News Of Myanmar

Call Center သို့ တိုင်ကြားမှုအရ အရေးယူထားသည့် စက်သုံးဆီဆိုင် ၁၈ ဆိုင်ထိရှိပြီး မြောက်ဒဂုံမြို့နယ်တွင် စက်သုံးဆီသိုလှောင်ထားသူနှင့် ဒဂုံမြို့နယ်တွင် ယာဉ်ဆီတိုင်ကီမှ စက်သုံးဆီထုတ်ယူရောင်းချသူတို့ကို ဖမ်းဆီးအရေးယူထား NOM ဧပြီ ၄၊ ၂၀၂၆ စွမ်းအင်ဝန်ကြီးဌာန Call Center သို့ တိုင်ကြားလာသည့် သတင်းများအရ တရားမဝင်စက်သုံးဆီ ဖြန့်ဖြူးရောင်းချမှုများကို ဥပဒေနှင့်အညီ အမှုဖွင့်လှစ်အရေးယူဆောင်ရွက်မှုအနေဖြင့် မြောက်ဒဂုံမြို့နယ် (၂၉) ရပ်ကွက် အောင်သစ္စာလမ်း အိမ်အမှတ် ၃၃၃ ဦးကျော်မြင့်၏ နေအိမ်တွင် ဒီဇယ်ဆီဟု ယူဆရသော စက်သုံးဆီ ဂါလန် ၅၀ အား ပီပါသုံးလုံးအတွင်း သိုလှောင်ထားရှိပြီး ဆီစုပ်ပန့် နှစ်လုံး လက်ရိုက်ပန့် နှစ်လုံးတို့အားစစ်ဆေးတွေ့ရှိရခြင်းနှင့် ရန်ကုန်တိုင်းဒေသကြီး ဒဂုံမြို့နယ် မြို့မကျောင်းလမ်းနံဘေး၌ ယာဉ်အမှတ် 31/1717 Alphard အမျိုးအစားယာဉ်သည် ယာဉ်ရှိဆီတိုင်ကီမှ ဆီကို ပိုက်ဖြင့်ထုတ်ယူရောင်းချလျက်ရှိကြောင်း စစ်ဆေးတွေ့ရှိရပြီး အဆိုပါလမ်းနံဘေးရှိ ဦးဝသုန်ပိုင် တရားမဝင်ဆီရောင်းချသူထံမှ ဒီဇယ်ဆီဟု ယူဆရသော စက်လုံးဆီ ဂါလန် ၉ဝ နှင့် ဓာတ်ဆီဟု ယူဆရသော စက်သုံးဆီ ၄၈ ဂါလန်ကို စစ်ဆေး တွေ့ရှိရသဖြင့် စက်လုံးဆီ ရောင်းချသူ ယာဉ်မောင်း ဦးဝင်းမင်းထွန်းနှင့် စက်သုံးဆီများ သိုလှောင်ရောင်းချနေသူ ဦးဝသုန်တို့ နှစ်ဦးအား အရေးယူဆောင်ရွက်ခဲ့ကြောင်း သိရသည်။ ပြည်သူများအနေဖြင့် Code/ QR Code များကို Scan ဖတ်၍ စက်သုံးဆီဝယ်ယူရာတွင် တွေ့ကြုံရသည့် နည်းပညာဆိုင်ရာ အခက်အခဲများနှင့် အခြားတင်ပြ တိုင်ကြားလိုသည်များ ရှိပါက စွမ်းအင်ဝန်ကြီးဌာန Call Center ရှိ ရှိ ဖုန်းအမှတ်များဖြစ်သည့် ၀၉-၂၅၀၁၁၁၂၂၂ ၀၉-၂၅၀၁၁၁၃၃၃၊ ၀၉-၄၄၀၄၃၃၂၄ ၈၉၉၁၂၉၂၉၆ နှင့် Viber ဖုန်းအမှတ် ၀၉-၄၀၁၇၄၈၅၉၈ တို့သို့ ဆက်သွယ်တိုင်ကြားနိုင် ကြောင်းနှင့် တိုင်ကြားလာမှုအပေါ် မှန်ကန်ကြောင်း စိစစ်တွေ့ရှိရပါက ထိရောက်စွာအရေးယူ ဆောင်ရွက်သွားမည်ဖြစ်ကြောင်း စွမ်းအင်ဝန်ကြီးဌာနမှ သိရသည်။ NOM

