QORJIN

📈🍎 Инфляцияның да түр-түрі болатынын білдіңіз бе? Кеше Ұлттық статистика бюросы кезекті деректерді жариялады. Біз күнде еститін «баға өсті» деген сөздің артында бірнеше экономикалық көрсеткіш тұр. Негізгілеріне тоқталайық: 📊 CPI және PPI: Айырмашылығы неде? Инфляцияның екі негізгі индексі бар: ● Тұтынушылық инфляция (CPI): Бұл біздің күнделікті сатып алатын тауарларымыз бен қызметтеріміздің (нан, сүт, жол ақысы) бағасы. Кеше жарияланған ақпарат дәл осы көрсеткішке қатысты. ● Өндірістік инфляция (PPI): Бұл кәсіпорындар өндіретін шикізат пен тауарлар бағасының өзгерісі. Егер зауытта өзіндік құн өссе, ертең ол міндетті түрде дүкен сөресіне де әсер етеді. 🍫 Шринкфляция: Көзге көрінбейтін қымбатшылық Кейде баға өсімі қалтаға бірден ұрмауы мүмкін. Мысалы: баяғыдай сатып алып жүрген 100 грамм шоколадыңыз бір күні 80-90 грамға айналады, бірақ бағасы баяғыша қалады. Экономикада бұл айла-тәсілді шринкфляция (shrinkflation) деп атайды. 📍 Неге бұлай болады? Өндірушілер сатып алушыны шошытып алмас үшін бағаны көтермей, тауардың көлемін немесе салмағын азайтуды жөн көреді. Сондықтан дүкенде сыртқы қаптамаға емес, тауардың таза салмағына (нетто) қарауды әдетке айналдырған жөн. 📉 Болжам: Ұлттық банк инфляцияны тежеу үшін базалық мөлшерлемені қолданады. Кешегі шыққан статистика алдағы уақытта теңге бағамы мен біздің сатып алу қабілетімізге қалай әсер ететінін алдағы жазбаларда талқылаймыз.

⌛🛒🇰🇿 Қазақстанда жылдық инфляция сәуірде наурыздағы 11%-дан 10,6%-ға дейін төмендеді 📰 ҰСБ деректері сегменттер бойынша (наурыз➡️сәуір): 🔛 Азық-түлік тауарлары ⬇️ ж/ж 11,7%-дан 11,3%-ға дейін. 🔛 Азық-түлік емес тауарлар ⬆️ ж/ж 11,3%-дан 11,7%-ға дейін. 🔛 Ақылы қызметтер ⬇️ ж/ж 10%-дан 8,9%-ға дейін. 📈 Айлық баға өсімі ⬆️ наурыздағы 0,6%-дан сәуір қорытындысы бойынша 0,8%-ға дейін.

💵🇰🇿 Мамырда Ұлттық қордан валюта сату көлемі 33–66%-ға артады Ұлттық банк мамыр айында нарыққа шығарылатын доллар көлемін $400-500 млн-ға дейін ұлғайтпақ. Бұл теңге бағамына қалай әсер етеді? Сәуір айының қорытындысы мен мамырға арналған болжамдарға көз жүгіртейік. 📊 Сәуір айының фактілері: Теңге неге нығайды? Өткен айда ұлттық валюта айтарлықтай тұрақтылық көрсетті: ● Курс: Теңге 3,1%-ға нығайып, ₸478,15-тен ₸463,09-ға дейін түсті. ● Сауда көлемі: KASE-дегі жалпы айналым $8,7 млрд құрады. ● Ұлттық қор: Сәуірде қордан $300 млн сатылды (нарықтың 3,5%-ы). ● БЖЗҚ: Зейнетақы қорының активтері үшін $502 млн-ға валюта сатып алынды. 📉 Квазимемлекеттік сектор: Мемлекеттік компаниялар шамамен $273 млн көлемінде валюталық түсімдерін сатты. Валюталық интервенциялар жүргізілген жоқ — нарық өздігінен реттелуде. 🌤 Мамыр айынан не күтеміз? Мамырда теңге нарығындағы белсенділік арта түспек. Негізгі факторлар: ✅ Ұлттық қор интервенциясы: Доллар сату көлемі $400-500 млн-ға дейін өседі. Бұл сәуірмен салыстырғанда 33–66%-ға көп. ✅ Айналыс (Зеркалирование): ₸354 млрд баламасында валюта сату жоспарлануда. ✅ Салық апталығы: Мамырдағы тоқсандық ірі салық төлемдері теңгеге деген сұранысты арттырып, оның бағамын қолдауы мүмкін. 📍 Түйін: Ұлттық қордан бөлінетін трансферттердің ұлғаюы және салық кезеңі мамыр айында теңге бағамының күрт әлсіреуіне жол бермейді. Дегенмен, әлемдік нарықтағы жағдай мен мұнай бағасы басты назарда қала бермек.

