Bureau of Labor and Skills-Dire Dawa

የቴክኖሎጂ እሴት ሰንሰለት ትንተና እና ሰነድ ዝግጅት ላይ ያኮረ ስልጠና ለኢንተርፕራይዝ አንቀሳቃሾች ተሰጠ፡፡ በድሬዳዋ አስተዳደር በሥራና ክህሎት ቢሮ የቴክኒክና ሙያ ትምህርትና ስልጠና ኤጀንሲ የኢንዱስትሪ ኤክስቴንሽንና የቴክኖለጂ ሽግግር ዳይሬክቶሬት ከጥቃቅን፣ አነስተኛና ከፍተኛ ኢንተርፕራይዞች በአዲሱ ዕሳቤ መሠረት ለኢንተርፕራረ አጫጭር የእሴት ሰንሰለት እንዲሰጥ ከሥራና ክህሎት ሚንስቴር በተላለፈው መመሪያ መሠረት የተሰጠ ነው። የዚህ ስልጠና ዋነኛው ዓላማ በሥራና ክህሎት ቢሮ የቴክኒክና ሙያ ስልጠና ኤጀንሲ በ2017 ዓ.ም በተያዘው ዕቅድ መሰረት በአስተዳደሩ የሚገኙትን የዘርፉን እሴት ሰንሰለት ለማዘጋጀት በቅድሚያ በንዑስ ዘርፍ ተሰማርተው ለሚገኙ የጥቃቅን፤ አነስተኛና ከፍተኛ ኢንተርፕራይዞች በአዲሱ እሳቤ መሰረት ለኢንተርፕራይዞቹ  በተመረጡ በስድስት ንዑስ ዘርፎች የእሴት ሰንሰለት ስልጠና እንዲሰጣቸው ተደርጓል፡፡ በመሆኑም ኢንተርፕራይዞቻችን በቀጣይ በሽግግር ወቅት እስከ ኤክስፖርት ስታንደርድ ሊያደርሳቸው የሚችል የዘርፉ የቴክኖሎጂ ክፍተቶች የሚለዩበትና የምርት/የአገልግሎት ችግሮቻቸውን  ሊፈታ የሚችል ቴክኖሎጂ በቀጣይ ጊዜያቶች በተቋም የሚሰራበትና የሚሸጋገርበትን እድል የሚፈጥር ይሆናል ፡፡ በዚሁም መሰረት በቀጣይ ለነዚህ ለተመረጡት ንዑስ ዘርፎች ከዘርፍ መ/ቤት፤ ከዩኒቨርሲቲና ከተቋሞቻችን በተመረጡ ባለሞያዎች/ኤክስፐርቶች የእሴት ሰንሰለቱ ትንተና የሚሰራ ይሆናል፡፡ የሥራና ክህሎት ቢሮ ህዝብ ግንኙነት ህዳር 6/2017 ዓ.ም ድሬዳዋ

"ሀገራዊ መግባባት ለህብረ-ብሔራዊ አንድነት!" የድሬዳዋ አስተዳደር የሥራና ክህሎት ቢሮ አመራሮችና ሠራተኞች 19ኛውን የኢትዮጵያ ብሔር ብሔረሰቦችና ህዝቦች ቀን አከበሩ። በዓሉ በፓናል ውይይት የተከበረ ሲሆን፣ የቢሮው ም/ኃላፊ ወ/ሮ ፈጡም ሙስጠፋ በመድረኩ ላይ ባደረጉት ንግግር የዘንድሮው የብሔር ብሔረሰቦች ቀን "ሀገራዊ መግባባት ለህብረ-ብሔራዊ አንድነት" በሚል መሪ ቃል የሚከበር መሆኑን አውስተው፣ ሀገራዊ መግባባትን ለማጽናት ሕገ መንግሥቱን መሠረት በማድረግ ጥያቄዎችን በሰላማዊ አግባብ የሚያስተናግድ ሥርዓት መገንባትና የተጀመረው ሀገራዊ ምክክር ከዳር ደርሶ አንድነታችንን እንዲያጠናክር ቀዳሚ የመንግሥት ትኩረት እንደሆነ ተናግረዋል። የሥራና ክህሎት ቢሮ ህዝብ ግንኙነት ህዳር 6/2017 ዓ.ም ድሬዳዋ

