O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi

🇺🇿 Yengil sanoat tarmog‘ida faoliyat yuritayotgan tadbirkorlar uchun belgilangan soliq imtiyozlari haqida muhim eslatmalar.

🟠 Charm-poyabzal va mo‘ynachilik sohasi 2029-yil 1-yanvarga qadar charm-poyabzal va moʻynachilik sohasi korxonalari, shuningdek, chorva mollarini soʻyish va terini qayta ishlovchi tashkilotlar quyidagi soliqlarni toʻlashdan ozod etildi: - foyda soligʻi (imtiyoz kodi — 104079); - mol-mulk soligʻi (imtiyoz kodi — 104081); - yer soligʻi (imtiyoz kodi — 104082); - aylanmadan olinadigan soliq (imtiyoz kodi — 104080). 📌 Asos: PF-4 12.01.2026-yil.

🟠 Ipakchilik va ipak sanoati 2029-yil 1-yanvarga qadar pilla yetishtiruvchilar quyidagi soliqlarni toʻlashdan ozod etildi: - jismoniy shaxslardan olinadigan daromad soligʻi (imtiyoz kodi — 104203), ularga ish haqi toʻlovlarini amalga oshiruvchi shaxslar esa ijtimoiy soliqni toʻlashdan ozod etildi (imtiyoz kodi — 104204). 📌 Asos: PQ-370 09.12.2026-yil.

Shuningdek, 2026-yil 1-yanvardan 2029-yil 1-yanvarga qadar: - pillachilik klasterlari mol-mulk soligʻidan (imtiyoz kodi — 104529) va yer soligʻidan (imtiyoz kodi — 104530) ozod etildi; - ipakchilik korxonalari uchun foyda soligʻi stavkasi 2 foiz miqdorida belgilandi (imtiyoz kodi — 104531); - ipak matolari va ipakdan tayyor mahsulotlar ishlab chiqarishni joriy qilgan korxonalar uchun ijtimoiy soliq stavkasi 1 foiz miqdorida belgilandi (imtiyoz kodi — 104532). 📌 Asos: PQ-87 06.03.2026-yil.

