es
Feedback

¡No caigas en manos de tramposos! Telemetrio encuentra y marca estos canales 👉 Si quieres ver la etiqueta, suscríbete

រដ្ឋបាលខេត្តកំពង់ចាម

រដ្ឋបាលខេត្តកំពង់ចាម

Ir al canal en Telegram
9 986
Suscriptores
-1124 horas
-317 días
-12230 días
Archivo de publicaciones
អភិបាលរងខេត្តកំពង់ចាម ដឹកនាំកកិច្ចប្រជ៉ំក្រុមការងារចុះសិក្សា ស្រាវជ្រាវករណី សុំចុះបញ្ជីវិញ្ញាបនបត្រសម្គាល់ម្ចាស់អចលនវត្ថុ ប្រ
+5
អភិបាលរងខេត្តកំពង់ចាម ដឹកនាំកកិច្ចប្រជ៉ំក្រុមការងារចុះសិក្សា ស្រាវជ្រាវករណី សុំចុះបញ្ជីវិញ្ញាបនបត្រសម្គាល់ម្ចាស់អចលនវត្ថុ ប្រព័ន្ធធារាសាស្ត្រក្នុងខេត្តកំពង់ចាម កំពង់ចាម៖ នារសៀលថ្ងៃទី២១ ខែកក្កដា ឆ្នាំ២០២៦នេះលោក ចាន់ រ៉ាន់ អភិបាលរង តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញដឹកនាំ «កិច្ចប្រជុំក្រុមការងារចុះសិក្សា ស្រាវជ្រាវករណីសុំចុះបញ្ជីវិញ្ញាបនបត្រសម្គាល់ម្ចាស់អចលនវត្ថុ ប្រព័ន្ធធារាសាស្ត្រក្នុងខេត្តកំពង់ចាម» ដែលបានរៀបចំឡើងនៅសាលប្រជុំតូច សាលាខេត្តកំពង់ចាម។ កិច្ចប្រជុំនេះ រៀបចំឡើងក្នុងគោលបំណងដើម្បីពិនិត្យ ពិភាក្សា និងផ្ទៀងផ្ទាត់ទិន្នន័យ ព្រមទាំងវាយតម្លៃលើដំណើរការនៃការចុះបញ្ជីដីធ្លីដែលជាសម្បត្តិសាធារណៈរបស់រដ្ឋ ជាពិសេសប្រព័ន្ធធារាសាស្ត្រនានានៅតាមបណ្តាក្រុង-ស្រុក និងឃុំ-សង្កាត់ ដែលកំពុងបម្រើឱ្យវិស័យកសិកម្ម និងការគ្រប់គ្រងប្រភពទឹកក្នុងខេត្ត ឱ្យមានភាពច្បាស់លាស់ ស្របតាមនីតិវិធីច្បាប់ សំដៅការពារទ្រព្យសម្បត្តិរដ្ឋ និងទប់ស្កាត់ការរំលោភបំពានទន្ទ្រានកាន់កាប់ខុសច្បាប់ពីភាគីណាមួយ។ ក្នុងឱកាសនោះ លោកអភិបាលរងខេត្ត ក៏បានណែនាំ ដល់ក្រុមការងារបច្ចេកទេស និងអាជ្ញាធរពាក់ព័ន្ធទាំងអស់ ត្រូវបន្តយកចិត្តទុកដាក់ខ្ពស់លើការពិនិត្យ និងផ្ទៀងផ្ទាត់ទិន្នន័យឱ្យបានត្រឹមត្រូវ ច្បាស់លាស់ ផ្អែកលើលទ្ធផលនៃការចុះសិក្សាស្រាវជ្រាវផ្ទាល់ដល់ទីតាំងជាក់ស្តែងនាពេលកន្លងមក។ ជាមួយគ្នានេះ សូមស្រង់រាល់បញ្ហាប្រឈម និងកង្វល់នានាដែលបានជួបប្រទះ សម្រាប់ដាក់បញ្ជូលក្នុងរបាយការណ៍លម្អិត ដើម្បីគោរពរាយការណ៍ជូនឯកឧត្តមអភិបាលខេត្ត ពិនិត្យ និងសម្រេច លើគោលការណ៍ណែនាំ សម្រាប់អនុវត្តបន្ត សំដៅពន្លឿនការរៀបចំ និងចុះបញ្ជីប្រព័ន្ធធារាសាស្ត្រ ក្នុងភូមិសាស្ត្រខេត្តកំពង់ចាម បានឆាប់រហ័ស និងមានប្រសិទ្ធភាពខ្ពស់ផងដែរ៕
21 jul, 10:52

