کربلایی برات سماواتی

🌸 کوی اباالفضل(ع) 🌸 مِهر است و وَفا معنی کِردار اباالفضل صِدق است وصَفاشیوهء رفتار اباالفضل نامش به زبان آمد و آتش به دِل افتاد هر اهل دلی گشته گرفتار اباالفضل کانون مُحبَّت زده چون حلقه ی ماتم مرغ دل ما رفته به گلزار اباالفضل از بود و نَبودش اَدب از او اَدب آموخت حاشا که بود بی اَدبی یار اباالفضل هرکس که خورد قطره ای از آب حَیاتش با خِضر شود در پی دیدار اباالفضل تشنه به فرات آمد و یک جُرعه ننوشید این قطره بُوَد از یَم ایثار اباالفضل (نادر) کند هرکس در این خانه گدائی آید صِله اش از دَر دَربار  اباالفضل کانال رسمی مداح کربلایی برات سماواتی اردبیلی 👇👇👇👇👇 @samavati

🌴توسل بحضرت اباالفضل(ع)🌴 یا فاطمه دوشوب ایشیمیز بابِ حاجته اَمر ائت عَلم دوتان بالووا ،ماهِ طَلعته قانلی گوزیله بیر باخا پوزقون جماعته باب الحوائج آدینون حَقّین اَدا ائده دردی اولانلارین گِنه دردین دوا ائده یا فاطمه قَلم گنه ایستور سوزون یازا قارداش بِلین بوکن یری نَهرین ئوزون یازا اوخ شعبه سی ئوپن یری ،شهلاگوزون یازا اوخ شعبه شعبه نیلدی گورسانجیلان گوزه ظَنّیم دیور اوگون نَظَر اولدی همان گوزه عَفو ائت خانم بو یرده منی سوز گلوب بِله شهلا گوزیله اوخ سوزونی آچمورام هَله مَکشوفه روضه دور ولی نیلوم گلوب دیلَه واردور یری بو غم ئورگی بی قرار ائده یوخدور بدنده اَل اوخی گوزدن کنار ائده باشین اَگوبدی چاره ائده گوز یاراسینه قویدی اوخون او باشینی دیزلَر آراسینه فرصت دوشوبدی اوندا ستمگر جفاسینه آهن عَموده ضَربه سینون لَنگرین قاتوب سقا یخیلدی ،نَهر فرات اوسته آی باتوب سوز چاتدی بیر یره که سوزون جوهَرین دیَم چوخدور اگرچه نسگیلی ،من آخرین دیَم یان یانه اوخ دوتوبدور اونون پیکرین دیَم دشمن گوروب یخیلماقینی چَکدی شوروشین اهل سَما یوموب گوزی سَسلندی  یاحسین واضحدی کیم کمکسیز اولا بیر های آختارار نسگیلیدور که های ئوزی گلمیش وای آختارار یاکه دیوم فراته گلوب گون، آی  آختارار تَشبیهین ایندی قوی دیوم آیری نَظیرینی سلطان اَلی بِلینده گزوردی  وَزیرینی باخدی فراته سَسلدی سَس وِئر هایانداسان تَکبیرووِین سَسی نَه گلور نَه  بَیانداسان اولما یخیلموسان یِره دریای قانداسان گورجک سنون قَلم قولووِی سیندی شَهپریم بیر حاله قالمیشام که چیخوب یاددان اکبریم یا فاطمه  حسینه او دَم گویلرآغلادی عَمّامه سین آلوب اَله پیغمبر  آغلادی گوردی حسینی قَدّی کمان حیدر آغلادی امّا بیر آغلیان ائله آغلور داش آغلیور بیراَل بِلینده قارداشینا قاداش آغلیور (نادر) مَحرّمین گجه لر سوز وسازی وار نوحه کلامینون هامیا رَمز و  رازی  وار بو بزم ماتمون نِجه گور عشق بازی وار اهل بُکاء او یرده  گلوب آبرو  آلار معناده گوز یاشیلا  کَاَنّه  وضو آلار کانال رسمی مداح کربلایی برات سماواتی اردبیلی 👇👇👇👇👇 @samavati

💧 عشق با شیر مادر 💧 یازیلوب عشقین آدی عَرشه وریلمیش عَلمَه کیم اونی دوز اوخوسا دوز گَله جَکدور حَرمَه عِینی اول عِینیدی تک یارینه بینا اولاجاق شینی شَهپردی اوچان قوشلارا یارا اولاجاق قافی اول قُلَّه دی که عاشقه مَاوا اولاجاق عشق زنجیرینی یار عاشقینه باغلیاجاق باخسابعضی گوله جَک بعضی لَری آغلیاجاق هَرَه ئوز معرفتیلن سوزه آگاه اولاجاق بیری دوزیول گِئده جَکدوربیری گُمراه اولاجاق بیری گوزدَن دوشَه جَکدوربیری دِلخواه اولاجاق اَمرِواضِحدی بوسوز من نجه مُحکَم دئمه رَم عشقه بیگانه اولان جاهِله  آدم   دئمه رَم بیزلره حضرت حق یولاری هَموار ائله دی کربلا شاهینی عُشّاقه ئوزی یار ائله دی بیزی دلداده بَگندی اونی دلدار ائله دی روضه سی اِئودَن اِئووَه شور ونوا گَتدی بیزه صود وئرنده نَنَه میز عشقیده ئورگَتدی بیزه جان فدا ایلیروک بیز نَنَه نون گوز یاشینا گوهر دامَنینی وِرمادی غَفلت  داشینا او بیزی ایلَدی پروانه بو شَمعین باشینا ائوون آباد اولا ای عشق ائوین آباد ائلین قَرَه بیر کوینگیلَن فاطمه نی شاد ائلین روضه بزمینده صوده گوزیاشینی قاتدی نَنَم گوزیاشین دادیم اواَثناده که دوش وئردی اَمَم طوی دونون سائله احسان ائلین ائتدی کَرم اوغلونون دفترینه یازدی حسینچی آدیمی مُعتبر ائتدی بو آد عالم اَرا  هَر زادیمی صودیلن صوداَمرین چون سوزی گَلدی آرییا ایستیور خامه توسّل ائده بیر آی  پارییا سوزی گور دایرهء قسمتی چَکدی هارییا مطلبین نِسبتی وار گونلَر ائوینده قالانا بوش بشیک تَرپَه دَنه اصغره لایلای چالانا گجه گوندوز نَنَه سی گونلَرائوینده مَلَه دی توزلی رُخساره ئورک قانینی گوزدَن اَلَه دی گون قباقینده سَروب بوش بَلگی هِی بَلَه دی هِی دیردی منی مین دَرده دُچار ائتدون علی آلتی آیدان صورا مندن کوسولی گئتدون علی گون باتان وقتی علی صبرو قراریم آزالار یره قاننان ائله بیل اهل سَما پَرده سالار یا مَلکلر الینه قرمزی بیر دوشلوگ آلار ائله بیل اهل سَما هالهء  غمدَه قالوری اوندا بیلّم که سنه فاطمه لایلای چالوری مرغ کوکویه منیم نوحه می ئورگتدی فَلک دود آهیم اَریده صَخرهء صَمّانی  گرک جانیمون مِجمَرینه عود اولوری قانلو بَلک حسرتیم واردی گلوب بیردانیشامنله بالام باخا احوالیمه شاید ، باریشا  منله بالام حکم تقدیریله یار اولدی منه دست قضا بیر گجه عالم رویا سنی گوردوم،عجبا دیل آچوب خوش دانیشاردون بله گلدون یوخوما سینَمون عُقده سینی غَمزیلن آچدون علی مُحسنیله اَل اَله جَنّت اَرا  قاچدون علی دئدون آزآغلانَنَه ، اولما بالوننان نگران دئدیم آخرگوزلیم فکرون ائدرباغریمی قان گجه لَرایندی بشیک تَرپَه دنون یوخدی گمان دئدون آزقِیدیمه قال،قِیدیمه چوخلارقالوری یوخومون وقتی رُقیَّم، منه لایلای چالوری (نادرا) اصغرین آدین گِنه چکدون رَقمه ایسته بو یرده نظر هم ئوزووه هم قَلمه بیر نظر بسدی یتورسون سنی تا مُحتَشمه مال دنیادن اَل اوز باغلاما بِل سیم و زَره غرق دنیا اولانون هَر نَه ئی گئتدی هَدره کانال رسمی مداح کربلایی برات سماواتی اردبیلی 👇👇👇👇👇 @samavati

