ک.د.ئازاد (شیعر)

نیشتمانێک ئاوەدانە کە ئازادی لێی میوانە! #ک_د_ئازاد @azadbane

نە ئایین کۆی کردینەوە ـ لە دەورەی یەک ـ نە سیاسەت نە دەسەڵات! هۆی یەکیەتیمان، یەک شتە: خۆشەویستی ‌خاک‌ و‌ وڵات! #ک_د_ئازاد @azadbane

هەموو خاکی ئەم نیشتمانە نوێژگەیە هیچ ناپاکێ ڕوو نەکاتە ئەم ڕووگەیە! #ک_د_ئازاد @azadbane

خۆشەویستی یانی دڵێک پڕ لە خۆشەویستی بێ‌گرێ دوور لە جەستەی تۆ ترپەی بێ! #ک_د_ئازاد @azadbane

چاوەکانی وەک لشکری چەنگیزخانە ڕوو دەکاتە هەر لایەنێ دەیکاتە نۆغرۆ و وێرانە! #ک_د_ئازاد @azadbane

کۆکەنە ئەم قەڵەمە! عاشق و یاخی و بە خەمە لەم وڵاتە کە گڵی شیرن و شۆکە و شەکەرە! #ک_د_ئازاد @azadbane

زۆربەی باوکان ترس بە میرات جێ دێڵن بۆ مناڵ و نەوەکانیان من نامهەوێ نەوەکەی من ترسی هەبێ لە گەڕی خایین و دوژمن! #ک_د_ئازاد @azadbane

من و باران بووینە هاوڕێ من نم‌نمە گەڵای پایز دەنووسمەوە و ئەو بە پڕتاو بە سەر دەفتەری شێعرم دا دەبارێنێ! #ک_د_ئازاد @azadbane

دوژمن زۆرە و بێ پەروایە من هەر تەنیا چەکی شێعرم لە دەست دایە! #ک_د_ئازاد @azadbane

خووم پێ گرتووی! وەکوو برین، بە تیژایی دەمی خەنجەر! وەک کوردستان، بە ستەمگەر! #ک_د_ئازاد @azadbane

تفەنگ، ئیتر خۆشی ناوێم لەو ڕۆژەوە کە بە زمانی وشە دەدوێم! #ک_د_ئازاد @azadbane

دەت شارمەوە لە دەنگۆی شار لە پەنجەرەکانی جاسووس لەو قەڵەمانەی گش ڕۆژێ ڕاپۆرت دەدەن؛ لە شەماڵی بێ پاسپۆرت و لە شێعری یاخی لە مەرگ و لە خاکی بە بێ ناسنامە و لە چیاکانی کوردستان! #ک_د_ئازاد @azadbane

تەزبێح لە ناو دەستم دایە لێو ورتەی ئەڵڵا ئەڵڵایە هۆش و زەینم واوەیلایە دڵم هەی لەیلا لەیلایە! #ک_د_ئازاد @azadbane

لێوەکانی تۆ لێم دوورە و بۆیە سیگار بە بێ پەروا مژ لە لێوەکانی من دەدا! #ک_د_ئازاد @azadbane

سەرۆک کۆمار! دەکرێ ساڵێک وەک من بژی و بێیە بانە ئەوسا ڕەنگە لێت حاڵی بێ بە سکی تێرە قسە کردن زۆر ئاسانە! #ک.د.ئازاد @azadbane

خۆشەویستیت زستانێکە پڕ لە وەیشوومە و کارەسات من لە بنەماڵەی پووشپەڕم چۆن بێم بۆلات؟ #ک_د_ئازاد @azadbane

وەکوو نامەی ماڵئاوایی؛ پایز پڕە: لە فرمێسک و خەم و ئازار و تەنیایی! #ک_د_ئازاد @azadbane

زامەکانی پێشووی خۆتم پێ نیشان دە تا لەمەولا منیش فێر بم تا چ ڕادە خۆشم بوێی! #ک_د_ئازاد @azadbane

یاخی هەرگیز لە نوێنی خۆیدا نامرێ تەنانەت کاتی گەمارۆی ئازار و خەم مەگەر ملشۆڕ کا بۆ ستەم! #ک.د.ئازاد @azadbane