📉 Қаржылық сауаттылық: табыс азайғанда капиталды қалай сақтау керек? Halyk Research сарапшылары 2025 жылдың қорытындысы бойынша шолу жариялады. Деректерге сүйенсек, халықтың нақты табысы 1,7%-ға төмендеген. Қазіргі таңда қазақстандықтар бюджетінің басым бөлігі, яғни 52%-ы азық-түлік тауарларына жұмсалады. Мұндай жағдайда қаражатты барынша тиімді жинақтау мен ақылды инвестициялау стратегиясына көшу өмірлік қажеттілік. 🗯

Экономист Бауржан Шурмановтың кеңесі: «Қазіргі уақыт - инвестиция туралы ойлануға ең қолайлы сәт. Бүгін базалық ставка 18%, ал депозиттер 20% беріп тұрғанымен, бұл мәңгілік емес. Ерте ме, кеш пе ставка төмендейді, онымен бірге депозит пайыздары да азаяды. Сондықтан қазірден бастап нарықты зерттеу маңызды. Инвестициялауды өз бетіңізше жасауға болады, бірақ лицензиясы бар брокерлер мен басқарушылардың кеңесіне жүгінген тиімдірек. Ең бастысы - тек бос ақшаны пайдалану және алғашқы қадамдарды виртуалды терминалдардан бастау.

Уоррен Баффеттің жас ерекшелігіне қарай портфель бөлу қағидасын ескеріңіз: жастар тәуекелге көбірек барып, акциялар үлесін арттыра алады (мысалы, 20–30 жаста портфельдің 80-90%-ы акция болуы мүмкін), ал жас ұлғайған сайын облигациялар мен депозиттер сияқты тұрақты құралдарға көшу қажет. Жасыңыз неғұрлым кіші болса, соғұрлым өсім беретін активтерге көбірек көңіл бөлуге мүмкіндік бар».

💡 Қазіргі нарықтағы басты қадамдар: ● Тиімді депозит 20% сыйақыны пайдаланып тұрақты пассивті табыс көзін жасаңыз. ● Виртуалды сауда Брокерлердің оқу терминалдары арқылы нақты ақша шығындамай биржада жұмыс істеп үйреніңіз. ● Лицензияланған кеңес Өз бетіңізше шешім қабылдамас бұрын ресми брокерлер мен басқарушы компаниялардың ұсыныстарын зерттеңіз. ● Тәуекелді бөлу Диверсификация қағидасын сақтап капиталды жасыңыз бен мақсатыңызға қарай әртүрлі құралдарға бөліңіз. 📍 Түйін: Уақыт сіздің басты активіңіз. Нарықты зерттеуді бүгін виртуалды түрде бастасаңыз, ертең ставкалар төмендеген кезде сізде дайын капитал мен тәжірибе болады.