🌷 سینه زنی - علی اصغر(ع) 🌷 اَسوبدی صَرصَر خزان پوزولدی صحن گلستان توکردی گوز یاشین یوزه گُلی اَلینده باغبان دئدی یارب اولدی گُلوم تالان منیم حالیمی بیلن اولمادی اَلیم اوسته ئولدی بالام سوسوز بیر ایچیم سویی وئرن اولمادی ...................................... بویاندی قانه اصغریم دیل آچمیان دلاوریم پوزوبدی حالیمی منیم چیخوبدی یاددان اکبریم آتوب اَنّی بیراوخی حَرمله بالامون بوغازینی اوخ بولوب دوداقی گولوبدی اَزل اوخا صورا جان وئروبدی سوسوز ئولوب .......................................... باتوب سحر ستاره سی گئدور بوغازدا یاره سی بو سون بشیک مارالیمون سینوبدی گاهواره سی آناسی باخار یولا آغلیار پوزولوبدی گلشنیمون طاقی اوغولون نشانه سی من نِجه آپاروم بو قرمزی قُنداقی ..................................... گرک دیم که شیعه لَر اولار که گوز یاشین اَلر سالون یادا بو اصغری گئدوب بالام مَلر مَلر دئمورم که قانلی قُماطینه چکوب آهی سینوزی داغلیون گَهی بیر سَرین سو ایچن زمان قوریان دوداقینه آغلیون کانال رسمی مداح کربلایی برات سماواتی اردبیلی 👇👇👇👇👇 @samavati

🌹 زبانحالی ازطفل ششماهه 🌹                  (فارسی) بیا برخیمه اَت ای شاه خوبان ببر بابا مرا با خود به میدان اگر عباس نام آوَر نداری اگر قاسم اگر اکبر نداری اگر اَصحاب تو غرق بخون شد نداری لشکری پرچم نِگون شد مَبادت این گمان یاور نداری مگر درخیمه اَت اصغر نداری اگرچه طفلم و قدرت ندارم چو اَخگر بر سر دشمن ببارم ولیکن ناله ای جانکاه دارم پدر در سینه سوز آه دارم به آهی میزنم آتش به خَرمن بلا نازل کنم بَر فَرق  دشمن ولی میدانم این چون رادمردی به نفرین کسی راضی نگردی بسوی خیمه ها بازآ دِگر بار مرا با خود ببر تا مَحضر یار بگو با دشمنان بی مروَّت اَلا ای داعیان کوی ظلمت ندارم  شیرنَر در  حین  پیری  ولی دارم به همره بچه شیری نموده (نادرا) این طفل غوغا گشوده  از گدایانش  گِره ها

حضرت_زهرا ئولونجه ساغر مهرون جالاتمارام ننه جان/ قسم او جانه وفا داشین آتمارام ننه جان/ دیل ئورگدنده منه سن که نوحه ئورگتدون/ اورکده عشق حسینی آزاتمارام ننه جان/ یانور چراغ کیمی مهرون سرای قلبیمده/ جگر یاننجا بو شمعی قاراتمارام ننه جان/ اوغول بلوغه چاتاندا بیلر ننه نه چکوب/ اوشاقلیق عالمینی گوزدت آتمارام ننه جان/ هایانداسان چکه سن باشیمه نوازش الون/ که من اولحظه نی بیر عمره ساتمارام ننه جان/ یوخون گلنده ده من یاتمینجا یاتمازدون/ اوفکریله گجه آسوده یاتمارام ننه جان/ قالوبدی ایندی ده لای لای سسون قولاقیمده/ اورک صفا تاپار اندوهه باتمارام ننه جان/ آدون گلنده دولار گوزلریم محبتدن/ بوجامی ئوزگه یانندا بوشاتمارام ننه جان/ آنا ایاقینون آلتندادی دیه لّه بهشت/ گوزل حدیثیدی یاددان چخاتمارام ننه جان/ حسین یوزین اودی قویدی آنا قدملرینه/ دیدی دانشماسان آماله چاتمارام ننه جان/ ایاقیوی ئوپورم کربلایه تز گله سن/ سنی او قورخولی چولده یوباتمارام ننه جان/ باشیمی خولی آپارسا دالیجا کوفیه گل/ نوامی عرشه سن اولسان اوجاتمارام ننه جان/ جوان چاقوندا قوجاتدی غم زمانه سنی/ یات ایندی آهیله دردون چوخاتمارام ننه جان/ داخی شکنجه ی مسماریدن خلاص اولدون/ بو نازیله که یاتوبسان اویاتمارام ننه جان/ روا دگول ننه وای ناله مه اویانمیاسان/ گوز آچسان اشکیمی خونابه قاتمارام ننه جان کلامی زنجانی کانال رسمی مداح کربلایی برات سماواتی اردبیلی 👇👇👇👇👇 @samavati