ရန်ကုန် နှင့် ရှမ်းပြည်နယ် တို့တွင် နှစ်လုံးထီ လောင်းကစားသူများအား ဖမ်းဆီးအရေးယူ။ NOM

ရှမ်းပြည်နယ်(မြောက်ပိုင်း)၊ တန့်ယန်းမြို့နယ်အတွင်းနှင့် မူဆယ်မြို့တို့၌ အွန်လိုင်းလိမ်လည်လောင်းကစားမှု လုပ်ကိုင်နေသူများအား ဆက်စပ်ပစ္စည်းများနှင့်အတူ ဖမ်းဆီးရမိ။ ဧပြီ ၄၊ ၂၀၂၆ NOM

PDF အကြမ်းဖက်အဖွဲ့​၏ မိုင်းထောင်မှုကြောင့် အပြစ်မဲ့ပြည်သူတစ်ဦး ထိခိုက်ဒဏ်ရာ။ NOM

အပြစ်မဲ့ပြည်သူတစ်ဦး PDF အကြမ်းဖက်မှုကြောင့် အသက်ဆုံးရှုံးရ။ NOM

အပြစ်မဲ့ပြည်သူများအား လက်နက်ကြီး၊ Drop Bomb ဖြင့် ပစ်ခတ်ခံရမှုကို ပြင်းထန်စွာရှုတ်ချအပ်ပါသည်။ NOM

ချစ်ကြည်ရေးခရီးလည်ပတ်ရန်ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ် ပြန်လည်ထွက်ခွာ ဧပြီ ၄၊ ၂၀၂၆ NOM

ဒဂုံဆိပ်ကမ်းမြို့နယ်ရှိအာရှနဂါးစက်ရုံကိုကေါ်သေနတ်ဖြင့်ခြိမ်းခြောက်ပြီးကျပ်သိန်းနှစ်ထောင်နီးပါးလုယက်သွား NOM၊ဧပြီ၄၊၂၀၂၆ ဒဂုံမြို့သစ်(ဆိပ်ကမ်း)၊(၈၉)ရပ်ကွက်၊စက်မှုဇုန်(၁)၊ကနောင်မင်းသားကြီးလမ်းရှိအာရှနဂါးအထည်ချုပ်စက်ရုံသို့ဧပြီလ၄ရက်နံနက်၁၁း၁၅နာရီအချိန်တွင်သေနတ်ကိုင်ထားသောအမျိုးသားနှစ်ဦးရောက်လာပြီးဝန်ထမ်းများလစာပေးရန်စီစဉ်နေသောငွေများမှကျပ်၁၉၉၅သိန်းကိုလုယက်သွားကြောင်းသိရသည်။ စက်ရုံရုံးခန်းအတွင်းဝန်ထမ်းလစာပေးရန်စီစဉ်နေချိန်တွင်အစိမ်းရောင်ပြောက်ကျားအင်္ကျီဘောင်းဘီဝတ်ထားပြီးပြောက်ကျားနှာခေါင်းစီးထားသောအသက်၃၀ဝန်းကျင်အမျိုးသားနှစ်ဦးသည်လက်တစ်ဖက်တွင် ကေါ်သေနတ်အရှည်၊အခြားတစ်ဖက်တွင်အိတ်တစ်လုံးစီကိုင်ဆောင်ဝင်လာပြီးသေနတ်ပြခြိမ်းခြောက်၍ဝန်ထမ်းများကိုခေါင်းငုံ့စေကါလစာပေးရန်ပုံထားသောငွေများအနက်ကျပ်၁၉၉၅သိန်းကို၄င်းတို့ယူလာသောအိတ်များအတွင်းထည့်ပြီးအသင့်ပါလာသည့်အနက်ရောင်ဆိုင်ကယ်ဖြင့်ထွက်ပြေးသွားကြောင်းသိရသည်။ ဒဂုံမြို့သစ်(ဆိပ်ကမ်း)မြို့မရဲစခန်းကရာဇသတ်ကြီးပုဒ်မ၃၉၂၊(ပ)၂၁၀/၂၀၂၆ဖြင့်အမှုဖွင့်၍တရားခံများဖမ်းမိရန်ဆောင်ရွက်နေကြောင်းသိရသည်။