🟠Mazkur soliq imtiyozlaridan foydalanish uchun tadbirkorlik subyektlari soliq to‘lovchining shaxsiy kabineti orqali tegishli murojaatni yuborishlari zarur. 🟠Yengil sanoat sohasidagi tadbirkorlar uchun yaratilayotgan imtiyoz va imkoniyatlardan samarali foydalaning! 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Namangan viloyatiga xizmat safari davomida hududdagi yengil sanoat korxonalari faoliyati bilan tanishdi. 🟠Tashrif davomida Namangan shahri, To‘raqo‘rg‘on va Chust tumanlarida faoliyat yuritayotgan korxonalarning ishlab chiqarish jarayonlari, mavjud quvvatlardan foydalanish samaradorligi, mahsulot turlari hamda kelgusidagi rivojlanish istiqbollari o‘rganildi. 🟠Jumladan, “Aisha Home Textile”, “Art soft teks”, “Nafis Charm”, “Grand Charm Poyabzallari”, “Runam Textil” va “Chust Textil” korxonalarida ishlab chiqarish faoliyati ko‘zdan kechirilib, korxona rahbarlari bilan mavjud masalalar va ularni hal etish bo‘yicha fikr almashildi. 🟠Shuningdek, Davlatobod va To‘raqo‘rg‘on tumanlarida kambag‘allikni qisqartirish hamda aholi daromadlarini oshirish bo‘yicha tashkil etilgan shtablar faoliyati o‘rganildi. 🟠Tashrif davomida hududdagi yengil sanoat korxonalarining ishlab chiqarish va eksport salohiyatini oshirish, yangi ish o‘rinlarini yaratish, mavjud imkoniyatlardan samarali foydalanish hamda tadbirkorlarni qo‘llab-quvvatlash masalalariga alohida e’tibor qaratildi. 🟠Yengil sanoatni hududlarda rivojlantirish — yangi ishlab chiqarish, yangi ish o‘rinlari va aholi farovonligini oshirish uchun muhim omildir. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 Bu — shunchaki sanoat emas. Bu — insonlar, imkoniyatlar va kelajak. 🟠Yengil sanoatni rivojlantirish — yangi ishlab chiqarishlarni yo‘lga qo‘yish bilangina cheklanmaydi. Bu tadbirkorni qo‘llab-quvvatlash, yangi ish o‘rinlari yaratish va oilalar farovonligiga xizmat qiladigan imkoniyatlarni kengaytirishdir. 🟠Yengil sanoatni rivojlantirish agentligi — tadbirkor va ishlab chiqaruvchi bilan bir safda. Bugun yaratilgan imkoniyat — ertangi O‘zbekiston taraqqiyotining poydevori. 🇺🇿 Imkoniyatni ko‘paytiramiz. Ishonchni mustahkamlaymiz. Kelajakni birga quramiz. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 2026-yil 7-sentabr kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktorining birinchi o‘rinbosari Baxtiyor Muxammadsaidov Turkiyaning "Islamoğlu Tekstil" kompaniyasi vakillari o'rtasida uchrashuv bo'lib o'tdi. 🟠Muloqot davomida O‘zbekiston va Turkiya o‘rtasida yengil sanoat sohasidagi hamkorlikni yanada rivojlantirish, yangi loyihalarni amalga oshirish hamda ikki tomonlama aloqalarni kengaytirish masalalari muhokama qilindi. 🟠Shuningdek, Afg‘oniston bozori uchun mato va uy tekstili mahsulotlarini O‘zbekistonda ishlab chiqarish hamda ushbu mahsulotlarni Afg‘oniston bozoriga eksport qilish imkoniyatlari ko‘rib chiqildi. 🟠Turkiya kompaniyasining O‘zbekistonda ishlab chiqarishni tashkil etishi, mahalliy korxonalar bilan hamkorlik qilishi va mavjud ishlab chiqarish quvvatlaridan foydalanish imkoniyatlariga alohida e’tibor qaratildi. 🟠Shu bilan birga, tomonlar O‘zbekistonning qulay geografik joylashuvidan foydalanib, Markaziy Osiyo, MDH va Afg‘oniston bozorlariga mahsulot yetkazib berish istiqbollarini ham muhokama qildilar.

🟧Ma’lumot uchun: "Islamoğlu Tekstil" kompaniyasi 2004-yilda tashkil etilgan bo‘lib, Turkiyaning Istanbul shahri, Bayrampasha tumanida faoliyat yuritadi. Kompaniya joynamoz, gilam va mebel matolari ishlab chiqarishga ixtisoslashgan. 🟧Korxonaning yillik ishlab chiqarish quvvati: — 8 mln dona joynamoz; — 5 mln m² mebel matosi; — 4 mln m² baxmal gilam mahsulotlarini tashkil etadi. 🟠Kompaniya o‘z mahsulotlarini 42 ta mamlakatga, jumladan, MDH, Yevropa va arab davlatlari bozorlariga eksport qiladi.