▪️زبانحال حضرت علی (ع) در فراق حضرت زهرا (س) 🎼 سبک: آچ او شهلا گوزون باخ منه قارداش اباالفضل... اولدی سندن صورا منزلیم غمخانه زهرا ورودیلار اود یانوب ظلمیله کاشانه زهرا      فتاح خیبر           یالقوز قالوبدی غم باشیم اوسته      سایه سالوبدی 2بار گول کیمی صولماقین قلبیمی یاندیردی زهرا قالموشام ایندی من فاطمه غملرده تنها بیر کسیم یوخ منیم آچ گوزون سن جان طاها تنگ اولوبدی منه فاطمه بو دار دنیا      فتاح خیبر             یالقوز قالوبدی غم باشیم اوسته       سایه سالوبدی 2بار آچ گوزون باخ منه قالموشام بی یار و یاور ایندی یالقوز قالوب فاطمه فتاح خیبر ایوده دورت غنچه گول آغلوری ای ماه انور قالدی آواره سندن صورا ساقی کوثر     فتاح خیبر              یالقوز قالوبدی غم باشیم اوسته.       سایه سالوبدی 2بار دوقوز ایل ای اولان حیدرین ایستکلی یاری تنگ ائدوبدی بیزه اهل کین بو روزگاری عمروون ظلمیله تئز خزان اولدی بهاری ترک ائدوبسن نه تئز فاطمه بو دلفکاری    فتاح خیبر            یالقوز قالوبدی غم باشیم اوسته.    سایه سالوبدی 2بار آلدی آخر سنی اهل کین زهرا الیمدن من نجه ال چکوم ایندی بو صولموش گولومدن اولسا عمروم نقدری آدون دوشمز دیلیمدن ورودی تئز ئولماقین ضربه ی محکم بئلیمدن        فتاح خیبر          یالقوز قالوبدی غم باشیم اوسته.        سایه سالوبدی 2بار آیریلیق چوخ چتیندیر منه ای ماه تابان آغلادار حیدری نسکلین ای جان جانان سینه وین یاره سین ایلدون بو ایوده پنهان اولدی زینب سنین فاطمه هجرونده گریان      فتاح خیبر           یالقوز قالوبدی غم باشیم اوسته.    سایه سالوبدی 2بار آچ گوزون ای مه انور یم زهرا اماندی قلب زاریم منیم فاطمه اود دوتدی یاندی ایوده سندن صورا روز و شب آه و فغاندی بو یانان قلبیمه باخ منیم بیر پارچا قاندی    فتاح خیبر.         یالقوز قالوبدی غم باشیم اوسته     سایه سالوبدی 2بار سینه وین یاره سی بو دل سوزانی داغلار غنچه تک صولماقان سینه ی طاهانی داغلار قلبیمین غملری  عالم و امکانی داغلار درد و غم سینه ی دورت گل زیبانی داغلار     فتاح خیبر            یالقوز قالوبدی غم باشیم اوسته      سایه سالوبدی 2بار ای منیم دلبریم همسریم سس ویر سسیمه ای گل پر پریم گوهریم سس ویر سسیمه ای ملک منظریم اختریم سس ویر سسیمه دیده ی گوزلریم یاوریم سس ویر سسیمه       فتاح خیبر        یالقوز قالوبدی غم باشیم اوسته     سایه سالوبدی 2بار همدم اولدون منه دوقوز ایل جانانه زهرا جان فدا ایلدون مکتب قرآنه زهرا تاوارام آغلارام بو غم هجرانه زهرا عهد ائدر مرتضی ائتدیگی پیمانه زهرا        فتاح خیبر.          یالقوز قالوبدی غم باشیم اوسته.       سایه سالوبدی 2بار آلدی مندن سنی ظلمیله بو قوم اعدا یوخ منیم بیر کسیم تنگ اولوب بو دار دنیا ایندی سنسیز منه بو جهان زنداندی زهرا قبرین اوسته گلوب آغلارام تنهای تنها        فتاح خیبر         یالقوز قالوبدی غم باشیم اوسته       سایه سالوبدی 2با کانال رسمی مداح کربلایی برات سماواتی اردبیلی 👇👇👇👇👇 @samavati