អភិបាលខេត្តកំពង់ចាម និងប្រធានក្រុមប្រឹក្សាខេត្ត អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្ត(ថ្មី​​) សម្រេចបាន95
+9
អភិបាលខេត្តកំពង់ចាម និងប្រធានក្រុមប្រឹក្សាខេត្ត អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្ត(ថ្មី​​) សម្រេចបាន95% (កំពង់ចាម​) អភិបាលនៃគណៈអភិបាលខេត្តកំពង់ចាម​ ឯកឧត្ដម​ អ៊ុន ចាន់ដា និង ឯកឧត្តម ខ្លូត ផន ប្រធានក្រុមប្រឹក្សាខេត្ត នៅព្រឹកថ្ងៃទី21 ខែកក្កដា ឆ្នាំ2026 នេះ បានដឹកនាំក្រុមការងារ និងមន្ត្រីបច្ចេកទេស អញ្ជើញចុះពិនិត្យវឌ្ឍនភាពការងារសាងសង់​អគាររដ្ឋបាលសាលាខេត្តកំពង់ចាម (ថ្មី​​) សម្រេចបានប្រមាណ95%ហើយ។ ក្នុង​ឱកាស​នោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានស្នើឲ្យមន្ត្រីបច្ចេកទេស ធ្វើការសិក្សាលម្អិត ជុំវិញការរៀបចំតុបតែង លម្អ ក្នុងអគាររដ្ឋបាលថ្មី ដូចជាផ្ទាំងគំនូ និងបុស្បុក ជាដើម ដើម្បីឲ្យស្របទៅតាមបទដ្ឋានបច្ចេកទេស និងសាកសមជាអគាររដ្ឋបាលគំរូ។ ទន្ទឹមនេះ ឯកឧត្តម អភិបាលខេត្ត ក៏បានស្នើឲ្យក្រុមជាងត្រូវបង្កើនការយកចិត្តទុកដាក់ក្នុងការសាងសង់ សំណង់ខាងលើ ឲ្យបានរួចរាល់តាមផែនការកំណត់ និងមានគុណភាពខ្ពស់ ដើម្បីទុកប្រើប្រាស់បានគង់វង្សយូរអង្វែង។ បើតាមលោក ប្រាក់ ទិត្យ នាយកទីចាត់ការផែនការ និងវិនិយោគ សាលាខេត្តកំពង់ចាម បានបញ្ជាក់ឲ្យដឹងថា បច្ចុប្បន្នសំណង់នេះ​កំពុង​សាងសង់​លទ្ធផល​សម្រេចបាន​ប្រមាណ 90% ហើយ​ ខណៈ​គម្រោងអាគារថ្មី​ នៃរដ្ឋបាលសាលា​ខេត្ត​មួយនេះ​ ត្រូវ​បាន​សាងសង់ឡើង​អំពី​បេតុង​អាមេ​ ជញ្ជាំងរៀបឥដ្ឋ និងតំបូលប្រក់ក្បឿង ដែលមានទំហំបណ្តាយជាង​ 53ម៉ែត្រ ទទឹង 24ម៉ែត្រ និងកម្ពស់ 3ជាន់​ ដោយមានទីតាំងនៅ​ក្នុងបរិវេណសាលាខេត្ត ស្ថិត​ក្នុង​ភូមិទី7 សង្កាត់កំពង់ចាម ក្រុងកំពង់ចាម៕
21 jul, 04:13

