باختر خبري اژانس

د تخار ولایت د چاه‌آب ولسوالۍ په اړوند سیمه کې د یوه کان له نړېدو وروسته شاوخوا ۱۰ تنه تر خاورو لاندې بند پاتې وو، چې د ژغورنې ډلو له لوري له خاورو را وایستل شول. د تخار والي مولوي سمیع‌الله حزب‌الله او یو شمېر لوړپوړو امنیتي مسوولینو د ژغورنې بهیر څارنه کوله او د بند پاتې کسانو د اړتیاوو د پوره کولو لپاره ورته اکسیجن هم رسول کېده. د ژغورنې ډلو د خاورو له پاکولو وروسته ټول بند پاتې کسان په بریالیتوب سره وژغورل.

په کندهار کې د چینايي سیلانیانو ۱۲ کسیزې ډلې اسلام قبول کړی دی. د خرقې مطهرې ریاست د معلوماتو له مخې، په دې ډله کې ۷ نارینه او ۵ ښځې شاملې دي چې عمرونه یې له ۳۷ تر ۷۱ کلونو دي.

اخ وطنه

د مقاومت جبهې نظامي مسؤل، صالح محمد ريګستاني: له امريکايانو سره مو کومه ستونزه نه درلوده ځکه مو جګړه ورسره ونه کړه او که مو دا کار کړی وای د طالبانو په ګټه تمامېده د تش په نوم مقاومت جبهې تازه ټاکل شوی نظامي مسؤل، چې په وروستيو ورځو کې له يوه نامعلوم ځای څخه د ويډيو ګانو په خپرولو پنجشېر کې د شتون ادعا کوي، په يوه پخوانۍ ويډيو کې ويلي، چې له امریکايانو سره کومک ستونزه نه لري ځکه یې ورسره جګړه نه کوله. نوموړی زیاتوي، که له امریکایانو سره یې جګړه کړې وای، دا به د طالبانو په ګټه تمامه شوې وای. دغه راز ریګستاني څو ورځې وړاندې په يوه، تازه ویډیو کې له «طالبانو» سره د عقیدوي ستونزې یادونه هم کړې او په خبره یې چې دی له «طالبانو» سره عقيدوي ستونزه لري. په عام باور د نوموړي له دې څرکندونو څخه موخه دا ده، چې «طالبان» مسلمانان دي، خو دوی د امریکایانو په صف کې ولاړ وو؛ له همدې امله له طالبانو سره عقیدوي ستونزه لري. #هندوکش‌غږ

د هرات ولايت مقام خبرتیا له بده مرغه، داسلام‌قلعه په پوله کې د څو موټرو ترمنځ اورلګېدنه رامنځته شوې وه، چې الحمدلله د اطفائیې مسؤلینو د چټک اقدام او هڅو له امله اور مهار شوی دی. الحمدلله، تر اوسه دهېڅ ډول ځاني زیان راپور نه دی ورکړل شوی، او د مالي زیانونو کچه او داورلګېدنې لامل تر څېړنې لاندې دي

د هرات ولايت مقام رسنيز دفتر ويلي، چې د دې ولايت والي د ټاپي پروژې له عمومي رییس محمد مراد امانوف سره په لیدنه کې هرات ښار ته د ټاپي ګازو نل‌لیکې د رسېدو او له هغه ځایه صنعتي ښارګوټي ته د غځولو پر چمتووالي خبرې کړې دي. د هرات والي هرات ښار ته د دې پروژې د نل‌لیکې رسېدل مهم پرمختګ بللی او ویلي یې دي چې دا د ټاپي پروژې د عملي کېدو په برخه کې یو مهم ګام دی. له دې وړاندې، د افغانستان او ترکمنستان تخنیکي پلاوو هرات ښار، صنعتي پارکونو، استوګنیزو سیمو او دولتي ادارو ته د ګازو د وېش د شبکې د جوړولو او غځولو پر څرنګوالي هم خبرې کړې وې. د چارواکو په وینا، د دې شبکې په بشپړېدو سره به په هرات کې د صنعتي او ښاري برخو لپاره د طبیعي ګازو د رسولو زمینه نوره هم برابره شي.