شعر جدید درفراق مادر زبانحال حضرت زینب (س)   سبک؛: الهی یانمیوم نجه شرارِمحنت و غمه... جوان ننم      جوان ننم زمانه دن      دویان  ننم بهاردا گول کیمی صولوب منی ملر        قویان ننم              سنی من سراغلیوب آغلارام             دیزمی   قوجاغلیوب  آغلارام             سنی تئز قوجاتدی  بو روزگار              باشا قاره   باغلیوب  آغلارام جهانه تئز     دویان ننه منی ملر      قویان ننه دالینجا قالدی گوزلریم گوزوی آچ     اویان ننه           اورگیمده غملی سوزوم قالوب           ننه تاب و    طاقتمی     آلوب           باخارام       یانان     قاپیا ننه           یخیلان یئرونده گوزوم قالوب یانوبدی     قلبیم    آی ننه فغانه      گلدیم    آی  ننه یاسووا   اولمادی      گلن چوخ اولدی دردیم آی ننه                غم و غصه یوردی ننه سنی               یتیم ایلیوبدی فلک    منی               ائله اسدی کی بو خزان یلی              پوزوب ایندی آی ننه گلشنی قانیوا    باتمیسان   ننه مراده   چاتمیسان  ننه باشی   بلالی     زینبی گوزوندن آتموسان ننه           آتامون    غمی نه    چتین اولوب           غم و    غصه دن    اورکی دولوب          او قدر    که     آغلیوب      آهیله         ‌‌قوجالوبدی گول کیمی تئز صولوب حضور  ‌‌  یاره     گئتمیشن باشوندا    قاره   گئتمیشن ملر قالوبدی دورت گولون سیننده  یاره    گئتمیشن                    سنی الدن آلدی فلک ننه                   ‌یاناجاق فراقه     اورک ننه                   آتامی یورار     غم و غصلر                  غمینی کیمه     دیجک ننه کسوبدی کوچه ده یولی اورکی    کینه دن  دولی وروبدی سیلی گول یوزه سیندی    ثانین    قولی              آخور اشک   حسرتیمیز  اوزه             غم و غصه  دن نجه دل دوزه             علینی قوجاتدی بو درد و غم             قلم الده آغلوری      بو کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت علی (ع) در شهادت حضرت زهرا (س)  سبک: یخلوب عباسیم.... گل طاها زهرا قویما منی تنها ای یار و دلداریم گئتمه یارالی زینب اولوب گریان ای مادر نالان آچ گوزلرین اویان گئتمه یارالی یا زهرا یا زهزا یا زهرا یا زهرا یا زهرا یا زهرا دلبند طاها ای آه و وا ویلا  جان دل طاها ای یارالی زهرا.     ای یارالی زهرا. 2بار دور زینبین آغلور   غم سینه می داغلور حیدر قالوب یالقوز      گئتمه اماندی منی گوزدن آتما.        گون تک آخشام باتما حسن حسین آغلور    حالیم یاماندی یا زهرا یا زهرا یا زهرا یا زهرا یا زهرا یا زهرا دلبند طاها ای آه واویلا. جان دل طاها ای یارالی زهرا.      ای یارالی زهرا 2بار اشگیم روان اولدی     غم کاسه سی دولدی دورت غنچه گول سولدی.    آچ گوز دوباره زینب سینه داغلور     کلثوم سس سیز آغلور حسن حسین سسلیر.      وای جوان ننه یا زهرا یا زهرا یا زهرا یا زهرا یازهرا یا زهرا. دلبند طاها ای آه و واویلا   جان دل طاها ای یارالی زهرا.       ای یارالی زهرا 2بار ای دختر طاها        آدامسیزام زهرا قویما منی تنها.    گئتمه یارالی دوشدون نه تئز دیلدن آیری دوشدون ائلدن گئتدون نیه الدن سینه یارالی یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا  جان دل طاها ای یارالی زهرا      ای یارالی زهرا 2بار قالدیم من آواره یوخ دردیمه چاره باخ بو دل افکاره حیدره سس ویر صف سیندیران حیدر ای سوره  کوثر هر دم سنی سسلر حیدره سس ویر یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا   جان دل طاها ای یارالی زهرا.      ای یارالی زهرا. 2بار یومما گوزوی سن سنن دویمادیم من ئولم زهرا گیتسن گئتمه اماندی سن غنچه تک سولما زینبی تک قویما بو دنیادان دویما گئتمه اماندی یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا. جان دل طاها ای یارالی زهرا       ای یارالی زهرا 2بار ظلم ائتدی دشمنلر اولدی گولوم پر پر آغلار قالوب حیدر وار گوزده قان یاش وای گلشنیم سولدی غملر منی یوردی حیدر غریب اولدی آغلارام زهرا یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا. جان دل طاها ای یارالی زهرا      ای یارالی زهرا 2بار «مهدی»  سنی سسلر آدین ائدوب ازبر آغلار قالوب گوزلر زهرا یا زهرا ای سوره کوثر وی شافع محشر ای حیدره دلبر زهرا یا زهرا یا زهرا یا زهرا یا زهرا یا زهرا یا زهرا یا زهرا دلبند طاها ای آه و واویلا  جان دل طاها ای یارالی زهرا       ای یارالی زهرا 2بار کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت علی (ع) در شهادت حضرت زهرا (س) سبک: من مانده‌ام تنهای تنها..... ای منیم روح و روانیم                    قالموشام آواره زهرا                                    ‌‌یالقیزام من دردیمه دور ایله درمان             ‌    یوخ الیمده چاره زهرا                           ‌         یالقیزام من چوخ چتین   اولدی فراقین جان یارالی      جان یارالی بوش قالوب ایندی اتاقین جان یارالی     جان یارالی جان یارالی             جان یارالی 2بار قالدیم الی قوینوندا نیلیم                 ‌ای منیم آرام و جانیم                                     مهربانیم منده سن تک چوخدی دردیم                وی منیم تاب و توانیم                                      مهربانیم آچ گوزون    دیندیر علینی یالقیزام من یالقیزام من آتما سن      بو دلغمینی یالقیزام من یالقیزام من جان یارالی             جان یارالی 2بار فاطمه سن راحت اولدون               قلب زاریم اولدی یاره                                    اولدی یاره نه واریمدی دیلده طاقت             ‌نه وار ایندی الده چاره                                   الده چاره من نجه ال   چکیم ایندی همسریمدن همسریمدن آیری   دوشدوم من الهی دلبریمدن       دلبریمدن جان یارالی          جان یارالی 2بار گئتدی الدن با وقاریم                   تنگه گلدی روزگاریم                                        روزگاریم ناگران قالدی دالینجا                ایکی چشم اشکباریم                                       اشکباریم صبر و قراریم   گئتدی الدن بیقرام                  بیقرارم دردی علینی سالدی دیلدن بیقرام                  بیقرارم جان یارالی              جان یارالی 2بار اولدی ائویم غمخانه زهرا                 گلمیشم افغانه زهرا                ‌‌                   جان یارالی سینه نده یاره گئتدون الدن              دوندی قلبیم قانه زهرا                                    جان یارالی زینب سنی اوخشور یواشدان کلثوم      آغلور       یانه یانه مرتضانی            غصه و غم ایندی زهرا        گئتدی جانه جان یارالی             جان یارالی 2بار نه گولر اوزوم جهاندا            نه دوشر آدین دیلیمدن                                 جان یارالی نجه ال چکیم من ایندی       سارالوب صولموش گولومدن                                   جان یارالی سنی آلدی     دست کینه ایندی مندن ایندن مندن دویمادوم  اما       یارالی منده سندن منده سندن جان یارالی          جان یارالی 2بار توکولوبدی غم غم اوسته             گئتدی الدن ائو صفاسی                                 ائو صفاسی باشلانوبدی ایندی زهرا                 کربلانین ماجراسی                                  ماجراسی کربلاده             ئولدورلر تشنه لب مظلوم حسینی باشینی      دالدان کسلر حیدره     نور     دوعینی جان یارالی           جان یارالی 2بار ملتمس دعا مهدی ملکی کانال رسمی مداح کربلایی برات سماواتی اردبیلی 👇👇👇👇👇 @samavati

✔️ آمدن حضرت زهرا سلام الله علیها به مسجد اوجالدی اوندا هلهله یول آچدی قوم بی حیا گلوب یتیشدی فاطمه باشیندا بیر عباسی وار صاقیندا مجتبی گلور آلوب عمامه سین اله صولوندا یدّی سنّیده حسین کربلاسی وار حزین سسیله سسلدی آچون عم اوغلومون قولون عُمَر جواب وئرمدی ریاستون هواسی وار خانم ال آتدی سینیه چخارتدی غم نشانه سین الینده گوردولر دوتوب پیمبرون قباسی وار ازل اُوپوب او کوینگی یاپشدی بُولدی نصفدن دوتوب هواده ساخلادی هر الده بیر پاراسی وار او کوینگون پاراسینی حسین باشینا باغلادی برینده باغلادی حسن باشیندا مدّعاسی وار حسن حسین قباقیده ایاق گوتوردی فاطمه یتیشدیلر او قبره کخ یاتوبدی مصطفاسی وار حسن حسین قوجاقلادی پیمبرون مزارینی خانم ال آتدی باشینه آتاسینون قراسی وار ایلیکه ایستدی آچا او قاره نون گِرِه لرون او قبر پاک تیتردی گوروندی غم هواسی وار بلا احاطه ایلدی تزلزل ائتدی تیتردی او مسجدون نقدریکه ستونی وار بناسی وار گلوب بفوری آچدیلار او باغلانان بیلَک لَری آییلمادی او بی حیا ریاستون هواسی  وار علینی گَتدی منزله او بانوی مجلَّله دئدی الهی قلبیمون جلالیوه شناسی وار یاپیشدی دورت بالاسینون الین دولاندی باشینه دولاندی باخدی آغلادی نقدری گور وفاسی وار دییَن یوخودی فاطمه باخوب بوقدری آغلاما نه تشنه دور نه خسته دور نه غربتون جفاسی وار حسین گلنده خیمیه رقیه دوندی باشینه باخاندا گوردی سینه ده ساغالمیان یاراسی وار اوتوز بش ایل دولانموشام سنون یاسیندا یا حسین بو بختی قاره « #منعمون » ئورکدن التماسی وار منیم آخاندا گوزلریم یاسیمدا بیر دقیقه گل گوزوم گوزونده جان وئریم بو ئولمگون صفاسی وار رفیق و آشنالره سلام وئردیم آلمادی رفیقی نیلیور او کس سنه که اتّکاسی وار ✍مرحوم استاد منعم اردبیلی روحشان شاد کانال رسمی مداح کربلایی برات سماواتی اردبیلی 👇👇👇👇👇 @samavati

