HOP Ministry

#ሌላ_መንገድ_የለም! እግዚአብሔርን ለማክበር፣ እንደ እግዚአብሔር ፈቃድ ለመኖር እና ዘመኑን የዋጀ አገልግሎት ለማገልገል፣ እግዚአብሔርን ለመስማት፣ የመንፈስ ቅዱስ መገልገያ ለመሆን፦ ወደ እግዚአብሔር ከመቅረብ፣ ሳያቋርጡ እግዚአብሔርን ከመከታተል፣ በየዕለቱ በሚጨምር የእግዚአብሔር ረሃብና ናፍቆት ከመሞላት ውጪ #ሌላ_መንገድ_የለም! እግዚአብሔርን የፈለጉት ሲያገኙት፣ ደጁን ለጠኑት ዘንበል ሲልላቸው፣ መዝጊያውን ያንኳኩ ሲከፈትላቸው አይተናል። በእግዚአብሔር ዓለም ውስጥ የሚሰነብት የእርሱ የቅርብ፣ የልብ ወዳጅ ለመሆን ወደ እርሱ ከመቅረብ፣ አብዝቶ ወደ ልቡ ከመጠጋጋት፣ እርሱን ተግቶ ከመፈለግ ውጪ #ሌላ_አቋራጭ_መንገድ_የለም! ✍️ መክሊት አየለ 📆 September 6, 2024 #HOPMinistry #HearObeyPractice #DailyDevotional

ከሚያስጨንቀን ነገር፣ ከምናልፍበት ከባድ ሁኔታ በላይ የሚናገረን፣ የሚያጽናናን የእግዚአብሔር ድምጽ፤ እርሱ የሰጠን ቃል ኪዳን ይበልጣልና እግዚአብሔርን መስማት ይሁንልን!! ዘጸአት 6 (አዲሱ መ.ት) ¯¯¯¯¯¯¯¯¯¯ ⁶ “ስለዚህ ለእስራኤላውያን እንዲህ በላቸው፤ ‘እኔ እግዚአብሔር (ያህዌ) ነኝ፤ ከግብፃውያን ቀንበር አወጣችኋለሁ። ለእነርሱ ባሪያ ከመሆን ነጻ አወጣችኋለሁ፤ በተዘረጋች ክንድና በታላቅ ፍርድ እቤዣችኋለሁ። ⁷ “የራሴ ሕዝብ አደርጋችኋለሁ፤ እኔም አምላክ (ኤሎሂም) እሆናችኋለሁ ከግብፃውያን ቀንበር ያላቀቅኋችሁ እኔ እግዚአብሔር አምላክ (ያህዌ ኤሎሂም) መሆኔንም ታውቃላችሁ። ⁸ ከዚያም ለአብርሃም፣ ለይስሐቅ፣ ለያዕቆብ እሰጣችኋለሁ ብዬ ወደማልሁላቸው ምድር አመጣችኋለሁ፤ ርስት አድርጌ እሰጣችኋለሁ። እኔ እግዚአብሔር (ያህዌ) ነኝ።’ ” ⁹ ሙሴ ይህን ለእስራኤላውያን ነገራቸው፤ ተስፋ ከመቍረጣቸውና ከአስከፊ እስራታቸው የተነሣ ግን አላዳመጡትም። #HOPMinistry #HearObeyPractice #DailyDevotional

1ኛ ቆሮንቶስ 9 (አዲሱ መ.ት) ¯¯¯¯¯¯¯¯¯¯ ²⁴ በሩጫ ውድድር የሚሮጡ ብዙዎች እንደሆኑ፣ ሽልማቱን የሚቀበለው ግን አንዱ ብቻ እንደሆነ አታውቁምን? ስለዚህ ሽልማቱን እንደሚቀበል ሰው ሩጡ። ²⁵ ለውድ ድር የሚዘጋጅ ማንኛውም ሰው በሁሉም ነገር ራሱን ይገዛል፤ እነርሱ ዐላፊ ጠፊ የሆነውን አክሊል ለማግኘት ይደክማሉ፤ እኛ ግን ለዘላለም የማይጠፋውን አክሊል ለማግኘት እንደክማለን። ²⁶ ስለዚህ እኔ ግብ እንደሌለው ሰው በከንቱ አልሮጥም፤ ደግሞም ነፋስን እንደሚጐስም ሰው እንዲያው አልታገልም፤ ²⁷ ነገር ግን ለሌሎች ከሰበክሁ በኋላ እኔ ራሴ ውድቅ ሆኜ እንዳልቀር፣ ሰውነቴን እየጐሰምሁ እንዲገዛልኝ አደርገዋለሁ። #HOPMinistry #HearObeyPractice #DailyDevotional

“እግዚአብሔር ለእስራኤል ቤት እንዲህ ይላል፤ “እኔን ፈልጉ፤ በሕይወትም ትኖራላችሁ።””   — አሞጽ 5፥4 (አዲሱ መ.ት) “እግዚአብሔርን ፈልጉ፤ በሕይወትም ትኖራላችሁ፤ ”   — አሞጽ 5፥6 (አዲሱ መ.ት) #HOPMinistry #HearObeyPractice #DailyDevotional

