StartupBase

🔝 6 ta O‘zbekistonlik startap Road to TechCrunch Startup Battlefield Online Regional Final’da Road to TechCrunch Startup Battlefield 2026 milliy onlayn bosqichlari yakunlandi. Tanlovga 39 ta davlatdan 726 ta ariza kelib tushdi. Saralangan 22 ta jamoaning 6 tasi O‘zbekiston vakillari: 🟢MoliyAI 🟢 Sino AI 🟢 Deepen 🟢 Fermopolis 🟢 Oqim App 🟢 Cerberus 🏁 Keyingi bosqich 12-avgust kuni jamoalar mintaqaviy onlayn finalda ishtirok etadi. Uning yakunida tanlovning uchta g‘olibi aniqlanadi.

💰 G‘oliblar $100,000 miqdoridagi investitsion mukofot jamg‘armasini quyidagicha bo‘lib oladi: 🔹 1-o‘rin — $50 000; 🔹 2-o‘rin — $30 000; 🔹 3-o‘rin — $20 000. Shuningdek, g‘olib bo‘lgan uchta jamoa San-Fransiskoga yo‘l olib, mintaqani TechCrunch Startup Battlefield 200 sahnasida namoyish etadi.

🚀 Mahalliy startaplarimizni tabriklaymiz va ularga keyingi bosqichda omad tilaymiz! @startupbaseuz LinkedIn | Facebook | Instagram | Website

#Venture #Insights ⁉️ Taqdimot paytida startapchilar eng ko‘p qanday xatolarga yo‘l qo‘yadi? Noto‘g‘ri taqdimot sabab yaxshi g‘oya ham e’tibordan chetda qolishi mumkin. Pitch shunchaki taqdimot emas, u investorga nima uchun aynan sizga ishonishi kerakligini ko‘rsatish imkoniyati hisoblanadi. 🔎 IT Park Ventures bosh direktori Dalerxon Nodirov founderlar orasida eng ko‘p uchraydigan uchta xatoni sanab o‘tdi: investorni ishontirish o‘rniga taassurot qoldirishga urinish, bozordagi talabni tasdiqlamasdan mahsulot yaratish va bir-birini to‘ldirmaydigan jamoa shakllantirish. 👉 To‘liq javobni videoda tomosha qiling. @startupbaseuz LinkedIn | Facebook | Instagram | Website

🛠 #ToolOfTheWeek: 🔥 Firecrawl AI-mahsulotingizni internetdagi dolzarb ma’lumotlarga qanday ulash mumkin? AI saytdagi ma’lumotlar bilan ishlashi uchun ularni avval yig‘ish, keraksiz qismlardan tozalash va tartiblash kerak. 🔥Firecrawl bu jarayonni avtomatik bajaradi. Veb-sahifalarni skanerlab, kontentni AI tushunadigan shaklda tayyorlaydi.

⚙️ Sizga qanday yordam bera oladi? ◾️ murakkab va dinamik saytlar bilan ham ishlaydi; ◾️ bitta sahifani emas, butun saytni skanerlay oladi; ◾️ asosiy ma’lumotlarni ajratib, tartibli shaklda taqdim etadi; ◾️ sayt kontentidan AI-assistent yoki chatbotda foydalanish imkonini beradi. 🔥 Firecrawl, ayniqsa, AI-assistentlar, aqlli qidiruv va doimiy yangilanadigan veb-ma’lumotlarga asoslangan mahsulotlar uchun foydali.