🟠Uchrashuv yakunida tomonlar O‘zbekistonda mato va uy tekstili mahsulotlarini ishlab chiqarish, shuningdek, Afg‘oniston va boshqa tashqi bozorlarga eksport qilish bo‘yicha hamkorlik imkoniyatlarini chuqur o‘rganish hamda kelgusida ushbu yo‘nalishda amaliy ishlarni davom ettirishga kelishib oldilar. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 2026-yil 15–17-sentyabr kunlari Surxondaryo viloyatidagi “Termiz xalqaro savdo markazi” erkin savdo zonasida O‘zbekiston–Afg‘oniston yengil sanoat mahsulotlari ko‘rgazmasi bo‘lib o‘tadi. 🟠Ko‘rgazmada Afg‘oniston kompaniyalari, ishlab chiqaruvchilari, ishbilarmon doiralari vakillari hamda xaridorlari (buyerlar) ishtirok etishi rejalashtirilgan. 🟠Shu munosabat bilan, Afg‘oniston kompaniyalari bilan savdo va ishlab chiqarish kooperatsiyasini yo‘lga qo‘yishdan manfaatdor bo‘lgan O‘zbekistonning yengil sanoat sohasidagi ishlab chiqaruvchi va eksportyor korxonalari ko‘rgazmada ishtirok etishga taklif etiladi. 🟠Xususan, to‘qimachilik va trikotaj mahsulotlari, mato, tayyor kiyim-kechak, maxsus va ish kiyimlari, paypoq mahsulotlari, gilamlar, charm va charm mahsulotlari, poyabzal hamda boshqa yengil sanoat mahsulotlari ishlab chiqaruvchi korxonalar uchun tadbir yangi hamkorlik aloqalarini o‘rnatish imkonini beradi. 🟠Ko‘rgazma doirasida O‘zbekiston va Afg‘oniston tadbirkorlari o‘rtasida B2B uchrashuvlar, biznes-muloqotlar, muzokaralar va taqdimotlar tashkil etiladi. 💬 Uchrashuvlar doirasida quyidagi yo‘nalishlarda hamkorlik imkoniyatlari muhokama qilinadi: — yangi xaridor va hamkorlarni jalb qilish; — eksport shartnomalarini tuzish; — mahsulotlarni o‘zaro yetkazib berishni yo‘lga qo‘yish; — qo‘shma ishlab chiqarish loyihalarini amalga oshirish; — investitsiyalarni jalb etish; — eksport-import operatsiyalarini kengaytirish. 📞 Ishtirok etish va qo‘shimcha ma’lumot uchun: Narzikulov Sirojiddin (+998 90 917 20 18) ———— 🇺🇿 15–17 сентября 2026 года в свободной торговой зоне «Международный торговый центр Термез» Сурхандарьинской области состоится выставка продукции лёгкой промышленности Узбекистана и Афганистана. 🟠В выставке планируется участие афганских компаний, производителей, представителей деловых кругов, а также покупателей (байеров). 🟠В этой связи узбекские предприятия-производители и экспортёры в сфере лёгкой промышленности, заинтересованные в налаживании торгового и производственного сотрудничества с компаниями Афганистана, приглашаются к участию в выставке. 🟠В частности, мероприятие предоставит новые возможности для установления деловых связей предприятиям, производящим текстильную и трикотажную продукцию, ткани, готовую одежду, специальную и рабочую одежду, чулочно-носочные изделия, ковры, кожу и кожаные изделия, обувь и другую продукцию лёгкой промышленности. 🟠В рамках выставки между предпринимателями Узбекистана и Афганистана будут организованы B2B-встречи, деловые переговоры и презентации. 💬 В ходе встреч планируется обсудить возможности сотрудничества по следующим направлениям: — привлечение новых покупателей и партнёров; — заключение экспортных контрактов; — налаживание взаимных поставок продукции; — реализация совместных производственных проектов; — привлечение инвестиций; — расширение экспортно-импортных операций. 📞 Для участия и получения дополнительной информации: Нарзикулов Сирожиддин (+998 90 917 20 18) 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 O‘zbekiston Respublikasi Vazirlar Mahkamasining 2026-yil 12-avgustdagi 438-son “Yengil sanoat korxonalariga qayta tiklanuvchi energiya manbalari qurilmalarini xarid qilish va o‘rnatish uchun tijorat banklari orqali kredit ajratishga resurslarni joylashtirish tartibi to‘g‘risidagi nizomni tasdiqlash haqida”gi qarori qabul qilindi. 🟠Mazkur qaror Prezidentimizning 2026-yil 12-yanvardagi PF–4-son Farmoni ijrosi doirasida yengil sanoat korxonalarini qo‘llab-quvvatlash, sohada qayta tiklanuvchi energiya manbalaridan foydalanishni kengaytirish, energiya sarfini kamaytirish, ishlab chiqarish samaradorligini oshirish hamda mahalliy mahsulotlarning raqobatbardoshligini yuksaltirish maqsadida qabul qilindi. 🟠Qaror bilan bir qatorda Yengil sanoatni qo‘llab-quvvatlash jamg‘armasi mablag‘lari hisobidan korxonalarga moliyaviy yordam ko‘rsatishning qo‘shimcha mexanizmlari ham belgilandi. 🟠Quyida mazkur qaror asosida yengil sanoat korxonalariga taqdim etiladigan moliyaviy ko‘mak turlari, ularning miqdori, shartlari hamda talab qilinadigan hujjatlar haqida batafsil ma’lumot beramiz. 🟠Xususan, poyabzal va charm-attorlik sanoati korxonalarini qo‘llab-quvvatlash bo‘yicha quyidagi subsidiya va kompensatsiyalar joriy etildi:

1. Tayyor charm ishlab chiqaruvchilarga subsidiya

🟠Miqdori: Ishlab chiqarilib, realizatsiya qilingan tayyor charmning (krast, finish) har bir detsimetr kvadrati uchun 350 so‘m subsidiya ajratiladi.

