Dire Dawa Government Communication Affairs Office

ክቡር ከንቲባ አቶ አብዱላሂ አደም በዛሬው ውሏቸው የድሬ ማይክሮ ፋይናንስ ተቋምን የ2018 በጀት ዓመት የስራ አፈፃፀምና የ2019 በጀት ዓመት እቅዶችን አደመጡ። የድሬ ማይክሮ ፋይናንስ ተቋም የስራ አመራር ቦርድ በተገኙበት የአፈፃፀም ሪፖርቱ በዝርዝር የቀረበ ሲሆን ተቋሙ የራሱ ህንጻ እንዲኖረው ማስቻል ፣ ለብድር የሚሆን የካፒታል ድጋፍ በዘላቂነት እንዲኖረው ትኩረት መስጠት ፣ የቴክኖሎጂ ጉዳይ (የራሱ ኮርባነኪንግ ሲስተም) እንዲኖረው ማስቻል በቀጣይ ትኩረት የሚሹ ጉዳዮች መሆናቸው ተነስተዋል፡፡ የድሬዳዋ አስተዳደር ከንቲባና የድሬ ማይክሮ ፋይናንስ ተቋም የቦርድ ሰብሳቢ ክቡር አቶ አብዱላሂ አደም አስተዳደሩ ተቋሙን በአደረጃጀትም ሆነ በሀብት አሰባሰብ ለመደገፍ ከመቼውም ጊዜ በላይ ዝግጁ መሆኑንና በከፍተኛ ቁርጠኝነት እንደሚሰራ ገልጸዋል፡፡

የጠቅላይ ሚኒስትር ዐቢይ አሕመድ (ዶ/ር) መልዕክት "ከአሜሪካ የውጭ ጉዳይ ሚኒስትር ማርኮ ሩቢዮ ጋር በሁለትዮሽ፣ በቀጣናዊ እና በባለብዙ ወገን የጋራ ትኩረትን በሚሹ ጉዳዮች ላይ እጅግ ፍሬያማ የሆነ የስልክ ውይይት አድርጌያለሁ። ያካሄድነው ውይይት በኢትዮጵያና በዩናይትድ ስቴትስ መካከል ያለውን እድሜ ጠገብ ወዳጅነት ወደ ላቀ ስትራቴጂካዊና ተግባራዊ አጋርነት ለማሳደግ በሁለቱም አገራት በኩል ያለውን ቁርጠኝነት ማረጋገጫ ነው። ዩናይትድ ስቴትስ ለኢትዮጵያ የምታደርገውን ቀጣይነት ያለው ድጋፍ በተመለከተ የሰጠችውን ማረጋገጫ እያደነቅኩ የሁለትዮሽ ትብብራችንን ለማጠናከር እንዲሁም በቀጣናዊና ባለብዙ ወገን መድረኮች ቅድሚያ በምንሰጣቸው የጋራ ጉዳዮች ላይ አብረን ለመሥራት ያለንን ቁርጠኝነት አረጋግጣለሁ።"

#ዜና የድሬዳዋ አስተዳደር ከንቲባ አቶ አብዱላሂ አደም የድሬዳዋ ብዙኃን መገናኛ ድርጅትን የ2018 በጀት ዓመት የዕቅድ ክንውን እና የ2019 በጀት ዓመት ስትራቴጂክ ዕቅድን ገመገሙ #DGC ጥቅምት4/2019 ከንቲባው በዛሬው የከሰዓት ውሏቸው ተቋሙ ባለፈው በጀት ዓመት ያከናወናቸውን ዋና ዋና ተግባራት፣ ያጋጠሙትን ፈተናዎች እና የተመዘገቡ ስኬቶችን በዝርዝር አድምጠዋል። በተጨማሪም የድሬዳዋ ብዙኃን መገናኛ ድርጅት በቀጣዩ የ2019 በጀት ዓመት የሕዝብና የመንግስትን ትስስር ይበልጥ ለማጠናከር፣ የአካባቢውን ልማትና መልካም አስተዳደር ለመደገፍ እንዲሁም ተደራሽነቱን ለማስፋት ያዘጋጀውን ስትራቴጂክ ዕቅድ ለከንቲባው