کربلایی برات سماواتی

✔️ آمدن حضرت زهرا سلام الله علیها به مسجد اوجالدی اوندا هلهله یول آچدی قوم بی حیا گلوب یتیشدی فاطمه باشیندا بیر عباسی وار صاقیندا مجتبی گلور آلوب عمامه سین اله صولوندا یدّی سنّیده حسین کربلاسی وار حزین سسیله سسلدی آچون عم اوغلومون قولون عُمَر جواب وئرمدی ریاستون هواسی وار خانم ال آتدی سینیه چخارتدی غم نشانه سین الینده گوردولر دوتوب پیمبرون قباسی وار ازل اُوپوب او کوینگی یاپشدی بُولدی نصفدن دوتوب هواده ساخلادی هر الده بیر پاراسی وار او کوینگون پاراسینی حسین باشینا باغلادی برینده باغلادی حسن باشیندا مدّعاسی وار حسن حسین قباقیده ایاق گوتوردی فاطمه یتیشدیلر او قبره کخ یاتوبدی مصطفاسی وار حسن حسین قوجاقلادی پیمبرون مزارینی خانم ال آتدی باشینه آتاسینون قراسی وار ایلیکه ایستدی آچا او قاره نون گِرِه لرون او قبر پاک تیتردی گوروندی غم هواسی وار بلا احاطه ایلدی تزلزل ائتدی تیتردی او مسجدون نقدریکه ستونی وار بناسی وار گلوب بفوری آچدیلار او باغلانان بیلَک لَری آییلمادی او بی حیا ریاستون هواسی  وار علینی گَتدی منزله او بانوی مجلَّله دئدی الهی قلبیمون جلالیوه شناسی وار یاپیشدی دورت بالاسینون الین دولاندی باشینه دولاندی باخدی آغلادی نقدری گور وفاسی وار دییَن یوخودی فاطمه باخوب بوقدری آغلاما نه تشنه دور نه خسته دور نه غربتون جفاسی وار حسین گلنده خیمیه رقیه دوندی باشینه باخاندا گوردی سینه ده ساغالمیان یاراسی وار اوتوز بش ایل دولانموشام سنون یاسیندا یا حسین بو بختی قاره « #منعمون » ئورکدن التماسی وار منیم آخاندا گوزلریم یاسیمدا بیر دقیقه گل گوزوم گوزونده جان وئریم بو ئولمگون صفاسی وار رفیق و آشنالره سلام وئردیم آلمادی رفیقی نیلیور او کس سنه که اتّکاسی وار ✍مرحوم استاد منعم اردبیلی روحشان شاد کانال رسمی مداح کربلایی برات سماواتی اردبیلی 👇👇👇👇👇 @samavati

نوحه شهادت موقع دفن حضرت زهرا (س) .. .. مرحوم غمکش .. .. گوزدن آتوبسان قیزلارون آغلور سنه یالقوزلارون آخدی گوزومدن اشک خون آغلور سنه اولدوزلارون ای نور عیندن اَل چکن لای لای ننه لای لای ننه .. .. قاره گیوب مولا سنه گون ویرمدی اَعدا سنه مدیونیدی عالم بوئی باور واریم دنیا سنه ایتدی سنه ظُلم اَهریمن لای لای ننه لای لای ننه .. .. رؤیاده گل باش چک بیزه قاره چکیلدی ایومیزه راضی سن اولمازدون آنا سندن حسینون اَل ئوزه یاسه باتوب شاه زمن لای لای ننه لای لای ننه .. .. باخدوقجا بو یانموش دره غُصه گلور هر پیکره دشمنلرون ظلم ایلیوب لعنت او قوم کافره تاب و توانادن دوشن لای لای ننه لای لای ننه .. .. گور باغریقاندی زینبون صبری جالاندی زینبون غملی ننه هر روز و شب گور نوحه خواندی زینبون بیت الحزن اولدی وطن لای لای ننه لای لای ننه .. .. اوخشار سنی دیلدن حسن زنداندی سن سیز بو وطن اُمّت خیانت ایله دی آغلار بو غمده پنج تن سولدی سارالدی بو چمن لای لای ننه لای لای ننه .. .. «غمکش» یازار دل داغلیار عالمده ماتم ساخلیار محنت لرون یا فاطمه یاده سالاندا آغلیار قبره گیجه یاری گیدن لای لای ننه لای لای ننه کانال رسمی مداح کربلایی برات سماواتی اردبیلی 👇👇👇👇👇 @samavati

