¡Ya disponible! Investigación de Telegram 2025 — los principales insights del año 
Region
Ir al canal en Telegram
📈 Análisis del canal de Telegram Region
El canal Region (@regiontoday) en el segmento lingüístico de Armenio es un actor destacado. Actualmente la comunidad reúne a 49 765 suscriptores, ocupando la posición 5 329 en la categoría Noticias y medios y el puesto 30 en la región Armenia.
📊 Métricas de audiencia y dinámica
Desde su creación el невідомо, el proyecto ha mostrado un crecimiento acelerado, reuniendo a 49 765 suscriptores.
Según los últimos datos del 22 junio, 2026, el canal mantiene una actividad estable. En los últimos 30 días la variación de miembros fue de 29 383, y en las últimas 24 horas de -2 164, conservando un alto alcance.
- Estado de verificación: No verificado
- Tasa de interacción (ER): El promedio de interacción de la audiencia es 2.61%. Durante las primeras 24 horas tras publicar, el contenido suele obtener 0.76% de reacciones respecto al total de suscriptores.
- Alcance de las publicaciones: Cada publicación recibe en promedio 1 297 visualizaciones. En el primer día suele acumular 380 visualizaciones.
- Reacciones e interacción: La audiencia responde de forma activa: el promedio de reacciones por publicación es 1.
📝 Descripción y política de contenido
El autor describe el recurso como un espacio para expresar opiniones subjetivas:
“Տեղեկատվական հարթակ”
Gracias a la alta frecuencia de actualizaciones (últimos datos recibidos el 23 junio, 2026), el canal mantiene la vigencia y un amplio alcance. La analítica demuestra que la audiencia interactúa activamente con el contenido, lo que lo convierte en un punto de referencia dentro de la categoría Noticias y medios.
49 765
Suscriptores
-2 16424 horas
-5 6727 días
+29 38330 días
Archivo de publicaciones
49 765
Ինչո՞ւ է իշխանությունն ինքն իրեն դնում զավեշտալի վիճակում. «Փաստ»
«Փաստ» օրաթերթը գրում է, որ փաշինյանական իրավապահները նոր քրեական վարույթ են սկսել ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանի նկատմամբ, ինչը դարձել է հանրային ուշադրության կենտրոնում։
Պարբերականի տեղեկացմամբ, «գործը» վերաբերում է կառավարության 22 տարվա վաղեմության մի որոշման, և Քոչարյանին վերագրվում է այդ որոշումը վավերացնելը։ «Փաստ»-ի պնդմամբ, վաղեմության ժամկետները անցած են, այն ժամանակ նախագահի պարտականություն էր կառավարության որոշումների վավերացումը, և նա վետոյի իրավասություն չի ունեցել։
Թերթը եզրակացնում է, որ իշխանությունները հերթական, ի սկզբանե փլուզվող «գործն» են բացել՝ «շոուի» տարրերով։
49 765
«Ժողովրդավարության բաստիոնից» մնաց միայն «բաստիոնը»՝ ժանգոտած ավտորիտարիզմով. «Փաստ»