د اسلامي امارت د عدلیې وزارت اعلان کړی چې د افغانستان د علماوو شورا هغه لایحه چې د عالیقدر امیرالمؤمنین حفظه‌الله تعالی له خوا تدوین او صادره شوې، په رسمي جریده کې خپره شوې ده. دغه لایحه یوه مقدمه، دوه بابونه، دوه فصلونه او ۲۲ مادې لري او د اسلامي نظام په چوکاټ کې د علماوو شورا د جوړښت، صلاحیتونو، مسوولیتونو او دندو حدود تنظیموي. د دې لایحې له مخې، د ولایتونو او ولسوالیو په کچه د شورا لپاره رئیس، مرستیال، اداري مسوول او مالي مسوول ټاکل کېږي او نور غړي به هم د اړتیا له مخې وټاکل شي. د دغې لایحې له مخې، د علماوو شورا غړي باید د دیني علومو عالم یا په سیمه کې منل شوی شخصیت، صالح، متدین او امانتدار وي او په شرعي علومو او ټولنیزو مسایلو کې له کافي پوهې او بصیرت څخه برخمن وي. د افغانستان د اسلامي امارت دفاع او ساتنه، خلکو ته د شرعي نظام د اهمیت په اړه پوهاوی ورکول، د اسلامي نظام د دفاع د احساس پیاوړتیا، د مسوولینو د فعالیتونو او چلندونو اصلاح، د خلکو او مسوولینو ترمنځ د باور رامنځته کول، د نوي نسل د عامه پوهاوي زیاتول او له امارتي ادارو سره همکاري، د دې شورا له مهمو مسوولیتونو څخه بلل شوي دي.

بلوچ ازادي‌غوښتونکو، چي ښځینه کسان هم پکښي شامل وو، پرون د بلوچستان ډېري لویي لاري تر خپل کنټرول لاندي راوستي دي. ویل کېږي، دغو کسانو د لویو لارو له نیولو وروسته ټول موټرونه تلاښ کړي دي

تسنیم خبري اژانس راپور ورکړی، چې د ایران د بهرنیو چارو وزیر عباس عراقچي له ملګرو ملتونو غوښتي، چې د امریکا له لوري د نړیوال قانون او د ملګرو ملتونو د منشور د سرغړونو پر وړاندې اقدام وکړي او په دې اړه چوپ پاتې نه شي. عراقچي د ملګرو ملتونو له سرمنشي انتونیو ګوترېش سره په لیدنه کې ویلي، ایران د خپل ملي حاکمیت او ځمکنۍ بشپړتیا د دفاع لپاره پر خپل دریځ ولاړ دی او د ملي ګټو د خوندي کولو لپاره ډیپلوماسۍ ته دوام ورکوي. نوموړي د غزې او لوېدیځې غاړې وضعیت ته په اشارې سره، د ملګرو ملتونو او امنیت شورا د جدي اقدام غوښتنه هم کړې ده.

‏روسیې د اوکراین په پلازمېنه او نورو بېلابېلو سیمو د بې‌پیلوټه الوتکو پراخ بریدونه کړي، چې له امله یې ۱۰ کسان وژل شوي او له ۸۰ زیات ټپیان دي. په دغو بریدونو کې د اوکراین علمي اکاډمي هم په نښه شوې، چې لږ تر لږه دوه کسان په کې وژل شوي دي.

د مالیې وزارت وايي، د کورني صنعت او تولیداتو د ملاتړ په موخه د یو شمېر وارداتي توکو ګمرکي تعرفې لوړې سوي دي. بطرۍ: له ۱۲٪ → ۱۶٪تعمیراتي رنګ: له ۱۶٪ → ۳۰٪چرمي پاپوش: له ۵۰٪ → ۸۰٪ګچ: له ۵۰٪ → ۸۰٪ پمپر: له ۲۰٪ → ۲۵٪ د زړه سپرېنګ: له ۸٪ → ۳.۵٪ د وزارت په وینا، د سمنټو، وسپنیزو نلونو، یخچالونو او د قالینو د خامو موادو تعرفې هم تر ارزونې لاندې دي.

