💚حررى قلبك- أميرة عطية 💚

الانسحاب أحيانًا... أقوى من ألف مواجهة.

أكبر خسارة خسرتها في حياتي... كانت كل مرة قررت أواجه فيها حد بتقصيره، أو غلطه، أو عيوبه .... وأنا متخيلة إنه هيفهم.

كنت بدخل المواجهة وأنا نفسي أصلح، أو أوضح، أو أحافظ على العلاقة... لكن في ناس، مهما شرحتلها، هتفضل شايفة نفسها صح، ومهما تعبتي عشان توصلي المعلومه، هتفضلي أنتي الغلطانه. استهلكت طاقة، وضيعت وقت، ووجعت قلبي... عشان اوصل وجه نظرى بس في الآخر اكتشفت إن مش كل الناس مستعدة تشوف نفسها ولا تعرف حقيقتها. بس اتعلمت درس عمري ما هنساه... إن البعد مش ضعف... والانسحاب مش هروب...أوقات بيكون أكبر قوة. وان في ناس مش عايزه تشوف الحقيقة والكلام معاها اكبر غلط وماتستحقش طاقتي ووقتي ولا نصيحتي. القوة إني احافظ على سلامي النفسي. إني مادخلش معارك مالهاش نهاية. إني أبطل حتي أحاول اغير حد مش عايز يتغير. ومن يومها...وانا 🫂كسبت نفسي 🫶وحافظت على طاقتي 👌وحطيت كل واحد في مكانه الصح... وبعامله على قد قدره في عيني، مش على قد طيبتي. لان مش كل الناس تستحق نفس المساحة... ولا نفس القرب... وأحيانًا، أجمل قرار ممكن تاخديه في حق نفسك... إنك تسيبي مسافة تحفظي بيها قلبك و تكسبي بيها نفسك..... لان اوقات كتييير بعض الود لا يصان الا بالبعد.👌👍 #حرري_قلبك_اميرة_عطية_عثمان