အီရန်ကအစ္စရေးသင်္ဘောကိုပစ်ခတ်ဖျက်ဆီး NOM အီရန် တော်လှန်ရေး အစောင့်တပ် (IRGC) ရေတပ် ကွပ်ကဲမှုက ဟော်မုဇ် ရေလက်ကြား ဧရိယာအတွင်း ဇီယွန်နစ် အစ္စရေးအစိုးရနှင့် ဆက်နွယ်နေသည့် MSC Ishika သင်္ဘောအား ဒရုန်းဖြင့် ပစ်ခတ်တိုက်ခိုက်ခဲ့ကြောင်း၊ သင်္ဘောမှာ မီး လောင်သွားကြောင်း ထုတ်ပြန်သည်။

အမေရိကန်စစ်ဝန်ကြီးပြောကြားချက်ကိုပုပ်ရဟန်းမင်းကြီးလက်မခံ NOM ပုပ်ရဟန်းမင်းကြီး လီယို (၁၄) သည် အေမရိကန်စစ်ဝန်ကြီးဟက်ဂ်ဆက်၏ “အမေရိကန် စစ်တပ်သည်ခရစ်တော် ၏ နာမတော်ဖြင့်တိုက်ခိုက် နေသည်” ဟူသော ပြောဆိုချက်ကို သဘောမတူ လက်မခံကြောင်းသိရသည်။“ယေရှုခရစ် တော် ၏ လမ်းစဉ်နှင့် ကင်းကွာနေသည်ဟု ပုပ်ရဟန်းမင်းကြီးက မှတ်ချက်ပြုခဲ့သည်။ ထို့အပြင် အစောပိုင်းတွင် ဟက်ဂ်ဆက်က အမေရိကန်ပြည်သူများအား အောင်ပွဲရရှိရေးနှင့် အမေရိကန် စစ်တပ်၏ ဘေးကင်းလုံခြုံမှုအတွက် ဆုတောင်းကြရန် တိုက်တွန်းပြောဆိုခဲ့သေးသည်။

အီရန်ကဒုတိယမြောက်ယူအေအီးဒရုန်းကိုပစ်ချ NOM အီရန်၏ လေကြောင်းရန်ကာကွယ်ရေးစနစ်များက ယူအေအီး၏ ဒရုန်းတစ်စင်းကို ထပ်မံ ပစ်ချခဲ့ပြီး၊ ထိုဒရုန်းသည် တရုတ်ထုတ် Wing Loong II ဟု သိရသည်။ဒရုန်းတွင်ဗုံးချိတ်ွဲရန်နေရာများပါသဖြင့်အဆိုပါဒရုန်းဖြင့်အီရန်အတွင်းဝင်ရောက်တိုက်ခိုက်နေခြင်းဖြစ်သည်။