د هرات ولایت د رسنیو دفتر په یوه خبرپاڼه کې ویلي، چې د یاد ولایت والي مولانا اسلام‌جار د افغانستان لپاره د قزاقستان له ځانګړي استازي یرکین توکوموف سره د دواړو هېوادونو ترمنځ د اقتصادي، سوداګریزو او پانګونې اړیکو د پراختیا په اړه خبرې کړې دي. خبرپاڼه کې راځي، چې توکوموف ویلي، د روان میلادي کال په شپږو میاشتو کې د افغانستان او قزاقستان ترمنځ د سوداګرۍ کچه ۵۸۱ میلیونه ډالرو ته رسېدلې او د سوداګریزو اړیکو د لا پراختیا لپاره یې د ټرانسپورټي ظرفیتونو پر زیاتولو او د سوداګرۍ د بهیر پر اسانتیا ټینګار کړی دی. خبرپاڼه زیاتوي، چې د قزاقستان ځانګړي استازي د افغانستان پلاوي ته په دغه هېواد کې د یوې ناستې د ګډون بلنه هم ورکړې ده. د هرات والي د دواړو هېوادونو ترمنځ د اقتصادي او سوداګریزو اړیکو د پراختیا پر اهمیت ټینګار کړی او ویلي یې دي، چې هرات د خپل جغرافیایي موقعیت او تاریخي مخینې له امله د سوداګرۍ د پراختیا پراخ ظرفیت لري. نوموړي د سوداګرۍ او اقتصادي ودې لپاره امنیت هم مهم بللی دی.

د نورستان ولایت په کامدېش ولسوالۍ کې له ډېورنډ فرضي کرښې څخه د شر او فساد، داعش او پاکستانیو ملېشو د ګډې ډلې را اوښتل او د هغوی نابودېدل دا حقیقت روښانه کړ، چې د افغانستان بهرني او داخلي دښمنان له هېڅ ډول جنایت او دسیسې څخه ډډه نه کوي. دغو شومو تحرکاتو وښودله چې شریر عناصر او د سیمې استخباراتي مهرې پر يوه شریر مېز یو ځای شوي دي، ترڅو اسلامي نظام، امن، ثبات او ځمکنۍ بشپړتیا وننګوي. #هندوکش‌غږ

د دفاع وزارت اعلامیه

قانع: د پاکستان بریدونو ته به داسې ځواب ورکړو چې عبرت شي د کورنیو چارو وزارت ویاند مفتي عبدالمتین قانع ویلي، چې د پاکستان وروستیو هوايي بریدونو ته به د افغانستان حکومت داسې ځواب ورکړي چې د پاکستان لپاره «درس عبرت» شي.

د امریکا پخواني دیپلومات زلمی خلیلزاد د پاکستان د لومړي وزیر شهباز شریف هغه څرګندوني تر پوښتني لاندي راوستي چي په ملګرو ملتونو کي یې د افغان ښځو د حقونو ملاتړ کړی دی. هغه د افغان کډوالو سره د پاکستان چلند او یو شمېر نورو مسایلو ته په اشارې ویلي چي د افغانانو د حقونو او هوسایني په اړه د پاکستان ادعاوي له حقیقت سره ډېري فاصله لري. هغه همداراز ادعا کړې چي شهباز شریف د بلوچستان او خیبر پښتونخوا په سیمو کي د ښځو د زنداني کېدو او جبري ورکېدو په ګډون د ترسره سویو کړنو د پټولو لپاره دا ډول څرګندوني کوي

نورستان کې د شر او فساد ډلو نيول شوي وسله‌وال د پاکستاني استخباراتو په لاس روزل شوي او افغانستان ته د راتلو لارښوونه ورته شوې هندوکش‌غږ ته د نورستان د نن ورځې د عملياتو په ترڅ کې، د شر او فساد ډلو د نيول شويو کسانو د لومړنيو تحقيقاتو يوه ويډيو رسېدلې چې دوی پکې د پاکستان په لاس د روزل کېدو اعتراف کوي. نيول شوي ټول کسان، چې يو شمېر یې د جمهوريت پر مهال په نظامي ليکو کې وو، وايي: چې له ايران او نورو هېوادونو پاکستان ته راغوښتل شوي او له روزنې وروسته افغانستان کې د ورانکارو فعاليتونو د ترسره کولو لارښوونه ورته شوې ده. #هندوکش‌غږ

🚨چي ونیول شي بیا نو هم غریب سي هم بي ګناه؟ نوریستان کامدیش کي نن نیول شوي.