👌 Startapingiz bo‘yicha fikr-mulohaza olishni istasangiz, 30-iyul kuni soat 15:00 da bo‘lib o‘tadigan Startup Advice sessiyasiga qo‘shiling. @startupbaseuz Читать на русском Read in English LinkedIn | Facebook | Instagram | Website

🌱 Eslatib o'tamiz, AgriTech Gov Challenge arizalar qabuli 3 kunda yopiladi AgriTech yechimingizni O‘zbekistonning yirik agroklasterlaridan biri bilan sinab ko‘rishni istaysizmi? 🟢 StartupBase platformasida mamlakatning yetakchi agroklasterlaridan biri tomonidan 7ta Gov Challenge e’lon qilindi. Ochiq yo‘nalishlar:

🟢Agri EdTech platformasi 🟢 Agrologistika platformasi 🟢 Agromarketpleys 🟢 Aqlli fermani boshqarish uchun ERP tizimi 🟢 AgriFinTech platformasi 🟢 Aqlli qishloq xo‘jaligi uchun IoT platformasi 🟢 Innovatsion AgriTech yechimlari Tanlab olingan startaplar: 🟢 yirik agroklaster bilan pilot loyihani ishga tushirish; 🟢 mahsulotni amaliy sharoitda sinovdan o‘tkazish; 🟢 yirik korporativ buyurtmachi bilan ishlash; 🟢 mijozlar bazasini kengaytirish; 🟢 uzoq muddatli strategik hamkorlik o‘rnatish imkoniyatiga ega bo‘ladi.

🗓 Arizalar 30-iyulgacha qabul qilinadi. 📖 Vazifalar bilan tanishing 🔗 Ariza topshiring 🚀 Ro'yxatdan o'tishga ulgurib qoling va raqamli transformatsiyaga hissa qo‘shing! @startupbaseuz Читать на русском Read in English LinkedIn | Facebook | Instagram | Website

🧠 Umummilliy AI Hackathon|Navoiy Sun’iy intellekt sohasidagi g‘oyangizni amaliy loyihaga aylantirishga tayyormisiz? 10–13-avgust kunlari Navoiy viloyatida Umummilliy AI Hackathonning hududiy bosqichi bo‘lib o‘tadi. Navoiy bosqichi treklari:

🔹 Sog‘liqni saqlash va farmatsevtika; 🔹 Ta’lim; 🔹 Tadbirkorlik; 🔹 Qo‘shimcha treklar keyinroq e’lon qilinadi. 🏆 Qo‘shimcha nominatsiyalar: 🔹 Eng qiziqarli taqdimot; 🔹 Eng dolzarb ijtimoiy loyiha. Kimlar qatnashishi mumkin? 🔹 Navoiy viloyatida istiqomat qiluvchi 16 yosh va undan katta yoshlar; 🔹 pasport yoki ID-kartaga ega ishtirokchilar; 🔹 yakka tartibda ro‘yxatdan o‘tib, arizasi tasdiqlangan nomzodlar. ❗️Umummilliy AI Hackathonning boshqa hududiy bosqichida qatnashgan nomzodlar Navoiy bosqichida ishtirok eta olmaydi.

🗓 Ro'yxatdan o'tish : 8-avgustgacha 🔗 Ariza topshiring 🚀 AI-g‘oyangizni namoyish eting va o‘z imkoniyatingizni sinab ko‘ring. Barcha ishtirokchilarga omad tilaymiz! @startupbaseuz LinkedIn | Facebook | Instagram | Website

⚡️ Y Combinator’ga kirish imkoniyatingiz Y Combinator yangi Requests for Startups ro‘yxatini e’lon qildi. 2026-yilgi kuzgi mavsumning asosiy mavzusi — chatbotlar doirasidan chiqib, turli sohalarning bir qismiga aylanayotgan AI. Ustuvor yo‘nalishlar orasida:

🔴shaxsiylashtirilgan AI-repetitorlar va ommaviy AI-mahsulotlar; 🔴 dronlar, sensorlar va boshqa DefenseTech-yechimlar; 🔴 jamoalar birgalikda ishlay oladigan AI-agentlar; 🔴 qurilish, logistika va ishlab chiqarish uchun texnologiyalar; 🔴 keksalar uchun AI-yechimlar; 🔴 jismoniy dunyo haqidagi ma’lumotlarni yig‘ish va yangi hisoblash infratuzilmasi; 🔴 deepfake’lardan himoya va shaxsni tasdiqlash tizimlari; 🔴 stablecoinlar, xalqaro to‘lovlar va komplayens jarayonlarini avtomatlashtirish.