#درد_دل زبانحال باشیم اوسته گل روزگاریدن دویموشام داخی جانه یا علی گل منی حلال ائیله آز قالیر جان وئره م غریبانه یا علی گل اوتور بیر آز صحبت ائیلییاق داغلاما دل داغداریوی دمبدم چکیب اه آغلاما پوزما ای عزیزیم وقاریوی گرچه سالدیلار فتنه شیخ لر تیره ائتدیلر روزگاریوی یاورم سنه غم یئمه اگر امت اولدی بیگانه یا علی صبر ائله بو درد و مصیبته آغلاما بئله پوزما حالیوی قلبیمین باشی اود دوتور یانیر یاد ائدنده دیلده ملالیوی سن جهان عشقه امیرسن آرتیرا گوروم حق جلالیوی قویما غم ایاق دان سالا سنی صبر ائله بو هجرانه یا علی داغلی قلبیده چوخدی نیسگلیم وار بو صون نفس شرحینه نیاز حقیوی دانانلار بو درگهه گلماقین داخی بیلمیرم مجاز وئر اوزون منه غسل نیمه شب صبر ائیله اوزون قیل منه نماز قبریمی نهان ساخلا خلقیدن ای حکیم و فرزانه یا علی دورت بالام منه چوخ عزیزدور ساخلا جان کیمی روزگاریده گوللریم اگر سولسا غصه دن آه وداده گللم مزاریده قویما فتنه لر ائلسین خزان باغ صبریوی نوبهاریده سعی ائله ائوین با صفا اولا گلمه اه و افغانه یا علی بو صفالی ائودن مزاریمه من شکسته خاطر مسافرم ائیله باشیم اوسته حسینیمی صون نفسده حاضر مسافرم یاندی شمع جانیم مصیبته اولدی عومروم آخر مسافرم گتدی غصه لر بو غریبه نی بو آز عمریده جانه یا علی قاخمیری قولوم باغریما باسیم صون نفسده من نور عینمی جلوه ائیلیور کربلا چولی هر زمان گورنده حسینمی داد او وقتدن قتلگاهیده سالام عالمه شور و شینمی ائیلیوم زیارت دویونجا بیر باتمامیش هله قانه یا علی کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت علي (ع) بعد از شهادت حضرت زهرا(س) دريغا بي نصيب ائتدي فلك  وصل نگاريمدان آييردي پنجه تقدير مين حسرتله ياريمدان نئجه گلزاره يول سالسا خزان گلدن گئدر رونق ائله جور عدودن، گئتدي رونق لاله زاريمدان خزان شلاقي خشم ايله خط اوستن سالدي خط قهراً گلون گل  پيكرينده ، ذوق گئتدي ، گلعذاريمدان جفادن گلشن  وحدتده  عصيان ايلدي پاييز كه آفت  دوتدي  گلزاري، بلا ياغدي بهاريمدان او گل كه باغبان چكميشدي زحمت شوقيله بير عمر عدو سولدوردي مايوس ائتدي ياس داغداريمدان بهشت  مصطفايهاسدي  بير طوفان  غارتگر طراوت  گئتدي يغمايه،  نهال  بارداريمدان منم ايندي  بو سولموش، پرپر اولموش گل كناريندا كه بير لحظه جدا  اولسون   اينانمازديم كناريمدان بو آز عمريله ترك ائتدون مني زهرا بو دنياده داهي  سندن صورا  دويام بو عمر مستعاريمدان سن ئولدون راحت اولدون هم و غمدن اي وفا كاني ولي  هيهات   اولام آسوده من   رنج  و فشاريمدان سئواله  حاجت اولماز حاليمه زهرا نظر  قيلسان كه حاليم شرحه شرحه  شرح ائدر اوز روزگاريمدان گلستان تولادن  طراوت گئتدي  سن گئتدون كسيلدي  نغمه شادي پرستو  و هزاريمدان جهان  سنله  جهاندور  نيلورم  سن  سيز بو  دنياني بهشت اولسا محال اوز دوندرم حسن  وقاريمدان سنون  بير تار زلفون   مين  بهشته  وئرمرم  زهرا فدك يوخ مين فلك چيخسون غم ائتمم انحصاريمدان گوز آچ گور قبرين اوسته  كيمدي پوزقون حاليله ايندي كه اوج ايلوب گويه ، آه و فغانيم  ، انكساريمدان نه يوز وار قالماقا بوردا نه  ديز  وار گتماقا   نيلوم ائله   مبهوت و حيرانم  اوزوم اوز اعتذاريمدان گئجه غسلون وئرنده چوخ مسائل آشكار اولدي گورنده جسمون آز قالديم ئولم اوز شرمساريمدان سني دفن ايلينده  كيم  بيلور نه حاله   قالديم   من فقط آللهيم آگه دور او حال ناگواريمدان دفاع ائتدون حريم شرع و احكام  و  ولايتدن بو خدمت چيخماز ئولسمده منيم قلب فكاريمدان حريم وحيه  دشمن لر جسارت ائتدي   من باخديم نچون  ائتموشدي ساقط فخر عالم  اقتداريمدان آتان پيغمبر رحمت ، يداللهون قولون باغلوب عنان قدرتيم  زهرا  چيخوبدور اختيارمدان اگر رخصت   اوليدي مصلحت،  ختم رسالتدن تحمل زنگيني  آخر سيلرديم   ذوالفقاريمدان ائله رفتار ائدرديم  اوندا  بو قوم  ستمگرله    كه مين دفعه  ئولوم ايستردي هرگون كردگاريمدان گورردي اوندا دشمن رخصت اولسيدي  پيمبردن كه  بير  كيسمه سلامت   قورتولانماز    كارزاريمدان عجب سندن صورا زهرا غريب روزگار اولدوم داغيلدي يار و انصاريم  غريبانه  جواريمدان فقط  بير  عده  همتلي،  وفالي  يار و  انصاريم خبر گه گه دو توللار ، قورخا قورخا حال زاريمدان اودا بو اوچ نفر مقداد و سلمان و ابوذر دور كه امداد  ائتديلر  تشيع و  تدفين  نگاريمدان يامان گونده  خلوصيله  حمايت ائتديلر  مندن گوروم الله رضا اولسون بو اوچ همتلي ياريمدان سنون  بو خاطراتون  خاطريمدن چيخميوب چيخماز گر ئولسمده وئرر باش سينه وين داغي مزاريمدان مرحوم شبخیز کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت زینب (س) بعد از شهادت مادر بزرگوارش مدینه اهلی گلون اوخشیاق جوان ننه می قاپی دالندا تهاجم گونی قالان ننه می گورون فلک من زاری نه تِز یتیم ایلدی نقدرآختاریرام تاپمورام جوان ننه می جنازه سین گجه وقتی بابام مزاره قویوب بقیع چولی آلوب آغوشه مهربان ننه می اگرچه یتدی نفرظاهرآ ایدوب تشییع آپاردی گوگلره باطنده قدسیان ننه می بقیعده یاتسادا روحی ملائکیله گزور یقین زیارت ایدور اهل آسمان ننه می یرینی بوش گوروب ای بیوفالر آغلورسوز؟ گورنمه سوز داخی اول قبر بی نشان ننه می ریایی آغلاماقوز روحیمه شکنجه ویرور که غصه مرگ ایلدوز قامتی کمان ننه می نواسی قویمازیدی استراحت ایلیه سوز؟ اودورکه زحمته سالدوز او جانفشان ننه می بس اعتراض ایلدوز گیتدی بیت الاحزانه بابا داغی دیمه دوز یاندیرور یانان ننه می اوقدری یاندی بیاباندا شمع تک اَریدی جوانلیقیندا قوجاتدی غم گران ننه می داخی یانان قاپینون حیف اولا محافظی یوخ سالوب ایاقدان او هنگامه قهرمان ننه می حکومت اولماسا مانع مدینه دن گیدروق بو شهریده هانی بیر یادینه سالان ننه می باتاندا سینه سینه میخ در هایاندیدوز که فضّه داده گلینجه آپاردی قان ننه می آنامدا دینمه سه محسن سیزی حلال ایلمز که غفلتوز ایلدی مونس فغان ننه می نه بیر عیادته گلدوز نه حالینی بولدوز قویون اوزوم دانیشیم دویدولر هاچان ننه می اوغملی کوچه ده فریادینه گیدیدوز کاش که ثانی ظلمیله قورخوتدی خسته جان ننه می اوکوچه ده نلر اولموشدی منده بیلموردوم که بیرگونی دیله دوتدوم دانشمیان ننه می دیدیم ننه نیه مندن یوزووی گیزلدیسن سئوالیم ایتدی پریشان شیرین زبان ننه می بیوردی گوزله بابان بیلمه سون یوزوم گوَروب بوسوزده باغریما باسدیم گوزی دولان ننه می دیدی قوجاقلاما پهلولریمده صدمه گوروب دوروب دعا ایلدیم گل کیمی سولان ننه می دیدی قیزیم قوی ایدوم من دعا سن آمین دئ دؤننده قبلیه ئوپدوم او ناتوان ننه می دیدی الهی داخی راحت ایله زهرانی من آغلادیم حالیم آغلاتدی ناگران ننه می خلاصه گیتدی ئوزی قالدی خالی محرابی ایتورموشم او بیر اللّی قنوت دوتان ننه می استاد کلامی زنجانی کانال رسمی مداح کربلایی برات سماواتی اردبیلی 👇👇👇👇👇 @samavati