ពិធីចុះកិច្ចសន្យាជាផ្លូវការ​ ស្តីពីការគ្រប់គ្រងសំរាម​ រវាងរដ្ឋបាលក្រុងកំពង់ចាម​ និងក្រុមហ៊ុនស៊ីនទ្រី​ បន្ទាប់ពីបានអនុវត្តសាកល
+9
ពិធីចុះកិច្ចសន្យាជាផ្លូវការ​ ស្តីពីការគ្រប់គ្រងសំរាម​ រវាងរដ្ឋបាលក្រុងកំពង់ចាម​ និងក្រុមហ៊ុនស៊ីនទ្រី​ បន្ទាប់ពីបានអនុវត្តសាកល្បងដោយជោគជ័យ ចាប់តាំងពីឆ្នាំ ២០២៣ មកដល់បច្ចុប្បន្ន (កំពង់ចាម) រដ្ឋបាលក្រុងកំពង់ចាម និងក្រុមហ៊ុន ស៊ីទ្រី (CINTRI) នាព្រឹកថ្ងៃទី២១ ខែកក្កដា ឆ្នាំ២០២៦ បានរៀបចំពិធីចុះកិច្ចសន្យាជាផ្លូវការ​ ស្តីពីការគ្រប់គ្រងសំរាម​ រវាងរដ្ឋបាលក្រុងកំពង់ចាម​ និងក្រុមហ៊ុនស៊ីនទ្រី​ បន្ទាប់ពីបានអនុវត្តសាកល្បងដោយជោគជ័យ ចាប់តាំងពីឆ្នាំ ២០២៣ មកដល់បច្ចុប្បន្ន តាមអនុក្រឹត្យលេខ ១១៣ ស្តីពីការគ្រប់គ្រងសំរាម របស់រាជរដ្ឋាភិបាលកម្ពុជា។ ពិធីចុះហត្ថលេខានេះ បានប្រព្រឹត្តទៅនៅសាលាខេត្តកំពង់ចាម ក្រោមអធិបតីភាព ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ស្ថិតនៅសាលាខេត្ត ដោយមានការចូលរួមពីសំណាក់ លោកអភិបាលក្រុងកំពង់ចាម តំណាងក្រុមហ៊ុន ស៊ីទ្រី លោក-លោកស្រី អភិបាលរងក្រុង ប្រធានមន្ទីរ-អង្គភាពពាក់ព័ន្ធ ចៅសង្កាត់ទាំង៤ និងមន្ត្រីជំនាញផងដែរ។ ផ្អែកតាមកិច្ចសន្យា ក្រុមហ៊ុន ស៊ីទ្រី បានប្តេជ្ញាចិត្តបង្កើនមធ្យោបាយដឹកជញ្ជូន បំពាក់ឧបករណ៍សម្ភារទំនើបបន្ថែម និងបន្ថែមប្រជាកម្លាំង ដើម្បីប្រមូលសំរាមឱ្យអស់ពីតាមដងផ្លូវ និងទីប្រជុំជនបានទាន់ពេលវេលា។ រៀបចំកាលវិភាគ និងរថយន្តប្រមូលសំរាមតាមបណ្តាសង្កាត់ និងផ្លូវនីមួយៗឱ្យបានទៀងទាត់ ជៀសវាងការទុកសំរាមចោលយូរដែលបណ្តាលឱ្យធំក្លិន និងបាត់បង់សោភ័ណភាព។ បង្កើតក្រុមការងាររហ័ស ដើម្បីកែសម្រួល និងដោះស្រាយរាល់ការអាក់ខាន ឬបណ្តឹងតវ៉ារបស់ប្រជាពលរដ្ឋអំពីបញ្ហាសំរាមឱ្យបានឆាប់រហ័ស។ ឯកឧត្តម អភិបាលខេត្ត ក៏បានជម្រុញឲ្យអាជ្ញាធរក្រុងកំពង់ចាម ខិតខំរកដៃគូសម្រាប់ការវិនិយោគសំរាម កុំឲ្យគេទុកចោលឥតប្រយោជន៍ ដើម្បីជាជ្រុងមួយនៃ ចំណូលសេដ្ឋកិច្ចរបស់ក្រុងផងដែរ។ ឯកឧត្តម អ៊ុន ចាន់ដា អភិបាលខេត្តកំពង់ចាម បានសង្កត់ធ្ងន់ថា ការបន្តកិច្ចសន្យានាពេលនេះ គឺជាជំហានដ៏សំខាន់ក្នុងការលើកកម្ពស់សោភ័ណភាពក្រុង។ ឯកឧត្តមបានណែនាំឱ្យក្រុមហ៊ុន ស៊ីទ្រី ត្រូវតែអនុវត្តតាមលក្ខខណ្ឌដែលបានព្រមព្រៀងគ្នាក្នុងកិច្ចសន្យាឱ្យបានម៉ឺងម៉ាត់ និងមានទទួលខុសត្រូវខ្ពស់ ដោយត្រូវប្រមូលសំរាមឱ្យអស់ និងទាន់ពេលវេលា ដើម្បីធានាថា ក្រុងកំពង់ចាម មានបរិស្ថានស្អាត គ្មានសំរាមកកស្ទះ និងសមស្របជាក្រុងទេសចរណ៍គំរូ ដែលទទួលបានជ័យលាភី "ទីក្រុងស្អាត រំដួលបីទង" ច្រើនអាណ្តិជាប់គ្នា៕
21 jul, 02:00