🪙Теңге нығайып жатыр: Доллар алу керек пе? 🇰🇿💵 Қазіргі уақытта ұлттық валюта белсенді нығайып келеді. Осы орайда QAMS миноритарлық акционерлер қауымдастығының атқарушы директоры Данияр Темірбаевтың маңызды кеңестерін бөлісеміз. «Теңге бағамы ертең не болатынын бір Алла біледі» дейді сарапшы. Егер сіз қаржы құралдарына инвестиция салуда тәжірибелі маман болмасаңыз, валюта нарығына тым әуестенбеген жөн. Оның себебі: 1️⃣ Болжау мүмкін емес. Валюта бағамының құбылмалылығын тіпті кәсіби мамандар да дөп басып айта алмайды (олар тек орта және ұзақ мерзімді трендтерді ғана көреді). Себебі бағамға көптеген факторлар әсер етеді. Тіпті ертең Трамптың қандай көңіл-күймен оянатынын да ешкім білмейді ғой. 2️⃣ Ақшаңызды қайда саласыз? Долларды сатып алдыңыз делік, әрі қарай не істейсіз? Егер оны тиімді инвестициялауды білмесеңіз, жалғыз жолыңыз - жылдық мөлшерлемесі небәрі 1% болатын валюталық депозит. Егер доллар теңгеге қатысты әрі қарай арзандай берсе, сіз бағамнан да ұтыласыз, теңгелік депозиттердің жоғары табыстылығынан да айырыласыз. 🇰🇿 Долларды қашан сатып алған дұрыс (әсіресе ол арзандап жатқанда)? Сарапшы мұны екі жағдайда ғана ұсынады: ✅ Шығындарыңыз доллармен болса: Шетелге саяхат, балаларыңыздың шетелде оқуы немесе доллармен қарызыңыз болса. ✅ Қолыңызға ірі сомма түссе: Мысалы, пәтер сатсаңыз немесе жинағыңыз көп болса. Активтеріңіз (ақша, жылжымайтын мүлік, депозиттер) неғұрлым көп болса, тәуекел де соғұрлым жоғары. Мұндай кезде ақылға қонымды инвестициялау принциптерін, соның ішінде диверсификацияны (валютаны әртүрлі себетте сақтау) ұстану маңызды. 💳 Инвестициялаудың қыр-сырын біздің QORJIN телеграм-арнамыздан біле аласыздар.

🇰🇿 Шағын бизнес неге жаппай онлайн несиеге көшуде? Қазіргі таңда цифрлық несие шағын бизнестің тынысын ашатын басты құралға айналды. «Ручная экономика» авторы жариялаған кішігірім бизнес арасындағы негізгі трендтерге көз жүгіртіп көрейік. 🚀 Эксперт пікірі: Кім көп алады? Halyk Bank басқарушы директоры Альфия Жексенбайдың айтуынша, цифрлық қарыздарға ең көп жүгінетіндер: жеке кәсіпкерлер. ● 2025 жыл мен 2026 жылдың алғашқы тоқсанындағы өтінімдердің 84% үлесі дәл осы ЖК өкілдеріне тиесілі. 📊 Нарықты кімдер «ұстап» тұр? Қарыз алушылардың тізімі балабақшадан бастап сұлулық салондарына дейін созылады. Салалық үлес мынадай: ● 40% Сауда, ● 25% Қызмет көрсету, ● 20% Көлік және тасымалдау, ● 15%Өндіріс және басқалар. 📈 Сұраныс қарқыны қалай? Бір жылдың ішінде цифрлық несие портфелінің өсімі таңғалдырады: ● ЖШС (ТОО): +35.4%, ● ЖК (ИП): +23.7%. 💰 Орташа чек қанша? Бизнес ауқымына қарай бөлінетін сомалар да әртүрлі: ● 1,6 млн ₸ Үй жанындағы дүкендер, ● 6,4 млн ₸ Жеке кәсіпкерлер, ● 27,1 млн ₸ ЖШС өкілдері. 📍 Түйін: Ескі форматтағы құжат жинау немесе банкте кезек күту кезеңі артта қалып барады. Уақыт ақша. Сондықтан кәсіпкерлер жылдам әрі тиімді цифрлық шешімдерді таңдап жатыр.

🪙🇰🇿 Зейнетақы қорлары қысқа мерзімде қанша табыс әкелді: БЖЗҚ деректері 2026 жылғы 1 сәуірдегі жағдай бойынша соңғы 12 айдағы көрсеткіштер: ✅ Сентрас Секьюритиз: +17.8% ✅ Halyk Finance: +10.98% ✅ БЖЗҚ (ЕНПФ): +10.74% ✅ Alatau City Invest: +10.62% ✅ Halyk Global Markets: +10.54% ✅ BCC Invest: +9.01% 📈 Статистика бюросының дерегінше, осы кезеңдегі жылдық инфляция 11% құрады. 🚀 Жаңа мүмкіндік: Қаржы нарығын реттеу және дамыту агенттігі бұған дейін маңызды жоспарын айтқан болатын: салымшыларға өз зейнетақы жинақтарын 100 пайыз жеке басқарушы компанияларға аудару құқығын беру көзделуде. Бұған дейін жинақтың тек 50 пайызын ғана жеке қолға сеніп тапсыруға болатын еді. ❗️ Маңызды: Зейнетақы активтерін басқару: бұл қысқа қашықтыққа жүгіру емес, ұзақ марафон. Сондықтан табыстылық айлармен емес, жылдармен бағаланады. ❓Сіз зейнетақыңызды толығымен жеке компанияға аударуға дайынсыз ба, әлде мемлекеттік басқаруда (БЖЗҚ) қалдырғанды жөн көресіз бе? Төменге жаза кетіңіз.