အီရန်စစ်ပွဲအတွင်းအမေရိကန်လေယာဉ်၁၈စီးနှင့်ဒရုန်း၁၇စီးထိခိုက်ပျက်စီးပြီးဖြစ်သည်။

အီရန်တက္ကသိုလ်၃၀ကျော်ကိုနယိချဲ့ဝါဒီအစ္စရေးနှင့်သူ၏လက်ကိုင်တုတ် အမေရိကန်ကဗုံးကြဲဖျက်ဆီး NOM အီရန်သိပ္ပံဝန်ကြီး ဟူစိန်ဆီမာအီသည် ရှဟစ်ဘီဟက်ရှ်တီတက္ကသိုလ်၏ အကြွင်းအကျန်များကို သွားရောက်ကြည့်ရှုစဉ်သတင်းထောက်များကိုအီရန်တက္ကသိုလ်၃၀ကျော်ကိုအမေရိကန်နှင့်ဇီယွန်နယ်ချဲ့အစ္စရေးတို့ကတိုက်ခိုက်ဖျက်ဆီးခဲ့ကြောင်းပြောကြားလိုက်သည်။ 'နိုင်ငံတကာဥပဒေအရ နိုင်ငံ၏ အရပ်သားပြည်သူများ လိုအပ်သော အခြေခံအဆောက်အအုံများကို တိုက်ခိုက်ခြင်းသည် စစ်ရာဇဝတ်မှုတစ်ခုဖြစ်သည်။

ရွှေတောင် - မြောင်းတကာ အမှတ်(၁+၂) ဓာတ်အားလိုင်း ပြုပြင်ခြင်းလုပ်ငန်းများအားလုံးပြီး ပုံမှန်အတိုင်း ဓာတ်အားပြန်လည်ပို့လွှတ် NOM၊ဧပြီ၄၊၂၀၂၆ ရွှေတောင် - မြောင်းတကာအမှတ် (၁+၂) ဓာတ်အားလိုင်း ပြုပြင်ခြင်းလုပ်ငန်းများအားလုံးယမန်နေ့ (ဧပြီ၃ရက်)ည နေ၅နာရီ၂၀မိနစ်တွင်ပြုပြင်ခြင်းလုပ်ငန်းများအားလုံးပြီးသွားသောကြောင့် ပုံမှန်အတိုင်း ဓာတ်အားပြန်လည်ပိုလွှတ်လျက် သည့်ဟု ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှသတင်းထုတ်ပြန်ထားသည်။ ရွှေတောင် - မြောင်းတကာ အမှတ် (၁+၂) ဓာတ်အားလိုင်း ပြုပြင်ခြင်းလုပ်ငန်းများ ဆောင်ရွက်ရာတွင်လျှပ်စစ်ဝန်ထမ်း(၁၃၅) ဦးပါဝင်သော ပြန်လည်ပြုပြင် ရေးအဖွဲ့များသည် နယ်မြေခံ တပ်ရင်းတပ်ဖွဲ့များ၏ လုံခြုံရေးစီစဉ်ဆောင်ရွက်မှုဖြင့်မတ်လ ၂၈ ရက်မှ ဧပြီ ၃ရက်အတွင်း တို င်အမှတ် (၃၁၀နှင့်၃၁၁) တာဝါ(၂)တိုင် ပြိုလဲပျက်စီးမှုများအား ပြန်လည် ပြုပြင်နိုင်ရေး ပျက်စီးတာဝါတိုင်များအားဖြုတ်သိမ်းခြင်းနှင့် တာဝါတိုင်အသစ်(၂)တိုင် ပြန်လည်တည် ဆောက်တပ်ဆင်ခြင်းလုပ်ငန်းများအားလည်းကောင်း၊ တိုင်အမှတ် (၃၀၉ နှင့် ၃၁၂) တာဝါ(၂)တိုင် ယိုင်/ စောင်းမှုအား ပြန်လည်ပြုပြင်ခြင်း လုပ်ငန်းများအားလည်းကောင်း၊ တိုင်အမှတ်(၃၀၉ မှ ၃၁၂) အကြား ဓာတ်အားလိုင်းကြိုးပျက်စီးမှုနေရာများအား ပြန်လည်ပြုပြင်ခြင်းနှင့် ဓာတ်အားလိုင်းကြိုး၊ Earth Wire၊ OPGW ကြိုးများ ပြန်လည်ချိတ်ဆွဲတပ်ဆင်ခြင်းလုပ်ငန်းများအားလည်းကောင်း ဆောင်ရွက်ခဲ့ ကြောင်းသိရသည်။ ပြန်လည်ပြုပြင်ခြင်းလုပ်ငန်းများ ရာနှုန်းပြည့်ဆောင်ရွက်ပြီးစီးခဲ့ပါသဖြင့် ဧပြီ၂ရက်၊ ည၉နာရီ၁၅မိနစ်တွင် ၂၃၀ ကေဗွီ ရွှေတောင် - မြောင်းတကာ အမှတ်(၁) ဓာတ်အားလိုင်း အားလည်းကောင်း၊ ဧပြီ ၃ ရက်၊ည နေ၅နာရီ၂၀မိနစ်တွင် ၂၃၀ ကေဗွီ ရွှေတောင် - မြောင်းတကာ အမှတ်(၂) ဓာတ်အားလိုင်း အား လည်းကောင်း ပုံမှန်အတိုင်း ဓာတ်အားပြန်လည်ပို့လွှတ် လျက်ရှိ ကြောင်းသိရသည်။ သို့ဖြစ်ပါ၍ အဆိုပါ အမှတ်(၁+၂) ဓာတ်အားလိုင်းဖြင့် အထက်မြန်မာပြည်မှ ထုတ်လုပ်လျက်ရှိသော လျှပ်စစ်ဓာတ်အား (၃၀၀)မဂ္ဂါဝပ်ခန့်အား ဓာတ်အားစနစ်အတွင်းနှင့် ရန်ကုန်တိုင်းဒေသကြီးအတွင်းသို့ ဓာတ်အားပို့လွှတ်ထားရှိပါကြောင်းနှင့် ယခုလက်ရှိအခြေအနေတွင် လိုအပ်သော လျှပ်စစ်ဓာတ်အားကိုသာ ချွေတာသုံးစွဲခြင်းပြုလုပ်ပေးပါရန် မိဘပြည်သူများထံသို့ လေးစားစွာ မေတ္တာရပ်ခံ အသိပေးထားကြောင်းသိရသည်။