በድሬዳዋ አስተዳደር የሥራና ክህሎት ቢሮ የአሰሪና ሰራተኛ ዳይሬክቶሬት የተለያየ ዘርፍ ስር ለሚገኙ ኢንተርፕራይዞች አሰሪና ሰራተኞች የግንዛቤ ማስጨበጫ መድረክ በማዘጋጀት በሙያ ደህንነትና ጤንነት ላይ ስልጠና ተሰጠ። በቢሮው የአሰሪና ሰራተኛ ዳይሬክቶሬት በዋናነት የሰራተኛውን ደህንነትና ጤና የማስጠበቅ ስራዎች ትኩረት የተሰጣቸው ሲሆኑ ይህም የኢንተርፕራይዞቹን ምርታማነት በማሳደግ የስራ ቦታቸውን ሰላም በማረጋገጥ ረገድ የሚያስገኘው ውጤት ቀላል አይደለም። በዚህም በየኢንተርፕራዞቹ የሙያ ደህንነትና ጤንነት ሳይንሳዊ በሆነ መንገድ አንዲደራጅና እንዲጠበቅ ድጋፍ በማድረግ ለኢንተርፕራይዞቹ አሰሪና ሰራተኞች በቀጣይ ስለሚያከናውኗቸው ስራዎች በማስገንዘብ  በተለይ የሙያ ደህንነቱና ጤናው የተጠበቀ የስራ አካባቢን በመፍጠር የስራ ቦታቸውን ሰላም እና ደህንነት በማስጠበቁ ረገድ ያለው ሚና ከፍ ያለ መሆኑን የዳይሬክቶሬቱ ዳይሬክተር አቶ መሐመድ ኢብራሂም ተናግረዋል። የሥራና ክህሎት ቢሮ ህዝብ ግንኙነት ህዳር 5/2017 ዓ.ም ድሬዳዋ

የኢንተርፕራይዞች ውጤታማነት እና ቀጣይነትን ለማረጋገጥ በጥናት ላይ የተመሠረቱ ስራዎችን ከባለድርሻ ተቋማት ጋር በቅንጅት መስራት ወሳኝ ሚና እንዳለው ተገለጸ። የድሬዳዋ አስተዳደር የሥራና ክህሎት ቢሮ የቴክኒክና ሙያ ትምህርትና ስልጠና ኤጀንሲ የኢንዱሰትሪ ኤክስቴንሽንና የቴክኖሎጂ ሽግግር ዳይሬክቶሬት በ2017 ዓ.ም ለኢንተርፕራይዞች በሚደረገው የኢንዱስትሪ ኤክስቴንሽንና የቴክኖሎጂ ሽግግር ድጋፍ ዙሪያ የተዘጋጀ የዳሰሳ ጥናት በኮሌጆች ተዘጋጅቶ ውይይት ተካሄደ። ዳይሬክቶሬቱ በተለያዩ ዘርፎች ለተደራጁ ኢንተርፕራይዞች የኢንዱስትሪ ኤክስቴንሽን አገልግሎት ድጋፍ አስተማማኝነትን ለማረጋገጥና ከባለድርሻ አካላት ጋር በቅንጅት ለመስራት በሚያስችል መልኩ ሰነድ ቀርቦ በተለያዩ ጉዳዮች  ዙሪያ የሚመለከታቸው የተቋማት ተወካዮች በተገኙበት የጋራ ስምምነትና መግባባት የተፈጠረበት ውይይት ማካሄድ ተችሏል፡፡ በውይይቱ ላይ የቢሮው ምክትል ኃላፊ እና የቴክኒክና ሙያ ትምህርትና ስልጠና ኤጀንሲ ኃላፊ ወ/ሮ ፈጡም ሙስጠፋ እንደተናገሩት የዛሬ መድረክ ዋና ዓላማ በአስተዳደሩ በተለያዩ ዘርፍ የሥራ ዕድል የተፈጠረላቸው ዜጎችን በቅንጅት ከባለድርሻ አካላት ጋር የሚከናወኑ ተግባራት በጋራ በማከናወን ኢንተርፕራይዞችን የሚጠቅሙና የሚያሳድጉ ስራዎችን ለመስራትና በዚህም ምርትና ምርታማነታቸውን ለማሳደግ እንደሆነ ተናግረዋል። የሥራና ክህሎት ቢሮ ህዝብ ግንኙነት ህዳር 5/2017 ዓ.ም ድሬዳዋ