🇰🇿 Несие ставкасы VS бизнестің маржасы: Неге 20% несие табысыңды «жеп» қоймайды? Көп кәсіпкер: «Банк ставкасы 20%, менің маржам 20%. Сонда бүкіл тапқаным банкке кете ме?» – деп қорқады. Жоқ, бұл: ең үлкен қате түсінік. Бәрін ₸1 000 000 несие мысалында нақты цифрлармен, «саусақпен» түсіндірейік: 🍏 1. Несие шығыны (Ставка) Сіз банктен ₸1 млн несиені жылдық 20% ставкамен алдыңыз. ✅ Банк пайызы 12 айға бөлінеді: 20% / 12 ай = 1.67%. ✅ Демек, сіз банкке айына небәрі ₸16 667 пайыз төлейсіз. 🍎 2. Тауардан түсетін пайда (Маржа) Сіз сол ₸1 млн ақшаға тауар алып, оны 20% маржамен сатып тауыстыңыз. 📍 Саудадан түскен таза пайда: ₸200 000. 📉 3. Таза табысты есептейік (бір айналымда): ✅ Тапқан пайдаңыз: ₸200 000 ✅ Банкке төлеген пайызыңыз (айына): ₸16 667 ✅ Таза табысыңыз: ₸183 333

🏦 Halyk Bank-тің басқарушы директоры Альфия Жексенбай былай дейді: «Несие ставкасы мен бизнестің маржасы: бір-бірімен салыстыруға келмейтін әртүрлі көрсеткіштер. Несие пайызы жылдық көрсеткіш болғандықтан, ол табысты «жеп қоймайды», керісінше айналымды өсіруге мүмкіндік береді».

🚀 Жылына бірнеше рет айналдырса не болады? Егер сіз осы ₸1 млн ақшаны жыл ішінде бірнеше рет айналымға салып, пайдасын капиталға қосып отырсаңыз, нәтиже тіпті жоғары болады: ✅ Жылына 3-4 рет сауда жасасаңыз: Осы капиталмен жылына небәрі 3-4 рет тауар алып, оны 20% маржамен сатып үлгерсеңіз, жыл соңында таза пайдаңыз ₸1 млн-нан асып түседі. ✅ Банкке төленген 1 жылдық пайыз: Небәрі ₸200 000 болып қала береді. Бұл жерде банк пайызы сіздің жиналған пайдаңыздың қасында өте аз болып қалады. Несие сіздің табысыңызды шектемейді, керісінше айналымды тездетуге көмектеседі. 📊 Нарықтағы жеңілдіктер Егер 20% ставка бәрібір ауыр көрінсе, мемлекеттік қолдауды пайдаланыңыз: ✅ Арзан ақша: «Еңбек», «Кең Дала» немесе «Halyk Кәсіпкер» бағдарламаларымен ставканы 6-8 пайызға дейін түсіруге болады. ✅ Қолжетімділік: Жаңа кәсіп бастағандарға 500-ден астам банк бөлімшесінде кеңес беріледі немесе цифрлық несиені үйден шықпай-ақ алуға болады. 💡 Түйін Банк пайызы жылға бөлінеді, ал маржа әр саудадан түседі. Сондықтан несиенің 20 пайызы мен маржаның 20 пайызы – екі түрлі әлем. Несие алудан қорықпай, оның айналымды қалай өсіретінін дұрыс есептей білу маңызды. #QAMS_mektebi

⚡️🏦 Halyk Bank (HSBK) акционерлерінің жалпы жиналысында 2025 жылға арналған дивидендтер бекітілді: бір акцияға ₸30.1 Дивиденд алғысы келетін акционерлер мына күндерді ескеруі қажет: 📆 Тізілімнің жабылу күні: 30 сәуір 📆 Төлемдердің басталуы: 18 мамыр 📊 Бұл қаншалықты тиімді? Егер қазір KASE биржасында акция бағасы ₸411.95 болып тұрғанын ескерсек: 💰 Дивидендтік табыстылық: 7.3% құрайды (тек осы төлем бойынша). Halyk Bank-тің жақсы дәстүрі: банк өз акционерлеріне дивидендтерді жарты жылда бір рет төлеп тұрады. Яғни, бұл жылдық табыстың тек бір бөлігі ғана болуы мүмкін. 💡 Есте сақтаңыз: Дивиденд алу үшін акцияны «Тізілімнің жабылу күні» кемінде 2 жұмыс күні бұрын (T+2 режимі бойынша) сатып алып үлгеру керек.