2. Yangi modellarni joriy etganlik uchun subsidiya

🟠Miqdori: ishlab chiqarishga joriy qilingan har bir yangi model uchun 1 million so‘m, biroq bir korxona uchun bir kalendar yilda 50 million so‘mdan oshmagan miqdorda subsidiya ajratiladi.

3. Poyabzal qoliplarini import qilish xarajatlarini qoplash

🟠Miqdori: o‘z ehtiyojlari uchun import qilingan poyabzal qoliplari (kolodka, press-forma) qiymatining 50 foizi qoplab beriladi. ✔️ Bunda bir kalendar yilida: — Yevropa Ittifoqi davlatlaridan import qilinganda — 10 000 AQSH dollarigacha; — boshqa davlatlardan import qilinganda — 5 000 AQSH dollarigacha.

4. Savdo uylari va firma do‘konlari ijara xarajatlarini qoplash

🟠Miqdori: Qoraqalpog‘iston Respublikasi ma’muriy markazi, viloyatlar markazlari, Toshkent shahri hamda aholisi 100 ming kishidan oshadigan yirik shaharlarda tashkil etilgan savdo uylari va firma do‘konlarining dastlabki 1 yillik ijara xarajatlarining 50 foizi, biroq 100 million so‘mdan oshmagan miqdorda qoplab beriladi. 📌 Mazkur moliyaviy qo‘llab-quvvatlash mexanizmlari yengil sanoat korxonalarining ishlab chiqarish faoliyatini kengaytirish, yangi modellarni joriy etish, zamonaviy texnologiyalardan foydalanish, savdo tarmoqlarini rivojlantirish va eksport salohiyatini oshirishga xizmat qiladi. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 Joriy yilning 31-avgust – 2-sentabr kunlari Fransiyaning Parij shahridagi Le Bourget ko‘rgazmalar majmuasida to‘qimachilik va tayyor kiyim-kechak sanoatiga ixtisoslashgan Texworld Apparel Sourcing Paris 2026 xalqaro ko‘rgazmasi bo'lib o'tyapdi. 🟠Mazkur xalqaro tadbirda O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi ko‘magida O‘zbekistonning 10 ga yaqin mahalliy korxonasi ishtirok etmoqda. 🟠Ko‘rgazmada mahalliy korxonalar tomonidan tayyor kiyim-kechak, to‘qimachilik mahsulotlari hamda boshqa eksportbop mahsulotlar namoyish qilinmoqda. 🟠Tadbir doirasida ishtirokchilar xorijiy xaridorlar va potensial biznes hamkorlar bilan uchrashuvlar o‘tkazib, yangi eksport yo‘nalishlarini o‘zlashtirish, xalqaro hamkorlikni kengaytirish hamda eksport shartnomalarini tuzish bo‘yicha muzokaralar olib bormoqda. 🟠Texworld Apparel Sourcing Paris 2026 xalqaro ko‘rgazmasida 35 ga yaqin davlatdan qariyb 1 300 ta ishlab chiqaruvchi ishtirok etib, o‘z mahsulot va xizmatlarini xalqaro xaridorlar e’tiboriga havola qilmoqda. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

Mamlakatimiz maktablari o‘quvchilari va ustoz-murabbiylariga tabrik — Поздравление школьникам, учителям и наставникам нашей страны Prezident.uz|Facebook|Instagram|YouTube|X