احوالات  حضرت زهرا (س)   برج وفاده زهره ی زهرا افول ایدوب باش نازیله ترابه چکوب بضعه ی رسول   تا نفس مطمئنیه آلوب ارجحی سسین مرضیّه حق دعوتینی ایلدی قبول   شیرخدا وصیتینه ایلدی عمل غسلین ویروب کفن ایلدی زارو دل ملول   اماّوینده غسلینی نه گوردی بلمورم بلدی قاپو دالیندا اوگون نه چکوب بتول   مدّنظرده جلوه لنوب قامتی او دم اوضاع ماسلف ستم فرقه ی ضلول   اول صبر صاحبینده داخی صبرقالمادی چون نازنین وجودینه  ایتموشدی غم حلول   دیواره تکیه ایلدی بیرقدرآغلادی اولدی روانه صورته گوزیاشی چون سیول   گورمزجهان علی کیمی مظلوم بیرنفر گردون نقدردورایلیه باشلانا فعول   القصه  گلدیلر آنانی ایتماقا وداع گوزیاشلی سینه داغلی ایکی قیز ایکی اوغول   ایله  دوشندیلرآنانین نعشی استینه گویا که عندلیبه اولوب وصل گل وصول   ایله توکردی گوزیاشی اطفال خونجگر گویا یاغش  چمنده گل استه ایدرنزول   پروانه تک یاناردیلا شمع خموشیدن هجرانه توشه ایتماقا اول جسمیدن حصول   شیرخدا باخاردی او حاله یانا یانا گوردی بیرآزدا شیونه اطفال  ویرسه طول   اندوه و غصه دن الر اول نازدانه لر اطفالینه یتوردی اوزین شاه دین عجول   مین نازیله آیردی آنادن بالالاری آرام ایدوبدی مهریله اول عاطفت شمول   گوزیاشلارین سیلوبدی چکوب باشلارینا ال مین دللریله دیندیروب اول سرور فحول   ای کاش اولیدی کرببلاده شه ولا یوز دوندرنده خیملره لشکرجهول   آرام ایدیدی نازیله دردانه قیزلاری تشویشه قویمییدی دوشه عترت رسول   آت اوینادوب ایدردیله اعراب هلهله عرشه چیخاردی بانگ دهل نعره ی خیول یاز نوحه صدق اوزیله (ظهیر) آل عصمته اما چالش یازاندا رعایت رعایت اولا حصول کانال رسمی مداح کربلایی برات سماواتی اردبیلی 👇👇👇👇👇 @samavati