አቅርቧል። ከንቲባ አብዱላሂ በቀረበው ዕቅድ ላይ መመሪያና አቅጣጫዎችን የሰጡ ሲሆን፣ ሚዲያው የነዋሪዎችን ድምፅ በማስተጋባትና ወቅታዊ መረጃዎችን ተዓማኒ በሆነ መልኩ በማድረስ በኩል ያለውን ሚና አጠናክሮ እንዲቀጥል አሳስበዋል። በኤደን ሳሙኤል ፎቶ:- አገኘሁ ሸዋረጋ ወቅታዊ ፣ ትኩስ እና የተሟሉ መረጃዎችን ለማግኘት፡- ድረ ገጽ፦ https://www.diredawacommunication.org ፌስቡክ፡- https://www.facebook.com/DGCOMU ዩትዩብ፦ https://www.youtube.com/@Direcommunication ቴሌግራም፦ https://t.me/DDGCAB ትዊተር፦ https://twitter.com/DawaOffice በመወዳጀት ይከታተሉን፡፡

#ዜና /በድሬዳዋ አስተዳደር ከወረዳ 01 (መልካ) ነዋሪዎች ጋር በልማትና በመልካም አስተዳደር ጉዳዮች ዙሪያ ሕዝባዊ ውይይት ተካሄደ #DGC ጥቅምት 4/2019 የድሬዳዋ አስተዳደር ከንቲባ አቶ አብዱላሂ አደን ከወረዳ 01 ነዋሪዎች ጋር “ታላቅ ሀገር፣ ታላቅ ሕዝብ፣ ታላቅ ራዕይ” በሚል መሪ ቃል፣ ከመደመር መንግስት ምስረታ ማግስት ከማህበረሰቡ ጋር ሰፊ ውይይት አካሂደዋል። በመድረኩም የወረዳው ወጣቶች በዙሪያው ካሉ ኢንደስትሪዎች የስራ እድል የማግኘት እድል ውስንነት ፣ የመንግስት ትምህርት ቤቶች የጥራት ጉድለት ፣ ከህዝብ ቁጥር መጨመር ጋር ተያይዞ የጤና ተቋማት አለመመጣጠን የመሰረተ ልማት መስፋፋት ጥያቄዎች ከነዋሪው ተነስተዋል። ክቡር ከንቲባው በማጠቃለያቸው የሕዝባዊ መድረኩ ዓላማ ከነዋሪዎች ጋር መተዋወቅ እንዲሁም ጥያቄና አስተያየት ማዳመጥ እንጂ ምላሽ መስጠት አለመሆኑን በመጥቀስ በቀጣይ ከነዋሪዎች የተነሱ ሀሳቦችን ከአስተዳደሩ አስፈፃሚ ምክር ቤት (ካቢኔ) ጋር በመምከር ዘላቂ መፍትሔ ለመስጠት የእቅዳቸው አካል አድርገው እንደሚሰሩ ተናግረዋል። በቀጣይም በተለያዩ ወረዳዎች ከሚገኙ የማህበረሰብ ክፍሎች ጋር የሚደረጉ ህዝባዊ ውይይቶች ተጠናክረው እንደሚቀጥሉም ታውቋል።

ደረሰ ሰዓቱ #ስፖርት : የኢትዮጵያ ሴቶች ብሄራዊ ቡድን ለ2028 ሎሳንጀለስ ኦሎምፒክ ማጣሪያ ከሩዋንዳ ብሄራዊ ብድን ጋር ዛሬ ጥቅምት 3/2019ዓ/ም ከሰአት 9:00 በድሬደዋ ኢንተርናሽናል ስቴዲየም በሚደረገው ጨዋታ ሁላችሁም ተጋብዛችውኃል። ሉሲያችንን እየደገፍን እናበረታታቸው። ኑ!! በእለተ ማክሰኞ ከሰዓት በኋላ ልክ በ9:00 ሰዓት ላይ - ቀጠሮአችን የድሬዳዋ ኢንተርናሽናል ስቴዲየም ይሁን። Lucy!!