👉 Yo‘nalishlar bilan tanishing Hozir founderlar uchun bir nechta yirik imkoniyat mavjud: 🥇 President Tech Award hamda 🧠 President AI Award tanlovlariga arizalar qabuli ayni qizg‘in pallada. 🚀 Imkoniyatingizni qo‘ldan boy bermang va tanlovlarga ariza topshiring. Barcha founderlarga omad tilaymiz! @startupbaseuz LinkedIn | Facebook | Instagram | Website

#quote_of_the_day 💭 Ben Horowitz, Andreessen Horowitz (a16z) hamasoschisi, shunday deydi:

Agar siz startup CEOsi bo'lsangiz, hech kim yechimni ko'ra olmayotgan paytda ham, uni topish mumkinligiga ishonishingiz kerak.

👉 Muvaffaqiyatning eng muhim omillaridan biri — hamma umidsizlikka tushganda ham, yo'lni davom ettirish va yechim borligiga ishonishdir. 🟩 Andreessen Horowitz (a16z) — dunyodagi eng yirik venchur fondlaridan biri. Hozirda fond boshqaruvida $100 milliarddan ortiq kapital bor, 2026-yil yanvar oyida esa yangi fondlar uchun rekord — $15 milliard jalb qilishdi. @startupbaseuz LinkedIn | Facebook | Instagram | Website

🇩🇪 Yevropa bozoriga chiqmoqchimisiz? Germaniyadan boshlang! Yevropa bozoriga chiqishni rejalashtirayotgan startap va IT-kompaniyalar uchun Digital Uzbekistan: Tech Mission Germany 2026 dasturiga arizalar qabuli boshlandi. 15–18-sentabr kunlari saralangan kompaniyalar Germaniyaning uchta shahrida o‘tkaziladigan to‘rtta texnologik tadbirda o‘z yechimlarini namoyish etadi.

Dastur ishtirokchilari: 🎤 200 dan ortiq korporatsiya, investor, venchur fondi va innovatsiya yetakchilari oldida o‘z yechimini taqdim etadi; 🤝 potensial mijozlar va strategik hamkorlar bilan maqsadli B2B uchrashuvlarda qatnashadi; 💼 Yevropa texnologik ekotizimining yetakchi vakillari bilan yangi aloqalar o‘rnatadi; 🌐 Yevropa Ittifoqi bozoriga chiqish uchun hamkorlik imkoniyatlariga ega bo‘ladi. Kimlar ishtirok etishi mumkin? 🟩 Yevropa Ittifoqi bozoriga chiqishga tayyor kompaniyalar; 🟩 validatsiyadan o‘tgan mahsulot va xalqaro o‘sish rejasiga ega startaplar; 🟩 Yevropadan mijozlar va autsorsing imkoniyatlarini izlayotgan xizmat ko‘rsatuvchi kompaniyalar; 🟩dastur davomida faol ishtirok etishga tayyor jamoalar; 🟩 GTM-strategiya va tegishli tilda tayyorlangan marketing rejasiga ega kompaniyalar.

📍 Berlin, Visbaden va Frankfurt 🗓 2026-yil 15–18-sentabr 🔗 Ro'yxatdan o'tish Ariza topshirishning oxirgi muddati: 3-avgust 🚀 Startapingizni xalqaro o‘sish sari navbatdagi qadamni tashlang! @startupbaseuz LinkedIn | Facebook | Instagram | Website

🎤 AWS tadbirida spiker bo‘lish uchun ajoyib imkoniyat! AWS, cloud, AI/ML yoki DevOps bo‘yicha loyiha, tajriba yoki foydali xulosalaringiz bormi? Ularni Markaziy Osiyoning texnologik hamjamiyati bilan baham ko‘ring!