ដើម្បីរួមគ្នាទប់ស្កាត់ព័ត៌មានក្លែងក្លាយ យុវជន និងអ្នកប្រើប្រាស់បណ្ដាញសង្គមទាំងអស់ ត្រូវផ្ទៀងផ្ទាត់ប្រភពព័ត៌មានឱ្យបានច្បាស់លាស់ មុននឹងចុច Like និង Share
20 jul, 09:51

កសិករចិញ្ចឹមសត្វពាហនៈក្នុងស្រុកកងមាស រីករាយពេលទទួលបានវ៉ាក់សាំងបង្ការជំងឺផ្សេងៗដោយឥតគិតថ្លៃ
20 jul, 07:54

សេចក្ដីណែនាំ ស្ដីពីការត្រួតពិនិត្យទីតាំងរក្សាទុកផលិតផលបង្កក ផលិតផលត្រជាក់ និងការនាំចូលទំនិញក្លែងក្លាយខុសច្បាប់ ក្នុងភូមិសាស្ត
+1
សេចក្ដីណែនាំ ស្ដីពីការត្រួតពិនិត្យទីតាំងរក្សាទុកផលិតផលបង្កក ផលិតផលត្រជាក់ និងការនាំចូលទំនិញក្លែងក្លាយខុសច្បាប់ ក្នុងភូមិសាស្ត្រខេត្តកំពង់ចាម
20 jul, 06:52

ស្រុកចំការលើ ៖ ព្រឹកថ្ងៃទី២០ ខែកក្កដា ឆ្នាំ២០២៦ វេលាម៉ោង១០:៣០នាទី លោកបណ្ឌិត សំ ពិសិដ្ឋ អភិបាលនៃគណៈអភិបាលស្រុកចំការលើ បានអញ្ជេ
+9
ស្រុកចំការលើ ៖ ព្រឹកថ្ងៃទី២០ ខែកក្កដា ឆ្នាំ២០២៦ វេលាម៉ោង១០:៣០នាទី លោកបណ្ឌិត សំ ពិសិដ្ឋ អភិបាលនៃគណៈអភិបាលស្រុកចំការលើ បានអញ្ជេីញដឹកនាំក្រុមការងារ ចុះសួរសុខទុក្ខ និងនាំយកគ្រឿងឧបភោគបរិភោគ និងថវិកាមួយចំនួន ជាអំណោយរបស់ឯកឧត្តម ហ៊ុន ម៉ានិត ប្រធានក្រុមការងាររាជរដ្ឋាភិបាលចុះមូលដ្ឋានស្រុកចំការលើ ឧបត្ថម្ភជូនលោកស្រី វ៉ាន់ ចរិយា ដែលទេីបសម្រាលកូនរួច ត្រូវជាប្រពន្ឋរបស់លោក ឡេង សុថារ៉ា បំរេីការងារកងរាជអាវុធហត្ថ នៅផ្ទៃប្រទេស កងអនុសេនាធំទី២ ថ២ ក្រុម១ ដែលបានមកស្នាក់នៅ (ជាមួយឪពុកម្តាយ) ស្ថិតនៅភូមិស្ពឺ(ក) ឃុំជយោ ស្រុកចំការលេី ខេត្តកំពង់ចាម ។
20 jul, 05:41