نوحه شهادت موقع دفن حضرت زهرا (س) .. .. مرحوم غمکش .. .. گوزدن آتوبسان قیزلارون آغلور سنه یالقوزلارون آخدی گوزومدن اشک خون آغلور سنه اولدوزلارون ای نور عیندن اَل چکن لای لای ننه لای لای ننه .. .. قاره گیوب مولا سنه گون ویرمدی اَعدا سنه مدیونیدی عالم بوئی باور واریم دنیا سنه ایتدی سنه ظُلم اَهریمن لای لای ننه لای لای ننه .. .. رؤیاده گل باش چک بیزه قاره چکیلدی ایومیزه راضی سن اولمازدون آنا سندن حسینون اَل ئوزه یاسه باتوب شاه زمن لای لای ننه لای لای ننه .. .. باخدوقجا بو یانموش دره غُصه گلور هر پیکره دشمنلرون ظلم ایلیوب لعنت او قوم کافره تاب و توانادن دوشن لای لای ننه لای لای ننه .. .. گور باغریقاندی زینبون صبری جالاندی زینبون غملی ننه هر روز و شب گور نوحه خواندی زینبون بیت الحزن اولدی وطن لای لای ننه لای لای ننه .. .. اوخشار سنی دیلدن حسن زنداندی سن سیز بو وطن اُمّت خیانت ایله دی آغلار بو غمده پنج تن سولدی سارالدی بو چمن لای لای ننه لای لای ننه .. .. «غمکش» یازار دل داغلیار عالمده ماتم ساخلیار محنت لرون یا فاطمه یاده سالاندا آغلیار قبره گیجه یاری گیدن لای لای ننه لای لای ننه کانال رسمی مداح کربلایی برات سماواتی اردبیلی 👇👇👇👇👇 @samavati

#درد_دل زبانحال باشیم اوسته گل روزگاریدن دویموشام داخی جانه یا علی گل منی حلال ائیله آز قالیر جان وئره م غریبانه یا علی گل اوتور بیر آز صحبت ائیلییاق داغلاما دل داغداریوی دمبدم چکیب اه آغلاما پوزما ای عزیزیم وقاریوی گرچه سالدیلار فتنه شیخ لر تیره ائتدیلر روزگاریوی یاورم سنه غم یئمه اگر امت اولدی بیگانه یا علی صبر ائله بو درد و مصیبته آغلاما بئله پوزما حالیوی قلبیمین باشی اود دوتور یانیر یاد ائدنده دیلده ملالیوی سن جهان عشقه امیرسن آرتیرا گوروم حق جلالیوی قویما غم ایاق دان سالا سنی صبر ائله بو هجرانه یا علی داغلی قلبیده چوخدی نیسگلیم وار بو صون نفس شرحینه نیاز حقیوی دانانلار بو درگهه گلماقین داخی بیلمیرم مجاز وئر اوزون منه غسل نیمه شب صبر ائیله اوزون قیل منه نماز قبریمی نهان ساخلا خلقیدن ای حکیم و فرزانه یا علی دورت بالام منه چوخ عزیزدور ساخلا جان کیمی روزگاریده گوللریم اگر سولسا غصه دن آه وداده گللم مزاریده قویما فتنه لر ائلسین خزان باغ صبریوی نوبهاریده سعی ائله ائوین با صفا اولا گلمه اه و افغانه یا علی بو صفالی ائودن مزاریمه من شکسته خاطر مسافرم ائیله باشیم اوسته حسینیمی صون نفسده حاضر مسافرم یاندی شمع جانیم مصیبته اولدی عومروم آخر مسافرم گتدی غصه لر بو غریبه نی بو آز عمریده جانه یا علی قاخمیری قولوم باغریما باسیم صون نفسده من نور عینمی جلوه ائیلیور کربلا چولی هر زمان گورنده حسینمی داد او وقتدن قتلگاهیده سالام عالمه شور و شینمی ائیلیوم زیارت دویونجا بیر باتمامیش هله قانه یا علی کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت علي (ع) بعد از شهادت حضرت زهرا(س) دريغا بي نصيب ائتدي فلك  وصل نگاريمدان آييردي پنجه تقدير مين حسرتله ياريمدان نئجه گلزاره يول سالسا خزان گلدن گئدر رونق ائله جور عدودن، گئتدي رونق لاله زاريمدان خزان شلاقي خشم ايله خط اوستن سالدي خط قهراً گلون گل  پيكرينده ، ذوق گئتدي ، گلعذاريمدان جفادن گلشن  وحدتده  عصيان ايلدي پاييز كه آفت  دوتدي  گلزاري، بلا ياغدي بهاريمدان او گل كه باغبان چكميشدي زحمت شوقيله بير عمر عدو سولدوردي مايوس ائتدي ياس داغداريمدان بهشت  مصطفايهاسدي  بير طوفان  غارتگر طراوت  گئتدي يغمايه،  نهال  بارداريمدان منم ايندي  بو سولموش، پرپر اولموش گل كناريندا كه بير لحظه جدا  اولسون   اينانمازديم كناريمدان بو آز عمريله ترك ائتدون مني زهرا بو دنياده داهي  سندن صورا  دويام بو عمر مستعاريمدان سن ئولدون راحت اولدون هم و غمدن اي وفا كاني ولي  هيهات   اولام آسوده من   رنج  و فشاريمدان سئواله  حاجت اولماز حاليمه زهرا نظر  قيلسان كه حاليم شرحه شرحه  شرح ائدر اوز روزگاريمدان گلستان تولادن  طراوت گئتدي  سن گئتدون كسيلدي  نغمه شادي پرستو  و هزاريمدان جهان  سنله  جهاندور  نيلورم  سن  سيز بو  دنياني بهشت اولسا محال اوز دوندرم حسن  وقاريمدان سنون  بير تار زلفون   مين  بهشته  وئرمرم  زهرا فدك يوخ مين فلك چيخسون غم ائتمم انحصاريمدان گوز آچ گور قبرين اوسته  كيمدي پوزقون حاليله ايندي كه اوج ايلوب گويه ، آه و فغانيم  ، انكساريمدان نه يوز وار قالماقا بوردا نه  ديز  وار گتماقا   نيلوم ائله   مبهوت و حيرانم  اوزوم اوز اعتذاريمدان گئجه غسلون وئرنده چوخ مسائل آشكار اولدي گورنده جسمون آز قالديم ئولم اوز شرمساريمدان سني دفن ايلينده  كيم  بيلور نه حاله   قالديم   من فقط آللهيم آگه دور او حال ناگواريمدان دفاع ائتدون حريم شرع و احكام  و  ولايتدن بو خدمت چيخماز ئولسمده منيم قلب فكاريمدان حريم وحيه  دشمن لر جسارت ائتدي   من باخديم نچون  ائتموشدي ساقط فخر عالم  اقتداريمدان آتان پيغمبر رحمت ، يداللهون قولون باغلوب عنان قدرتيم  زهرا  چيخوبدور اختيارمدان اگر رخصت   اوليدي مصلحت،  ختم رسالتدن تحمل زنگيني  آخر سيلرديم   ذوالفقاريمدان ائله رفتار ائدرديم  اوندا  بو قوم  ستمگرله    كه مين دفعه  ئولوم ايستردي هرگون كردگاريمدان گورردي اوندا دشمن رخصت اولسيدي  پيمبردن كه  بير  كيسمه سلامت   قورتولانماز    كارزاريمدان عجب سندن صورا زهرا غريب روزگار اولدوم داغيلدي يار و انصاريم  غريبانه  جواريمدان فقط  بير  عده  همتلي،  وفالي  يار و  انصاريم خبر گه گه دو توللار ، قورخا قورخا حال زاريمدان اودا بو اوچ نفر مقداد و سلمان و ابوذر دور كه امداد  ائتديلر  تشيع و  تدفين  نگاريمدان يامان گونده  خلوصيله  حمايت ائتديلر  مندن گوروم الله رضا اولسون بو اوچ همتلي ياريمدان سنون  بو خاطراتون  خاطريمدن چيخميوب چيخماز گر ئولسمده وئرر باش سينه وين داغي مزاريمدان مرحوم شبخیز کانال رسمی مداح کربلایی برات سماواتی اردبیلی 👇👇👇👇👇 @samavati