ለመመዝገብ ሊንክ ያስቸገራችሁ ይህንን አዲስ ሊክን መጠቀም ትችላላችሁ https://docs.google.com/forms/d/17AC_3UJHS-Efr_hQu8UlXQU1lyNWC6ZgkjYJR4Ehmas/viewform

የጌታ ጸጋ ከሁላችሁም ጋር ይሁን! እግዚአብሔር ረድቶን "ህማማት እና ትንሳኤ" በሚል ርዕስ በመጋቢ ሔኖክ አፈወርቅ የሚሰጥ ሁለተኛ ሴሚናር አዘጋጅተናል። ትምህሩት ቅዳሜ ነሐሴ/23 2018 ዓ.ም ከጠዋቱ 03፡00 ጀምሮ በኢቫንጀሊካል ቲዮሎጂካል ኮሌጅ Room 106 ይሰጣል። ለመካፈል የምትፈልጉ ከታች ባለው google form በነጻ እንድትመዘገቡ እንጋብዛለን። መመዝገቢያ ፎርም https://tinyurl.com/bdf83es5 ማሳሰቢያ፦ > ያለን ቦታ አነስተኛ ስለሆነ ቀድመው ይመዝገቡ > ከተመዝጋቢዎች ውጪ የማናስተናግድ መሆኑን እንገልጻለን > የምሳና የሻይ ወጪ በፕሮግራሙ አዘጋጆች ይሸፈናል > ሲመጡ መጽሐፍ ቅዱስ እና ማስታወሻ ይዘው መምጣት አይርሱ። > ተመዝጋቢዎች በሰዓቱ መገኘት ይኖርባችኋል።

ጌታ ቸር መሆኑን ቀምሶ ያየ ሰው፣ አንዴ በእርሱ የተነካ ሰው፣ ወደ እርሱ በመጠጋት እግዚአብሔርን ያየ ሰው ይበልጥ በእርሱ ለመነካት፣ ለመዳሰስ፣ ከቀረበው በላይ እርሱን ለመቅረብ፣ ሁሉን ትቶ እርሱን ለመከተል ይፈጥናል እንጂ ወደ ኋላ አያፈገፍግም። ምክንያቱም የተነካበት መነካት፣ የቀመሰው የጌታ መልካምነት ከእርሱ ጋር የሚያሰነብት እንጂ ጊዜያዊ አይደለም። በእግዚአብሔር የተነኩ ሰዎች፣ እግዚአብሔር ወዳጆቼ የሚላቸው ሰዎች በምድር የሚኖሩ የሰማዩ አምላክ ወዳጆች ናቸው፤ በምድር ሆነው በሰማይ ያለውን የእርሱን ፈቃድ በምድር ለማድረግ ይተጋሉ፤ የሰማዩ አምላክም ወዳጆቹ ናቸውና ፈቃዱን ለእነርሱ ከመግለጥ፣ የልቡንም አሳብ በእነርሱ ከማኖር ወደኋላ አይልም። ✍️ መክሊት አየለ 📆 August 24, 2024 #HOPMinistry #HearObeyPractice #DailyDevotional

2ኛ ጢሞቴዎስ 3 (አዲሱ መ.ት) ¯¯¯¯¯¯¯¯¯¯ ¹⁶ ቅዱሳት መጻሕፍት ሁሉ የእግዚአብሔር መንፈስ ያለባቸው ናቸው፤ ለማስተማር፣ ለመገሠጽ፣ ለማቅናት በጽድቅም መንገድ ለመምከር ይጠቅማሉ፤ ¹⁷ ይኸውም የእግዚአብሔር ሰው ለመልካም ሥራ ሁሉ ብቁ ሆኖ እንዲገኝ ነው። #HOPMinistry #HearObeyPractice #DailyDevotional

ዳንኤል 3 (አዲሱ መ.ት) ¯¯¯¯¯¯¯¯¯¯ ²⁸ ከዚያም ናቡከደነፆር እንዲህ አለ፤ “መልአኩን ልኮ አገልጋዮቹን ያዳነ፣ የሲድራቅ፣ የሚሳቅና የአብደናጎ አምላክ ይባረክ፤ በእርሱ በመታመን የንጉሡን ትእዛዝ ጥሰው፣ ከአምላካቸው በቀር ሌላ አምላክ ለማገልገልም ሆነ ለእርሱ ለመስገድ ፈቃደኛ ባለመሆን ሕይወታቸውን አሳልፈው ሰጥተዋልና። ²⁹ ስለዚህ እንደዚህ የሚያድን ሌላ አምላክ የለምና በሲድራቅ፣ በሚሳቅና በአብደናጎ አምላክ ላይ ማናቸውንም ቃል የሚናገሩ ሕዝቦችም ሆኑ ልዩ ልዩ ቋንቋ የሚናገሩ ሁሉ ይቈራረጣሉ፤ ቤቶቻቸውም የፍርስራሽ ክምር ይሆናሉ ብዬ አዝዣለሁ።” #HOPMinistry #HearObeyPractice #DailyDevotional