“ብቃት” የወጣቶች የሥራ ላይ ልምምድ ኘሮጀክት ለተጠቃሚ ወጣቶች የሥራ አፈላለግ ክህሎት ስልጠና በኮሌጆች መሰጠት ጀመረ፤ በዚህም ወጣቶቹ ባለፉት ስድስት ወራት በኢንዱስትሪዎች ውስጥ የሥራ ላይ ልምምድ ማድረጋቸው ይታወቃል በቀጣይ ከሥራ ጋር ለመተሳሰር እንዲያስችላቸው ደግሞ ለተከታታይ አምስት ቀናት በሚወስዱት ስልጠና ሥራ የማፈላለግ ክህሎታቸውን የሚያዳብሩ ይሆናል። የሥራና ክህሎት ቢሮ ህዝብ ግንኙነት ህዳር 5/2017 ዓ.ም ድሬዳዋ

የኢትዮ-ጣሊያን ፖሊቴክኒክ ኮሌጅ የISO 9001:2015 QMS የጥራት ሥራ አመራር ማረጋገጫ ሰርተፊኬት ተሸላሚ::

የድሬዳዋ ፖሊ ቴክኒክ ኮሌጅ የ2017 ዓ.ም አዲስ ገቢ የቀንና የማታ ተማሪዎችን የእንኳን ደህና መጣችሁ መርሀግብር በኮሌጁ አዳራሽ አከናወነ፡፡ በመርሀግብሩ ላይ በመገኘት መልእክት ያስተላለፉት የኮሌጁ ዲን  አቶ ሰልሀዲን አብዱልሃሚድ እንዳሉት በቅድሚያ በምስራቅ አፍሪካ የልህቀት ማእከል የሆነውን ኮሌጃችንን ስለመረጣቸሁ በኮሌጁ ማህበረሰብ ስም አመሰግናለሁ ያሉ ሲሆን:: አያይዘውም ቴክኒክና ሙያ ማለት የወደቁ ተማሪዎች መሰብሰቢያ ሳይሆን ይልቁንም የእውቀት፣የክህሎትና የአስተሳሰብ ለውጥ ማምጣት የሚፈልጉ ወጣቶች የሚማሩበትና በእጃቸው ሰርተው በላባቸው ሀገራቸውን መቀየር የሚፈልጉ ወጣቶች የሚሰባሰቡበት ትልቅ የትምህርትና ስልጠና ማእከል ነው ብለዋል፡፡ ኮሌጃችን የድሬዳዋ ፖሊ ቴክኒክ ኮሌጅ ዘመኑን የሚመጥን የትምህርትና ስልጠና ዘዴዎችን እየተጠቀመ ስልጠናዎችን እንደሚሰጥ ይታወቃል ስለዚህ በኮሌጁ ውስጥ በምትቆዩበት ወቅት ስራ ፈጣሪ ብሎም ኢንዱስትሪዎችን አንቀሳቃሽ እንድትሆኑ አድርገን ነው የምናሰለጥነው ብለዋል፡፡ አያይዘውም ድሬዳዋ ከተማች የተለያዩ ኢንዱስትሪዎች እንዲሁም ነጻ የንግድ ቀጠና እንደመሆኗ መጠን በቴክኒክና ሙያ ኮሌጆች የሰለጠኑ ወጣቶችን በብዛት ይፈለጋሉ ስለዚህ በኢንዱስትሪዎች ተቀጥሮ ለመስራት እንዲሁም የራስን ስራ ፈጥሮ ለመንቀሳቀስ በቴክኒክና ሙያ ኮሌጅ መሰልጠን ያስፈልጋል ብለዋል በማስቀጠልም በኮሌጁ ውስጥ የሚኖራችሁ ቆይታ እውቀት፣ክህሎት እንዲሁም መልካም አስተሳሰብ ያላችሁ ወጣቶች የምትሆኑበት እንዲሁም በምታገኙት እውቀትና ክህሎት ደግሞ ከተማችሁን ብሎም ሀገራችሁን የምትጠቅሙ ዜጎች እንደምትሆኑ  እተማመናለሁ ያሉ ሲሆን የስልጠና  ቆይታችሁም መልካም እንዲሆን መልካም መኞቴን ለመግለጽ እወዳለሁ ብለዋል፡፡ በመርሀግብሩ ላይ በኮሌጁ ውስጥ የሚገኙ ሁሉም የትምህርት ክፍሎች ስለ ትምህርት ክፍሎቻቸው ገለጻ ያደረጉ ሲሆን ከገለጻው በኋልም በኮሌጁ ውስጥ የሚገኙ የተለያዩ ትምህርት ክፍሎችንና ማሰልጠኛ ወርክሾፖችን ጎብኝተዋ፡፡በቀጣዩ ቀንም የህይወት ክህሎትና የማይንድ ሴት ስልጠና እንደሚሰጥ በመድረኩ ላይ ተገልጿል፡፡ የኮሌጁ ኮምኒኬሽን ህዳር 4/2017 ዓ.ም ድሬዳዋ