زبانحال حضرت زینب (س) بعد از شهادت مادر بزرگوارش مدینه اهلی گلون اوخشیاق جوان ننه می قاپی دالندا تهاجم گونی قالان ننه می گورون فلک من زاری نه تِز یتیم ایلدی نقدرآختاریرام تاپمورام جوان ننه می جنازه سین گجه وقتی بابام مزاره قویوب بقیع چولی آلوب آغوشه مهربان ننه می اگرچه یتدی نفرظاهرآ ایدوب تشییع آپاردی گوگلره باطنده قدسیان ننه می بقیعده یاتسادا روحی ملائکیله گزور یقین زیارت ایدور اهل آسمان ننه می یرینی بوش گوروب ای بیوفالر آغلورسوز؟ گورنمه سوز داخی اول قبر بی نشان ننه می ریایی آغلاماقوز روحیمه شکنجه ویرور که غصه مرگ ایلدوز قامتی کمان ننه می نواسی قویمازیدی استراحت ایلیه سوز؟ اودورکه زحمته سالدوز او جانفشان ننه می بس اعتراض ایلدوز گیتدی بیت الاحزانه بابا داغی دیمه دوز یاندیرور یانان ننه می اوقدری یاندی بیاباندا شمع تک اَریدی جوانلیقیندا قوجاتدی غم گران ننه می داخی یانان قاپینون حیف اولا محافظی یوخ سالوب ایاقدان او هنگامه قهرمان ننه می حکومت اولماسا مانع مدینه دن گیدروق بو شهریده هانی بیر یادینه سالان ننه می باتاندا سینه سینه میخ در هایاندیدوز که فضّه داده گلینجه آپاردی قان ننه می آنامدا دینمه سه محسن سیزی حلال ایلمز که غفلتوز ایلدی مونس فغان ننه می نه بیر عیادته گلدوز نه حالینی بولدوز قویون اوزوم دانیشیم دویدولر هاچان ننه می اوغملی کوچه ده فریادینه گیدیدوز کاش که ثانی ظلمیله قورخوتدی خسته جان ننه می اوکوچه ده نلر اولموشدی منده بیلموردوم که بیرگونی دیله دوتدوم دانشمیان ننه می دیدیم ننه نیه مندن یوزووی گیزلدیسن سئوالیم ایتدی پریشان شیرین زبان ننه می بیوردی گوزله بابان بیلمه سون یوزوم گوَروب بوسوزده باغریما باسدیم گوزی دولان ننه می دیدی قوجاقلاما پهلولریمده صدمه گوروب دوروب دعا ایلدیم گل کیمی سولان ننه می دیدی قیزیم قوی ایدوم من دعا سن آمین دئ دؤننده قبلیه ئوپدوم او ناتوان ننه می دیدی الهی داخی راحت ایله زهرانی من آغلادیم حالیم آغلاتدی ناگران ننه می خلاصه گیتدی ئوزی قالدی خالی محرابی ایتورموشم او بیر اللّی قنوت دوتان ننه می استاد کلامی زنجانی کانال رسمی مداح کربلایی برات سماواتی اردبیلی 👇👇👇👇👇 @samavati

احوالات  حضرت زهرا (س)   برج وفاده زهره ی زهرا افول ایدوب باش نازیله ترابه چکوب بضعه ی رسول   تا نفس مطمئنیه آلوب ارجحی سسین مرضیّه حق دعوتینی ایلدی قبول   شیرخدا وصیتینه ایلدی عمل غسلین ویروب کفن ایلدی زارو دل ملول   اماّوینده غسلینی نه گوردی بلمورم بلدی قاپو دالیندا اوگون نه چکوب بتول   مدّنظرده جلوه لنوب قامتی او دم اوضاع ماسلف ستم فرقه ی ضلول   اول صبر صاحبینده داخی صبرقالمادی چون نازنین وجودینه  ایتموشدی غم حلول   دیواره تکیه ایلدی بیرقدرآغلادی اولدی روانه صورته گوزیاشی چون سیول   گورمزجهان علی کیمی مظلوم بیرنفر گردون نقدردورایلیه باشلانا فعول   القصه  گلدیلر آنانی ایتماقا وداع گوزیاشلی سینه داغلی ایکی قیز ایکی اوغول   ایله  دوشندیلرآنانین نعشی استینه گویا که عندلیبه اولوب وصل گل وصول   ایله توکردی گوزیاشی اطفال خونجگر گویا یاغش  چمنده گل استه ایدرنزول   پروانه تک یاناردیلا شمع خموشیدن هجرانه توشه ایتماقا اول جسمیدن حصول   شیرخدا باخاردی او حاله یانا یانا گوردی بیرآزدا شیونه اطفال  ویرسه طول   اندوه و غصه دن الر اول نازدانه لر اطفالینه یتوردی اوزین شاه دین عجول   مین نازیله آیردی آنادن بالالاری آرام ایدوبدی مهریله اول عاطفت شمول   گوزیاشلارین سیلوبدی چکوب باشلارینا ال مین دللریله دیندیروب اول سرور فحول   ای کاش اولیدی کرببلاده شه ولا یوز دوندرنده خیملره لشکرجهول   آرام ایدیدی نازیله دردانه قیزلاری تشویشه قویمییدی دوشه عترت رسول   آت اوینادوب ایدردیله اعراب هلهله عرشه چیخاردی بانگ دهل نعره ی خیول یاز نوحه صدق اوزیله (ظهیر) آل عصمته اما چالش یازاندا رعایت رعایت اولا حصول کانال رسمی مداح کربلایی برات سماواتی اردبیلی 👇👇👇👇👇 @samavati