🇺🇿 O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi O‘zbekiston Respublikasi davlat mustaqilligining 35 yilligi munosabati bilan barcha yurtdoshlarimizni chin qalbdan muborakbod etadi. 🟠Mustaqillik — xalqimizning bebaho ne’mati, milliy taraqqiyotimiz va buyuk kelajagimizning mustahkam poydevoridir. ✨Ushbu qutlug‘ ayyomda barchangizga sihat-salomatlik, oilaviy farovonlik, xonadonlaringizga fayzu baraka va yurtimiz ravnaqiga xizmat qiladigan ulkan muvaffaqiyatlar tilaymiz. 🟠Yurtimiz tinch va obod, xalqimiz hamisha farovon bo‘lsin! 🇺🇿 Mustaqilligimiz abadiy bo‘lsin! 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿Mustaqillikning 35 yilligi — mehnat, e’tirof va faxr! 🟠O‘zbekiston Respublikasi Mustaqilligining 35 yilligi munosabati bilan Yengil sanoatni rivojlantirish agentligida o‘tkazilgan bayram tadbirining eng yorqin va unutilmas lahzalari — videoroligimizda. ✨Har bir mehnat — qadrlanadi, har bir hissa — taraqqiyotga xizmat qiladi! 🎥 Bayramona kayfiyat, munosib e’tirof va unutilmas lahzalarni videoda tomosha qiling! 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿Mustaqillik bayrami arafasida yoshlar holidan xabar olindi 🇺🇿O‘zbekiston Respublikasi Mustaqilligining 35 yilligi munosabati bilan Toshkent viloyati  Bekobod tumanining “Bobur Mirzo” mahallasida Yengil sanoatni rivojlantirish agentligiga biriktirilgan yoshlar holidan xabar olindi. 🟠Muloqotlar davomida yoshlarning kayfiyati, qiziqish va intilishlari, bandligi hamda kelgusidagi rejalari bilan yaqindan tanishilib, ularni qo‘llab-quvvatlashga qaratilgan masalalarga alohida e’tibor qaratildi. 🟠Har bir yoshning taqdiri, kelajagi va jamiyatda o‘z o‘rnini topishi — doimiy e’tiborimizda. Zero, yoshlarni qo‘llab-quvvatlash, ularning salohiyatini ro‘yobga chiqarish Yangi O‘zbekiston taraqqiyotining muhim omillaridan biridir. 🟠Bayram arafasidagi ushbu samimiy uchrashuvlar yoshlarga e’tibor va g‘amxo‘rlik ifodasi bo‘lib, ularga ko‘tarinki kayfiyat ulashdi. 🇺🇿 Mustaqilligimizning 35 yilligi muborak bo‘lsin! 🌐 https://gov.uz/oz/adli ✅ https://t.me/adli_uz_official ✅ facebook.com/adli.uz 🌐 https://instagram.com/adli_uz #YengilSanoat  #Rivojlanish #Agentlik

🇺🇿Mustaqillikning 35 yilligi — mehnat, e’tirof va faxr! 🟠O‘zbekiston Respublikasi Mustaqilligining 35 yilligi munosabati bilan Yengil sanoatni rivojlantirish agentligida o‘tkazilgan bayram tadbirining eng yorqin va unutilmas lahzalari — videoroligimizda. ✨Har bir mehnat — qadrlanadi, har bir hissa — taraqqiyotga xizmat qiladi! 🎥 Bayramona kayfiyat, munosib e’tirof va unutilmas lahzalarni videoda tomosha qiling! 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik

🇺🇿 Joriy yilning 28-avgust kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi Kasaba uyushmasi tomonidan O‘zbekiston Respublikasi "Mustaqilligining 35 yilligi"ga bag‘ishlangan bayram tadbiri ko‘tarinki ruhda o‘tkazildi. 🟠Tadbirda mamlakatimiz taraqqiyoti, yengil sanoat sohasini rivojlantirish hamda Agentlik oldiga qo‘yilgan ustuvor vazifalarni amalga oshirish yo‘lida sidqidildan mehnat qilib kelayotgan xodimlarning faoliyati alohida e’tirof etildi. 🟠Zero, Agentlikning har bir xodimi mehnati — qadrli, har bir tashabbusi — muhim, soha rivojiga qo‘shayotgan har bir hissasi esa umumiy taraqqiyotimizning ajralmas qismidir. 2026-yil 1-apreldagi 120-son Prezident qarori ijrosini ta’minlash doirasida Agentlikning bir guruh faol va fidoyi xodimlari munosib taqdirlandi. 🟠Shuningdek, soha rivojiga qo‘shayotgan munosib hissasi va samarali mehnati e’tirof etilib, bir guruh xodimlarga Prezident tomonidan ta’sis etilgan “O‘zbekiston Respublikasi Mustaqilligining 35 yilligi” esdalik ko‘krak nishoni tantanali ravishda topshirildi. 🟠Bayram tadbiri samimiy, tantanavor va ko‘tarinki ruhda o‘tib, jamoada Vatanga sadoqat, kasbga fidoyilik va bir maqsad yo‘lida hamjihatlik bilan xizmat qilish tuyg‘ularini yanada mustahkamladi. 🇺🇿 Mustaqilligimiz abadiy, yurtimiz tinch, xalqimiz farovon bo‘lsin! 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