‍ روضه شهادت حضرت زهرا(ص)                هر فرد بشر که ائدر اِمرار ئوز ائوینده امنیّتی نسبت ئوزینه وار ئوز ائوینده قانون طبیعتدی نظام مدنی دور آسوده یاشار مسلم و کفّار ئوز ائوینده کانون فراغتدی هر ائو اهلینه سوز یوخ بیرکس ائده بیلمز بیرینی خوار ئوز ائوینده راحت یاتا حتی گرک هر قوش یوواسیندا پرّنده لره یتمیه آزار ئوز ائوینده ای پیر خرد وار نه جوابون بو سؤاله زهرا نه سبب اولدی گرفتار ئوز ائوینده بیر فاطمه کی میوهء قلبیدی رسوله دؤزمزدی اولا ذرّه گرفتار ئوز ائوینده باخدوقجا پیمبر اونا بالیده لنردی ایگلردی گُلون احمدِ مُختار ئوز ائوینده فرمایش ائدردی منی زهرا آتا سسله شاد اولسون آتون مفخر احرار ئوز ائوینده بیر فاطمه که بذلی چوخیدی فقرایه ائتمزدی دویونجا ئوزی افطار ئوز ائوینده بیر فاطمه کی عاشقیدی صوم و صلاته ایلردی مناجات سزاوار ئوز ائوینده بیر فاطمه کی نازل اولوب شأنینه کوثر توهین ائلدی فرقهء اشرار ئوز ائوینده شیخین خلافت نقدر کج یولا چکدی زهرایه گونی ایلدیلر تار ئوز ائوینده اندیشه غلط اولسا بشر شرّ اولی مطلق ناحق یره اخیاری ائدر زار ئوز ائوینده یاندیردی عمر باب همایون علینی شه بانوی اسلام گوروب نار ئوز ائوینده اودلاندی قاپوم ثانیه ال چَک دِئدی مندن زهرائیله گل ایلمه پیکار ئوز ائوینده هر بیر یوزه بو درگه والادی آچیلماز فکر ائت کیمه گور ایلوسن اخطار ئوز ائوینده تا وار نفسیم بو قاپونی بیرکس آچانماز گئتسون اوتوسون قُومِ تَبهکار ئوز ائوینده قارداشسیزام اینجیتمه آتام تازه ئولوبدی قوی فاطمه نی اولسون عزادار ئوز ائوینده فکر ایلیوسوز اولما کمک سیزدی عم اوغلوم زهرا تک اونا واردی فداکار ئوز ائوینده بیز ایستمدوک امر خلافت سیزون اولسون قوی راحت اولا عترت اطهار ئوز ائوینده آهولریمی ائوده ملشدیرمَه حَیا ائت دورت خوردا بالام قورخودان آغلار ئوز ائوینده باخمادی سوزه ثانی نه بیلدی اونی ائتدی حقّون ائلدی حقّینی انکار ئوز ائوینده بیر زور وئروب قَهریلَه یانمش قاپی سیندی زَهرا اَجلین گوردی پدیدار ئوز ائوینده دیواره که تکیه ائلمیشدی ائله قالدی سالدی اونی جاندان در و دیوار ئوز ائوینده مسمار امان وئرمدی زَهرا گئج ئولردی دلدی سینه سین اوخ کیمی مسمار ئوز ائوینده سیندی صدف طاهره دُرّی یِره دوشدی اولدی اجل اول دُرّه خریدار ئوز ائوینده فضّه ائله سسلندی علی چیخدی اطاقدان گُوردی یخیلوب دلبر دلدار ئوز ائوینده نه جای مذمّت وار علیده چتین ایشدور یارین یارالی درک ایلسه یار ئوز ائوینده ایوای دئدی الله آناسیز قالدی اوُشاقلار بو دورت بالاما کیمدی پَرستار ئوز ائوینده اوغلانلاریمون قیزلاریمون گوزیاشی آخماز دیلدَن دوشنیم ایلسه گُفتار ئوز ائوینده غشّ ایلیوب حتماً سَسیمه سَس وئره بیلمور بیهوش ائلیوب یاریمی اغیار ئوز ائوینده گلسه دیله سَسلنسَه عم اوغلی غمیم اولماز بیلّم که علینون کمکی وار ئوز ائوینده حاصل ایشی تقدیر قضا بیر یِره چَکدی دوردی اَیاقا فاطمه ناچار ئوز ائوینده درک ائتدی علینی باش آچوق قولّاری باغلی چوخ غُصّه لیدور حیدرِ کرّار ئوز ائوینده میرِ حرمی ثانی چکور مسجده ساری شهبازه آچوب شبپره مِنقار ئوز ائوینده دوتدی ایکی اللی شَه دینون اتگیندَن ئوز همدمینه اولدی هوادار ئوز ائوینده دشمن او شَهی خارجه زَهرا اِئوه چکدی قَهر ایلدی محبوبهء قَهّار ئوز ائوینده ثانی دیله گلدی دئدی قُنفذ نه دوروبسان زَهرا نجه گور ایلیور ایثار ئوز ائوینده فوراً او دَنی قمچیسینی آچدی بلیندَن وردی گُلِ طاهانی او غَدّار ئوز ائوینده سُست اولدی بتولون قولی ال چکدی علیدن ضربَت یتیشن وقتیده تکرار ئوز ائوینده صدّیقهء کُبریٰ یخیلوب صحن سَرادَه قالمادی شَهِ خیبره غمخوار ئوز ائوینده گلدی بالالار فاطمه نی آلدی آرایه زینب ائلدی فضّیه اظهار ئوز ائوینده درگاهیمیزی چکدی اوُدا بی سر و پالَر یاندی شَررِ مُحنته سردار ئوز ائوینده بو شهریده مظلوم آتامین بیر کسی یوخدور توش اولدی غمه حُجّتِ دادار ئوز ائوینده پیغمبره دلدار آنامی سالدیلا دلدَن راحت اوتوروبدور هله اَنصار ئوز ائوینده فضّه سو گتور وِئر آنامیز گُوزلَرین آچسون ائتسون ئوزی ئوز دردینی معیار ئوز ائوینده کیم وار قولی باغلی آتامون فکرینه قالسون کیم گلدی اونا اولدی طرفدار ئوز ائوینده چاره گینه قالمیش آناما بیزده نه چاره بیر چاره تاپار اولماسا بیمار ئوز ائوینده مرحوم حاج_انور_اردبیلی کانال رسمی مداح کربلایی برات سماواتی اردبیلی 👇👇👇👇👇 @samavati

احوالات هجوم دشمنان به خانه ولایت پس ازرحلت رسول اکرم (ص)   یتدی ابو قحافه نین اوغلی ریاسته حق مرکزینده ناحق اولان کس دوتوب قرار   خانه نشین اولدی علی وامصیبتا اعدای دین جهاندا عجب اولدی کامکار   ایستوب علیده بیعت ایده اول ستمگره ثانی یغوبدی باشینه بیر جمع نابکار   فاطمه نون گلوب قاپوسین دوگدی اول دنی ویرموبدی فوته فرصتی الدن او کین شعار   وا حسرتا قاپو دالینا گلدی فاطمه کیمسوز دیدی منیم قاپوما گلموسوز نه وار؟   سویلوبدی ثانی گلسون عم اوغلون دی بیعته بیجا اوتورماسون داخی ایوده چوخ انتظار   سویلوبدی فاطمه بلوسن بیزعزالیوق؟ قویما پیمبرین بوگون اولسون عزاسی خوار   سویلوبدی آچماسان اگراودوورام اودلارام زیر و زبراولارداخی بنیانیدن بودار   بلمم هارا یتوشدی سئوال و جواب اودم یا صاحب الزمان ایدورم سندن اعتذار   فورا اودون گتوردوله اول دم منافقین باب امیدهووردولار اود شعله لندی نار   یاندی قاپو دایاندی بتول اولدی تلخکام تاثیرایدوب وجودینه باشدان باشا شرار   قویمازدی درب آچیلسین او مخدومه ی جهان اما ویرردی دشمن اودم متصل فشار سالدی ایله فشاره بتولی فشاردرب سقط اولدی محسنی یارالاندی او گل عذار مسمارباتدی سینه سینه دوشدی حسیدن یابن الحسن اوزون آناوای دی قیل آه و زار سسلوب حزین صدائیله گل فضه هارداسان آزقالدی فاطمه ایده جانانه جان نثار سقط اولدی محسنیم یارالاندی سینوب قولوم مسمارباتدی سینه مه قان سو کیمی آخار ایله خبرعم اوغلوما اُلدوردولرمنی ترک ایلسین بتولی او مولای روزگار نه حالدیدی گور حسنینی  او وقتیده یا غم کشیده زینب و کلثومی بی قرار بیر اهل منبر ایلدی بو قصه نی بیان گویا (علوم) صاحبی بو طرزیله یازار فضه ال اُسته آلدی جنینی گلوب ایوه توکدی سرشکین عرض ایدوب ای شاه تاجدار دورآل بالاوی قویما الیم استه چوخ قالا واللهی بو مصیبته داش اولسا دل یانار سویلوب امام فضه علاجیم ندور منیم ایدن اگرچیخام منی ایلله انتحار بیر قبرقازبالامی دم درده دفن ایله آخر قضا ایکی قولومی باغلوب استوار نیلوم گراولماسیدی پیمبر وصیتی جرئت ایدردی یاندورا درگاهیمی شرار باعث اولوبدی صبر علی اولدولارجری زهرایه امت ایلدیلر جور بی شمار قویموبلا اوزایوینده ایده ناله فاطمه پیغمبرین عزیزه سی طاهایه یادگار ایلوبله مرتضایه شکایت بتولیدن شاها که یعنی آغلاماقیندا قراری وار زهرا ایدنده ناله دوتورشوریثربی هرایوده شیونه گلوری خرد و هم کبار واقف ایدوب بتولی علی بو قضیه نی فریاد و شیونوندن عدو اعتراضی وار سویلوب عم اوغلی جان گیدرم چولده آغلارام بیزار اولولا آغلاماقیمدان منیم بولار بیر سایه ی درخت تاپوب اوردا فاطمه بیر مدت ایلدی حسنینیله آه و زار بیر گون کسوب نه گوردی عدو اول درختیده گونلرایوینده ناله ایدوبلربس آشکار حسرتله شور گوز یاشی گرمیت هوا یاندوردی اول گل اوزلری آخر اولوب قابار بیر اوزگه حالیده حسنینی گوروب امام بیر بیت الاحزن ایتدی بنا اول شه فخار بیر گون نه گوردولر اونودا اهل کین یخوب امید شیون ایولرین ایلوبله تار ومار مرحوم حامد کانال رسمی مداح کربلایی برات سماواتی اردبیلی 👇👇👇👇👇 @samavati