«Փաստ» օրաթերթը գրում է, որ համապետական ընտրություններին մասնակցած 18 ուժերից 7-ը Սահմանադրական դատարան են դիմել՝ վիճարկելով ԿԸՀ որոշումն ու արդյունքները։ Դիմածներն են՝ «Ուժեղ Հայաստան» դաշինքը, «Հայաստան» դաշինքը, «Բարգավաճ Հայաստան», «Միասնության թևեր», «Դեմոկրատիա Օրենք Կարգապահություն», «Նոր ուժ» և «Հանուն Հանրապետության ժողովրդավարության պաշտպանների դաշինքը»։ ՍԴ-ն դիմումները միավորել է և կքննի հունիսի 26-ին՝ բանավոր ընթացակարգով։
Թերթի համաձայն, նույնիսկ ԿԸՀ տվյալներով, շուրջ 630 հազար քվե ստացած ուժերն են վիճարկում արդյունքները։ Առանձին նշվում է, որ ձայների հաշվարկի ամփոփումը գիշերը ընդհատվել է և թվերը հրապարակվել են առավոտյան, ինչպես նաև ԿԸՀ-ն զրոյացրել է 3 տեղամասի արդյունքները ու մերժել վերաքվեարկությունը։
49 765
Անթալիայում բնակելի շենքի այգում ռուս զբոսաշրջիկի մարմին է հայտնաբերվել
Թուրքական Անթալիայում բնակելի շենքի այգում Ռուսաստանի քաղաքացու մարմին է հայտնաբերվել, հայտնում է Turizm News պորտալը։ Միջադեպը տեղի է ունեցել Մուրատպաշա շրջանի Գյուզելոբա թաղամասում։
Տեղի բնակիչները եռահարկ շենքի տարածքում նկատել են առանց կենսական նշանների տղամարդու և արտակարգ ծառայություններ կանչել։ Ժամանած բժիշկները արձանագրել են ՌԴ քաղաքացի Սերգեյ Տրեմասովի մահը, մարմինը ուղարկվել է Անթալիայի դատաբժշկական ինստիտուտ։
Պարբերականի տվյալներով՝ Տրեմասովը Անթալիա էր ժամանել հունիսի 10-ին։ Տեղի ունեցածի հանգամանքները պարզվում են։
49 765
Կասպից ծովում SOCAR-ի խողովակաշարից նավթի արտահոսք է արձանագրվել
Կասպից ծովում՝ Փիրալահի կղզու և ադրբեջանական Դյուբենդի ավանի միջև, արձանագրվել է նավթային աղտոտում, հաղորդում են ադրբեջանական լրատվամիջոցները։ Հունիսի 19-ին «Ազնեֆտ» արտադրական միավորումը տեղեկություն է ստացել Դյուբենդիի լողափի շրջանում նավթի հետքերի մասին, իսկ SOCAR-ը հայտնել է, որ մոտորանավակներով և ուղղաթիռով նախնական զննման արդյունքում հայտնաբերվել է նավթային հետք։
Նախնական փուլում արտահոսքի աղբյուրը տեսողականորեն պարզել չի հաջողվել, ինչից հետո ստորջրյա խողովակաշարով նավթի տեղափոխումն անմիջապես դադարեցվել է։ «Ազնեֆտի» ջրասուզական ծառայության զննմամբ խողովակաշարի վրա հայտնաբերվել են մեխանիկական վնասվածքներ, որոնք, ըստ նախնական վարկածի, կարող էին առաջանալ խարսխի հետ շփումից։
Վերանորոգման աշխատանքներն սկսվել են, վնասված հատվածը հանվել է շահագործումից մինչև վերականգնումը։ Հետևանքների վերացմամբ, ներառյալ ծովի և ափամերձ գոտու մաքրմամբ, զբաղվում են Ադրբեջանի ԱԻՆ-ը և «Ազնեֆտը»։
49 765
ԵՄ-ը քննարկում է պաշտպանական արդյունաբերության զարգացման նոր ծրագիր
Եվրոպական միության անդամ պետությունները շարունակում են բանակցությունները պաշտպանական արդյունաբերության համատեղ զարգացման շուրջ։ Նախաձեռնության նպատակն է մեծացնել եվրոպական արտադրական հնարավորությունները և նվազեցնել արտաքին մատակարարներից կախվածությունը։