ឯកឧត្តមអភិបាលខេត្តកំពង់ចាមបានអំពាវនាវឲ្យប្រជាកសិករចិញ្ចឹមគោក្របីមកចាក់ថ្នាំបង្ការការពារជម្ងឺ
20 jul, 05:12

អភិបាលខេត្តកំពង់ចាម អញ្ជើញបើកយុទ្ធនាការចាក់វ៉ាក់សាំងការពារជំងឺសត្វពាហនៈ ឆ្នាំ២០២៦ (កំពង់ចាម): អភិបាលនៃគណៈអភិបាលខេត្តកំពង់ចាម​
+9
អភិបាលខេត្តកំពង់ចាម អញ្ជើញបើកយុទ្ធនាការចាក់វ៉ាក់សាំងការពារជំងឺសត្វពាហនៈ ឆ្នាំ២០២៦ (កំពង់ចាម): អភិបាលនៃគណៈអភិបាលខេត្តកំពង់ចាម​ ឯកឧត្តម អ៊ុន ចាន់ដា នាព្រឹកថ្ងៃទី២០ ខែកក្កដា ឆ្នាំ២០២៦ នេះ បានអញ្ជើញបើកយុទ្ធនាការចាក់វ៉ាក់សាំងការពារជំងឺសារទឹក លើសត្វគោ ក្របី ជូនប្រជាកសិករដោយគិតថ្លៃ នៅក្នុងបរិវេណវត្តមុនីវ័ន្ត ស្វាយស្រណោះ ភូមិស្វាយស្រណោះ ឃុំរការអា ស្រុកកងមាស ដើម្បីទប់ស្កាត់ និងការពារនូវជំងឺឆ្លងរាតត្បាតផ្សេងៗដែលតែងតែកើតមានឡើង ចំពោះសត្វពាហនៈ ក្នុងរដូវវស្សានេះ ក្រោមកិច្ចសហការរៀបចំរបស់មន្ទីរកសិកម្ម រុក្ខាប្រមាញ់ និងនេសាទ​ខេត្តកំពង់ចាម​។ ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា ការចូលរួមការពារសុខភាពសត្វ គឺដើម្បីពង្រឹងសេដ្ឋកិច្ចគ្រួសារ​ និងការពារសុខភាពយើងទាំងអស់គ្នា។ ឯកឧត្តម អភិបាលខេត្ត ក៏បានធ្វើការណែនាំដល់អាជ្ញាធរគ្រប់លំដាប់ថ្នាក់​ ត្រូវជួយផ្សព្វផ្សាយដល់ប្រជាពលរដ្ឋ ឱ្យបានចូលរួមជាមួយមន្ត្រីជំនាញ ដើម្បី ចាក់ថ្នាំការពារទប់ស្កាត់ នូវជំងឺឆ្លងលើសត្វពាហនៈ និងជួយរាយការណ៍ អំពីស្ថានភាពជម្ងឺសត្វ ទៅកាន់ភ្នាក់ងារ សុខភាពសត្វភូមិ និងមន្ត្រីបសុព្យាបាល ប្រចាំស្រុក ត្រូវចូលរួមធ្វើការចាក់ ថ្នាំការពារឱ្យបានទាន់ពេលវេលា ចៀសវាងបង្កឱ្យមានការឆ្លងជំងឺរីករាលដាលធ្ងន់ធ្ងរ។ ជាមួយគ្នានោះ ឯកឧត្តមអភិបាលខេត្ត ក៏បានក្រើនរំលឹក ដល់បងប្អូនប្រជាពលរដ្ឋ ត្រូវលើកកំពស់ ការថែទាំសុខភាពឱ្យបានល្អ ដើម្បីអាយុយឺនយូរ ដោយរស់នៅត្រូវមានអនាម័យ និងត្រូវធ្វើការ សំអាតថែរក្សាបរិវេណជុំវិញលំនៅឋានរបស់ខ្លួន ដែលជាកន្លែងសត្វមូសបង្កាត់ពូជ ដើម្បីការពារ នូវជំងឺឆ្លងផ្សេងៗ ជាពិសេសជំងឺ គ្រុនឈាម ហើយបើសិនជាបងប្អូនកូនចៅមានជំងឺអ្វីកើតឡើង ត្រូវប្រញាប់​បញ្ជូនទៅកាន់មណ្ឌលសុខភាព ឬមន្ទីរពេទ្យជាបន្ទាន់៕
20 jul, 01:58