✔️ حضرت زهرا سلام الله علیها 📝 استاد کلامی زنجانی الهی یانمیوم نجه شرار محنت و غمه منیم آنام جوان ئولوب مدینه باتدی ماتمه سنی چوخ ووروبلا یات آی ننه سنه قربانام یارالان ننه منیم بهار آرزوم اولوب خزان مدینه ده اوجالدی توستی گوگلره توکولدی قان مدینه ده دیوللّر اولدی میخ در بلای جان مدینه ده بو غمده قاره چکدیلر ملک لر عرش اعظمه منیم آنام دفاع ائدوب ولایت نگاریدن بابام علی وفا گوروب او یار باوقاریدن نه لر چکوب آز عمریده بو غملی روزگاریدن اولاردی سو،یاغیدی گر بو غم جبال محکمه الهی شاهد اول منیم آناما سیلی ووردولار گلنده غملی کوچه دن یولونون اوسته دوردولار قباله اوسته مادر حسن حسینی یوردولار شهیده گئتدی دهریدن او بانوی مکرّمه منیم آنام غریبیدی مریضلره طبیبیدی چکردی دورت گولون نازین وفالی عندلیبیدی ملک لره عزیزیدی ئورکلره حبیبیدی حبیبۀ خدا گئدوب قوناق رسول اکرمه پس از پیمبر ارثینی عداوت اهلی بؤلدولر ملال آل هاشمه بنی امیّه گولدولر الهی اوچ یوز اجنبی بیزیم ائوه توکولدولر ووروبلار آتش ستم حریم یار محرمه الهی شاهد اول عدو آنامی الدن آلدیلار اوشاقلیق عالمی منیم باشیما قاره سالدیلار نه تک آنام که شیعه لر قاپی دالندا قالدیلار قیامته کیمی وورار بو اود شراره عالمه هانی او مهربان آنام منه عزیز جان آنام هایاندا منزل ایلیوب او قبری بی نشان آنام الهی رحم ائله منه یارالیدی جوان آنام نه تاپدی دردینه دوا نه چاتدی سینه مرهمه کانال رسمی مداح کربلایی برات سماواتی اردبیلی 👇👇👇👇👇 @samavati

یا فاطمه اورگده دردیم نوایه گلدیم گوردوم قاپون آچخدی دارلشفایه گلدیم عالم گلور قاپوندان درده آلور دوانی با دست پر سالورسان آخر یولا گدانی قیترمه دست خالی من مثلی بی نوانی مین حاجتیم اورکده باب عطایه گلدیم بیلم سنه جسارت اولماز منیم گلایم بیر عمردور یاسوندا غرق غم و عزایم آخر توجه ایله منده سنه گدایم اوز دردیمی گتوردوم باب رجایه گلدیم یوز دوندربدی عالم من مثلی بی نوادن ئولسمده گر آجیندان ال چکمرم ولادن جانیم چیخنجا والله من دویمارام عزادن گیدیم گنه قرا من بزم عزایه گلدیم ای عالمین امیدی لطف و عنایت ایله گاهی بو بی نوایه سنده کرامت ایله دوت بو گدا الیندن بیر دم حمایت ایله قلبی شکسته م من بهر صفایه گلدیم حرمت سیزون قاپوزدا ایلله بی نوایه سیزدن صورا باخان یوخ من مثلی بیر گدایه دوز عاشق اولسا هرکس دوشسین گرگ بلایه تجدید عهده خاطر باب ولایه گلدیم کانال رسمی مداح کربلایی برات سماواتی اردبیلی 👇👇👇👇👇 @samavati