Prezident Shavkat Mirziyoyev:

“Qaysi soha yoki vazifada ishlamasin, o‘z mehnatining munosib e’tirofini ko‘rish – har bir inson uchun katta baxt”.

— Президент Шавкат Мирзиёев:

«В какой бы сфере и на какой бы должности ни трудился человек, заслуженное признание его труда — большое счастье».

Prezident.uz|Facebook|Instagram|YouTube|X

#OAV_biz_haqimizda #Axborot_24 | 26.08.2026 BCI: O‘zbekiston paxtasining jahon bozoridagi yangi qiyofasi 🌐 https://gov.uz/oz/adli 😎 https://t.me/adli_uz_official 😎 facebook.com/adli.uz 😎 https://instagram.com/adli_uz #YengilSanoat  #Rivojlanish #Agentlik #Eksport

🇺🇿 Bugun barchamizni bir maqsad — Yangi O‘zbekistonni bunyod etish, xalqimiz farovonligini yanada yuksaltirish va kelajak avlodga yanada obod, qudratli Vatan qoldirish yo‘lidagi ezgu intilishlar birlashtirib turibdi. 🟠“Yagona Vatan, yagona xalq bo‘lib, yangi hayot va kelajak yaratamiz!” — bu shior bugungi bunyodkorlik va islohotlar yo‘lida xalqimizni yanada jipslashtirib, Yangi O‘zbekistonning porloq kelajagi sari dadil qadam tashlashga undaydi. 🟠O‘zbekistonimizning tinchligi va osoyishtaligi, xalqimizning farovonligi va Vatanimiz taraqqiyoti yo‘lida birlashib, Yangi O‘zbekistonning yanada yorqin kelajagini bunyod etishda davom etamiz. 🇺🇿Mustaqilligimiz abadiy, Vatanimiz tinch va taraqqiyoti bardavom bo‘lsin! 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 O‘zbekiston Respublikasi Prezidentining 2026-yil 15-yanvardagi PQ–9-son qarori ijrosi doirasida Yengil sanoatni rivojlantirish agentligi tomonidan soha mutaxassislari uchun zamonaviy bilim va ilg‘or xalqaro tajribalarni o‘zbek tilida ommalashtirish yo‘lida muhim qadam tashlandi. 🟠Agentlik tashabbusi bilan Hindistonning Javoharlal Neru universiteti Fors va Markaziy Osiyo tadqiqotlari markazi hamda Doro Shukuh ilmiy-tadqiqot jamg‘armasi bilan hamkorlikda yengil sanoat yo‘nalishidagi dunyo miqyosida e’tirof etilgan nufuzli adabiyotlar orasidan 3 ta kasbiy kitob tanlab olinib, ilk bor o‘zbek tiliga tarjima qilindi. 📚 Ushbu nashrlarda texnik to‘qimachilik, zamonaviy muhandislik yechimlari, innovatsion texnologik jarayonlar va ilg‘or ishlab chiqarish tajribalari jamlangan bo‘lib, ular soha mutaxassislari, muhandislar, tadqiqotchilar, talabalar va tadbirkorlar uchun muhim amaliy bilim manbai bo‘lib xizmat qiladi. 🟠Bu tashabbus shunchaki xorijiy adabiyotlarni tarjima qilish emas, balki jahon miqyosidagi ilg‘or bilimlarni milliy sanoatimizga olib kirish, ilm-fan va ishlab chiqarish o‘rtasidagi integratsiyani kuchaytirish hamda yangi avlod malakali mutaxassislarini tayyorlashga qaratilgan strategik qadamdir. 🏆 2026-yil avgust oyida Nyu-Dehli shahridagi Javoharlal Neru universitetida “Sanoat to‘qimachiligi: Muhandislik yechimlari va texnologik jarayonlar” (Technical Textiles: Engineering Solutions and Technological Processes) nashri doirasidagi tashabbus uchun O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi nufuzli “Book of the Year Award of Honor” mukofoti bilan taqdirlandi. 