រដ្ឋបាលខេត្តកំពង់ចាម

គណៈគ្រប់គ្រងសាលាបានអំពាវនាវឲ្យអាណាព្យាបាលនាំកូនចៅទៅចុះឈ្មោះចូលរៀននាបវេសនកាលថ្មី

ក្រុមការងារឥស្សរជនឆ្នើមថ្នាក់ជាតិរបស់សាខា ចុះសួរសុខទុក្ខ ភរិយាយោធិនជួរមុខ ជាប្រជាពលរដ្ឋភៀសសឹក ១នាក់ ដែលសម្រាលកូនក្នុងមន្ទីរពេទ្យបង្អែកខេត្តកំពង់ចាម នាថ្ងៃទី៣១ ខែ តុលា ឆ្នាំ ២០២៥នេះ ឯកឧត្តម អ៊ុន ចាន់ដា ប្រធានគណៈកម្មាធិការសាខា កាកបាទក្រហមកម្ពុជា ខេត្តកំពង់ចាម បានចាត់លោកជំទាវ ប៉ាង ដានី អនុប្រធានអចិន្ត្រែយ៍សាខា និងជាប្រធានក្រុមការងារឥស្សរជនឆ្នើមថ្នាក់ជាតិថ្នាក់សាខា និងសហការី រួមដំណើរដោយនាយករងសាខា រួមនឹង លោក វ៉ា សាវុធ អនុប្រធានមន្ទីរសុខាភិបាល បានអញ្ជើញ ចុះសួរសុខទុក្ខ អ្នកស្រី សឹម សុខា អាយុ៣២ឆ្នាំ ជាភរិយាយោធិនជួរមុខទិសមុំបី ភូមិពាក់ស្បែក ឃុំដោះស្រែ ស្រុកជាំសាន្ត ខេត្តព្រះវិហារ បានភៀសខ្លួនពេលផ្ទះអាវុធ មករស់នៅស្រុកកំណើតវិញ នៅភូមិប្រាសាទ ឃុំវិហារធំ ស្រុកកំពង់សៀម ខេត្តកំពង់ចាម មកសម្រាលកូន នៅក្នុងមន្ទីរពេទ្យបង្អែកខេត្តកំពង់ចាម ដែលសេវា សម្រាល និង ថែទាំព្យាបាល ជាបន្ទុកមន្ទីរពេទ្យបង្អែកខេត្តកំពង់ចាមទាំងស្រុង ។

ព្រឹកថ្ងៃទី៣១ ខែតុលា ឆ្នាំ២០២៥ លោកជំទាវ ប៉ាង ដានី អភិបាលរងខេត្ត តំណាងដ៍ខ្ពង់ខ្ពស់ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញជាអធិបតីក្នុង ពិធីអបអរសាទរទិវាមនុស្សចាស់កម្ពុជា និងទិវាមនុស្សចាស់អន្តរជាតិ ថ្ងៃទី១ ខែតុលា ឆ្នាំ២០២៥ ក្រោមប្រធានបទ វ័យចាស់ដោយសេចក្តីថ្លៃថ្នូ នៅសាលាឃុំតាអុង ពិធីនេះ រៀបចំដោយមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពង់ចាម សហការជាមួយសាលាស្រុកចំការលើ ដោយមានការចូលរួម អជ្ញាធរស្រុក , ប្រធាន-អនុប្រធានមន្ទីរ-អង្គភាពជុំវិញខេត្ត , ប្រជាពលរដ្ឋ , លោកយាយ លោកតា ជាអតីតមន្រ្តីរាជការស៊ីវិល អតីតយុទ្ធជន សមាជិកសមាគម មនុស្សចាស់ និងព្រឹទ្ធាចារ្យក្នុងស្រុក ចំនួន ១៥០នាក់ សរុប ចំនួន ២០០នាក់ផងដែរ។

មេឃុំអារក្សត្នោត បង្ហាញពីការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាព

អភិបាលខេត្តកំពង់ចាម អញ្ជើញបើកបវេសនកាលថ្មីឆ្នាំសិក្សា២០២៥-២០២៦ និងទិវាដឹងគុណគ្រូបង្រៀន នៅវិទ្យាល័យព្រះសីហនុ ក្រុងកំពង់ចាម​

អភិបាលខេត្តកំពង់ចាម សូមចូលរួមសោកស្តាយចំពោះក្រុមគ្រួសារនៃសព​ រងគ្រោះក្នុងឧបទ្ទវហេតុ​រថយន្តធ្លាក់ចូលទន្លេ មានហេតុការណ៍កេីតឡេីង នៅថ្ងៃទី២៩/១០/២០២៥​ វេលាម៉ោង​ ១០:១១នាទី ដោយឡាន​ ១គ្រឿង​ ម៉ាក​សាំយ៉ុង​ បានបើកធ្លាក់ចូលទឹកទន្លេមេគង្គ​ នៅភូមិជ័យ ឃុំមានជ័យ ស្រុកស្រីសន្ធរ​ ខេត្តកំពង់ចាម​ ដែល​បានធ្វើដំណើរពីស្រុកត្បូងឃ្មុំ​ ខេត្តត្បូងឃ្មុំ​ ឆ្លងកាត់ស្រុកស្រីសន្ធរ​ ក្នុងរថយន្តមានមនុស្ស០៥នាក់។ ​ ៙គិតមកដល់ត្រឹមម៉ោង១៧,០០នាទី​ ក្រុមការងាររុករករបស់គណៈបញ្ជាការឯកភាពរដ្ឋបាលខេត្តកំពង់ចាម​ បានរកឃើញរថយន្ត​ និងបានអូសយកមកច្រាំងទន្លេ។ ​ ហេតុការណ៍ខាងលេីបណ្តាលអោយមានមនុស្សរបួស​ ២នាក់​ ស្លាប់​ ២នាក់​ និងបាត់ខ្លួន​ ម្នាក់ (កំពុងរុករក)។ កក្តានាំអោយគ្រោះថ្នាក់គឺការធ្វេសប្រហែស​របស់អ្នកបេីកបរ។ ​ ឯកឧត្តម អភិបាលខេត្ត ស្នើដល់អ្នកបេីកបរ សូមគោរពច្បាប់ចរាចរណ៍​ និងប្រកបដោយការទទួលខុសត្រូវខ្ពស់។

ព្រឹកថ្ងៃពុធទី ៣០ ខែតុលា ឆ្នាំ ២០២៥នេះ លោកជំទាវ ប៉ាង ដានី តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកជំទាវ នីចន្ទធីតា តំណាងដ៏ខ្ពង់ខ្ពស់ ឯកឧត្តម ប៉ែន កុសល្យ ប្រធានគណ:កម្មាធិការសាខា ខេត្តត្បូងឃ្មុំ រួមដំណើរដោយ លោកប្រធានមន្ទីរពេទ្យបង្អែកខេត្ត - ឯកឧត្តម នាយកសាខា រួមនឹង ក្រុមការងារឥស្សរជនឆ្នើមថ្នាក់ជាតិនៃសាខានិង សមាគមនារីដើម្បីសន្តិភាពនិងអភិវឌ្ឍន៍ខេត្តទាំង២ បានអញ្ជើញ ចុះសួរសុខទុក្ខ អ្នកស្រី សំអូន អ៊ីអ៊ី អាយុ ២៦ ឆ្នាំ ជាភរិយាវីរ: យោធិន ជួរមុខទិស ប្រាសាទតាក្របីដែលមកសម្រាលកូន នៅក្នុងមន្ទីរពេទ្យបង្អែកខេត្តកំពង់ចាម ។