☁️ Sentyabr oxirida AWS Community Day Central Asia avval Toshkentda, keyin esa Olmaotada bo‘lib o‘tadi. Tashkilotchilar quyidagi yo‘nalishlarda spikerlardan ma’ruza takliflarini kutmoqda: 🔵 AWS va bulutli texnologiyalar; 🔵 AI/ML va serverless; 🔵 DevOps va kiberxavfsizlik; 🔵 ma’lumotlar va arxitektura; 🔵 xarajatlarni optimallashtirish va boshqa mavzular.

🎙 Bu sizning birinchi chiqishingizmi? Xavotir olmang — texnik qo‘mita mavzuni aniq shakllantirish, slaydlarni yaxshilash va sahnaga tayyorlanishda yordam beradi. 🗓 Muddat: 25-avgustgacha 📍 Toshkent, Olmaota 🔗 Taklifingizni yuboring Keyingi spiker aynan siz bo‘lishingiz mumkin! @startupbaseuz LinkedIn | Facebook | Instagram | Website

😎 AI startap ustida ishlayapsizmi? Konstada siz uchun ajoyib yangilik bor Agar siz AI yordamida haqiqiy muammoni hal qiladigan loyiha ustida ishlayotgan bo‘lsangiz, President AI Award aynan siz uchun. O‘zbekistonda ilk bor faqat AI startaplari uchun o‘tkazilayotgan tanlovda faqat MVP’ga ega loyihalar ishtirok etishi mumkin. Umumiy investitsiya jamg‘armasi esa $1 million. 💰 Davlat boshqaruvi, tibbiyot, ta’lim, sanoat va tadbirkorlik, yashil iqtisodiyot hamda agrotexnologiyalar yo‘nalishlaridagi eng yaxshi AI loyihalari har bir yo‘nalish bo‘yicha $100 ming, $60 ming va $40 ming investitsiya uchun kurashadi. 🆓 Tanlovda ishtirok etish bepul. 📅 Arizalar 1-avgustgacha qabul qilinadi. 🔗 Batafsil ma’lumot va ro‘yxatdan o‘tish: awards.gov.uz @president_ai_award

🇦🇪 Startapingizni MENA bozoriga olib chiqishni rejalashtiryapsizmi? 👉 IT Park Uzbekistan Tumar Innovation Hub va Astana Hub bilan hamkorlikda Markaziy Osiyo startaplari uchun Dubayda o‘tkaziladigan Digital Startups Scale Up xalqaro akseleratsiya dasturining ikkinchi oqimini ishga tushirmoqda.

Dastur davomida ishtirokchilar: 🔹 mahsulotini xalqaro bozorga moslashtiradi va sinovdan o‘tkazadi; 🔹 tajribali mentorlar va soha ekspertlaridan bilim oladi; 🔹 investorlar, korporativ hamkorlar va potensial mijozlar bilan uchrashadi; 🔹 biznesni rivojlantirish va yangi bozorlarga chiqish bo‘yicha amaliy tavsiyalar oladi. Ishtirok etish talablari: 🟩 Pre-seed yoki undan yuqori bosqichdagi startap bo‘lishi; 🟩 SAFE shartnomasi tuzish imkonini beruvchi yuridik shaxsga ega bo‘lishi; 🟩 Mahsulotning BAA (UAE) bozori ehtiyojlariga mos kelishi; 🟩 Dasturda ishtirok etish bilan bog‘liq xarajatlarni qoplay olish; 🟩 Ingliz tilini erkin bilish; 🟩 Astana Hub yoki IT Park Uzbekistan rezidenti bo‘lish.