‍ روضه شهادت حضرت زهرا(ص)                هر فرد بشر که ائدر اِمرار ئوز ائوینده امنیّتی نسبت ئوزینه وار ئوز ائوینده قانون طبیعتدی نظام مدنی دور آسوده یاشار مسلم و کفّار ئوز ائوینده کانون فراغتدی هر ائو اهلینه سوز یوخ بیرکس ائده بیلمز بیرینی خوار ئوز ائوینده راحت یاتا حتی گرک هر قوش یوواسیندا پرّنده لره یتمیه آزار ئوز ائوینده ای پیر خرد وار نه جوابون بو سؤاله زهرا نه سبب اولدی گرفتار ئوز ائوینده بیر فاطمه کی میوهء قلبیدی رسوله دؤزمزدی اولا ذرّه گرفتار ئوز ائوینده باخدوقجا پیمبر اونا بالیده لنردی ایگلردی گُلون احمدِ مُختار ئوز ائوینده فرمایش ائدردی منی زهرا آتا سسله شاد اولسون آتون مفخر احرار ئوز ائوینده بیر فاطمه که بذلی چوخیدی فقرایه ائتمزدی دویونجا ئوزی افطار ئوز ائوینده بیر فاطمه کی عاشقیدی صوم و صلاته ایلردی مناجات سزاوار ئوز ائوینده بیر فاطمه کی نازل اولوب شأنینه کوثر توهین ائلدی فرقهء اشرار ئوز ائوینده شیخین خلافت نقدر کج یولا چکدی زهرایه گونی ایلدیلر تار ئوز ائوینده اندیشه غلط اولسا بشر شرّ اولی مطلق ناحق یره اخیاری ائدر زار ئوز ائوینده یاندیردی عمر باب همایون علینی شه بانوی اسلام گوروب نار ئوز ائوینده اودلاندی قاپوم ثانیه ال چَک دِئدی مندن زهرائیله گل ایلمه پیکار ئوز ائوینده هر بیر یوزه بو درگه والادی آچیلماز فکر ائت کیمه گور ایلوسن اخطار ئوز ائوینده تا وار نفسیم بو قاپونی بیرکس آچانماز گئتسون اوتوسون قُومِ تَبهکار ئوز ائوینده قارداشسیزام اینجیتمه آتام تازه ئولوبدی قوی فاطمه نی اولسون عزادار ئوز ائوینده فکر ایلیوسوز اولما کمک سیزدی عم اوغلوم زهرا تک اونا واردی فداکار ئوز ائوینده بیز ایستمدوک امر خلافت سیزون اولسون قوی راحت اولا عترت اطهار ئوز ائوینده آهولریمی ائوده ملشدیرمَه حَیا ائت دورت خوردا بالام قورخودان آغلار ئوز ائوینده باخمادی سوزه ثانی نه بیلدی اونی ائتدی حقّون ائلدی حقّینی انکار ئوز ائوینده بیر زور وئروب قَهریلَه یانمش قاپی سیندی زَهرا اَجلین گوردی پدیدار ئوز ائوینده دیواره که تکیه ائلمیشدی ائله قالدی سالدی اونی جاندان در و دیوار ئوز ائوینده مسمار امان وئرمدی زَهرا گئج ئولردی دلدی سینه سین اوخ کیمی مسمار ئوز ائوینده سیندی صدف طاهره دُرّی یِره دوشدی اولدی اجل اول دُرّه خریدار ئوز ائوینده فضّه ائله سسلندی علی چیخدی اطاقدان گُوردی یخیلوب دلبر دلدار ئوز ائوینده نه جای مذمّت وار علیده چتین ایشدور یارین یارالی درک ایلسه یار ئوز ائوینده ایوای دئدی الله آناسیز قالدی اوُشاقلار بو دورت بالاما کیمدی پَرستار ئوز ائوینده اوغلانلاریمون قیزلاریمون گوزیاشی آخماز دیلدَن دوشنیم ایلسه گُفتار ئوز ائوینده غشّ ایلیوب حتماً سَسیمه سَس وئره بیلمور بیهوش ائلیوب یاریمی اغیار ئوز ائوینده گلسه دیله سَسلنسَه عم اوغلی غمیم اولماز بیلّم که علینون کمکی وار ئوز ائوینده حاصل ایشی تقدیر قضا بیر یِره چَکدی دوردی اَیاقا فاطمه ناچار ئوز ائوینده درک ائتدی علینی باش آچوق قولّاری باغلی چوخ غُصّه لیدور حیدرِ کرّار ئوز ائوینده میرِ حرمی ثانی چکور مسجده ساری شهبازه آچوب شبپره مِنقار ئوز ائوینده دوتدی ایکی اللی شَه دینون اتگیندَن ئوز همدمینه اولدی هوادار ئوز ائوینده دشمن او شَهی خارجه زَهرا اِئوه چکدی قَهر ایلدی محبوبهء قَهّار ئوز ائوینده ثانی دیله گلدی دئدی قُنفذ نه دوروبسان زَهرا نجه گور ایلیور ایثار ئوز ائوینده فوراً او دَنی قمچیسینی آچدی بلیندَن وردی گُلِ طاهانی او غَدّار ئوز ائوینده سُست اولدی بتولون قولی ال چکدی علیدن ضربَت یتیشن وقتیده تکرار ئوز ائوینده صدّیقهء کُبریٰ یخیلوب صحن سَرادَه قالمادی شَهِ خیبره غمخوار ئوز ائوینده گلدی بالالار فاطمه نی آلدی آرایه زینب ائلدی فضّیه اظهار ئوز ائوینده درگاهیمیزی چکدی اوُدا بی سر و پالَر یاندی شَررِ مُحنته سردار ئوز ائوینده بو شهریده مظلوم آتامین بیر کسی یوخدور توش اولدی غمه حُجّتِ دادار ئوز ائوینده پیغمبره دلدار آنامی سالدیلا دلدَن راحت اوتوروبدور هله اَنصار ئوز ائوینده فضّه سو گتور وِئر آنامیز گُوزلَرین آچسون ائتسون ئوزی ئوز دردینی معیار ئوز ائوینده کیم وار قولی باغلی آتامون فکرینه قالسون کیم گلدی اونا اولدی طرفدار ئوز ائوینده چاره گینه قالمیش آناما بیزده نه چاره بیر چاره تاپار اولماسا بیمار ئوز ائوینده مرحوم حاج_انور_اردبیلی کانال رسمی مداح کربلایی برات سماواتی اردبیلی 👇👇👇👇👇 @samavati