“የግል ኮሌጆችን በኢንደስትሪ ኤክስቴንሽን አገልግሎት ድጋፍ ላይ መሳተፍ መጀመራቸው የግሉን ዘርፍ በማህበረሰብ ዓቀፍ አገልግሎት ውስጥ ኃላፊነቱን እንዲወጣ የሚያስችል ይሆናል።” ወ/ሮ ፈጡም ሙስጠፋ የሥራና ክህሎት ቢሮ ም/ኃላፊ በድሬዳዋ አስተዳደር የሥራና ክህሎት ቢሮ የቴክኒክና ሙያ ትምህርትና ስልጠና ኤጀንሲ የኢንዱሰትሪ ኤክስቴንሽንና የቴክኖሎጂ ሽግግር ዳይሬክቶሬት በአዲሱ የቴክኒክና ሙያ ትምህርትና ስልጠና ፖሊሲና ስትራቴጂ ላይ በተመላከተው መሰረት የግል የቴክኒክና ሙያ ትምህርትና ስልጠና ተቋማት ለኢንተርፕራይዞች የኢንዱስትሪ ኤክስቴንሽን አገልግሎት ድጋፍ መስጠት እንዲያስችላቸው የግንዛቤ ማስጨበጫና የውይይት መድረክ ማዘጋጀቱ ይታወሳል። ይህንንም ተከትሎ በዛሬው ዕለት የቢሮው ም/ኃላፊ ወ/ሮ ፈጡም ሙስጠፋ ከሁለቱ የመንግስትና የግል ኮሌጆች ተወካዮች ጋር የግል ኮሌጆች ለኢንተርፕራይዞች ድጋፍ ማድረግ በሚችሉበት አግባብ ላይ ወደ ትግበራ እንዲገቡ የሥራ አቅጣጫ በመስጠት ውይይት ያደረጉ ሲሆን በዚህም ከሁለቱ የመንግስት ኮሌጆች ጋር በክላስተር በመክፈል በአስተዳደሩ የሚገኙ ኢንተርፕራይዞችን በማዳረስ ረገድ የተፈጠረውን ጫና የሚጋሩ ይሆናል፡፡ የሥራና ክህሎት ቢሮ ህዝብ ግንኙነት ህዳር 3/2017 ዓ.ም ድሬዳዋ