ဦးညိုစော အား ပြည်ထောင်စုသမ္မတမြန်မာနိုင်ငံတော် ဒုတိယသမ္မတအဖြစ် ရွေးကောက်တင်မြှောက်ခြင်းခံရသည့်အတွက် တရုတ်ပြည်သူ့သမ္မတနိုင်ငံ ဒုတိယသမ္မတ မစ္စတာ ဟန်ကျန့် ထံမှ ဝမ်းမြောက်ကြောင်း သဝဏ်လွှာပေးပို့

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် တရုတ်ပြည်သူ့သမ္မတနိုင်ငံ သမ္မတ မစ္စတာ ရှီကျင့်ဖျင် ထံမှ ဝမ်းမြောက်ကြောင်း သဝဏ်လွှာပေးပို့

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ဘယ်လာရုစ်သမ္မတနိုင်ငံ သမ္မတ မစ္စတာ အလက်ဇန္ဒား လူကာရှန်ကို ထံမှ ဝမ်းမြောက်ကြောင်းသဝဏ်လွှာပေးပို့

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ရုရှားဖက်ဒရေးရှင်းနိုင်ငံ သမ္မတ မစ္စတာ ဗလာဒီမာပူတင် ထံမှ ဝမ်းမြောက်ကြောင်းသဝဏ်လွှာပေးပို့

ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ခြင်း ခံရသည့်အတွက် အသင်း/အဖွဲ့များက အထူးဂုဏ်ယူဝမ်းမြောက်ကြောင်း ထုတ်ပြန်ကြေညာချက်များ ထုတ်ပြန် ဧပြီ ၃၊ ၂၀၂၆ ၂၀၂၆ ခုနှစ်၊ ဧပြီလ ၃ ရက်တွင်ကျင်းပသည့် နိုင်ငံတော်သမ္မတ ရွေးချယ်တင်မြှောက်ပွဲ၌ ပြည်ထောင်စုလွှတ်တော်ကိုယ်စားလှယ် အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့က ရွေးကောက်ခံပြည်သူ့လွှတ်တော်ကိုယ်စားလှယ်များအစုအဖွဲ့မှ ဒုတိယသမ္မတအဖြစ် ရွေးချယ်တင်မြှောက်ထားသော ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ခြင်းခံရသည့်အတွက် “ဝ” ပြည်သွေးစည်းညီညွတ်ရေးပါတီဗဟိုကော်မတီ၊ မြန်မာ-တရုတ်ရင်းနှီးမြှုပ်နှံမှုနှင့် ကုန်သွယ်မှုမြှင့်တင်ရေးအသင်း (MCITP)၊ မြန်မာနိုင်ငံလိုင်စင်ရကန်ထရိုက်တာများအသင်းချုပ် (Federation of MLCA)၊ မြန်မာ-အိန္ဒိယ-တရုတ် ပူးပေါင်းဆောင်ရွက်ရေးနှင့် စီးပွားဖွံဖြိုး တိုးတက်ရေးအသင်း (MICA)၊ မြန်မာ-တရုတ်ဗုဒ္ဓဘာသာချစ်ကြည်နှီးနှောဖလှယ်ရေးအဖွဲ့ (MCBFEA)၊ လူမျိုးပေါင်းစုံညီညွတ်ရေးနှင့်အကျိုးဆောင်အဖွဲ့ (IUCO)၊ ဘာသာပေါင်းစုံမိတ်ဆွေများအဖွဲ့၊ မြန်မာ-တရုတ် အမျိုးသမီးများအသင်း၊ မြန်မာနိုင်ငံလုံးဆိုင်ရာ ဟိန္ဒူဘာသာရေးဗဟိုအဖွဲ့ချုပ်၊ မြန်မာနိုင်ငံလုံးဆိုင်ရာ တမီလ်ဟိန္ဒူဖောင်ဒေးရှင်း (ဗဟို)၊ မြန်မာနိုင်ငံလုံးဆိုင်ရာဟေးလုံကျန်း ကုန်သည်ကြီးများအသင်းချုပ်၊ မြန်မာနိုင်ငံဘတ်စကတ်ဘောအဖွဲ့ချုပ်၊ မြန်မာ-ကိုရီးယားချစ်ကြည်ရေးအသင်း၊ မြန်မာ-ဗီယက်နမ် ချစ်ကြည်ရေးအသင်း၊ မြန်မာနိုင်ငံဂီတအစည်းအရုံး (ဗဟို) တို့က အထူးဂုဏ်ယူဝမ်းမြောက်ကြောင်း ကြေညာချက်များ ထုတ်ပြန်ခဲ့ကြသည်။ အဆိုပါ ထုတ်ပြန်ကြေညာချက်များတွင် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတအဖြစ် ဗိုလ်ချုပ်မှူးကြီး မင်းအောင်လှိုင်အား ပြည်ထောင်စုလွှတ်တော်က ရွေးချယ်တင်မြှောက်ခဲ့သည့်အတွက် အထူးဂုဏ်ယူဝမ်းမြောက်မိပါကြောင်း၊ နိုင်ငံတော်သမ္မတ ဗိုလ်ချုပ်မှူးကြီး မင်းအောင်လှိုင် စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့်ပြည့်စုံပြီး ကိုယ်စိတ်နှဖြာကျန်းမာရွှင်လမ်းစွာဖြင့် နိုင်ငံတော်၏တာဝန်များကို ထမ်းဆောင်နိုင်ပါစေကြောင်း ဆုမွန်ကောင်းတောင်း ဂါရဝပြုအပ်ပါကြောင်း၊ ပြည်ထောင်စုသမ္မတမြန်မာနိုင်ငံတော်ကြီး ငြိမ်းချမ်းသာယာဝပြောပြီး ပိုမိုစည်ပင်ဖွံ့ဖြိုး တိုးတက်ပါစေကြောင်း စသည်ဖြင့်ပါရှိကြောင်း သိရှိရသည်။ NOM