БСТ | Яңылыҡтар

Баймаҡта «Яңы йыл ғаилә уйындары-2026» конкурсы еңеүселәре иғлан ителде Йылдың тәүге айы тамамланып та килә. Ошо көндәрҙә Баймаҡта «Яңы йыл ғаилә уйындары-2026» конкурсы еңеүселәре иғлан ителде. Тулыраҡ киләһе яҙмала.

Өфөлә йәш рәссам Сәлимә Кинйәбаеваның беренсе шәхси күргәҙмәһе асылды Башҡортостандың атҡаҙанған мәҙәниәт хеҙмәткәре, билдәле рәссам Азамат Ғариповтың уҡыусыһы экспозицияға 16 картинаһын сығарған. Ҡыл ҡәләм оҫтаһы гуашь, тушь һәм пастель кеүек төрлө материалдарға өҫтөнлөк бирә. Ижади эштәрендә йәмәғәт транспорты салонынан күренештәр, семәрле йорттар, ҡала урамдары сағылыш тапҡан.

Түрҫәгәҙелә Бөйөк Ватан һуғышы һәм МХО яугирҙарына арналған обелиск яңыртыла Ауырғазы районы Түрҫәгәҙе ауылында халҡы Урындағы башланғыстарҙы яҡлау программаһы буйынса обелискты яңыртырға ниәтләй. Һәйкәл Бөйөк Ватан һуғышы ҡаһармандары, тыл хеҙмәтсәндәре, һуғыш осоро балалары менән бергә, локаль һуғыштарҙа һәм махсус хәрби операцияла ҡатнашыусыларға арнала.

Хәйбулла районы хакимиәте башлығы халыҡ менән осраша Хәйбулла районы хакимиәте башлығы халыҡ менән осраша. Был юлы йыйылыш Сиҙәм ауыл биләмәһендә үтте. Бындай осрашыуҙар урындағы проблемалар менән яҡындан танышырға, һорауҙарҙы хәл итергә мөмкинлек бирә.

Башҡортостанда «Әсәлек капиталы» автоматик рәүештә индексациялана 1 февралдән Социаль фондтың Башҡортостан буйынса бүлексәһе «Әсәлек капиталы»н 5,6 процентҡа индексациялай. Индексация сертификаттарын өлөшләтә йәки тулыһынса һаҡлаған барлыҡ ғаиләләр өсөн дә үткәрелә. Бының өсөн социаль фондҡа ғариза менән мөрәжәғәт итеү кәрәкмәй, процесс автоматик рәүештә атҡарыла.

Нефтекамала 91 йәшлек ҡатын автомобиль тәгәрмәсе аҫтында ҡалып һәләк булған Ваҡиға Ленин урамындағы йәйәүлеләр үткәүелендә теркәлгән. Интернетҡа һалынған видеояҙманан күренеүенсә, «Лада Гранта» водителе юл аша сығып барған оло йәштәге ханымдыбәрҙерә. Ҡазаға тарыусы ауыр йәрәхәттәр менән дауаханаға оҙатыла, әммә табиптар уның ғүмерен ҡотҡара алмай. 52 йәшлек автомобиль хужаһы ҡулға алынған. Осраҡ буйынса тикшереү бара.

Өфөлә махсус хәрби операция ветеранының фатиры «Аҡыллы йорт» системаһына яраҡлаштырылды Ватанды һаҡлаусылар фондының төбәк филиалы Өфөлә йәшәүсе махсус хәрби операция ветераны Иван Щербаковтың фатирын Аҡыллы йорт системаһына яраҡлаштырҙы. Республикала бындай системалар 51 яугир йортона ҡоролған, әле 40 хәрбиҙең торлағы йыһазландырыла.

Республика йортонда үткән инвестиция сәғәтендә медицина һәм туризм өлкәһендәге проекттар яҡланды Ултырыш Башҡортостан Хөкүмәте премьер-министры рәйеслегендә үтте. Осрашыу башында Салауат ҡалаһы бизнес-шерифының эшмәкәрлегенә юғары баһа бирелде. Әле ҡалала 96 миллиард һумлыҡ 101 инвестиция проекты тормошҡа ашырыла, бизнес муниципалитет тормошонда әүҙем ҡатнаша.

«Барыһы ла Еңеү өсөн»: Радий Хәбиров Ҡоролтайҙа төп маҡсаттарҙы билдәләне Барыһы ла Еңеү өсөн. Башҡортостан башлығы Радий Хәбиров Дәүләт Йыйылышы-Ҡоролтайға йыллыҡ мөрәжәғәтнамә менән сығыш яһап, депутаттар һәм идара командаһы алдында торған төп маҡсаттарҙы билдәләне. Дошманды еңеү өсөн йәмғиәттең тулы мобилизацияһы, халыҡтарҙың берләшеүе мотлаҡ. Радий Хәбиров уртаҡ эшкә үҙ өлөшөн индергән һәр кемгә рәхмәт белдерҙе.

Обращаюсь с этим Посланием к депутатам Государственного Собрания – Курултая не только как Глава Республики Башкортостан. В нем – и мои личные убеждения, мои личные чувства как гражданина и как мужчины.

Асҡын районы Яңы Ҡушкилде ауылы халҡы Төй йылғаһы аша күперҙе яңыртырға ниәтләй Ауылға күпер кәрәк. Асҡын районының Яңы Ҡушкилде ауылы халҡы «Урындағы башланғыстарға булышлыҡ итеү программаһында» ҡатнашып, Төй йылғаһы аша күперҙе төҙөкләнедерегә теләй. Проектҡа ярашлы, яһалма конструкцияның яндауҙарын алмаштырыу, йәйәүлеләр өсөн юлды төҙөкләндереү күҙаллана.

Мәктәп имтихандарына әҙер яуаптарҙы интернетта тыйырға тәҡдим ителде Рәсәйҙең мәғариф министрлығы мәктәп уҡыусыларының имтихандарға әҙерлегенә үҙгәрештәр индереү буйынса закон проекты әҙерләй. Ведомство Берҙәм дәүләт һәм Дөйөм дәүләт имтихандары буйынса эштәргә яуаптарҙы, Бөтә Рәсәй олимпиадаһы һәм федераль дәреслектәрҙәге әҙер эштәрҙе тыйылған мәғлүмәт реестрына индерергә тәҡдим итә. Эксперттар был башланғысҡа бәйле төрлө фекерҙә. Тулыраҡ киләһе материалда

Радий Хәбиров Рәсәйҙең иң ҙур һыра ҡайнатыу компанияһының Өфө филиалында булды Төбәк башлығы компания етәксеһе Николай Тюрников менән производствоны үҫтереү мөмкинлектәрен тикшерҙе, шулай уҡ хеҙмәт коллективы менән аралашты. 1999 йылда эшләй башлаған завод бер нисә модернизация этабын үткән. Предприятиела бөтәһе 270 хеҙмәткәр иҫәпләнә. «АБ ИнБев Эфес» филиалы төрлө һауыттарҙа 76 төр эсемлек сығара. 2024 йылдан предприятиела етештереү ҡеүәттәрен модернизациялау буйынса 1 миллиард 400 миллион һумлыҡ инвестиция проекты тормошҡа ашырыла.

Башҡортостан уңайлы инвестиция мөхитен булдырыусы төбәктәр араһында лидерҙар иҫәбендә Был хаҡта «Кесе Ватан-Рәсәй көсө» форумы секцияларының береһендә сығыш яһағанда Стратегик башланғыстар агентлығы генераль директорының беренсе урынбаҫары Игорь Карачин билдәләне. Уның һүҙҙәренсә, республика өлгәшкән уңыштарында туҡтап ҡалмай һәм башҡа төбәктәрҙән коллегалары менән тәжрибә уртаҡлашып, даими рәүештә яңы проекттар өҫтөндә эшләй.

Башҡортостандың муниципаль эш тәжрибәһен тотош илгә таратыу талап ителә Был турала бөгөн Өфөлә «Кесе Ватан-Рәсәй көсө» Бөтә Рәсәй форумында белдерелде. Сараның пленар ултырышы «Торатау» конгресс холында үтте. Форумда Башҡортостан башлығы Радий Хәбиров, Рәсәй Президентының эске сәйәсәт буйынса идаралығы етәксеһе урынбаҫары Евгений Грачев, Бөтә Рәсәй урындағы үҙидараны үҫтереү ассоциацияһы рәйестәше Ирина Гусева ҡатнашты.

Быйылдан Рәсәйҙә күп фатирлы яңы йорттар төҙөгәндә дәүләт стандарты ҡабул ителәсәк Быйылдан Рәсәйҙә күп фатирлы яңы йорттар төҙөгәндә дәүләт стандарты ҡабул ителәсәк. Һүҙ ремонт-биҙәү эштәренең сифаты, уларҙы ҡабул итеү һәм иҫкәрмәләрҙе бөтөрөүгә берҙәм талаптар индереү тураһында бара. Үҙгәрештәр күсемһеҙ милек баҙарына, шул иҫәптән торлаҡ хаҡына нисек йоғонто яһаясаҡ?

Йылайыр районының Матрай ауылы халҡы быйыл «Айыҡ ауыл» республика конкурсында ҡатнаша Берҙәмлектә-көс. Йылайыр районының Матрай ауылы халҡы быйыл «Айыҡ ауыл» республика конкурсында ҡатнаша. Ошо уңайҙан төбәктә күләмле мәҙәни-спорт сараһы үтте.

Өфөлә "Урал батыр" эпосы көнөнә әҙерлек башланды Ошо темаға кәңәшмә уҙғарылды. Премьер-министрҙың беренсе урынбаҫары Урал Килсенбаев белдереүенсә, эпосты ныҡлап өйрәнеп, уны мәғариф, мәҙәниәт өлкәләрендә генә түгел, туризм, кәсепселек, төҙөлөш, сауҙала ҡулланырға була. "Урал батыр" беҙҙең көс, хәтер һәм яуаплылыҡ, - тине ул. Башҡортостанда 8 июнь Республика Башлығы указы менән "Урал батыр" эпосы көнө тип иғлан ителгән.

Рәсәй юғары уҡыу йорттарында бакалавриат-магистратура системаһы бөтөрөлә Ошондай үҙгәреш яңы уҡыу йылынан көсөнә инә тип хәбәр итәләр Думаның фән һәм юғары белем буйынса комитетынан. Юғары белем нигеҙ һәм махсус өлөштәрҙән торасаҡ. Студенттар һайланған һөнәргә ҡарап 4 йылдан 6 йылға тиклем уҡый. Махсус юғары белем 3 йүнәлеште эсенә ала - профессиональ квалификация, идара итеү һәм тикшеренеүҙәр алып барыуҙы һайларға була.

Шишмә районының Шөңгәккүл ауылы ҡатын-ҡыҙҙары махсус хәрби операцияға гуманитар ылау туплай Шишмә районының Шөңгәккүл ауылы ҡатын-ҡыҙҙары махсус хәрби операцияға гуманитар ылау туплай. Улар маскировка селтәрҙәре үрә, ямғырҙан һаҡлаусы кейемдәр тегә, окоп шәмдәре эшләй. Ирекмәндәр Башҡортостан таможняһы менән хеҙмәттәшлек итә, улар аша алғы һыҙыҡҡа гуманитар йөк оҙата.