பொது அறிவு தமிழில்

ஜெனரல் தீரஜ் சேத் இன்று புதிய இந்திய ராணுவத் தளபதியாகப் பொறுப்பேற்றுள்ளார்.

இந்தியாவின் முதல் ஹைட்ரஜன் மூலம் இயங்கும் ரயில், டெல்லி மற்றும் ஜிந்த் இடையே தனது சோதனை ஓட்டத்தை வெற்றிகரமாக நிறைவு செய்தது 🔥 — மணிக்கு 120 கி.மீ வரையிலான வேகத்தை எட்டியது. — அவசர கால பிரேக்கிங் மற்றும் அதிர்வுத் திறன் (oscillation performance) ஆகியவை வெற்றிகரமாகச் சோதிக்கப்பட்டன.

லெப்டினன்ட் ஜெனரல் தீரஜ் சேத் இந்திய ராணுவத்தின் 31-வது தலைமைத் தளபதியாக (COAS) நியமிக்கப்பட்டுள்ளார் 🇮🇳 தற்போது ராணுவத் துணைத் தலைமைத் தளபதியாக (VCAS) பணியாற்றி வரும் லெப்டினன்ட் ஜெனரல் தீரஜ் சேத் (PVSM, UYSM, AVSM) அவர்களை, ஜூன் 30 முதல் அமலுக்கு வரும் வகையில் இந்திய ராணுவத்தின் அடுத்த தலைமைத் தளபதியாக (COAS) மத்திய அரசு நியமித்துள்ளது.

இந்தியாவில் தயாரிக்கப்பட்ட முதல் ‘Made in India’ Airbus C295 ராணுவ போக்குவரத்து விமானம் முதல் முறையாக பறந்த காட்சி

நமது சேனல்களின் இணைப்புகள்: பொது அறிவு தமிழில் 👇🏻 https://t.me/General_Knowledge_Tamil சிந்தனை துளிகள் 👇🏻 https://t.me/Tamil_Thoughts

99 பூக்கள்!

உயரமான கட்டடங்களின் மேல் சிவப்பு விளக்கு எதற்கு? இரவு நேரங்களில் நகரத்தின் வானளாவிய கட்டடங்கள், செல்போன் கோபுரங்கள், தொழிற்சாலை புகைபோக்கிகள் போன்றவற்றின் உச்சியில் சிவப்பு விளக்குகள் ஒளிர்வதை நாம் பார்த்திருப்போம். இது வெறுமனே அழகுக்காக அமைக்கப்பட்டதல்ல, மனித உயிர்களைக் காக்கும் மிக முக்கியமான ஒரு பாதுகாப்பு ஏற்பாடு. இந்த விளக்குகள் விமானப் போக்குவரத்து எச்சரிக்கை விளக்குகள் (Aviation Obstruction Lights) என்று அழைக்கப்படுகின்றன. சர்வதேச சிவில் விமானப் போக்குவரத்து அமைப்பு மற்றும் பல நாடுகளின் விமானப் போக்குவரத்து விதிகளின்படி, குறிப்பிட்ட உயரத்திற்கு (பொதுவாக 45 மீட்டர் அல்லது 150 அடிக்கு) மேல் உள்ள எந்தவொரு கட்டுமானத்திலும் இந்த விளக்குகள் கட்டாயம் பொருத்தப்பட வேண்டும். இரவு நேரங்களிலும், மோசமான வானிலையிலும் தாழ்வாகப் பறக்கும் விமானங்கள், ஹெலிகாப்டர்கள் கட்டடத்தின் மீது மோதி விபத்துக்குள்ளாவதைத் தடுக்கவே இவை பயன்படுகின்றன. சிவப்பு நிறம் ஏன்? ஒளி நிறங்களிலேயே சிவப்பு நிறத்திற்கு அலைநீளம் அதிகம். இதனால் பனிமூட்டம், மழை, அல்லது அடர்ந்த புகை போன்ற பார்வைக்குத் தடையாக இருக்கும் சூழ்நிலைகளிலும் இந்த ஒளி சிதறலடையாமல் வெகு தொலைவில் உள்ள பைலட்டுகளின் கண்களுக்குத் தெளிவாகத் தெரியும். உலகளாவிய ரீதியில் சிவப்பு நிறம் என்பது `அபாயம்', 'எச்சரிக்கை' என்பதற்கான குறியீடு. வெள்ளை அல்லது நீல விளக்குகளைப் போல சிவப்பு விளக்குகள் பைலட்டுகளின் கண்களைக் கூசச் செய்வதில்லை. சில தகவல்கள்: தொடர்ந்து விளக்குகள் எரிவதால் ஏற்படும் ஒளி மாசைக் குறைப்பதற்காக, நவீன கட்டடங்களில் சென்சார்கள் பயன்படுத்தப்படுகின்றன. வானில் ஒரு விமானம் அந்தப் பகுதியை நெருங்கும் போது மட்டுமே இந்த விளக்குகள் ஒளிரத் தொடங்கும். பல கட்டடங்களில் பகல் நேரத்தில் பிரகாசமான வெள்ளை நிற ஸ்ட்ரோப் விளக்குகளும், இரவில் சிவப்பு விளக்குகளும் ஒளிரும் வகையிலான இரட்டை அமைப்பு பயன்படுத்தப்படுகிறது. ராணுவ விமானங்கள் இரவு நேரங்களில் நைட் விஷன் கண்ணாடிகளைப் பயன்படுத்திப் பறக்கும். அவர்களுக்குத் தெளிவாகத் தெரிவதற்காக, தற்போது வரும் நவீன LED விளக்குகள் மனிதக் கண்களுக்குத் தெரியாத அகச்சிவப்புக் கதிர்களையும் (Infrared) சேர்த்து வெளியிடுகின்றன. சுருக்கமாகச் சொன்னால், இந்தச் சிவப்பு விளக்குகள் வானில் பயணிப்பவர்களுக்குப் பாதுகாப்பான பாதையைக் காட்டும் நவீன கால கலங்கரை விளக்கங்கள்!