អាជ្ញាធរខេត្តកំពង់ចាម បើកវេទិកាសាធារណៈនៅស្រុកស្ទឹងត្រង់ ដើម្បីទទួលសំណើ សំណូមពរ និងទុក្ខកង្វល់របស់ប្រជាពលរដ្ឋ នៅព្រឹកថ្ងៃទី៣០ ខែតុលា ឆ្នាំ២០២៥ ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្ដម ស្រី សុភ័ក្ត្រ អភិបាលរងខេត្ត តំណាងដ៍ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្ដកំពង់ចាម បានអញ្ជេីញចូលរួមជាអធិបតីក្នុងវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្តកំពង់ចាម លើកទី២ អាណត្តិទី៤ ប្រចាំឆ្នាំ២០២៥ នៅឃុំអារក្សត្នោត ស្រុកស្ទឹងត្រង់ ខេត្ត កំពង់ ចាម ដើម្បីបានទទួលសំណើ សំណូមពរ និងកង្វល់ពីប្រជាពលរដ្ឋ ១៥ករណី ដោយបានដោះស្រាយភ្លាមៗ និងនៅសេសសល់ អង្គវេទិកាបានទទួលយកទៅពិភាក្សាដោះស្រាយបន្ត តាមនីតិវិធីរដ្ឋបាល។

អភិបាលខេត្តកំពង់ចាម អញ្ជើញបើកបវេសនកាលថ្មីឆ្នាំសិក្សា២០២៥-២០២៦ និងទិវាដឹងគុណគ្រូបង្រៀន នៅវិទ្យាល័យព្រះសីហនុ ក្រុងកំពង់ចាម​ (កំពង់ចាម​):​ អភិបាលនៃគណៈអភិបាលខេត្តកំពង់ចាម​ ឯកឧត្ដម​ អ៊ុន​ ចាន់ដា​ បានអំពាវនាវដល់មាតាបិតា អាណាព្យាបាលគ្រប់រូប សូមនាំកូន ចៅ មកចុះឈ្មោះចូលរៀន និងផ្តល់ការគាំទ្រ លើកទឹកចិត្ត បង្រៀនបន្ថែមតាមគ្រប់រូបភាព​ ហេីយ​ត្រូវយកចិត្តទុកដាក់ជំរុញ និងដាស់តឿនឱ្យពួកគាត់ខិតខំរៀនសូត្រឱ្យបានគ្រប់ពេលវេលា​ផងដែរ​។ ការថ្លែងបែបនេះ​ក្នុងពិធីបើកបវេសនកាលថ្មីឆ្នាំសិក្សា២០២៥-២០២៦ និងទិវាដឹងគុណគ្រូបង្រៀន នៅវិទ្យាល័យព្រះសីហនុ ក្រុងកំពង់ចាម​ នាព្រឹកថ្ងៃទី​៣០ ខែតុលា​ ឆ្នាំ​២០២៥​ ។ ថ្លែងក្នុងឱកាសនោះដែរ​ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ បានលេីកទឹកចិត្តដល់សិស្សានុសិស្សទាំងអស់ ត្រូវខិតខំរៀនសូត្រធ្វើខ្លួនឱ្យក្លាយជា “កូនល្អ សិស្សល្អ មិត្តល្អ និងពលរដ្ឋល្អ” ត្រូវចៀសវាងការប្រព្រឹត្ត អំពើមិនគប្បីទាំងឡាយ ដែលជាកង្វល់ក្នុងគ្រួសារ និងសង្គមជាតិទាំងមូល​ ពោលគឺត្រូវចងចាំថា ក្មួយៗគឺជាអ្នកកាន់កូនសោសម្រាប់បើក ជោគវាសនារបស់ខ្លួននាពេលអនាគត ហើយមានតែការអប់រំ និងចំណេះដឹងប៉ុណ្ណោះទេ ដែលអាច បើកផ្លូវឱ្យក្មួយៗទាំងអស់ទទួលបានអនាគតដ៏រុងរឿងនោះ​ ។ ឯកឧត្តមអភិបាលខេត្ត​ បានស្នេីដល់​មន្ទីរអប់រំ​ និងគ្រឹះស្ថានសិក្សាគ្រប់កម្រិត ត្រូវខិតខំពង្រីកសក្តានុពលរបស់ខ្លួន ទាំងខាង ផ្នែកហេដ្ឋារចនាសម្ព័ន្ធរូបវ័ន្ត អរូបវ័ន្ត ដើម្បីឱ្យសាលារៀនរបស់យើងក្លាយទៅជា សាលាកុមារមេត្រី កម្រិតអភិវឌ្ឍន៍ ជាសាលារៀនជំនាន់ថ្មី និងជាសាលារៀនគំរូ ប្រកបដោយប្រសិទ្ធភាព និងគុណភាព និងបន្តលើកកម្ពស់សុខភាពសិក្សា និងសុខុមាលភាព លោកគ្រូ អ្នកគ្រូ និងសិស្សានុសិស្សនៅគ្រប់គ្រឹះស្ថានសិក្សា។ ជាមួយគ្នានោះ​ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ ក៏បានសំណូមពរដល់លោកគ្រូ អ្នកគ្រូទាំងអស់ ត្រូវដើរតួជាបុគ្គលនាំមុខ ជាឪពុកម្តាយទី២ ជាមគ្គុទ្ទេសក៏ ជាអ្នកស្រាវជ្រាវ ជាទីប្រឹក្សា និងជាអ្នកច្នៃប្រឌិត ដោយត្រូវខិតខំប្រឹងប្រែងអភិវឌ្ឍ សមត្ថភាពខ្លួនជាប្រចាំ ទាំងខាងផ្នែកចំណេះដឹង ទាំងវិធីសាស្ត្របង្រៀន រួមទាំង ការប្រើប្រាស់បច្ចេកវិទ្យាព័ត៌មាន និងភាសាបរទេសផងដែរ ៕