🗓 Dastur jadvali: 5-sentabr — onlayn tayyorgarlik bosqichining boshlanishi; 5-oktabr — Dubaydagi oflayn bosqichning boshlanishi; 5-dekabr — Demo Day ✅ Arizalar qabuli: 24-avgustgacha 🔗 Ro'yxatdan o'tish 🚀 Barcha ishtirokchilarga global bozorda katta muvaffaqiyatlar tilab qolamiz! @startupbaseuz LinkedIn | Facebook | Instagram | Website

📖 #StartupDictionary CustDev Oldingi sonimizda Product-Market Fit (PMF) haqida gaplashgan edik. ❓ Xo‘sh, unga qanday erishiladi❓ Zo‘r startup g‘oyasini topdingiz. Balki darrov mahsulotni ishga tushirish, mijozlar va katta natijalarni tasavvur qilayotgandirsiz. Lekin darhol mahsulotni yaratishga shoshilmang. Avval bu loyiha odamlarga chindan ham kerakligiga ishonch hosil qiling. Aks holda, zo‘r g‘oya ham o‘z mijozini topolmay qolishi mumkin. ✅ Bunga CustDev (Customer Development) yordam beradi.

💬 CustDev — bu mahsulot yaratishdan oldin foydalanuvchilar bilan gaplashib, ularga aslida nima kerakligini tushunish jarayoni. Bunday suhbatlarda founder mahsulotini sotmaydi yoki taqdimot qilmaydi. Aksincha, u quyidagilarni tushunishga harakat qiladi: ◾️ foydalanuvchi qanday muammolarga duch keladi; ◾️ muammolarni hozir qanday hal qiladi; ◾️ mavjud yechimlarda uni nima qoniqtirmaydi; ◾️ yaxshiroq yechim uchun pul to‘lashga yoki uni izlashga tayyormi. Nima uchun bu muhim? CustDev mahsulotni taxminlar asosida emas, balki haqiqiy foydalanuvchi ehtiyojlari asosida yaratishga yordam beradi. Foydalanuvchini qanchalik erta tushunsangiz, keraksiz funksiyalarga shuncha kam vaqt va resurs sarflaysiz.

👉 Foydalanuvchi muammosini aniqladingiz. Endi mahsulotingiz nima uchun aynan unga mos ekanini ko‘rsatish kerak. Keyingi #StartupDictionary sonida Value Proposition haqida gaplashamiz. @startupbaseuz Читать на русском Read in English LinkedIn | Facebook | Instagram | Website

🥇 President Tech Award’dan global GameDev sari 2023-yilda Doomers “Kompyuter va mobil o‘yinlar” yo‘nalishida “The Golden Horde: Turan” loyihasi bilan 3-o‘rinni egallab, $30,000 mukofotga sazovor bo‘ldi. Bugun Doomers o‘z o‘yinlarini global auditoriyaga olib chiqmoqda. “Black Plague: Survival” Steam’da 10,000 ta organik wishlist to‘pladi, “Ram Fights” treyleri esa IGN’da namoyish etildi. Yaqinda kompaniya Hicham Nouhou’dan seed-investitsiya jalb qildi.

“Kelajak yangi bozorlarni o‘rganishga tayyor va global fikrlaydigan founderlarga tegishli”, — Firdavs Mamadkhonov, Doomers asoschisi va CEO’si.

awards.gov.uz orqali ariza topshiring va global o‘sish sari qadam tashlang! 📲 Tanlov yangiliklarini rasmiy Telegram-kanalida kuzatib boring. @startupbaseuz LinkedIn | Facebook | Instagram | Website

🇰🇿 Qozog‘iston bozoriga chiqishni rejalashtiryapsizmi? Central Eurasia Market Entry dasturi tayyor mahsulotga ega xalqaro B2B-startaplarni Olmaotada bo‘lib o‘tadigan 12 haftalik akseleratsiya dasturida ishtirok etishga taklif qilmoqda. Dastur doirasida siz Qozog‘iston bozoridagi talabni sinab ko‘rish, mahsulotingizni mahalliy bozorga moslashtirish, mijozlar va hamkorlar bilan aloqalar o‘rnatish hamda pilot loyihalarni ishga tushirish imkoniyatiga ega bo‘lasiz.