🟠Mukofot Agentlikning sanoat innovatsiyalari, muhandislik yechimlari, to‘qimachilik ilmi va zamonaviy ishlab chiqarish jarayonlarini rivojlantirishga qo‘shayotgan hissasining xalqaro e’tirofi sifatida taqdim etildi. 🟠Mazkur natija O‘zbekistonda yengil sanoatni faqat ishlab chiqarish hajmlari bilan emas, balki bilim, ilm-fan, innovatsiya va yuqori malakali kadrlar asosida rivojlantirishga qaratilgan yangi yondashuvning amaliy ifodasidir. 🇺🇿 Jahon bilimlarini o‘zbek tilida soha vakillariga yetkazish — raqobatbardosh, innovatsion va bilimga asoslangan yengil sanoatni shakllantirish sari muhim qadamdir. Manba: https://suz.co.in/ 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿 O‘zbekiston Respublikasi mustaqilligining o‘ttiz besh yilligi munosabati bilan mamlakatimizning iqtisodiy taraqqiyoti, sanoat salohiyatini yuksaltirish, zamonaviy ishlab chiqarishlarni rivojlantirish va xalqimiz farovonligini ta’minlashga munosib hissa qo‘shib kelayotgan bir guruh yengil sanoat sohasi vakillari yuksak davlat mukofotlari bilan taqdirlandi. 🟠Ushbu yuksak e’tirof soha vakillarining ishlab chiqarishni rivojlantirish, yangi ish o‘rinlarini yaratish, ilg‘or texnologiyalarni joriy etish, eksport imkoniyatlarini kengaytirish hamda milliy mahsulotlarimizning xalqaro bozorlardagi o‘rnini mustahkamlash yo‘lidagi samarali mehnatiga berilgan munosib bahodir. 🏅 "El-yurt hurmati" ordeni bilan: — "Merganteks" paxta-to‘qimachilik klasteri bosh direktori Xamrayev Ibraxim Shaykulovich. 🏅 "Fidokorona xizmatlari uchun" ordeni bilan: — "Fergana global textile" MChJ ta’sischisi Razakov Muzaffar Maxamatovich. 🏅 "O‘zbekiston Respublikasida xizmat ko‘rsatgan pillachi" faxriy unvoni bilan: — "Kumushkent ipagi" MChJ ipak qurtini rivojlantirish mutaxassisi Xudoyberdiyeva Jamila Sharofovna. 🏅 "Shuhrat" medali bilan: — "Kasbi agropilla" MChJ pillachisi Salomova Muxayyo Esanovna; — "Yasham erkaplan carpet" MChJ rahbari Saloxitdinov Asliddin Zayniyevich; — "Euroteks" MChJ tarash va piltalash dastgohi operatori Polvonova Nasiba Qurvondurdiyevna. 🏅 "Jasorat" medali bilan: — "Mashriq tekstil" MChJ rahbari Xudjamkulova Sharofat Kilichevna; — Pop tumanidagi yakka tartibdagi tadbirkor, tikuvchi Raxmatova Gulnoza Zokirovna; — Gurlan tumanidagi yakka tartibdagi tadbirkor, tikuvchi Sapayeva Omongul Adambayevna; — Quva tumanidagi yakka tartibdagi tadbirkor, tikuvchi Toshboyeva Odinaxon Madaminovna. 🟠O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi jamoasi nomidan davlat mukofotlariga sazovor bo‘lgan barcha soha vakillarini samimiy muborakbod etamiz! Sizlarning kasbiy mahoratingiz, fidokorona mehnatingiz va yurtimiz yengil sanoati taraqqiyotiga qo‘shayotgan munosib hissangiz ana shunday yuksak e’tirofga sazovor bo‘ldi. 🇺🇿 Yuksak davlat mukofotlari muborak bo‘lsin! 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

