Тимурдан Инфо | it&tech

Обшым… Бүкіл АҚШ-тың ІТ мамандары қазір Google неліктен Python департаментін жұмыстан шығарғанын талқылап жатыр. Ал Реддиттегі мына посты жазған Томас Уоутерс атты инженер өздерінің жалпы немен айналысқанын жазып шығыпты. Өте қысқа-нұсқа айтқанда, қызметкерлерге саппорт жасаған, кітапханаларды жаңартумен, патчиң жасаумен және басқа тілдегі кодтарды рефакториң жасаумен айналысқан. Толығырақ суреттен оқып аларсыздар. Себеп? Себебін ешкім білмейді. Белгілісі: Питон командада 10-шақты адам ғана жасағаны. Ал техноөсек бойынша, 1) Гугл қымбат инженерлерді жұмыстан шығарып, орнына басқа жерден арзанырақ жұмыс күшін жинақтап жатыр (Мысалы, Мюнихке, Германия департаментті көшіруі мүмкін) 2) Жасанды интеллектке тапсырғалы жатқан болуы мүмкін 3) Rust немесе Go тілдеріне басымдық берілуі мүмкін. 4) Тағы сол сияқты қауесеттер. Нақтысын ешкім білмейді. Гуглдің өзі де ашық ештеңе айтпаған. Тек қана “Команда тұтас, тіпті бастығыңа дейін жұмыстан босатылдыңдар” деген екен.

Google компаниясы өзінің Python бағдарламашылар департаментін тұтас таратып жіберді деген #техноөсек бар

Wow🔥 Бүгін мен 32 bit float-ты 8 бит integer-ге мәппиң жасау арқылы, үлкен тілдік модельдің салмағын 4х-ке дейін сығуға болатынын білдім. Өзім үшін уау жаңалық болды!

РОБОТИКАНЫҢ ӘКЕСІ: ИСМАИЛ әл-ЖАЗАРИ (1136-1206) Исмаил әл-Джазари полимат болды: Месопотамиядағы Жазира Артукидтер әулетінен шыққан ғалым, өнертапқыш, инженер-механик, қолөнерші, суретші және математик. 'The Book of Knowledge of Ingenious Mechanical Devices' — Исмаил жазған ортағасырлық араб кітабы. Джазари XII ғасырда сағаттар, су көтергіш машиналар (қазіргіше айтқанда, сусорғылар), музыкалық автоматтар және гуманоид роботтар сияқты елуден астам механикалық құрылғылар мен автоматтар туралы сипаттаған. Әл-Джазари әр құрылғыны құрастыру бойынша егжей-тегжейлі нұсқаулар береді және анекдоттар мен тарихи сілтемелерді қамтиды. Кітап еуропалық сағат жасау өндірісі мен автоматика дамуына айтарлықтай әсер етті және ол ортағасырлық кезеңдегі ислам әлеміндегі күнделікті өмір мен технологиялық жаңалықтар туралы түсінік береді. Оның бұл кітабы қазіргі заманғы робототехниканың негізгі тұжырымдамаларына әсер еткен. Міне, мұсылман ата-бабамыздың біз біле жүру керек тарихы осындай.

Осыдан 20-23 жыл бұрын болмаған, бүгінде оларсыз өмірімізді елестету қиын технологиялар: iPhone iPod Facebook YouTube Twitter Instagram Android Bitcoin Tesla TikTok iPad Gmail WhatsApp Shopify Netflix streaming Snapchat Zoom Chrome Etsy Twitch Google Maps Amazon Prime Airbnb Uber Dropbox LinkedIn Reddit Square SpaceX ChatGPT

