کربلایی برات سماواتی

شهادت حضرت اباعبدالله الحسین علیه السلام مرحوم روفه گر داد او ساعتدن دوشوب ارکان عرشه ولوله سبط طاها مرکب اوستوندن یخلدی مقتله هولیله تاجین آتوب باشدان یر اوسته جبرئیل سسلدی اللهُ اکبر سالدی کونه ولوله مکّه و مینای زمزم باشلادی بر زمزمه کعبۀ مقصود ایدنده قان ایچنده هروله شمر دون سسلندی ایندی من بولوندورّم سیزه بر سیاستله اولار سیزلرده رفع قائله ویردی فرمان لشکره اولدی ایکی حصّه قوشون ایستدی اوز بولدوقی مقصودی تز گلسون اله خیمه‌لر اوسته یریتدی لشگرین بر حصّه سین دستۀ دیگر هارا گیتدی گیچاق قالسون هله تا چالندی کرّ نای و طبل و شیپور و دُهُل آز قالوب خردا اوشاقلار خوف و وحشتدن اُله گون کیمی زینب طلوع ایتدی کنار خیمه‌دن تا نظر سالدی او وضع سخته امر مشکله اللری باشدا قاچوب تلّه هرایه سسلدی قارداشی شاید که برده داده فریاده گله رحم‌سیز اشرار الینده قالدی قارداش قیزلارین داده گل آخر دگل هنگام صبر و حوصله زینب کبرانون آلدی شاه مظلومان سسین قان ایچنده بر دوروب اگلشدی پوزقون حالیله سسلدی من اولمه‌مش لشگر هله قورخوتمیون بانوان عصمت پیغمبری بو نوعیله قیل و قال اولدی او اثناده قوشون یول آشدیلار بیر طرفدن گلدی خولی بر طرفدن حرمله بیر طرفدن زینب کبری چخوب خرگاهیدن بیر طرفدن شمر ذوالجوشن یتشدی مقتله سخت مبحثده دایاندی چون شهادت وقعه‌سی «روفه‌گر» وُرما قلم ایتمه جسارت بیربیله کانال رسمی مداح کربلایی برات سماواتی اردبیلی 👇👇👇👇👇 @samavati