद्दल माहिती🌱 👉 अजूनही ज्या ठिकाणी सोयाबीनची पेरणी झाली नाही किंवा विविध कारणांमुळे दुबार पेरणी करण्याची वेळ आली असल्यास योग्य ओलावा असल्यास एकरी झाडांची म्हणजे एकरी बियाण्याचे प्रमाण वाढवून अजूनही सोयाबीनची पेरणी करू शकता. 👉 ज्या ठिकाणी पाण्याचा तान पडल्यामुळे सोयाबीन पिवळं पडत आहे अशा ठिकाणी साधं १९:१९:१९ चा फवारा देऊन त्याला रिकव्हर करू शकता. 👉 काही ठिकाणी चुनखडी जमीन किंवा पांढऱ्या जमिनीमध्ये फेरस व झिंकचं प्रमाण कमी असल्यामुळे सोयाबीन पिवळं पडते अशा ठिकाणी प्रति पंप २० ग्रॅम झिंक ईडीटीए व २० ग्रॅम फेरस ईडीटीए सोबत ५० ग्रॅम १९:१९:१९ चा फवारा द्यावा. 👉 काही ठिकाणी विविध कारणांमुळे सोयाबीन पातळ झाला असल्यास पेरणीनंतर १० दिवसाच्या आत त्याचे खाडे भरावे किंवा जास्त पातळ नसेल तर टॉपअप सारख्या संजीवकाचा फवारा देऊन फांद्याची संख्या वाढवून घ्यावी. 👉 काही ठिकाणी उगवणपूर्व तणनाशक वापरून आंतरमशागत केल्यामुळे सोयाबीनमध्ये नवीन तण निघाले आहेत, योग्य ओलावा जर असेल तर अशा ठिकाणी उगवणपश्चात तणनाशक वापरायला जमेल. मात्र पिकाला शॉक लागू नये यासाठी शॉकअप किंवा त्यासारखं चांगलं संजीवक या तणनाशकासोबत वापरावं. 👉 साधारणतः पेरणीनंतर १५ ते २५ दिवसादरम्यान जमिनीत चांगला ओलावा असतानी उगवणपश्चात तणनाशक आपण वापरू शकतो. यामध्ये खोडकीड आणि चक्रभुंग्याच्या नियंत्रणासाठी तणनाशकांसोबत रेज किंवा रावडी किंवा यासारखे तत्सम कीटकनाशक वापरल्यास खोडआळी, चक्रीभुंगा आणि आळ्यांचं नियंत्रण व रसशोषण करणाऱ्या किडींचं नियंत्रण सुद्धा सोबत होऊ शकते. 👉 तान पडत असलेल्या पिकांमध्ये १९:१९:१९ चा फवारा द्यावा किंवा हलकी आंतरमशागत सतत करत राहावी त्यामुळे बाष्पीभवनाचा वेग कमी होतो. 👉 योग्य ओलावा असल्यास सोयाबीनचा पहिला फवारा हा जर तणनाशकासोबत रेज किंवा रावडी घेतला असेल तर इमान किंवा या पूर्वी रेज किंवा रावडी फवारलं नसल्यास पहिल्या फवाऱ्यामध्ये रावडीचा वापर करावा. सोयाबीन पातळ किंवा कमी वाढ असल्यास रिफ्रेश किंवा टॉपअप याचा वापर करावा व १९:१९:१९ या सोबत फवारणीमध्ये वापरू शकता. 🌱कापसाबद्दल माहिती🌱 👉 कापसाची अजूनही लागवड बाकी असल्यास आता थोडा कापूस लागवडीसाठी उशीर झाला आहे, त्यामुळे शक्यतोवर १५ जुलैनंतर कापसाची लागवड टाळलेली बरी. त्याऐवजी आपण तूर, बाजरी, तीळ किंवा सोयाबीन या पिकांचा निर्णय तिथे घेऊ शकता. 👉 कापसामध्ये योग्य ओलावा असल्यास पहिला खताची मात्रा ही नत्र थोडं आणि स्फुरद व पालाश जास्त म्हणजे १०:२६:२६ किंवा ८:२१:२१ / ९:२४:२४ ही द्यायला पाहिजे. ती बाकी असल्यास त्वरित ती मात्रा द्यावी व पहिली मात्रा जर आधी दिली असेल तर दुसऱ्या मात्रेमध्ये नत्राचा वापर करू शकता, मात्र चांगला ओलावा असणं गरजेचं आहे. 👉 कापसाचा चांगला ओलावा असेल शेतात आणि वाढ कमी असेल तर सुदृढ वाढीसाठी आळवणी करणं गरजेचं होऊ शकते. अशावेळेस आळवणीची गरज असल्यास एनपीके बूस्ट डीएक्स ५०० ग्रॅम किंवा नत्र, स्फुरद, पालाश असलेले जिवाणू खतांचं एकरी ५०० ग्रॅम व यासोबतच एकरी दीड लिटर रायझर किंवा चांगल्या गुणवत्तेचं ह्युमिक ऍसिड आणि ३ किलो १९:१९:१९ एकरी असं आळवणी केल्यास त्याची सुदृढ वाढ व्हायला मदत होते. 👉 कापसावर आर्थिक नुकसानीची पातळी वाढून तुडतुडा, मावा किंवा पानं वाकडे झाले असल्यास फवारणी करायला हरकत नाही. आर्थिक नुकसानीची पातळी ओलांडल्यानंतर रिहांश किंवा चांगल्या गुणवत्तेचं थायामेथॉक्सम सोबत कमी वाढ असेल तर रिफ्रेश किंवा टॉपअप आणि १९:१९:१९ याचा वापर करू शकतो. 👉 कापसामध्ये तान पडत असल्यास हलकी आंतरमशागत चालू ठेवावी. तान पडत असल्यास १९:१९:१९ चा फवारा द्यावा. 🌱तुरीबद्दल माहिती🌱 👉 तूर हे खरीप व अर्ध रब्बीमध्ये म्हणजे १५ ऑगस्टपर्यंत सुद्धा याची लागवड करू शकतो असं पीक आहे, त्यामुळे काही ठिकाणी अजूनही इतर पिकांची लागवड झाली नसेल आणि नंतर योग्य ओलावा असेल तर तुरीच्या लागवडी उशिरा पर्यंत सुद्धा करता येतात. त्यामुळे व्यथित होण्याची आवश्यकता नाही. 👉 ज्या ठिकाणी योग्य वेळेत लागवड झाली व जिथे ओलावा चांगला आहे अशा ठिकाणी तुरीची विरळणी करून साधारणतः दोन झाडात अंतर १ फूटपर्यंत ठेवायला हरकत नाही. ज्या शेतकऱ्यांनी योग्य अंतर ठेवलंय असे शेतकरी तुरीचे शेंडे सुद्धा खुडू शकतात आणि चांगला ओलावा असेल तर मर रोग (फ्युजॅरिअम विल्ट) व फायटोप्थोरा ब्लाइट या रोगांना भविष्यातील रोगांना टाळण्यासाठी ट्रायकोबूस्ट डीएक्स अर्धा किलो किंवा चांगल्या गुणवत्तेचं ट्रायकोडरमा त्या प्रमाणात एकरी आळवणी करणं सुद्धा चांगला ओलावा असल्यास गरजेचं आहे.