Көпшілігі, әсіресе, техникадан алыс адамдар ұқпайтын бір нәрсе бар. “Неліктен Тимур шетелдік техножаңалықтарды сала береді” дейді. Былай қарағанда жауабы айдан анық. Алайда, әлеуметтік желідегі әртүрлі айқай тақырыптан басы қатып жүрген адамдар сол қарапайым ойдың жетегінен айрылып қалады. Техножаңалықтарды салудағы себебім - сіздерге идея беру. “Солай да жасауға болады екен ғой?” деген ой тастау. Естеріңізде болсын. Әлемдегі барлық техникалық жетістік - қайталаудан, идея ұрлаудан, оны жетілдіруден, өзіңе қарай икемдеуден басталады. Хенри Форд автомобиль шығарғанда, ол өте қымбат болған. Сондықтан, немістер Volkswagen яғни Фолкс Вагон, яғни “Бұқараға арналған көлік” дегенді шығарған. Идея біреудікі, оны орындау - немісше. Xerox - қазіргі дербес компьютерлердің прототипін жасаған. Оны Стив Джобс ұрлап, Макинтош деген әлемдегі ең тұңғыш, ең заманауи компьютер жасап шығарды. Одан Билл Гейтс ұрлап, Windows операциялық жүйесін жасады. Ал Xerox - әлем қолданатын операциялық жүйе жасау туралы ойланбаған да еді. Intel - микропроцессор жасаушы. Ал график бағдарламаларға есептеу жүйесі үшін CPU емес GPU қажет екендігін ұққан Nvidia видеографик жасауды қолға алды. Әлемді Nokia мен Blackberry билеп-төстеп тұрғанда, адамдарға заманауи мобайл операциялық жүйе қажеттігін ұққан жігіттер Android жасап шығарды. Ал Instagram мен Snapchat әлеуметтік желінің монстрлары болған кезде, ең басты жетістік алгоритмде екенін ұққан ByteDance TikTok жасап шықты. Осылай жалғаса береді. Ал енді заман ЖИ дәуірінде тұр. Демек, алпауыт компаниялар ЖИ модельдерін жасап жатқанда, оның мүмкіндігін пайдаланатын қосымша жасау - сіз бен біздің иелігімізде. Сондықтан, жаңалықты пайдаға асыру жағынан оқыңыздар. Ок?✊

Llama 3 шықты ІТ туралы жаңалықтарды 15 жылдан бері жариялап келемін. Сол кезде, 5 жыл бұрынғы, 10 жыл бұрынғы ІТ жаңалықтарды да қазақша аударып, түсіндіріп, технологиялық жетістік ретінде жеткізе беруші едім. Өйткені, расында солай болатын. Бір техножаңалық шықса, оның жаңалыққа татитын күші жылдарға жететін. Ал қазір… Қазір жасанды интеллект даму қарқыны сондай қуатты, 5 жыл тұрмақ, 5 күн бұрын шыққан дүние де жаңалық болмай қалып жатыр. Оның үстіне, жаңалықтардың өзін уақытында айтып отыру мүмкін болмай бара жатыр. Өйткені, тым жедел даму үстінде. Обшым, Meta өзінің ашық көз Llama3 моделін жариялады. Ол Instagram, Messenger, Facebook, WhatsApp - барлығына кіріктірілмек. Мәселен, АҚШ-та тұратын адам ретінде Facebook мобайл әппта бізге шығып үлгерді. Бұл интеграция барлық елдерге тарала қоймады. Бірақ, қосылған санаулы елдердің ішінде Пәкістан да бар.

Жұмыс пен өмірде керек болатын нәрсені Яндекс Практикуммен тегін үйреніп алыңыз. Мұнда өзіңізді әр түрлі ІТ-мамандықта байқап көріп, практикалық дағды алуға көмектесетін курстар бір бетте жиналған. Бағдарлама жасақтау, деректерді талдау, маркетинг, менеджмент пен дизайн бойынша 17 түрлі курс. Одан өту 2 сағаттан 20 сағатқа дейін уақыт алады. Мысалы, Java негіздерін оқуға, сынақшыларды іздеу мен жалдауды үйренуге, тағам фестиваліне арналған плакат дизайнын жасауға және тағы басқа нәрселерді байқап көруге болады. Егер ақпарат қызық болса, толығырақ сілтемеге өтіңіз 👇👇👇 Жан-дүниеңізге сай курсты таңдап, өзіңізді түрлі мамандықта байқап көріңіз!