گفتگوی حضرت علی ( ع )با حضرت زهرا( ع) هنگام وداع ای علينين  دیلده  آهی فاطمه من غریبین تک پناهی فاطمه عم قیزی آچ گوزلرین آواره یم یوخدو چارم یالقیزام بیچاره یم آچ گوزون زهرا ، یانان دلداره باخ دو شمیشم دیلدن دل بیماره باخ دیندیر اوز اطفالیوی  اعجاز ائله لطفیوی دور زینبه ابراز انله ای طبیب درد حیدر فاطمه حامی جانسوز همسر فاطمه کسمه بیزدن سایهء مهرین خانم دور؛علينی اولدوری هجرین خانم ای غریب عالمي یالقوز قویان بیر کسیم یو خدی منیم زهرا اویان همنشین مرتضی گل بیر دیله قویما اطفالی خانم آغلار بئله ماه شبهای مدینه آچ گوزون زینبی آغوشه آل دیندیر اوزون سونمه ای ماه شب تار علی بی کسم سنسن  فقط یار علی دیلده تابیم قالمیب سس  وئر منه یالواری بیكس على ، زهرا  سنه گول کیمی کاش سولمیایدین سولمسان وای منه بو باغباندان دویمسان آچ گوزون ای همسردلگير من ای تمام قدرت شمشير من ای اولان ظلمتده ماهیم فاطمه عرشه قاخدی سوز و آهیم فاطمه ای شفيع كل عالم ، باخ منه ای انیس قلبِ خاتم  باخ  منه بیر فقط سنسن علیین یاوری آچ گوزون بیریولدا، دیندیر حیدری گل خانم مظلومه بیراحسان ائله دردمند عالمی درمان اِئله ای پیمردن امانت فاطمه اولمشام سندن خجالت فاطمه یاندی درب خانه اوتلاندی خانم یاندی در، معناده من یاندیم خانم ائیله کی دوشدون در و دیواره سن غرق اولندیم ماتم بسیاره من سیندی ظلمیلن اِلِیکی شهپرین اُولدی مین دفعه دیریلدی شوهرین گَل زیارت ائیله سن پیغمبری ائیلمه شرمنده زهرا حیدری اللریم باغلیدی امر داوره باشی باش اوستن توکردیم کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت علی (ع) در هنگام غسل حضرت زهرا (س) وفا منافی اردبیلی رحم ایله سولان گوللروه فاطمه گئتمه باخ قدی کمان حیدروه فاطمه گئتمه زانوی شرف لرزیه تا کوچه ده گلدی فریاده بوتون ارض و سما کوچه ده گلدی گلدی باشیوا هر نه بلا ، کوچه ده گلدی قان دولدی گوزل گوزلروه فاطمه گئتمه ای باغ محبتده گل رایحه خیزیم وی عرصه دعواده اولان خنجر تیزیم مندن نه خطا گورمیشیدون کوسدون عزیزیم قربان یارالی پیکروه فاطمه گئتمه غم بحری گئجه مد ایلیوب جزر ائلیوردی اشکین هامی غم باغچاسینا بذر ائلیوردی زینبده شفا تاپماقوا نذر ائلیوردی وورمیشدی گره معجرووه ، فاطمه گئتمه بیلمم نیه صبرین جالانوب ساغری داشمور بختیم گینه یومموش گوزونی ناز ائدور آشمور اصلا بو کفن اگنوه بیر ذره یاراشمور وئر بو کفنی همسرووه ، فاطمه گئتمه بیر سوز دئیم آهسته بو لحظه قولاقوندا گر روح و نقس یوخدی سنون ال ایاقوندا زهرا بو تبسم ندی پسگل دوداقوندا باخ ساقی بی کوثروه ، فاطمه گئتمه دیسگینمه ئوپوم آلنوی خاتم عوضینده جوشلاندی گوزوم کاسه سی زمزم عوضینده توکدوم گوزومون یاشینی مرهم عوضینده ظلمیله سینان شهپروه ، فاطمه گئتمه سس وئر سسیمه رشته امیدی کسورسن آیا بو الیمدور کی اسور یا سن اسورسن زینب جانی سن آیریلیقا چوخ تلسورسن آل حیدری زیر پروه ، فاطمه گئتمه پژمرده گلم دامن صحراده مقیمم حسرت زده و تشنه آغوش نسیمم آند اولسون حسینون جانینا منده یتیمم یازدیر منیده دفتروه ، فاطمه گئتمه یازدون در و دیواره او قانلی غزلوندن وئردون خبر اسرار دل مشتعلوندن کلثوم ایاقوندن ئوپور زینب الوندن باخ ائوده قوپان محشروه ، فاطمه گئتمه دوقوز ایل اولار هم نفسوک هم دم و غمخوار بیر ثانیه سین دوخسان ائیله ویرمرم ای یار هیهات کی تکرار اولا بو عمر گهر بار احسن شرف و باورووه ، فاطمه گئتمه کانال رسمی مداح کربلایی برات سماواتی اردبیلی 👇👇👇👇👇 @samavati

نوحه شهادت حضرت زهرا(س) وصیت به مولا علی علیه السلام ⬛️ ساقی کوثر ئولورم یاعلی فاتح خیبر ئولورم یاعلی گل اوخو قران منه ای سروریم یار پیمبر ئولورم یاعلی علی علیجان علی(۲) جان سنه قربان علی(۲) ⬛️ اهل سمانین اورگین داغلاما صورتووه گوزیاشووی باغلاما فکریمی برهم ایلمه دلبریم صون نفسیمده بو قدر آغلاما علی علیجان علی(۲) جان سنه قربان علی(۲) ⬛️ شیشه ی عمریم چالانوبدور داشا عمروم آز اولدی ولی چاتدی باشا دردیمی گیزلتدیم ئوزوم آغلادیم قارداشیم اولمادی دیَم قارداشا علی علیجان علی(۲) جان سنه قربان علی(۲) ⬛️ دختر طاهانی ندن ویردیلار همسر مولانی ندن ویردیلار اولمادی حق اوسته دورا بیر نفر غمزه‌ده زهرانی ندن ویردیلار علی علیجان علی(۲) جان سنه قربان علی(۲) ⬛️ درگهیمی ثانی گلوب یاندیروب قول قنادیمی او ندن سیندیروب گورنجه ظلم ائتدی او ملعون منه محسنیمی قانینه بویاندیروب علی علیجان علی(۲) جان سنه قربان علی(۲) ⬛️ عفو ائله تنها قویورام من سنی ترک ائدورم بو پوزولان گلشنی گوندوز اگر ئولسم عموغلی گجه گیزلین آپار قبر ائوینه سن منی علی علیجان علی(۲) جان سنه قربان علی(۲) کانال رسمی مداح کربلایی برات سماواتی اردبیلی 👇👇👇👇👇 @samavati

یتیش امداده یا فضه قاپوم یاندی بالام ئولدی منیم حالیم پریشاندی دوت الیمدن علی جانی توکولور سینمون قانی یارالاندیم یارالاندیم یارالاندیم دؤزرم هر بلایه حق رضا اولسون گرک عاشق رضای هر قضا اولسون قوری جانیم فدای مرتضی اولسون دیرم یا علی مولا اودی تاج سر زهرا یارالاندیم یارالاندیم یارالاندیم آتام الدن گئدوب فضه عزادارم بولوسن فرقت طاهاده بیمارم ئوز ائویمده مریض بی پرستارم بو نه اوددی یانور فضه ئورگیم اودلانور فضه یارالاندیم یارالاندیم یارالاندیم نجه گور عالمه غوغا سالوب زهرا یارالی محسنون عطرین آلوب زهرا در و دیوار آراسیندا قالوب زهرا منی ضرب لگد یخدی جانی جیرانیمون چخدی یارالاندیم یارالاندیم یارالاندیم کیم علی خواه اولا دؤنمز حقیقتدن قاپوسی یانسادا قاچماز شهادتدن ئولر عشق اهلی ال چکمز ولایتدن که علیدور شه مردان اونا زهرا اولا قربان یارالاندیم یارالاندیم یارالاندیم حسنیم حالیمی بیلسه جگر داغلار قاپونون شعله سین گورسه حسین آغلار آناوای سسلنوب زینب عزا ساخلار دیر الله آنام ئولدی سینه سین میخ در بُولدی یارالاندیم یارالاندیم یارالاندیم نجه زهرا دؤزَر الله بو بحرانه توکولوب دیو و دد باب سلیمانه دم مسماریلن سینم باتوب قانه ئورگیم غصّه سی چوخدی یارامی باغلیان یوخدی یارالاندیم یارالاندیم یارالاندیم شاعر: ولی الله کلامی زنجانی کانال رسمی مداح کربلایی برات سماواتی اردبیلی 👇👇👇👇👇 @samavati