#ዜና /የድሬዳዋ አስተዳደር ከንቲባ አቶ አብዱላሂ አደም በተገኙበት የድሬዳዋ አስተዳደር መንገዶች ባለስልጣን የስራ አፈጻጸም እና የፕሮጀክቶች ሂደት ላይ ያተኮረ የግምገማ ውይይት ተካሄደ #DGC ጥቅምት 3/2019 የህብረተሰቡን የረጅም ጊዜ የልማትና የመሰረተ-ልማት ጥያቄዎች መሰረት ያደረጉ ግዙፍ የመንገድ ፕሮጀክቶች ያሉበት ደረጃ ተገምግሟል። ከንቲባው እነዚህ ግዙፍ ፕሮጀክቶች ሳይስተጓጎሉ፣ በተቀመጠላቸው የጊዜ ሰሌዳ መሰረት እና ጥራታቸውን ጠብቀው እንዲጠናቀቁ የስራ ሂደቱ ይበልጥ መጠናከር እንደሚገባው አሳስበዋል። ከነዚህ ግዙፍ ፕሮጀክቶች ባሻገር በከተማዋ የተለያዩ አካባቢዎች እየተከናወኑ ያሉ የውስጥ ለውስጥ የመንገድ ጠረጋ ስራዎች እና የየአካባቢውን ደህንነትና ውበት የሚያረጋግጡ የጎዳና ላይ መብራት ገጠማዎች የስራ ሂደት በውይይቱ ላይ በዝርዝር ታይቷል። ህብረተሰቡ በቀጥታ ተጠቃሚ የሚሆንባቸው እነዚህ የውስጥ ለውስጥ መንገዶችና የመብራት ገጠማዎች ፈጣን ምላሽ እንዲያገኙ በትኩረት እንደሚሰራ ተገልጿል። አስተዳደሩ የመንገድ መሰረተ-ልማትን በማስፋፋት የነዋሪዎችን ማህበራዊና ኢኮኖሚያዊ ተጠቃሚነት ለማረጋገጥ ቁርጠኛ መሆኑን የገለጹት ከንቲባው፣ ባለስልጣን መስሪያ ቤቱ ያጋጠሙ ማነቆዎችን በመቅረፍ ስራዎችን በላቀ ፍጥነት ማከናወን እንዳለበት አቅጣጫ አስቀምጠዋል። በኤደን ሳሙኤል ፎቶ:- አገኘሁ ሸዋረጋ ወቅታዊ ፣ ትኩስ እና የተሟሉ መረጃዎችን ለማግኘት፡- ድረ ገጽ፦ https://www.diredawacommunication.org ፌስቡክ፡- https://www.facebook.com/DGCOMU ዩትዩብ፦ https://www.youtube.com/@Direcommunication ቴሌግራም፦ https://t.me/DDGCAB ትዊተር፦ https://twitter.com/DawaOffice በመወዳጀት ይከታተሉን፡፡ ዘወትር ከእኛ ጋር ስላሉ እናመሰግናለን! #ትልቅ_ሀገር #ትልቅ_ሕዝብ #ታላቅ_ርዕይ

#ዜና /"በከፍተኛ ሁኔታ ከማህበረሰቡ ጋር በመቀናጀትና በመናበብ በወረዳዎች የተጀመሩ የልማት ስራዎችን አጠናክሮ የማስቀጠል ስራ ይሰራል"፦የድሬዳዋ አስተዳደር ከንቲባ አቶ አብዱላሂ አደን #DGC ጥቅምት 3/2019 በድሬዳዋ አስተዳደር ወረዳ 06 “ታላቅ ሀገር፣ ታላቅ ሕዝብ፣ ታላቅ ራዕይ” በሚል መሪ ቃል፣ ከመደመር መንግስት ምስረታ ማግስት ከማህበረሰቡ ጋር ሰፊ ውይይት ተካሄደ። በመድረኩ ላይ የተገኙት የድሬዳዋ አስተዳደር ከንቲባ አቶ አብዱላሂ አደን፤ ባለፉት ዓመታት በአስተዳደሩ በተለያዩ ዘርፎች አበረታች ስራዎች መከናወናቸውን ገልፀው የዛሬው የውይይት በቀጣይ ጠንካራ አፈጻጸሞችን አጠናክሮ በማስቀጠልና ድክመቶችን በቁርጠኝነት በማስተካከል የሕዝቡን ፍላጎት ለማሟላት መሆኑን ተናግረዋል። ከንቲባ አብዱላሂ በከፍተኛ ሁኔታ ከማህበረሰቡ ጋር በመቀናጀትና በመናበብ በወረዳዎች የተጀመሩ የልማት ስራዎችን አጠናኮሮ የማስቀጠል ስራ እንደሚሰራ ተናግረው የወረዳ 06 ማህበረሰብ ተጠቃሚነትን ለማላቅ በቁርጠኝነት እንደሚሰራም አመላክተዋል። የወረዳ 06 ዋና አስፈፃሚ ወ/ሮ ቢፍቱ መሀመድ በበኩላቸው ይህ ህዝባዊ መድረክ በአስተዳደሩ በአገልግሎት፣ በመልካም አስተዳደር፣ በፍትህ፣ በሰላምና ፀጥታ ዘርፎች የተከናወኑ ተግባራትን ከራሱ ከነዋሪው አንደበት በመስማት ጥንካሬዎችን ለማስቀጠልና ድክመቶችን ለማረም ጠቃሚ ግብዓት የሚገኝበት መሆኑ ተገልጿል። በዚህም መሠረት የዕለቱ የውይይት ተሳታፊ ነዋሪዎች ከመሰረተ ልማት፣ ከመብራት፣ ከውሃ፣ ከውስጥ ለውስጥ መንገድ ግንባታ፣ ከትምህርት ቤቶች እና ከጤና ጣቢያዎች ማስፋፊያና ምቹነት አንፃር፣ ከጎዳና ተዳዳሪነትና ከሱሶች ጋር ተያይዞ፣ ከቀበሌ ቤቶች ፍትሀዊ ተጠቃሚነት አንፃር፣ ከወረዳ ፅዳትና ውበት እንዲሁም ከመልካም አስተዳደርና ከካሳ ክፍያ ጋር የተያያዙ ልዩ ልዩ አንኳር ጉዳዮችን አንስተው ውይይት ተደርጓል። ክቡር ከንቲባው በንግግራቸው ማጠቃለያ ከነዋሪዎች የተነሱትን ጥያቄዎችና ቅሬታዎች ለመፍታት በአካል በመውረድ ምልከታ እንደሚያደርጉ አመላክተዋል። በቀጣይም ከወረዳው ጽሕፈት ቤት ተገቢውን መረጃ በማደራጀት፣ የተቋቋሙ የመንደር ኮሚቴዎችን በማሳተፍና ከአስፈፃሚ አካላት ጋር በጋራ በመሆን ለዘላቂ መፍትሄው በትኩረት እንደሚሰሩ አስታውቀዋል። በኤደን ሳሙኤል ፎቶ:-አገኘሁ ሸዋረጋ ወቅታዊ ፣ ትኩስ እና የተሟሉ መረጃዎችን ለማግኘት፡- ድረ ገጽ፦ https://www.diredawacommunication.org ፌስቡክ፡- https://www.facebook.com/DGCOMU ዩትዩብ፦ https://www.youtube.com/@Direcommunication ቴሌግራም፦ https://t.me/DDGCAB ትዊተር፦ https://twitter.com/DawaOffice በመወዳጀት ይከታተሉን፡፡

የጠቅላይ ሚኒስትር ዐቢይ አሕመድ (ዶ/ር) መልዕክት "የኢትዮጵያ ሚቲዎሮሎጂ ኢንስቲትዩትን ለመጎብኘት ዕድል አግኝቼ ነበር፤ ተቋሙ የተሟላ የአየር ትንበያ አገልግሎት በመስጠት ለሀገሪቱ ልማትና አቅም ወሳኝ ሥራዎችን የሚያከናውን የረጅም ዘመን እድሜ ያለው ተቋም ነው። ‎ ‎ጉብኝቱ እየተለዋወጠ ያለውን የአየር ፀባይና የአየር ንብረት ሁኔታዎችን ለመረዳት እና ምላሽ ለመስጠት ያለንን አቅም ለማጠናከር ሚቲዎሮሎጂያዊ መረጃዎችን የመሰብሰብ፣ የሳይንሳዊ ምርምር እና የቴክኖሎጂ ዕድገት ያለውን የላቀ ጠቀሜታ ያረጋገጠ ሆኖ አግኝቸዋለሁ። ‎ ‎እንደ ኢትዮጵያ ሚቲዎሮሎጂ ኢንስቲትዩት ያሉ ተቋማትን ማጠናከር እጅግ አስፈላጊ ነው። ግብርና፣ ውሃ፣ ጤና፣ አቪዬሽን እና የአደጋ ሥጋት ሥራ አመራርን ጨምሮ ቁልፍ ዘርፎች የሚደገፉባቸውን አገልግሎቶች ለማሻሻል በሰው ኃይል አቅም ግንባታ፣ በዘመናዊ ቴክኖሎጂዎች እና በመረጃ መሠረተ-ልማት ላይ መዋዕለ-ንዋይ ማፍሰስ ወሳኝ ነው። በተለይም አደጋዎችን አስቀድሞ ለበተንበይ፣ የትኞቹ አካባቢዎች ላይ ጣልቃ ገብነት ይበልጥ እንደሚያስፈልግ ለመወሰን፣ እንዲሁም ወቅታዊና ውጤታማ በሆነ መንገድ እንድንቀሳቀስ ለማድረግ የቅድመ ማስጠንቀቂያ ሥርዓቶች ያላቸው ጠቀሜታ አበረታቶኛል። አስተማማኝ መረጃ ወደ ተግባራዊ መመሪያዎች ሲቀየር ሕይወትን ይታደጋል፣ ሐብትን ይጠብቃል፣ እንዲሁም የተሻለ ውሳኔ ለመስጠት ያግዛል። ‎ይህ ዓይነቱ ሥራ ከሳተላይት ምልከታ ያለፈ ነው። ሥራው መረጃዎች ተሰብስበው፣ ተቀናብረውና ተተንትነው ወቅታዊ እርምጃ ለመውሰድ እንዲያግዙ በመላ ሀገሪቱ ባሉ ጠንካራ የመረጃ መሰብሰቢያ ጣቢያዎች እና የመረጃ ማዕከላት መረብ ላይ ጭምር የተመሰረተ ነው። " "Inistitiyuutii Metiworooloojii Itoophiyaa daawwachuuf carraa argadheen ture. Dhaabbatichi tajaajila raaga qilleensaa guutuu kennuudhaan dhaabbata humna misoomaa biyyattiif hojiiwwan murteessaa ta'an hojjechuudhaan umurii bara dheeraa qabudha. Daawwannichaan haala qilleensaafi amala qilleensaa jijjiiramaa jiru ilaalchisee haalota hubachuufi deebii kennuudhaan humna qabnu cimsuudhaaf odeeffannoo meetiriiwooloojii funaanuun, qorannoon saayinsaawaafi guddinni teknooloojii faayidaa olaanaa qabu kan mirkaneesse ta'uu argeera. Dhaabbilee akka Inistitiyuutii Metiworooloojii Itoophiyaa jiran cimsuun baay'ee barbaachisaadha. Tajaajiloota dameewwan ijoo akka qonnaa, bishaan, fayyaa, aviyeeshiniifi hooggansi hojii yaaddoo balaa itti hirkatan fooyyessuuf ijaarsa dandeettii humna namaa, teknooloojiiwwan ammayyaafi misooma bu'uraa odeeffannoo irratti qabeenya ramadanii hojechuun murteessaadha. Keessaayyuu balaawwan dursanii tilmaamuuf, naannaawwan kamitti dafanii qaqqbuun caalaatti akka barbaachisu murteessuuf akkasumas karaa wayitawaafi bu'a-qabeessa ta'e akka sochoonu gochuuf faayidaa sirnoonni dursanii akeekkachiisuu qaban najajjabeesseera. Odeeffannoo amansiisaan gara qajeelfamoota qabatamaatti yoo jijjiiramu lubbuu baraara; qabeenya kunuunsa, akkasumas murtii fooyya'aa kennuuf gargaara. Hojiin akkasii saatalaayitii ilaaluu bira kan darbudha. Hojichi odeeffannoowwan funaanamanii, qindaawwaaniifi qaacceffamanii tarkaanfii wayitaawaa fudhachuuf akka gargaaran, buufatawwan funaansa odeeffannoofi man'ee giddugala odeeffannoo ciccimoo guutummaa biyyattiitti argaman irraattis kan hundaa'edha."