BCI sertifikati — xalqaro bozorga chiqish va eksport imkoniyatlarini kengaytirish vositasi 🇺🇿Joriy yilning 21-avgust kuni Toshkent shahrida O'zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi bilan hamkorlikda “BCI kelajagini birgalikda shakllantiramiz” strategik sessiyasi bo‘lib o‘tdi. Tadbirni Agentlik direktorining birinchi o‘rinbosari Baxtiyor Muxammadsaidov ochib berdi. 🟠Sessiyada BCI’ning O‘zbekistonda 2030-yilgacha rivojlanish strategiyasi, ishlab chiqaruvchilar va bozor ehtiyojlari, sohadagi mavjud masalalar hamda kelgusidagi hamkorlik yo‘nalishlari muhokama qilindi. 🟠Tadbir doirasida Better Cotton standartlari talablariga muvofiqligini tasdiqlagan “Fergana Global Textile”, “Sultan Tex Group”, “Deniz Teks”, "Navbakhor Textile" va “Zelal Tekstil” korxonalariga Better Cotton sertifikatlari tantanali ravishda topshirildi. 🟠BCI sertifikati tadbirkor uchun xalqaro xaridorlar ishonchini mustahkamlash, global ta’minot zanjirlariga integratsiyalashish, yangi xaridorlar bilan ishlash va eksport raqobatbardoshligini oshirishga xizmat qiluvchi muhim biznes vositasidir. 🟠Agentlik BCI bilan hamkorlikda sertifikatlash qamrovini kengaytirish, klasterlarni xalqaro standartlarga tayyorlash va o‘zbek mahsulotlarining jahon bozoridagi mavqeini mustahkamlash bo‘yicha tizimli ishlarni davom ettiradi. 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik

🇺🇿Joriy yilning 20-avgust kuni Qishloq xo‘jaligi vazirligida O‘zbekiston Respublikasi Bosh vazirining o‘rinbosari Jamshid Xodjaev boshchiligida paxtani chuqur qayta ishlashning bugungi holati, mavjud muammolar hamda sohada yuqori qo‘shilgan qiymat yaratishni kengaytirish masalalariga bag‘ishlangan yig‘ilish bo‘lib o‘tdi. 🟠Mazkur yigʻilishda O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov ham ishtirok etdi. 🟠Yig‘ilishda paxtani yetishtirishdan tortib, uni chuqur qayta ishlash va tayyor to‘qimachilik mahsulotiga aylantirishgacha bo‘lgan jarayonlar tahlil qilindi. 📈 Xususan, paxta xomashyosini qayta ishlash bilan cheklanib qolmasdan, uning har bir bosqichida qo‘shimcha qiymat yaratish, chuqur qayta ishlash zanjirini takomillashtirish, ishlab chiqarish samaradorligini oshirish va tayyor mahsulot ulushini ko‘paytirish masalalariga alohida e’tibor qaratildi. 🟠Shuningdek, sun’iy tola asosidagi ip-kalava ishlab chiqarishni qo‘llab-quvvatlash, zamonaviy texnologiyalarni keng joriy etish hamda to‘qimachilik korxonalarining ishlab chiqarish salohiyatidan samarali foydalanish masalalari muhokama qilindi. 📌 Yig‘ilish yakunida paxtani chuqur qayta ishlash ko‘lamini kengaytirish, mavjud muammolarni bartaraf etish va yuqori qo‘shilgan qiymatga ega tayyor mahsulotlar ishlab chiqarishni oshirish bo‘yicha tegishli topshiriqlar berildi. 🔗 Manba: O‘zbekiston Respublikasi Qishloq xo‘jaligi vazirligi 🌐 gov.uz/oz/adli 😎 t.me/adli_uz_official 😎 facebook.com/adli.uz 😎 instagram.com/adli_uz #YengilSanoat #Rivojlanish #Agentlik