🇰🇿🦅🕊️ Ұлттық банк ставканы өзгерте ме: «Сұңқарлар» мен «көгершіндер» шайқасы Ертең Ұлттық банк базалық мөлшерлеме бойынша кезекті шешімін жариялайды. Нарық сарапшылары мен Қаржыгерлер қауымдастығының мамандары ставка қазіргі 18% деңгейінде өзгеріссіз қалады деп болжап отыр. Бұл көрсеткіш неге маңызды және ол сіздің қалтаңызға қалай әсер етеді? «Саусақпен» түсіндіріп көрейік. 📈 Базалық ставка: Экономикадағы «газ бен тежегіш» Мұны көліктің басқару жүйесі деп елестетіңіз: ✅ Ставка көтерілсе (Тежегіш): Несие қымбаттайды, адамдар ақшаны аз жұмсап, депозитке жинай бастайды. Бұл бағаның өсуін (инфляцияны) тоқтату үшін жасалады. ✅ Ставка төмендесе (Газ): Несие арзандайды, бизнес дамиды, халық ақшаны көбірек жұмсайды. Бұл экономиканы жандандыру үшін керек. 🦅 «Сұңқар» vs «көгершін» 🕊️ Қаржы саясатында мамандардың екі түрлі көзқарасы болады: ✅ «Сұңқарлар»: Олар пайыздық мөлшерлемені көтеруді немесе жоғары ұстауды қолдайды. Мақсаты: бағаның өсуін тежеу. Ұлттық банк төрағасы Тимур Сүлейменов өткен жылы өз командасында «сұңқарлардың» көп екенін айтқан болатын. ✅ «Көгершіндер»: Олар ставканы төмендетуді жақтайды. Мақсаты: несиені арзандатып, бизнестің дамуын ынталандыру. 📊 Ставка қалай өзгерді? 2025 жылы ставка екі рет өзгерді: 📍 Наурызда: 15.25 пайыздан 16.5 пайызға дейін өсті. 📍 Қазанда: 18 пайызға дейін көтерілді. Бұл дегеніміз: Ұлттық банк әзірге «тежегішті» басып тұр, өйткені бағаның өсуін ауыздықтау басты назарда. 💡 Түйін Базалық мөлшерлеме әр адамның әлеуметтік жағдайына тікелей әсер етеді. Егер ставка 18 пайыз болып қалса: депозиттер әлі де тиімді, бірақ несие алу қалтаға салмақ түсіреді деген сөз. ❓Ұлттық банк ертең қай позицияны таңдайды деп ойлайсыз? #QAMS_mektebi