នាវេលាម៉ោង៧:០០នាទី ព្រឹកថ្ងៃចន្ទ ៦កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកក្កដា ឆ្នាំ២០២៦ មន្ត្រ
+7
នាវេលាម៉ោង៧:០០នាទី ព្រឹកថ្ងៃចន្ទ ៦កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកក្កដា ឆ្នាំ២០២៦ មន្ត្រីសាលាខេត្តកំពង់ចាម បានបំពេញកាតព្វកិច្ច ចូលរួមគោរពទង់ជាតិ នៃព្រះរាជាណាចក្រកម្ពុជា 🙏🇰🇭🙏
19 jul, 21:12

លោកជំទាវ ប៉ាង ដានី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាល នៃគណៈអភិបាលខេត្ត រួមជាមួយ លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជា បានអញ្ជើញជាគណៈអធិបតីក្នុង ពិពិធីបិទ “វគ្គបណ្តុះបណ្តាល ហូកា (HoKa) លើជំនាញសេវាកម្មម្ហូបអាហារ និងភេសជ្ជៈ និងជំនាញគេហកិច្ច” ធ្វើនៅសាលប្រជុំ សណ្ឋាគារ LBN ក្រុងកំពង់ចាម។ គោលបំណងវគ្គបណ្តុះបណ្តាល៖ ដើម្បី លើកកម្ពស់គុណភាពសេវាកម្មទេសចរណ៍ និងបដិសណ្ឋារកិច្ចក្នុងខេត្តកំពង់ចាម តាមរយៈការពង្រឹងសមត្ថភាពជំនាញវិជ្ជាជីវៈ (ហូកា) ដល់សិក្ខាកាម និង ជួយគាំទ្រដល់ម្ចាស់សណ្ឋាគារ ផ្ទះសំណាក់ ភោជនីយដ្ឋាននៅក្នុងខេត្តឱ្យមានបុគ្គលិកដែលមានសមត្ថភាព ជួយទាក់ទាញភ្ញៀវ និងជម្រុញកំណើនសេដ្ឋកិច្ចក្នុងតំបន់។ ក្នុងឱកាសនោះដែរ លោកជំទាវ បានចែកវិញ្ញាបនបត្រដល់សិក្ខាកាមដែលបានបញ្ចប់វគ្គបណ្តុះបណ្តាល ផងដែរ ។ វគ្គបណ្ដុះបណ្ដាលក៏មានការអញ្ជើញចូលរួមពីលោកប្រធានមន្ទីរទេសចរណ៍ខេត្ត លោក លោកស្រី តំណាងមន្ទីរ-អង្គភាពជុំវិញខេត្ត, លោកនាយកវិទ្យស្ថាន ពហុបច្ចេកទេសខេត្ត,ក្រុមការងារ CATA និងគ.គ.ហ , ក្រុមការងារវិទ្យាស្ថាន,មន្ត្រីបច្ចេកទេស, គ្រូបង្គោល និងសិក្ខាកាម ជាច្រើនរូបផងដែរ នាថ្ងៃរសៀល ទី១៩ ខែកក្កដា ឆ្នាំ២០២៦។
19 jul, 19:30