Քննարկումների շրջանակում նախատեսվում է ընդլայնել համատեղ հետազոտական ծրագրերը, խթանել նոր տեխնոլոգիաների ներդրումը և խորացնել անդամ երկրների համագործակցությունը։ Եվրոպացի պաշտոնյաները նշում են, որ անվտանգության միջավայրի փոփոխությունը պահանջում է նոր մոտեցումներ։
Մասնագետների կարծիքով նախաձեռնությունը կարող է զգալի ազդեցություն ունենալ եվրոպական ռազմավարական ինքնուրույնության ամրապնդման վրա։ Այս մասին հայտնում է Եվրակտիվը։
49 765
Վերջին 24 ժամվա ընթացքում տեղի է ունեցել տասնինը երկրաշարժ․ ՌԴ
Վերջին 24 ժամվա ընթացքում Սևաստոպոլի ափերի մոտ գրանցվել է տասնինը երկրաշարժ, «ՌԻԱ Նովոստի»-ին հայտնել է Ղրիմի դաշնային համալսարանի սեյսմոլոգիայի և գեոդինամիկայի ինստիտուտի փոխտնօրեն Մարինա Բոնդարը։
Նրա խոսքով՝ Սևաստոպոլից 30 կիլոմետր հեռավորության վրա գտնվող Սև ծովում արձանագրված ցնցումների մագնիտուդը եղել է 1.0-ից մինչև 4.4, որոնցից չորսը զգացվել են ցամաքում։ Վերջինը տեղի է ունեցել Մոսկվայի ժամանակով ժամը 21:18-ին՝ 3.0 մագնիտուդով։
49 765
Սևանա լճի մակարդակը 50 սմ-ով բարձր է տարեսկզբի ցուցանիշից
Հիդրոօդերևութաբանության և մոնիթորինգի կենտրոնը ներկայացրել է Սևանա լճի հիդրոլոգիական ռեժիմը 2026 թվականի հունիսի 15–21-ը։ Այդ ընթացքում մակարդակը բարձրացել է 3 սմ-ով և կազմել 1900.72մ (21.06.26թ․)՝ հավասար անցյալ տարվա նույն օրվա մակարդակին, իսկ 2026 թվականի հունվարի 1-ի մակարդակից բարձր է 50 սմ-ով։
Արփա-Սևան ջրատարով տեղափոխված ջրի քանակը 2026 թվականի հունիսի 15–21-ը կազմել է 10.229 մլն մ³, իսկ 2026 թվականի հունվարի 1-ից հունիսի 21-ը ներառյալ՝ 124.220 մլն մ³։
49 765
Հունիսի 23-ին, 24-ին, 25-ին, 26-ին և 29-ին գազ չի լինելու
Պլանային աշխատանքների պատճառով հունիսի 23-ին, 24-ին, 25-ին, 26-ին և 29-ին կդադարեցվի գազամատակարարումը մի շարք համայնքներում։
Սրանք ներառում են Երևանը (Մալաթիա-Սեբաստիա, Նոր Նորք, Էրեբունի/Նոր Արեշ), Լոռու մարզը (Վանաձոր, Սպիտակ, Ախթալա, Լերմոնտովո, Շնող, Թեղուտ), Տավուշի մարզը (Նոյեմբերյան, Դիլիջան, Կողբ, Վարագավան և այլ բնակավայրեր), Արարատի մարզը (Վերին Դվին, Զորակ), Գեղարքունիքի մարզը (Գավառի Արծվաքար, Նորատուս)։
Մասնավոր հասցեների ու ժամերի շրջանակները տարբերվում են՝ ըստ վայրերի, ներառյալ բազմաբնակարան շենքեր, առանձնատներ և հարակից տարբեր նշանակության հանրային կազմակերպություններ։
49 765
Հունիսի 23-ին և 24-ին լույս չի լինելու մի շարք հասցեներում
«Հայաստանի էլեկտրական ցանցեր» փակ բաժնետիրական ընկերությունը հայտնում է, որ հունիսի 23-ին պլանային նորոգման աշխատանքների պատճառով ժամանակավորապես կդադարեցվի էլեկտրամատակարարումը մի շարք հասցեներում Երևանում և մարզերում՝ նախապես նշված ժամերին։
Նույն աղբյուրի տվյալներով, հունիսի 24-ին ևս նախատեսված են անջատումներ տարբեր հասցեներում։ Մասնավոր հասցեներն ու ժամերը ներկայացված են ընկերության ծանուցման մեջ։
49 765
Սրբոց Թարգմանչաց տոնին Արագածոտնի թեմի առաջնորդանիստ Սուրբ Մեսրոպ Մաշտոց եկեղեցում կմատուցվի պատարագ
Հունիսի 25-ին Հայ Առաքելական Սուրբ եկեղեցին կտոնախմբի Սրբոց Թարգմանչաց տոնը։