📊 Акциялар деген не және олардан қалай табыс табуға болады? Акция - бұл бағалы қағаз: оны сатып алсаң, компанияның бір бөлігінің иесі боласың. 💡 Компаниялар не үшін акция шығарады? Компаниялар акцияны дамуға ақша тарту үшін шығарады. 👉 Бұл ақшаны олар өсу үшін пайдаланады: — жаңа өнімдер шығару; — жаңа нарықтарға шығу; — басқа компанияларды сатып алу; — жабдықтар мен технологияларды жаңарту. 💵Акциялардан қалай табыс табады? Табыс табудың екі негізгі жолы бар: 📈 1. Акция бағасының өсуі. Егер компания дамып, күшейсе, оның акциялары қымбаттауы мүмкін. 👉 Арзан сатып алып, қымбатқа сату - айырмашылық пайда болады. 💵 2. Дивидендтер Компания пайдасының бір бөлігі акционерлер арасында бөлінеді. Оның мөлшері мен жиілігі компанияның нәтижелеріне және акционерлердің шешіміне байланысты. ❗️Бірақ маңызды: дивиденд әрдайым төленбейді. Компания пайданы бизнесті дамытуға қалдыруы мүмкін. ☝️Мұны түсіну үшін мысал ретінде Halyk Bank акциясын қарайық. Жыл басында бір акция шамамен 372 ₸ тұрды, қазір — 412 ₸. 👉 Баға 40 ₸-ге өсті. 💵 Дивидендтер Halyk Bank директорлар кеңесі 2025 жыл үшін бір акцияға ₸30,10 дивиденд төлеуді ұсынды. 👉 Егер бұл шешім жылдық акционерлер жиналысында (23 сәуір) мақұлданса, компания бұл дивидендтерді акция иелеріне төлейді. Сонымен қатар, Halyk әдетте акционерлерге жылына екі рет төлем жасайды. 📊 Нәтижесінде не болды Егер сен жыл басында акция сатып алып, қазірге дейін ұстасаң: 📈 баға өсімі: +40 ₸ 💵 дивиденд: +30,10 ₸ 👉 жалпы нәтиже: бір акцияға шамамен +70 ₸ 👉 бұл шамамен 5 айда 18,8% табыс. ⚠️ Қауіптер Акциялар - бұл кепілдендірілген табыс емес. Баға: 📉 түсуі мүмкін; 📈 өсуі мүмкін; ↔️ ұзақ уақыт өзгермеуі мүмкін. Сондай-ақ дивидендтер де кепіл емес - компания оны азайтуы немесе мүлде төлемеуі мүмкін. ☝️Сондықтан нәтиже әрқашан компанияның жағдайына және сатып алу уақытына байланысты.

❗️ Зейнетақы ақшасын «шығарып беремін» деушілерге сенбеңіз: Бұл қауіпті! Желіде зейнетақы жинағын шекті деңгейден асырып «алып береміз» немесе «шығарып береміз» дейтін делдалдар көбейіп кетті. БЖЗҚ (ЕНПФ) мұндай ұсыныстардың алаяқтық екенін ескертеді. 🛑 Неге делдалдарға сенуге болмайды? ✅ Ақшаңыздан айырыласыз: Олар «көмегі» үшін комиссия сұрайды, бірақ шын мәнінде БЖЗҚ-дан ақша алу мүлдем тегін және делдалсыз жасалады. ✅ Деректеріңіз ұрланады: Алаяқтарға жеке мәліметтеріңізді (ЖСН, ЭЦП) берсеңіз, олар сіздің атыңыздан несие рәсімдеуі немесе шоттарыңызды тазалап кетуі мүмкін. ❓ Зейнетақы ақшасын шын мәнінде кімдер ала алады? Мұның бәрі заңмен нақты бекітілген, ешқандай «көке» оны айналып өте алмайды: ✅ Зейнет жасына жеткенде, ✅ I немесе II топтағы мерзімсіз мүгедектік орнатылса, ✅ Шетелге тұрақты тұруға (ПМЖ) кеткенде, ✅ Мұрагерлік бойынша. 🏠 Тұрғын үй немесе емделуге кімдер пайдалана алады? 📍 Шектен асқандар: Егер жинағыңыз «жеткіліктілік шегінен» асса: асып тұрған бөлігін ғана. 📍 Зейнеткерлер: Зейнетақысы бұрынғы табысының 40 пайызынан кем емес жандар: қалған ақшаның жартысына дейін. 📍 Әскерилер: Еңбек өтілі бойынша зейнетке шыққандар: 100 пайызға дейін. ⚙️ Қалай алу керек? Ешқандай делдал керек емес. Барлық процесс тек ресми банктер (уәкілетті операторлар) арқылы өтеді. БЖЗҚ сізден ешқашан қосымша ақы немесе «көмек» үшін ақша сұрамайды. 🚀 Болашақта не өзгереді? Қазір шекті деңгейді есептеудің жаңа әдісі талқыланып жатыр. Енді тек жалақыға емес, адамның жасына, күтілетін табысына және демографиялық деректерге (актуарлық тәсіл) қарауы мүмкін. Бұл: әр адамның жағдайы жеке есептеледі деген сөз. 💡 Түйін Зейнетақы жинағы: бұл сіздің болашақтағы «қауіпсіздік жастығыңыз». Мұндай маңызды ақшаға келгенде тек ресми ақпаратқа сеніңіз. Күмәнді жарнамаларға еріп, жинаған ақшаңыздан айырылып қалмаңыз. #QAMS_mektebi