..زبانحال امام حسین علیه السلام بربالین حضرت زهراسلام الله علیه __ ‍ ای گل پرپر طاها منی دیندیرمسون ئوللم آنا زهرا آنا زهرا  منی دیندیرمسون ئوللم طاقتیم یوخدی فراقه یاتما بیله دور ایاقه ال گوتورمم دامنوندن آل منی بیرده قوجاقه من غریب عالمینم  من سنه نور دو عینم آغلاسئیدیم دوزمزیدون من همان عطشان حسینم وای آنام ایوای آنام وای،   وای آنام ایوای آنام وای        آتما کلثومی گوزوندن زینبی آواره قویما دویمیوب سندن حسینون   گل حسیندن سنده دویما باشه قاره باغلارام من آهیلن دل داغلارام من وای جوان ئولن آنام وای دئیرم قان آغلارام من بی قرار و اشکبارم  داغدار و دل فکارم قویما آغلار بو حسینی محنت و درده دچارم وای آنام ایوای آنام وای،   وای آنام ایوای آنام وای بو گئجه بو غملی ائوده بیر گل پرپری گوردوخ سینوه سو توکدی اسما آخدی قان محشری گوردوخ طاقت و صبریم آزالدی ناله لر عرشه اوجالدی سسلدی ایوای نگاریم شیردل   حیدر   قوجالدی طاقت و تابی تالاندی ساغر صبری جالاندی جسموه باخدی دایاندی قوللاری باغلیدی یاندی وای آنام ایوای آنام وای،   وای آنام ایوای آنام وای                           غصّه لی بیر منظرئیدی دورد بالون حیران باخوردی قان اولوردی قلب حیدر چون سینوندن قان آخوردی حیدره آسان دگیلدی چون بو گیزلین دردی بیلدی غیرتیندن شاه مردان بو  گئجه  ئولدی دیریلدی غصّه دن آکنده ام من فاطمه شرمنده ام من باوریم اولماز نگاریم سن ئولوبسن زنده ام من وای آنام ایوای آنام وای،       وای آنام ایوای آنام وای وای دئدی دوزسون نه نوعی فاتح خیبر بو درده ایندی بیلدیم  نه قیامت  ئوز وئروبدی پشت درده ای گل باغ رسالت واردی سینونده جراحت ثانی، طاها محضرینده حیدری    ائتدی   خجالت وار یئری ای وای دئیوم من جامۀ ماتم گئیوم من حیدره بو غم گراندی فاطمه دئ نئیلیوم من وای آنام ایوای آنام وای،   وای آنام ایوای آنام وای                       آنا قانلی گوزلرون آچ حسنی اوزون دانیشدیر کوچه دن  ائوه  گلندن  قارداشیم دینوب دانیشمیر اورگی غمله دولوبدی گل کیمین رنگی سولوبدی آغلیور دئیور آنام وای کوچه ده       نلر          اولوبدی اودلانور قلبی محنده وار عجب طاقت حسنده دوندی ابر نوبهاره نیلی رخسارون گورنده کانال رسمی مداح کربلایی برات سماواتی اردبیلی 👇👇👇👇👇 @samavati

‍ روضه حضرت زهرا(س) گنجینیه مولا گجه یاقوت آپاریردی گلمیردی ایاقی اونی تابوت آپاریردی کعبه کیمی استار مصیبت بورونوردی تابوته یاپشمشدی ایاقی سورونوردی (ایلشیردی دیزلرین قوجاخلردی ایوده دیردی زهرا ئولجیم سنین دردون منی ئولدورر آی یارالی) کاش زخم درو دیوار یرین گورمیدیم کاش افسرده گلون خار یرین گورمیدیم کاش سینونده کی مسمار یرین گورمیدیم سن که اندوه مصیبتدن ئولوردون زهرا گوزوون یاشینی گیزلینجه الیردون زهرا منی گورجک اونی آهسته سیلیردین زهرا سوروشوردوم حالیوی سن کی گولوردون زهرا گولمگین دهری منه روضه رضوان ایتدی ئولمگین روضه رضوانیمی زندان ایتدی (علی که قورخی آدی گلمه میشدی هیچ بیرینه وروردی قبر بتول اوسته هی الین الینه دیردی دردیوه زهرا نه نوعی صبر ائدرم بالالاروی گتوروب من مدینه دن گیدرم) ایندی بولدوم نه سبب اولدی حسینی آتاسان توتگون آی تک چخوب اولدوز کیمی قبلی باتاسان قول قابرقان یاراسی قویمازمش سن یاتاسان دوزدی بلبل دل آچوب درد دیلین خاره دیمز دوزدی یار ئوز غمینی گیزلدر اغیاره دیمز قول قابرقاسی سنا یار مگر یاره دیمز؟ کانال رسمی مداح کربلایی برات سماواتی اردبیلی 👇👇👇👇👇 @samavati

شام غریبان حضرت فاطمه (س) سبک : نطقه گل ای شاه شهیدان حسین آند اولا اؤز جانیوه یافاطمه! سینه‌ده کی قانیوه یافاطمه! آغلاماقا قاره گییوب، گلمیشوق شام غریبانیوه یافاطمه! فاطمه یا فاطمه یا فاطمه ... شیرخدانین ائوینی غم دوتوب آه چکوب، داغیله داش چم دوتوب یاسلی‌دی معناده بوتون انبیاء عدنیده طاها سنه ماتم دوتوب فاطمه یا فاطمه یا فاطمه ... شیرخدا یوخدی سنه تای دیور زینب و کلثوم سنه لای لای دیور قول بویون اولموش ایکی قارداش یانار مظلوم حسین و حسن ای وای دیور فاطمه یا فاطمه یا فاطمه ... عزّتیوه جاهیوه یانّوق خانیم! یاندیریجی آهیوه یانّوق خانیم! ایندیده حرمتلی قاپون قانلی دی غصّه لی درگاهیوه یانّوق خانیم! فاطمه یا فاطمه یا فاطمه ... بحرِ اَلمده صدف آغلار سنه گؤیده ملک صف به صف آغلار سنه ال لری قوینوندا دوروب غصّه لی یاسلی دی شاهِ نجف آغلار سنه فاطمه یا فاطمه یا فاطمه ... اوندا کی سیلی سنه ووردی ... چکدی پیمبر یوزونه ضربدر محسنِ مظلومی شهید ایلیَن ائتدی خدیجه آناوی خون جگر فاطمه یا فاطمه یا فاطمه . کانال رسمی مداح کربلایی برات سماواتی اردبیلی 👇👇👇👇👇 @samavati