Տոնի առիթով Արագածոտնի թեմի Առաջնորդանիստ Սուրբ Մեսրոպ Մաշտոց եկեղեցում, ուր ամփոփված է Սուրբ Մեսրոպ Մաշտոց վարդապետի աճյունը, կմատուցվի Սուրբ և Անմահ Պատարագ, սկիզբը՝ ժամը 10:00-ին։
49 765
Հնարավոր է նաև կարկուտ. եղանակը առաջիկա օրերին
Հանրապետության տարածքում հունիսի 23-ին, 25-26-ին կեսօրից հետո առանձին շրջաններում, իսկ 24-ին շրջանների զգալի մասում օրվա ընթացքում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։
Քամին հարավարևմտյան՝ 2-5 մ/վ, ամպրոպի ժամանակ սպասվում է նաև քամու ուժգնացում՝ 17-20 մ/վ։ Օդի ջերմաստիճանը հունիսի 22-24-ի ցերեկային ժամերին աստիճանաբար կնվազի 5-7 աստիճանով։
49 765
Բաքուն բողոքի նոտա է հղել ՄԻԵԴ՝ Հայաստանի օգտին որոշման կապակցությամբ
Բաքվում Եվրոպայի խորհրդի գրասենյակի ղեկավարը հրավիրվել է Ադրբեջանի ԱԳՆ՝ Մարդու իրավունքների եվրոպական դատարանի՝ Հայաստանի օգտին կայացրած որոշման առնչությամբ։
Ադրբեջանական լրատվամիջոցների փոխանցմամբ՝ որոշումը գնահատվել է որպես անարդար, կողմնակալ և միջազգային իրավունքի նորմերին հակասող։ Բաքուն դժգոհել է նաև որոշման ձևակերպումներից՝ պնդելով, որ դրանք հակասում են Ադրբեջանի միջազգայնորեն ճանաչված ինքնիշխանությանը և տարածքային ամբողջականությանը։
Ադրբեջանական կողմը առարկել է փաստաթղթում Արցախի, նրա պետական կառույցների, Պաշտպանության բանակի, գլխավոր դատախազի և օմբուդսմենի հիշատակաների դեմ։ Ադրբեջանի ԱԳՆ-ն հայտնել է, որ չի ընդունում որոշումը և կքննարկի իր շահերի պաշտպանության հնարավոր քայլերը։
49 765
Պատմությունը կերտվեց․ ՖԻՖԱ-ն՝ Մեսսիի պատմական գոլի ու սահմանած ռեկորդի մասին
Արգենտինայի հավաքականի ավագ Լիոնել Մեսսին դարձավ աշխարհի առաջնությունների պատմության բացարձակ ռմբարկուն։ ԱԱ-2026-ի խմբային փուլի 2-րդ տուրում Ավստրիայի դեմ խաղի 39-րդ րոպեին նա խփեց իր 17-րդ գոլը Մունդիալներում (ընթացիկ մրցաշարում՝ 4-րդը)՝ գերազանցելով Միրոսլավ Քլոզեի 16 գոլանոց ցուցանիշը։
«Պատմությունը կերտվեց. Լիոնել Մեսսին աշխարհի առաջնությունների պատմության լավագույն ռմբարկուն է»,— նշված է ՖԻՖԱ-ի X սոցիալական ցանցի պաշտոնական էջում։ Խաղը կայանում է ԱՄՆ Տեխաս նահանգի Արլինգտոն քաղաքի «Էյ-Թի-էնդ-Թի» մարզադաշտում, արգենտինացիները հաղթում են 1:0, հանդիպումը սպասարկում է եգիպտոսցի Ամին Օմարը։
49 765
ԱԱԾ-ն «Զվարթնոց» օդանավակայանում արգելել է երկու քահանայի վերադարձը ՌԴ
ԱԱԾ-ն «Զվարթնոց» օդանավակայանում արգելել է երկու քահանայի վերադարձը ՌԴ՝ հոգևոր ծառայությունը շարունակելու համար, հայտնում է լրագրող Սյուզի Բադոյանը։
Նրանք Վորոնեժի և Իժևսկի հայկական եկեղեցիների հոգևոր սպասավորներն են։ «Սպուտնիկ Արմենիա»-ի տեղեկություններով նրանցից մեկին տարել են վարժական հավաքների։
49 765
Մեսսին դարձավ Աշխարհի առաջնության պատմության լավագույն ռմբարկուն
Արգենտինայի ազգային հավաքականի ավագ և հարձակվող Լիոնել Մեսսին դարձել է ֆուտբոլի Աշխարհի առաջնությունների պատմության լավագույն ռմբարկուն։ Արգենտինա–Ավստրիա հանդիպմանը նա բացեց հաշիվը՝ 17 գոլով դառնալով ռեկորդակիր։
