💚حررى قلبك- أميرة عطية 💚

🪞 جسمك هو مرايتك🪞 لانه بيحكي قصتك الداخلية، لانه مخزن كل بصمات تجاربك ومشاعرك..... عايزاكي تتخيلي معايا انك واقفه قدام نفسك في المراية وشايفه جسمك.... ....شايفه كل مره رفضتيه فيها ؟ ....شايفه كل نظره رفض من الاخر ليكي ؟ شايفه قد ايه هو عار وبتحاولي تدارى فيه ؟ شايفه كل مره حزن او خاف او حس انه عبء وانتي مش متقبلاه ؟ كل مره خزن فيها صدمه، ولسه مشاعرها عايشه فيه لحد انهارده ؟ كل مره وهو بيصرخ من الالم بس انتي مسمعاه؟ مش سمعاه ....؟؟؟ لانك مشغوله بالواقع المادى اللي حواليكي، ومهما بعتلك رسايل بيلاقيكي باردو متجهلاه لانك ماتعودتيش تعرفي تفسرى رسايله. 👌الحقيقة الصادمه 👌 ان جسمك مش بينسي ابدااااااا المواقف ولا الذكريات 😱 جسمك بيخزن حتي النظره بيخزن الالم بيخزن كل حضن مأخدتهوش كل قبول ماحستيش بيه حب مكنش موجود..... كل احتياج كان محتاجه ومحدش لبي الاحتياج ده. جسمك مش بينسي التفاصيل ولا المواقف 😴 👌فالمرايه ديه محتاجه تنضف من كل اللي متخزنه فيها من سنين....

ابدئي من دلوقتي وصلحي علاقتك بجسمك لانه شريكك الاول او بمعني اصح هو شريكك الابدى والوحيد في رحلتك الارضية

فايترى شايفه علاقتكم ممكن تكون عامله ازاى؟ 💖 خدى نفس عميق وانوى انك تستشعرى جسمك وتكوني في حاله حضور معاه وطبطبي عليه واساليه... ايه اكثر جملة سلبيه بقولها لجسمي من وانا طفلة؟ وايه الجملة اللي محتاجه استبدلها بيها عشان ارجع ثقتي وحبي ليه؟ وانوى انك تكررى الجملة الايجابيه ديه كاتوكيد وانتي مصدقاها اوى واحضني جسمك بكل حب وامتني ليه لانه فعلا يستاهل الدعم والحب❤️ #رحلة_العودة_للجسد #حررى_قلبك_اميرة_عطية_عثمان