احوالات هجوم دشمنان به خانه ولایت پس ازرحلت رسول اکرم (ص)   یتدی ابو قحافه نین اوغلی ریاسته حق مرکزینده ناحق اولان کس دوتوب قرار   خانه نشین اولدی علی وامصیبتا اعدای دین جهاندا عجب اولدی کامکار   ایستوب علیده بیعت ایده اول ستمگره ثانی یغوبدی باشینه بیر جمع نابکار   فاطمه نون گلوب قاپوسین دوگدی اول دنی ویرموبدی فوته فرصتی الدن او کین شعار   وا حسرتا قاپو دالینا گلدی فاطمه کیمسوز دیدی منیم قاپوما گلموسوز نه وار؟   سویلوبدی ثانی گلسون عم اوغلون دی بیعته بیجا اوتورماسون داخی ایوده چوخ انتظار   سویلوبدی فاطمه بلوسن بیزعزالیوق؟ قویما پیمبرین بوگون اولسون عزاسی خوار   سویلوبدی آچماسان اگراودوورام اودلارام زیر و زبراولارداخی بنیانیدن بودار   بلمم هارا یتوشدی سئوال و جواب اودم یا صاحب الزمان ایدورم سندن اعتذار   فورا اودون گتوردوله اول دم منافقین باب امیدهووردولار اود شعله لندی نار   یاندی قاپو دایاندی بتول اولدی تلخکام تاثیرایدوب وجودینه باشدان باشا شرار   قویمازدی درب آچیلسین او مخدومه ی جهان اما ویرردی دشمن اودم متصل فشار سالدی ایله فشاره بتولی فشاردرب سقط اولدی محسنی یارالاندی او گل عذار مسمارباتدی سینه سینه دوشدی حسیدن یابن الحسن اوزون آناوای دی قیل آه و زار سسلوب حزین صدائیله گل فضه هارداسان آزقالدی فاطمه ایده جانانه جان نثار سقط اولدی محسنیم یارالاندی سینوب قولوم مسمارباتدی سینه مه قان سو کیمی آخار ایله خبرعم اوغلوما اُلدوردولرمنی ترک ایلسین بتولی او مولای روزگار نه حالدیدی گور حسنینی  او وقتیده یا غم کشیده زینب و کلثومی بی قرار بیر اهل منبر ایلدی بو قصه نی بیان گویا (علوم) صاحبی بو طرزیله یازار فضه ال اُسته آلدی جنینی گلوب ایوه توکدی سرشکین عرض ایدوب ای شاه تاجدار دورآل بالاوی قویما الیم استه چوخ قالا واللهی بو مصیبته داش اولسا دل یانار سویلوب امام فضه علاجیم ندور منیم ایدن اگرچیخام منی ایلله انتحار بیر قبرقازبالامی دم درده دفن ایله آخر قضا ایکی قولومی باغلوب استوار نیلوم گراولماسیدی پیمبر وصیتی جرئت ایدردی یاندورا درگاهیمی شرار باعث اولوبدی صبر علی اولدولارجری زهرایه امت ایلدیلر جور بی شمار قویموبلا اوزایوینده ایده ناله فاطمه پیغمبرین عزیزه سی طاهایه یادگار ایلوبله مرتضایه شکایت بتولیدن شاها که یعنی آغلاماقیندا قراری وار زهرا ایدنده ناله دوتورشوریثربی هرایوده شیونه گلوری خرد و هم کبار واقف ایدوب بتولی علی بو قضیه نی فریاد و شیونوندن عدو اعتراضی وار سویلوب عم اوغلی جان گیدرم چولده آغلارام بیزار اولولا آغلاماقیمدان منیم بولار بیر سایه ی درخت تاپوب اوردا فاطمه بیر مدت ایلدی حسنینیله آه و زار بیر گون کسوب نه گوردی عدو اول درختیده گونلرایوینده ناله ایدوبلربس آشکار حسرتله شور گوز یاشی گرمیت هوا یاندوردی اول گل اوزلری آخر اولوب قابار بیر اوزگه حالیده حسنینی گوروب امام بیر بیت الاحزن ایتدی بنا اول شه فخار بیر گون نه گوردولر اونودا اهل کین یخوب امید شیون ایولرین ایلوبله تار ومار مرحوم حامد کانال رسمی مداح کربلایی برات سماواتی اردبیلی 👇👇👇👇👇 @samavati

✔️ حضرت زهرا سلام الله علیها 📝 استاد کلامی زنجانی الهی یانمیوم نجه شرار محنت و غمه منیم آنام جوان ئولوب مدینه باتدی ماتمه سنی چوخ ووروبلا یات آی ننه سنه قربانام یارالان ننه منیم بهار آرزوم اولوب خزان مدینه ده اوجالدی توستی گوگلره توکولدی قان مدینه ده دیوللّر اولدی میخ در بلای جان مدینه ده بو غمده قاره چکدیلر ملک لر عرش اعظمه منیم آنام دفاع ائدوب ولایت نگاریدن بابام علی وفا گوروب او یار باوقاریدن نه لر چکوب آز عمریده بو غملی روزگاریدن اولاردی سو،یاغیدی گر بو غم جبال محکمه الهی شاهد اول منیم آناما سیلی ووردولار گلنده غملی کوچه دن یولونون اوسته دوردولار قباله اوسته مادر حسن حسینی یوردولار شهیده گئتدی دهریدن او بانوی مکرّمه منیم آنام غریبیدی مریضلره طبیبیدی چکردی دورت گولون نازین وفالی عندلیبیدی ملک لره عزیزیدی ئورکلره حبیبیدی حبیبۀ خدا گئدوب قوناق رسول اکرمه پس از پیمبر ارثینی عداوت اهلی بؤلدولر ملال آل هاشمه بنی امیّه گولدولر الهی اوچ یوز اجنبی بیزیم ائوه توکولدولر ووروبلار آتش ستم حریم یار محرمه الهی شاهد اول عدو آنامی الدن آلدیلار اوشاقلیق عالمی منیم باشیما قاره سالدیلار نه تک آنام که شیعه لر قاپی دالندا قالدیلار قیامته کیمی وورار بو اود شراره عالمه هانی او مهربان آنام منه عزیز جان آنام هایاندا منزل ایلیوب او قبری بی نشان آنام الهی رحم ائله منه یارالیدی جوان آنام نه تاپدی دردینه دوا نه چاتدی سینه مرهمه کانال رسمی مداح کربلایی برات سماواتی اردبیلی 👇👇👇👇👇 @samavati

یا فاطمه اورگده دردیم نوایه گلدیم گوردوم قاپون آچخدی دارلشفایه گلدیم عالم گلور قاپوندان درده آلور دوانی با دست پر سالورسان آخر یولا گدانی قیترمه دست خالی من مثلی بی نوانی مین حاجتیم اورکده باب عطایه گلدیم بیلم سنه جسارت اولماز منیم گلایم بیر عمردور یاسوندا غرق غم و عزایم آخر توجه ایله منده سنه گدایم اوز دردیمی گتوردوم باب رجایه گلدیم یوز دوندربدی عالم من مثلی بی نوادن ئولسمده گر آجیندان ال چکمرم ولادن جانیم چیخنجا والله من دویمارام عزادن گیدیم گنه قرا من بزم عزایه گلدیم ای عالمین امیدی لطف و عنایت ایله گاهی بو بی نوایه سنده کرامت ایله دوت بو گدا الیندن بیر دم حمایت ایله قلبی شکسته م من بهر صفایه گلدیم حرمت سیزون قاپوزدا ایلله بی نوایه سیزدن صورا باخان یوخ من مثلی بیر گدایه دوز عاشق اولسا هرکس دوشسین گرگ بلایه تجدید عهده خاطر باب ولایه گلدیم کانال رسمی مداح کربلایی برات سماواتی اردبیلی 👇👇👇👇👇 @samavati