Բացի այդ, 2022 թվականի աշխարհի չեմպիոնն ավելի վաղ դարձել էր պատմության առաջին ֆուտբոլիստը, ով խաղադաշտ է դուրս եկել վեց տարբեր Մունդիալներում։ Այս հանդիպման ընթացքում Մեսսիին չէր հաջողվել իրացնել 11-մետրանոց հարվածը։
49 765
Ադրբեջանի տարածքով ռուսական պարարտանյութ կուղարկվի Հայաստան
Ռուսաստանից Ադրբեջանի տարածքով Հայաստան կուղարկվի պարարտանյութի խմբաքանակ, հայտնում են ադրբեջանական լրատվամիջոցները։
Ըստ ԶԼՄ-ների՝ հունիսի 23-ին պարարտանյութերով բեռնված վեց վագոն կուղարկվի Հայաստան՝ Ադրբեջանի տարածքով։
49 765
Երևանում մեքենաներ են բախվել, վիրավորներ կան
Այսօր՝ հունիսի 22-ին, ժամը 17։20-ի սահմաններում, Երևանում՝ Առնո Բաբաջանյան փողոցում, բախվել են Երևանի բնակիչ 37-ամյա Արթուր Մ.-ի վարած «Mazda» և Արարատի մարզի բնակիչ 20-ամյա Գուրգեն Հ.-ի վարած «Kia Forte» ավտոմեքենաները։
Բախման հետևանքով երկրորդը բախվել է երկաթե էլեկտրասյանը և հայտնվել կանաչ խոտածածկույթի վրա։ Վթարի հետևանքով 2 հոգի մարմնական վնասվածքներով տեղափոխվել են «Աստղիկ» բժշկական կենտրոն։
49 765
Աշոտ Մելիքյանին հիշեցնենք՝ մեր խմբագրությունը զբաղվում է բացառապես լրատվական գործունեությամբ
ԽԱՊԿ նախագահ Աշոտ Մելիքյանը լրագրողների իրավունքներն ու, առհասարակ, խոսքի ազատությունը պաշտպանելու համար ստացել է շուրջ 39 միլիոն դրամ դրամաշնորհ։
Նրան իրազեկում ենք, որ մեր խմբագրությունը այն վայրն է, որտեղ շարունակաբար՝ նաև սահմանափակված ռեսուրսներով, զբաղվել ենք և այժմ էլ զբաղվում ենք բացառապես լրատվական գործունեությամբ։
49 765
Իսրայելը ավիահարվածներ է հասցրել Գազայի հատվածին
Կատարի «Ալ Ջազիրա» արբանյակային հեռուստաալիքի հաղորդմամբ՝ Իսրայելի կողմից Գազայի արևմտյան Ար-Ռիմալ թաղամասում մեքենաների վրա հասցված անօդաչու թռչող սարքերի հարվածների հետևանքով զոհվել է առնվազն մեկ մարդ, մի քանիսը՝ վիրավորվել։
«Մեկ կին զոհվել է, իսկ մի քանիսը վիրավորվել են Գազայի արևմտյան Ար-Ռիմալ թաղամասի վրա իսրայելական անօդաչու թռչող սարքի հարվածի հետևանքով», – հաղորդել է կատարական հեռուստաալիքը։ Սոցիալական ցանցերում հրապարակվում են նաև Գազայում տեղի ունեցած այլ հարվածների տեսանյութեր, սակայն նոր զոհերի մասին տեղեկություններ չկան։
49 765
Խմած վարորդը վնասել է միանգամից 4 կայանված մեքենա
Հունիսի 21-ին, ժամը 02:55-ի սահմաններում, Երևանում՝ Լեփսուսի փողոցում, թիվ 10 շենքի մոտ, Երևանի բնակիչ 45-ամյա Հայկ Բ.-ն իր վարած «Միցուբիշի»-ով բախվել է կայանված «ԲՄՎ», «Նիսսան», «Մազդա» և «Մերսեդես» ավտոմեքենաներին։ Այս մասին հայտնում է Shamshyan.com-ը։
Վթարի հետևանքով, ըստ նախնական տեղեկությունների, բարեբախտաբար տուժածներ չկան։ Պարզվում են կայանված ավտոմեքենաների սեփականատերերի և վարորդների ինքնությունը։
Գ. Շամշյանի տեղեկություններով՝ Հայկ Բ.-ն տեղում ենթարկվել է սթափության փորձաքննության և եղել է ոչ սթափ (խմած)։