នៅព្រឹកថ្ងៃទី២៩ ខែតុលា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងសហការី បានអញ្ជើញចូលរួមរាប់បាត្រ ក្នុងកម្មវិធីបុណ្យទក្ខិណានុប្បទានគម្រប់ខួប ១០០ថ្ងៃ និង បញ្ចុះអដ្ឋិធាតុ ឧទ្ទិសកុសលជូនដួងវិញ្ញាក្ខន្ធ អ្នកស្រី សុទ្ធ ចាន់ណា ព្រមទាំង ឆ្លងចេតីយ៍ ក្រោមវត្តមានដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងលោកជំទាវ ស្ថិតនៅភូមិទី១០ ឃុំកោះសូទិន ស្រុកកោះសូទិន ខេត្តកំពង់ចាម៕

ព្រះសង្ឃ និពលរដ្ឋ ក្នុងខេត្តកំពង់ចាម សម្តែងក្តីសប្បាយរីករាយ ខណៈ មានកិច្ចព្រមព្រៀងសន្តិភាពកម្ពុជា

សារលិខិតថ្វាយព្រះពរ របស់ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម សូមក្រាបបង្គំទូលថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​នៃព្រះ​រាជា​ណាចក្រកម្ពុជា នៅក្នុងឱកាសព្រះរាជពិធីបុណ្យ ​ខួបលើកទី២១ នៃការ​យាង​គ្រង​ព្រះបរមសិរីរាជសម្បត្តិ