شهادت حضرت زهرا (س) زبانحال حضرت علی ( ع) (سبک : ای گوزلرمین نوری غرق محنیم لای لای) ای    بال   و  پریم   زهرا  یاندی  جگریم   زهرا آچ    گوزلریوی    بیرده    نور      بصریم    زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا سندن   صورا  زهرا   جان  دنیا  منه  تار   اولدی دورت غنچه گلون غمدن یاندی سارالوب صولدی دعوالرین   اصلانین   غم    فاطمه  جان  یوردی غربتده     قالوب    حیدر   ای   همسفریم   زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا درباریمه    اود   ووردی   اوچ یوز  نفر  اول  اعدا ما  بین  در و   دیوار   تگ   قالدون  اوگون  زهرا دین  اوسته  شهید  اولدون  قویدون  علینی تنها کاشانه می ترک   ایدون   ای   تاج  سریم  زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا آرام دیلیم   زهرا   گول  تک   نیه  تئز  صولدون اون سکز ایل عمر ایتدون دنیادن عجب دویدون غملرده یورولموشدون سن حیدری تک قویدون آغلور حسن   هجرونده   ای  خونجگریم    زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا اشگین   بالالار  سن سیز   گوزدن  الیری   زهرا من   قبریوین   اوستونده   ائوده    بالالار    تنها خوش گونلریمیز   گیتدی تا یومدی گوزون طاها دنیاده    آز عمرونده   صولموش   گهریم    زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا زینب   آنا وای   سسلور گوز  یاشی دونوب  قانه بیر    یاندا  حسین   آغلور    زهرا   غم   هجرانه کلثوم   و   حسن    باهم     آغلیلا       یانا    یانه هجرونده    سنون    آغلور دل   داده لریم   زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا یا  حضرت    زهرا    بو   حضاره    ایله   احسان بو شیعه لرین  دردون   سن  ایسته  اولا  درمان سن نوحه وی یاز  ((مهدی)) تا گوزلر اولا گریان سسلردی   علی  زهرا    سیندی   سپریم    زهرا عم  اوغلون    گوزلری   گریاندی     زهرا درگاهون     ظلمیله     اودلاندی       زهرا کانال رسمی مداح کربلایی برات سماواتی اردبیلی 👇👇👇👇👇 @samavati

نوحه حضرت زهرا (س) 🌹 سبک ... عم اوغلی صبریم جالاندی .. 🖤🖤🖤🖤🖤🖤🖤🖤🖤🖤🖤 عم اوغلی گل پریشانم گئدورم دیده گریانم جان یتوبدی دوداقیمه ئولورم مرغ بی جانم             جان عم اوغلی جان عم اوغلی             من     سنه   قربان   عم اوغلی                   (تکرار در تمام بندها) 🖤🖤🖤🖤🖤🖤🖤🖤🖤🖤🖤 آچیلوب دنیا قفسی گئدور الدن مرغ خسته سنه واردور سوزوم اگلش نچه لحظه باشیم اوسته گجه غسلوم وئروب گجه منی دفن ایله آهسته بو نمک نشناس امتدن سئنوب قلبیم قلبی قانم منی بو بی حیا ملت غم اوتوندا اوتلاندیردی فدکی آلدی الیمدن قلبیمه تازه داغ ووردی جبرئیل ئوپن درگهی شرر ظلمه یاندیردی شعله چکن قاپیم کیمین غصه دن سینه سوزانم ئوزون بو امره واقفسن سندن آیریلماق چتیندی بیلورم ئولمگیم منیم سنون چتین ساعتیندی پیک اجل هئچ دئمدی بو ئولن تازه گلیندی نجه گلدیم نجه گئتدیم بو ایشه والله حیرانم محسنیم ظلمیلن گئتدی غمی دیلده قالان اولدی خوش گونه قویدولار حسرت جوان عمروم یالان اولدی زینبون گورمدیم طویون آرزیلاریم تالان اولدی حسنینیمدن چوخ علی زینبیمدن ناگرانم بیلوسن من بو بش ئیلده زینبی گوزدن آتمازدیم بختیم ائوینده دورت بالام یاتمیونجا من یاتمازدیم سونمسیدی عمروم گونی آی مثالینده باتمازدیم گل کیمین سولدوم سارالدیم برگ زرد گلستانم سنه بو دوقوز ئیلده چوخ ویروب زحمت سالدیم غمه غم هجرانه صبر ایله چوخ آغلیوب چوخ غم یئمه قبریم اوسته گل داریخسان دردون گئدوب چاهه دیمه منه گر مرهم اولمادی ولی چوخ درده درمانم #ابوالفضل_عباسی_معروفان_اهری کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال زینب کبرا س در سوگ و وداع مادرش حضرت زهرا س .......در آهنگ خدا مادرم را کجا میبرند. آنا نصف شبده گیدورسن هارا بو قلب فگاره وورورسان یارا منی قویما تنها .....سنی جان مولا ننم آی ننم ۲ اولان ای همیشه انیسیم آنا گیدوب قویما هجرونده قلبیم یانا قیزون سینه داغلور ...فراقوندا آغلور ننم وای ننم ..... عذاره غمونده آخور گوز یاشیم سیزیلدیر حسین و حسن قارداشیم آدون دلده گریان ...دیوللر پریشان ننم وای ننم ۲ بیزیله قاریشموش بابام وای دئیور یانا یانه هجرونده ایوای دئیور دئیور گیتمه زهرا ... علی قالدی تنها ننم وای ننم ۲ یتیملوق چتیندور بیزه آی ننه یتیملر همیشه دئیر وای ننه دونر قلبی قانه ... دئیر یانه یانه ننم وای ننم ۲ هله تیزدی گوزدن بیزی آتماقون قرا تپراق آلتدا گیدوب یاتماقون منیم روح و جانیم ... غمه یوخ توانیم ننم وای ننم ۲ غمِ هجر اودوندا جِگر داغلارام سالوب یاده نسگللرون آغلارام آناسیزلار آغلار ... یانوب سینه داغلار ننم وای ننم ۲ کانال رسمی مداح کربلایی برات سماواتی اردبیلی 👇👇👇👇👇 @samavati