በተባበሩት መንግሥታት የልማት ፕሮግራም (ዩ.ኤን.ዲ.ፒ) በኢትዮጲያ ምክትል ዋና ተወካይ በሆኑት ወ/ሮ ቻሩ ቢስት የተመራ ልዑክ ድሬዳዋ ገባ ልኡክ ቡድኑ ድሬዳዋ አለም አቀፍ አየር ማረፊያ ሲደርስ በድሬዳዋ አስተዳደር ከንቲባ አቶ አብዱላሂ አደን እና በካቢኔ አባላት ደማቅ አቀባበል ተደርጎላቸዋል። ልኡኩ በቆይታው በተለያዩ የልማት ፕሮጀክቶች ላይ ጉብኝት የሚያደርግ ይሆናል።

“ሰንደቃችን የሁለንተናዊ ብልጽግናችን ከፍታ ማሳያ፤ የወል ትርክታችን ምልክት ነው” እናትዓለም መለሰ 19ኛው የኢትዮጵያ ሰንደቅ ዓላማ ቀን በመንግሥት ኮሙኒኬሽን አገልግሎት “ሰንደቅ ዓላማችን ለብሔራዊ መግባባት እና አንድነታችን!” በሚል መሪ መልእክት ተከብሯል። በመድረኩ የመንግሥት ኮሙኒኬሽን አገልግሎት ሚኒስትር እናትዓለም መለሰ እንደገለጹት፤ ሰንደቅ ዓላማችን የትናንት ማንነታችንን ከነገው የብልጽግና ርዕያችን ጋር ያጋመደ የአንድነታችን ትርክት ነው ብለዋል። ሚንስትሯ አክለውም የጋራ ማንነታችን የሆነው ሰንደቃችን በከፍታ እንዲውለበለብ ሁለንተናዊ ሉዓላዊነትን ለማረጋገጥ በሁሉም መስኮች በትጋት እና በሀገር ፍቅር ስሜት መሥራት እንደሚገባ አሳስበዋል። በሀገራችን ረጅም ታሪክ ውስጥ ሰንደቅ ዓላማችን በታላላቅ የድል ገድሎች፣ በውድ የህይወትና የላብ መስዋዕትነት የደመቀ ብሔራዊ መገለጫችን ነው ያሉ ሲሆን ፤የሀገራችንን ብሔራዊ ጥቅም እና ደኅንነት ለማስጠበቅ በየጦር ግንባሩ ከተከፈለው መስዋዕትነት ባሻገር፤ በስፖርታዊ መድረኮችም በጀግኖች አትሌቶቻችን አማካኝነት የሰንደቅ ዓላማችን ክብር እና ከፍታ ደጋግሞ ተንጸባርቋል ሲሉ አንስተዋል። የኢትዮጵያ ሰንደቅ ዓላማ በሁለንተናዊ ከፍታ ላይ እንዲውለበለብ ከእያንዳንዱ ኢትዮጵያዊ የጋራ ጥረትና ድል ይጠበቃል ያሉት ወ/ሮ እናታለም ዕዳን ለትውልድ ሳናሸጋግር የምግብ ሉዓላዊነትን ማረጋገጥ፣ የኢንዱስትሪ ምርታማነትንና ተወዳዳሪነትን ማሳደግ፣ የተፈጥሮ ሀብቶቻችንን በአግባቡ በመጠቀም ሁለንተናዊ ብልጽግናን ማረጋገጥ እና ብሔራዊ ጥቅማችንን ማስጠበቅ የሰንደቃችንን ከፍታ የሚያረጋግጡ ሀገራዊ ኃላፊነቶች ናቸው ብለዋል። የመንግስት ኮሙኒኬሽን አገልግሎት