Tanlangan startaplar quyidagilarga ega bo‘ladi: 💰 SAFE modeli asosida $20 000 investitsiya 🏠 Jamoaning 2 nafar a’zosi uchun co-living turar joyi 🤝 Mahalliy korporatsiyalar, soha ekspertlari va investorlar bilan uchrashuvlar 📈 Individual treking, bozorni validatsiya qilishda ko‘mak va Demo Day’da ishtirok etish imkoniyati Kimlar ariza topshirishi mumkin? ✅ Tayyor mahsulot va tasdiqlangan bozor talabiga (traction) ega B2B-startaplar ✅ PMF yoki Scale bosqichidagi jamoalar ✅ Qozog‘iston bozoriga chiqish va mahalliy hamkorlikni rivojlantirishga tayyor founderlar ✅ Olmaotada 12 haftalik dasturda oflayn ishtirok etishga tayyor CEO yoki hammuassislar

❌ Olmaota, Qozog‘iston | 📅 1-sentabr 🔗 Ro'yxatdan o'tish Arizalar 16-avgustgacha qabul qilinadi. @startupbaseuz LinkedIn | Facebook | Instagram | Website

⚡️ Deepen yangi DeepView platformasini ishga tushirdi Fitnes klublari uchun ERP-yechimlari bilan tanilgan Deepen startapi raqamli salomatlik yo‘nalishidagi yangi mahsuloti — DeepView’ni taqdim etdi.

📊 Platforma foydalanuvchilarga uyqu va tiklanish, yurak urish tezligi, kundalik jismoniy faollik hamda boshqa muhim salomatlik ko‘rsatkichlarini bitta ilova orqali kuzatish imkonini beradi. DeepView ma’lumotlarni real vaqt rejimida tahlil qilib, organizmdagi o‘zgarishlarni yaxshiroq tushunish va sog‘lom turmush tarzi bo‘yicha aniqroq qarorlar qabul qilishga yordam beradi.

⌚️ DeepView aqlli fitnes bilaguzukiga hozirdanoq oldindan buyurtma berish mumkin. 🚀 Keling, mahalliy startapimizni birgalikda qo‘llab-quvvatlaylik! @startupbaseuz LinkedIn | Facebook | Instagram | Website

📖 Startup Playbook #02 💡 Ajoyib g‘oya topdingizmi? Zo‘r. Lekin bitta savol bor: bu g‘oya kimning muammosini hal qiladi? Ko‘plab startaplar mahsulotni yaratishga shoshiladi, ammo odamlar bu muammoga rostdan ham duch keladimi yoki yo‘qmi, buni tekshirmaydi. 👉 Rasmlarni varaqlang va nega muvaffaqiyatli startaplar g‘oyaga emas, avvalo muammoga oshiq bo‘lishini bilib oling. @startupbaseuz Читать на русском Read in English LinkedIn | Facebook | Instagram | Website

🧠 President AI Award tanloviga qanday ariza topshirish mumkin? Videoyo‘riqnomada platformada ro‘yxatdan o‘tish, jamoa va loyiha haqidagi ma’lumotlarni kiritish, yo‘nalishni tanlash hamda arizani yuborish jarayoni bosqichma-bosqich ko‘rsatilgan. Arizani yuborishdan avval barcha ma’lumotlarni diqqat bilan tekshirishingizni tavsiya qilamiz. 🔗 Ariza topshirish: awards.gov.uz Barcha ishtirokchilarga omad tilaymiz! @startupbaseuz LinkedIn | Facebook | Instagram | Website

🩺 Sino AI startapi $100,000 investitsiya jalb qildi Sino AI yangi biznes-angellar klubi First Wings Venturesdan non-dilutive financing formatida $100,000 jalb qildi. Shu bilan startup xorijiy fond portfelidagi ilk kompaniyaga aylandi. Jalb qilingan mablag‘lar ilk partiya smart-bilaguzuklarni ishlab chiqarish hamda AI obunasini kengaytirishga yo‘naltiriladi. 🚀 Sino AI jamoasini muhim natija bilan tabriklaymiz va keyingi muvaffaqiyatlarini tilaymiz! @startupbaseuz