អភិបាលខេត្តកំពង់ចាម អញ្ជើញចូលរួមពិធីបុណ្យទណានុប្បទានគម្រប់ខួប ១០០ថ្ងៃ និង បញ្ចុះអដ្ឋិធាតុ ឧទ្ទិសកុសលជូនដួងវិញ្ញាក្ខន្ធ អ្នកស្រី សុទ្ធ ចាន់ណា ព្រមទាំង ឆ្លងចេតីយ៍ នៅរសៀលថ្ងៃទី២៨ ខែតុលា ឆ្នាំ២០២៥ នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងសហការី បានអញ្ជើញចូលរួមពិធីបុណ្យទណានុប្បទានគម្រប់ខួប ១០០ថ្ងៃ និង បញ្ចុះអដ្ឋិធាតុ ឧទ្ទិសកុសលជូនដួងវិញ្ញាក្ខន្ធ អ្នកស្រី សុទ្ធ ចាន់ណា ព្រមទាំង ឆ្លងចេតីយ៍ ស្ថិតនៅភូមិទី១០ ឃុំកោះសូទិន ស្រុកកោះសូទិន ក្រោមវត្តមានដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងលោកជំទាវ។ គួរបញ្ជាក់ថា អ្នកស្រី សុទ្ធ ចាន់ណា ត្រូវជាក្មួយស្រីរបស់សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា។ អ្នកស្រី សុទ្ធ ចាន់ណា បានទទួលអនិច្ចកម្ម កាលពីថ្ងៃ អាទិត្យ ១០រោច ខែអាសាឍ ឆ្នាំម្សាញ់ សប្ដស័ក ព.ស២៥៦៩ ត្រូវនឹងថ្ងៃទី២០ ខែកក្កដា ឆ្នាំ២០២៥ វេលាម៉ោង ៥ និង៥៥នាទីល្ងាច ក្នុងជន្មាយុ ៥១ឆ្នាំ ដោយរោគាពាធ ស្ថិតនៅគេហដ្ឋាន ភូមិទី១០ ឃុំកោះសូទិន ស្រុកកោះសូទិន ខេត្តកំពង់ចាម៕

នៅថ្ងៃទី២៨ ខែតុលា ឆ្នាំ២០២៥ ឯកឧត្តម ខ្លូត ចិន្ដា អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណ:អភិបាលខេត្តកមពង់ចាម បានអញ្ជើញចូលរួមជាគណៈអធិបតីបើកវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខេត្ត លើកទី២ អាណត្តិទី៤ ឆ្នាំ២០២៥ នៅបរិវេណវត្តអម្ពវនារាម ទួលស្វាយជ្រុំ (ហៅវត្តចំការអណ្តូង ) ស្ថិតនៅភូមិចំការអណ្តូង ឃុំចំការអណ្តូង ស្រុកចំការលើ ក្រោមអធិបតិភាពឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម ។ ក្នុងអង្គវេទិកានេះដែរមានការអញ្ជើញចូលរួមពី ឯកឧត្តម លោកជំទាវ សមាជិក-សមាជិកា ក្រុមប្រឹក្សាខេត្ត , មន្ត្រីសាលាខេត្ត , អាជ្ញាធរស្រុក មន្ទីរ-អង្គភាព និងបងប្អូនប្រជាពលរដ្ឋ ៥២៤នាក់។ ក្នុងអង្គវេទិកាតាមរបៀបវារៈ បន្ទាប់ពីបញ្ចប់វេទិកាផ្សព្វផ្សាយ អង្គពិធីទាំងមូល ឈានដល់កម្មវិធីវេទិកាពិគ្រោះយោបល់ ដែលដឹកនាំផ្ទាល់ដោយឯកឧត្តមប្រធានក្រុមប្រឹក្សាខេត្ត ក្នុងនោះមានប្រជាពលរដ្ឋចូលរួមលើកសំណើចំនួន២ និងសំណូមពរចំនួន៧ សរុបចំនួន ៩ ហើយត្រូវបានដោះស្រាយ និងបំភ្លឺជូនក្នុងអង្គវេទិកាផ្ទាល់ចំនួន៧ និងផ្ទេរសមត្ថកិច្ចចំនួន១ អង្គវេទិកាទទួលយកទៅពិភាក្សាដោះស្រាយបន្តចំនួន១ តាមនីតិវិធីរបស់រដ្ឋបាល។