የድሬዳዋ አስተዳደር የኢትዮ-ጣሊያን ፖሊ ቴክኒክ ኮሌጅ የISO 9001:2015 የጥራት ማረጋገጫ ሰርተፊኬት ባለቤት ሆነ።  በድሬዳዋ አስተዳደር ከሚገኙት የመንግስት ኮሌጆች አንዱ የሆነው የኢትዮ-ጣሊያን ፖሊ ቴክኒክ ኮሌጅ የትምህርት ስርዓት የጥራት ማረጋገጫ እና የብቃት መመዘኛ ISO 9001:2015 QMS አለም አቀፍ ሰርተፊኬት አገኘ። በሰርተፊኬት ርክክብ ስነ-ስርአቱ ላይ የተገኙት የአስተዳደሩ ምክትል ከንቲባ እና የንግድ ኢንዱስትሪና ኢንቨስትመንት ቢሮ ሃላፊ እንዲሁም የኢትዮ-ጣሊያን ፖሊ ቴክኒክ ኮሌጅ የቦርድ ሰብሳቢ የሆኑት አቶ ሀርቢ ቡህ በድሬዳዋ 233 አነስተኛ ፣ 70 መካከለኛ እና 36 ከፍተኛ የኢንደስትሪና ኢንቨስትመንት እንቅስቃሴዎች እንደተመዘገበ ጠቁመው የምስራቋ የኢንደስትሪ ኮሪደር እንደመሆኗ መጠን በኮሌጁ የሰለጠኑ ባለሙያዎችና ከፍተኛ የሰው ሃይል እንደሚያስፈልጋት አረጋግጠዋል። ጥራት ያለው የሰው ሃይል ለማፍራት ፤ ጥራት ባለው የትምህርት ስርዓት እና ምዘና ማለፍ ይገባል ሲሉ በመክፈቻ ንግግራቸው ወቅት የገለፁት የድሬዳዋ አስተዳደር ሥራና ክህሎት ቢሮ ሃላፊ አቶ ሮቤል ጌታቸው ሲሆኑ በብቃት የሰለጠነ የሰው ሃይልን በማፍራት ለኢንደስትሪው ማበርከት ይጠበቅብናል ሲሉ ተናግረዋል። በመድረኩ ላይ በእንግድነት የተገኙት የኢ.ፌ.ዴ.ሪ የሥራና ክህሎት ሚኒስቴር ሚኒስትር ወ/ሮ ነቢሃ መሀመድ እንደገለፁት በሀገር አቀፍ ደረጃ እድሉን ካገኙ 20 ትቋማት መካከል 5ቱ እራሳቸውን በጥራት ደረጃ ማሳለፍ መቻላቸውንና ከእነዚህም መካከል የኢትዮ ጣሊያን ፖሊ ቴክኒክ ኮሌጅ እንዱ መሆኑን አስታውቀዋል። አክለውም ይህ የጥራት ማረጋገጫ ከምስራቅ ኢትዮጵያ የመጀመሪያው እንደሚያደርገው ገልፀው በአለም አቀፍ ደረጃ ተወዳዳሪ እና ተፈላጊ ባለሙያዎችን በማሰልጠን የስራ እድልን ከመፍጠር በዘለለ ትልልቅ ድርጅቶችንና ኩባንያዎችን የሚያንቀሳቅሱ ለማድረግ መታቀዱን ጠቁመዋል። የጥራት ማረጋገጫ ሰርተፊኬቱን ለኢትዮ ጣሊያን ፖሊ ቴክኒክ ኮሌጅ ዲን አቶ ታደለ አሰፋ ያስረከቡት የኢትዮጵያ የተስማሚነት ምዘና ድርጅት ዋና ዳይሬክተር ወ/ሮ መዓዛ አበራ ተቋማቸው በሀገሪቱ 9 የተደራጁ የጥራት ላቦራቶሪዎችን በማደራጀት እየፈተሸ እንደሚገኝ ጠቅሰዋል። በግብርና ፣ በምግብ ስርዓት ፣ በኢንደስትሪ ምርት እና በትምህርት ስልጠና የብቃት ደረጃዎችን የመለካት ተግባራትን እያከናወነ መሆኑን ገልፀው በአጠቃላይም 50 ሚሊየን ዶላር በመመደብ የጥራት ደረጃዎችን ለማሻሻልና ለመፈተሽ እየሰራ እንደሚገኝ አስረድተዋል። በመርሃግብሩ ማጠቃለያም ለኮሌጁ የትምህርት ስርዓትና የጥራት ደረጃ አስተዋፅኦ ላበረከቱ መምህራን የእውቅና እና ማበረታቻ ሽልማት ተበርክቷል። ©️ Diretv ህዳር 3/2017

በዛሬው ዕለት በተለምዶ ኮንጎ ሜዳ ተብሎ በሚጠራው ሥፍራ በሚገኘው የወጣቶች ማዕከል አዳራሽ የብልፅግና ፓርቲ 5ኛ ዓመት የምሥረታ በዓልን አስመልክቶ በአስተዳደሩ ባሉ የሴክተር ተቋማትና ወረዳዎች የተከናወኑ ስራዎችን የሚያስቃኝ የፎቶ አውደ-ርዕይ ተጀመረ። በፎቶ አውደ ርዕዩ ላይ በእንግድነት ተገኝተው በይፋ ያስጀመሩት የድሬዳዋ አስተዳደር ከንቲባ ከድር ጁሃር እንደተናገሩት ብልፅግና ፓርቲ ከህዝብና ባለድርሻ አካላት ጋር ያለውን መስተጋብር ከፍ በማድረግ፤ ድጋፍ ለማሰባሰብና ቅቡልነቱን ለማሳደግ በህዝባዊ ተሳትፎ ቀጣይነት ያለው ስኬቶችን እያስመዘገበ ይገኛል ብለዋል ክቡር ከንቲባ አቶ ከድር አክለውም በሥራ እድል ፈጠራ ፣ በአምራች ኢንደስትሪና ኢንቨስትመንት ልማት ከዚያም ባለፈ የአገልግሎት አሰጣጥን በማዘመን ረገድ የተሻሉ ስኬቶችን ማስመዝገብ መቻሉን ገልፀዋል። የፎቶ አውደ-ርዕዩ ከህዳር 2 እስከ ህዳር 6 የሚቆይ ሲሆን የብልፅግና ፓርቲ አምስተኛ አመት የምስረታን በማስመልከት ከህዳር 1 እስከ ህዳር 15 በተለያዩ ኹነቶች እና የበጎ አድራጎት ተግባራቶች እንደሚቀጥል ለማወቅ ተችሏል። ህዳር 2/2017 ዓ.ም